Published on MAPNews (https://www.mapnews.ma/am)

Accueil > ⴰⵙⵏⵜⵉ ⵏ ⵜⵎⵔⵙⵍⵜ ⵏⵏⴰ ⵉⵙⵎⵓⵏⵏ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵉ ⵓⵙⵙⵉⴷⴼ ⵏ ⵉⵄⵔⵔⵉⵎⵏ

ⴰⵙⵏⵜⵉ ⵏ ⵜⵎⵔⵙⵍⵜ ⵏⵏⴰ ⵉⵙⵎⵓⵏⵏ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵉ ⵓⵙⵙⵉⴷⴼ ⵏ ⵉⵄⵔⵔⵉⵎⵏ

12 ⵢⵓⵏⵢⵓ 2023 Version Imprimable
ⵕⵕⴱⴰⵟ -  ⵜⵜⵓⵙⵏⵜⴰ ⴰⵙⵙ ⴰⴷ ⵏ ⵡⴰⵢⵏⴰⵙ ⵜⵙⵙⵉⵅⴼⵜ ⵏ ⵓⵏⵎⴰⵍⵍⵓ ⵏ ⵜⵎⵔⵙⴰⵍ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵉ ⵜⵏⴰⴼⵓⵜ ⵏ ⵜⴰⵜⵜⵓⵢⵜ ⴷ ⵓⵙⵙⵉⴷⴼ ⵏ ⵉⵄⵔⵔⵉⵎⵏ ⴷ ⵜⵙⵏⵜⴰⵢⵉⵏ ⵏ ⵓⵙⵏⴼⵍⵓⵍ ⴳ ⵍⵎⵖⵔⵉⴱ .

ⴰⵡⵜⵜⴰⵙ ⵏ ⵓⵏⵎⴰⵍⵍⵓ ⴰⴷ ⵏ ⵜⵎⵔⵙⴰⵍ ⵏⵏⴰ ⵉⵙⵙⵏⵜⴰ ⵓⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ ⴷ ⵜⵎⵙⵇⴰⴷⵜ ⵏ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⴳ ⵍⵎⵖⵔⵉⴱ ⵎⴰⵙⵙⴰ ⴱⴰⵜⵔⵉⵙⵢⴰ ⵢⵓⵎⴱⴰⵔⵜ ⴽⵓⵙⴰⴽ, ⵙ ⵜⴷⵔⴰⵡⵜ ⵏ ⵉⵎⵙⵜⴳⴳⴰⵔⵏ ⵉⵎⵖⵔⵉⴱⵉⵏ ⴷ ⵓⵕⵓⴱⴱⵉⵏ ⵏⵏⴰ ⵉⴳⴰⵏ ⵉⵎⴷⵔⴰⵡⵏ ⴳ ⵜⵎⵔⵙⴰⵍ ⴰⴷ , ⴷ ⵓⵙⴷⴷⵉⴷ ⵏ ⵉⴳⵔ ⴰⵙⵍⴳⴰⵏ ⵏ ⵜⵎⵔⵙⴰⵍ ⴷ ⵓⵙⵙⵉⴷⴼ ⵏ ⵉⵄⵔⵔⵉⵎⵏ ⴷ ⵉⵙⵏⴼⴰⵕⵏ ⴷ ⵡⴰⵀⵉⵍ ⵏⵏⵙⵏ .

ⵉⴳⴰ ⵓⵙⵙⴷⵓⵙ ⵏ ⵜⵙⵏⵜⴰⵢⵉⵏ ⴷ ⵓⵙⵏⴼⵍⵓⵍ ⵏ ⵉⵄⵔⵔⵉⵎⵏ ⵢⴰⵏ ⵙⴳ ⵉⵡⵜⵜⴰⵙⵏ ⵉⴷⵙⵍⴰⵏⵏ ⵏ ⵜⵙⵏⵜⴰⵢⵜ ⴰⴷ .

ⵜⵉⵣⵉ ⵏ ⵜⵎⵔⵙⵍⵜ ⴰⴷ 12 ⵏ ⵡⴰⵢⵢⵓⵔ ( ⵙⴳ ⴱⵕⴰⵢⵕ ⵉⵣⵔⵉⵏ ⴰⵔ ⵏⵓⵡⴰⵏⴱⵉⵔ ⴷ ⵉⴷⴷⴰⵏ) ⵙ ⵓⵙⴼⵍⵙ ⵏ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵙ ⵡⴰⵜⵉⴳ ⵏ 1.1 ⵎⵍⵢⵓⵏ ⵓⵕⵓ, ( 11 ⵎⵍⵢⵓⵏ ⴷⵔⵀⵎ) ,ⴷⴷⵓ ⵜⵏⴰⵍⵉⵜ ⴷ ⵓⵏⴱⴱⵕ ⵏ ⵜⵎⵙⵙⵓⴳⵓⵔⵜ ⵏ ⵜⵙⵃⴹⴰⵡⵜ ⵜⴰⴱⵕⵕⴰⵏⵜ ⵏⵏⴰ ⵉⵡⴰⵍⴰⵏ ⵉ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵙⴷⵔⵉⵎ ⴷ ⵜⵎⵔⵙⵍⵜ ⵜⴰⵎⴰⴹⵍⴰⵏⵜ ⴷ ⵜⴰⵢⴱⵉⵔⵉⵜ ⵜⴰⵡⵕⵓⴱⴱⵉⵜ ⴷ ⵜⵙⵔⵜⵉⵜⵉⵏ ⵜⵉⵎⴰⵜⴰⵢⵉⵏ ⴳ ⵙⴱⴱⴰⵏⵢⴰ .

ⵙ ⵜⵎⵍⴷⴰ ⴰⴷ, ⵉⵏⵏⴰ ⵓⵎⴰⵡⵙⴰⵙ ⴱⵏⵙⵄⵉⴷ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵜⴳⴰ ⵙ ⵓⵙⴽⴽⵉⵔ ⵏ ⵜⵣⵎⵔⵜ ⴷ ⵓⵙⴽⴽⵉⵔ ⵏ ⵓⵎⵢⴰⵡⴰⴹ ⴳⵔ ⵜⵎⵔⵙⵍⵜ ⵏⵏⵖ ⴷ ⵓⵙⵙⴷⵓⵙ ⵏ ⵜⵉⵔⵎⵉⵜⵉⵏ ⴷ ⵓⵙⴽⴽⵉⵔ ⵏ ⵉⵙⵏⴼⴰⵔⵏ ⵏⵏⴰ ⵉⵍⵍⴰⵏ ⴳ ⵜⵏⴰⴼⵓⵜ ⴷ ⵉⵙⵙⵓⵜⵓⵔⵏ ⵏ ⵉⵄⵔⵔⵉⵎⵏ .

ⵍⵎⵖⵔⵉⴱ ⴷ ⵓⵔⵓⴱⴱⴰ ⴳⵔⴰⵙⵏ ⵜⵉⵣⴷⴰⵢⵉⵏ ⴷⵓⵙⵏⵉⵏ ⵏ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⴷ ⵓⵎⵢⴰⵡⴰⵙ ⴰⴼⴰⴷ ⴰⴷ ⴷⴰⵔⵙⵏ ⵢⵉⵍⵉ ⵢⴰⵏ ⵉⵎⴰⵍ ⵉⴷⵓⵙⵏ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⵄⵓⵔⵎⴰ .

ⵉⵣⴰⵢⴷ ⵎⴰⵙⵙ ⴱⵏⵙⵄⵉⴷ ⵉⵏ ⵏⴰ ⵎⴰⵙⴷ ⵉⵄⵔⵔⵉⵎⵏ ⴰⴷ ⵉⵙⵎⵓⵙⵙⵓⵏ ⵜⴰⵏⴼⵍⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰ ⵏ ⵡⴰⵎⵓⵏ ⵏⵏⵖ, ⴰⴼⴰⴷ ⴰⴷ ⵙⴽⵓⵏ ⵢⴰⵏ ⵡⴰⵎⵓⵏ ⵉⵎⵙⴰⵙⴰⵏ ⵉⵎⵢⴰⴷⴰⵙⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B5%8D%E2%B5%9C-%E2%B5%8F%E2%B5%8F%E2%B4%B0-%E2%B5%89%E2%B5%99%E2%B5%8E%E2%B5%93%E2%B5%8F%E2%B5%8F-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%A1%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C-%E2%B5%89-%E2%B5%93%E2%B5%99%E2%B5%99%E2%B5%89%E2%B4%B7%E2%B4%BC-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F