Published on MAPNews (https://www.mapnews.ma/am)

Accueil > ⵜⴰⵎⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵜ: ⴰⵣⵡⵍ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵜⴷⵉⴱⵍⵓⵎⴰⵙⵉⵢⵜ ⴷ ⵜⵏⴼⴳⴰⵏⵜ ⵏ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ (ⵎⴰⵙⵙ ⴱⵏⵙⵄⵉⴷ)

ⵜⴰⵎⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵜ: ⴰⵣⵡⵍ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵜⴷⵉⴱⵍⵓⵎⴰⵙⵉⵢⵜ ⴷ ⵜⵏⴼⴳⴰⵏⵜ ⵏ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ (ⵎⴰⵙⵙ ⴱⵏⵙⵄⵉⴷ)

20 ⵢⵓⵏⵢⵓ 2023 Version Imprimable
ⵕⵕⴱⴰⵟ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵙⴰⵡⴰⴹ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ ⴰⵙⵙ ⴰⴷ ⴰⵙⵉⵏⴰⵙ ⴳ ⵕⵕⴱⴰⵟ ⵎⴰⵙ ⴷ ⵜⴰⵎⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵜ ⵜⴳⴰ ⵙⴳ ⵜⵎⵏⵜⴰⵍ ⵜⵉⵎⵣⵡⵓⵔⴰ ⵏ ⵜⵙⵔⵜⵉⵜ ⵜⴰⵢⵎⵎⴰⵏⵜ ⵏ ⵜⴳⵍⴷⵉⵜ, ⴷ ⵓⵣⵡⵍ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵜⴷⵉⴱⵍⵓⵎⴰⵙⵉⵢⵜ, ⴰⵡⴷ ⵜⵉⵙⵏⵜⴰⵢ ⵜⵉⵏⴼⴳⴰⵏⵉⵏ ⵏ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵅⴼ ⵓⵙⵙⵖⵍⵉ ⵏ ⵉⵣⵔⴼⴰⵏ ⵏ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⴷ ⵜⴰⵔⴰⵢⵜ ⵏ ⵍⵇⵓⴷⵙ ⴷ ⵓⵙⴳⴰⴷⴷⵉ ⵏ ⵜⵎⴰⵜⴰⵔⵜ ⵏⵏⵙ ⵏ ⵓⵙⵖⴰⵏ ⴷ ⵡⴰⴷⴷⴰⴷ ⵏⵏⵙ ⴰⵙⵍⴳⴰⵏ ⴷ ⵜⵎⴰⴳⵉⵜ ⵏⵏⵙ ⵜⴰⵎⵣⵔⵓⵢⵜ ⴷ ⵜⴰⵖⵔⵎⴰⵏⵜ.

ⵎⴽ ⵍⵍⵉ ⵙ ⵉⵏⵏⴰ ⵎⴰⵙⵙ ⴱⵓⵙⵄⵉⴷ ⴳ ⵜⵙⵇⵇⵉⵎⵜ ⵏ ⵓⵏⵏⵓⵕⵥⵎ ⵏ ⵜⵉⵏⵏⴰⵡⵜ ⵜⴰⴳⵔⴰⵖⵍⴰⵏⵜ ⵅⴼ ⵜⵡⵓⵔⵉ ⵏ ⵓⵙⵏⵖⵎⵙ ⴳ ⵡⴰⵏⵏⴰⵍ ⵏ ⵜⵎⴰⴳⵉⵜ ⵜⴰⵖⵔⵎⴰⵏⵜ ⵏ ⵍⵇⵓⴷⵙ ⴰⴳⵔⵔⴰⵎ", ⵎⴰⵙ ⴷ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵢⵜ ⴳ ⴷⴷⴰⵡ ⵏ ⵎⴰⴷ ⵉⵍⵍⴰⵏ ⴳ ⵡⴰⴽⴰⵍ ⵏ ⴼⴰⵍⵉⵙⵟⵉⵏ ⵏ ⵉⵙⵏⴼⴰⵍ ⴷ ⵓⴱⵓⵖⵍⵓ, ⵜⵙⴷⴷⵉⴷ ⵅⴼ ⵓⵏⴰⵎⴽ ⴰⵏⴰⵎⵎⴰⵙ ⵏ ⵜⵎⵏⵜⵉⵍⵜ ⵜⴰⴼⴰⵍⴰⵚⵟⵉⵏⵉⵜ, ⴷ ⵡⴰⴷⴷⴰⴷ ⵏⵏⵙ ⴰⴷⵓⵙⴰⵏ.

ⵉⵏⵏⴰ ⴰⵡⴷ ⵎⴰⵙ ⴷ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ, ⵉⵙⵓⵍ ⴰⴱⴷⴰ ⴳ ⵡⴰⴷⴷⴰⴷⵏ ⵏⵏⵙ ⵅⴼ ⵜⴰⵔⴰⵢⵜ ⵏ ⵉⴷⵖⴰⵔⵏ ⵉⴳⵯⵔⵔⴰⵎⵏ, ⴷ ⵓⵃⵟⵟⵓ ⵏ ⵜⵎⴰⵜⴰⵔⵜ ⵏ ⵜⵎⴷⵉⵏⵜ ⵏⵏⴰ ⵉⴳⴰⵏ ⴰⴽⴰⵍ ⵏ ⵓⴼⵔⴰ ⴷ ⵜⵓⴷⵔⵜ ⵎⴽⴽ ⵍⵍⵉ ⵉⵍⵍⴰⵏ ⴳ ⵓⵖⵔⵉ ⵏ ⵍⵇⵓⴷⵙ ⵏⵏⴰ ⵉⵙⴳⵎⴹ ⴱⴰⴱ ⵏ ⵡⴰⴷⴷⵓⵔ ⴷ ⴱⴰⴱⴰ ⵍⴼⴰⵜⵉⴽⴰⵏ ⴳ ⵕⵕⴱⴰⵟ ⴰⵙⴳⴳⵯⴰⵙ ⵏ 2019.

ⵉⵙⴷⴷⵉⴷ ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉⵙⵔⵙ ⵜⴰⵎⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵜ ⴳ ⵓⵙⵡⵉⵔ ⵍⵍⵉ ⴳ ⵏⵏ ⵉⴳⴰ ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ, ⵎⴽ ⵍⵍⵉ ⵉⵜⵜⵉⵏⵉ ⴳ ⵉⵏⴰⵡⵏ ⵏⵏⵙ ⵉⵎⴰⵜⵜⴰⵢⵏ ⴷ ⵜⴱⵔⴰⵜⵉⵏ ⵜⵉⴳⵍⴷⴰⵏⵉⵏ ⴳ ⵉⵏⵎⵓⵇⵇⴰⵔⵏ ⵏⵏⴰ ⵉⵙⴽⴰⵔ ⴷ ⵉⵏⵙⵙⵉⵅⴼⵏ ⵏ ⵜⵓⴳⵜⵜ ⵏ ⵜⵎⵉⵣⴰⵔ, ⵎⴽ ⵍⵍⵉ ⵙ ⵉⵜⴱⴰⵢⴰⵏ ⵓⵙⵎⴽⵍ ⴰⴳⵍⴷⴰⵏ ⴳ ⵜⵡⵓⵔⵉ ⵏⵏⴰ ⵜⵙⴽⴰⵔ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵓⵥⵕⴼ ⵏ ⵍⵇⵓⴷⵙ ⴳ ⵡⴰⵏⵏⴰⵍ ⵏ ⵉⵎⵣⴷⴰⵖⵏ ⵏⵏⵙ ⴳ ⵉⵖⴰⵡⴰⵙⵏ ⵏⵏⵙ ⵏⵏⴰ ⵉⵡⴰⵍⴰⵏ ⵉⴳⵔⴰⵏ ⵏ ⵜⵓⴷⵔⵜ ⴰⴽⴽⵯ.

ⴹⴰⵕⵜ ⵏ ⵎⴰⴷ ⵉⵣⵎⴻⵎⵎ ⵓⵎⴰⵡⵙⴰⵙ ⵎⴰⵙ ⴷ ⵉⵙⵏⴼⴰⵍⵏ ⴷ ⵓⴱⵓⵖⵍⵓ ⵏⵏⴰ ⵜⵥⵕⴰ ⵜⵎⵏⵜⵉⵍⵜ ⵜⴰⴼⴰⵍⴰⵚⵟⵉⵏⵉⵜ, ⴳⴰⵏ ⵜⵉⵏⵎⵎⴰⵔ ⵎⵇⵇⵓⵔⵏ ⵏⵏⴰ ⵢⵓⵊⵊⴰⵏ ⴰⵏⵖⵎⵖ ⴳ ⵡⴰⵎⵎⴰⵙ ⵏ ⵉⵎⵏⵖⵉ ⴰⵣⵣⵓⵍⴰⵏ, ⵉⵙⴷⴷⵉⴷ ⵎⴰⵙ ⴷ ⵉⵇⵇⴰⵏ ⵅⴼ ⵓⵙⵏⵖⵎⵙ ⴰⴷ ⵉⵙⵙⵉⵡⴹ ⵜⴰⴱⵔⴰⵜ ⵏⵏⵙ ⵜⴰⵎⴰⵜⵜⴰⵢⵜ , ⵉⵙⴷⴷⵉⴷ ⴰⵡⴷ ⵎⴰⵙ ⴷ ⵜⴰⴳⵍⴷⵉⵜ ⴰⵔ ⵜⵜⴰⵏⵏⴰⵢ ⵜⴰⵎⵏⵜⵉⵍⵜ ⵏ ⵍⵇⵓⴷⵙ ⴰⴳⵯⵔⵔⴰⵎ ⵜⴳⴰ ⵢⴰⵜ ⵜⵎⵏⵜⵉⵍⵜ ⵏ ⵓⵙⵏⵖⵎⵙ, ⴷ ⵜⴳⴰ ⵢⴰⵜ ⵜⵖⴰⵡⵙⴰ ⵜⴰⵏⴼⴳⴰⵏⵉⵢⵜ ⵏⵏⴰ ⵉⵙⵇⵙⴰⵏ ⵅⴼ ⵜⵉⵏⴷⵉⵜⵉⵏ ⵏ ⵓⴼⵔⴰ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⴰⴳⵔⴰⵡⵜ ⵜⴰⴳⵔⴰⵖⵍⴰⵏⵜ

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%8F%E2%B5%9C%E2%B5%89%E2%B5%8D%E2%B5%9C-%E2%B5%9C%E2%B4%B0%E2%B4%BC%E2%B5%89%E2%B5%8D%E2%B5%89%E2%B5%99%E2%B5%9F%E2%B5%89%E2%B5%8F%E2%B5%89%E2%B5%9C-%E2%B4%B0%E2%B5%A3%E2%B5%A1%E2%B5%8D-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%9C%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F%E2%B5%9C-%E2%B4%B7-%E2%B5%9C%E2%B4%B7%E2%B5%89%E2%B4%B1%E2%B5%8D%E2%B5%93%E2%B5%8E%E2%B4%B0%E2%B5%99%E2%B5%89%E2%B5%A2%E2%B5%9C-%E2%B4%B7-%E2%B5%9C%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%99