Published on MAPNews (https://www.mapnews.ma/am)

Accueil > ⵜⴰⴱⵔⴰⵜⵜ ⵏ ⵜⵎⵏⵉⵍⵜ ⴷ ⵓⵙⵓⴼⵓ ⵖⵔ ⴱⴰⴱ ⵏ ⵡⵓⴷⴷⵓⵔ ⵙⴳ ⵜⵡⴰⵛⵓⵏⵜ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⵙ ⵓⵎⵡⴰⵊⴱ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⴰⵅⴰⵜⴰⵔ
  1. Accueil
  2. Activités royales

ⵜⴰⴱⵔⴰⵜⵜ ⵏ ⵜⵎⵏⵉⵍⵜ ⴷ ⵓⵙⵓⴼⵓ ⵖⵔ ⴱⴰⴱ ⵏ ⵡⵓⴷⴷⵓⵔ ⵙⴳ ⵜⵡⴰⵛⵓⵏⵜ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⵙ ⵓⵎⵡⴰⵊⴱ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⴰⵅⴰⵜⴰⵔ

31 ⵢⵓⵍⵢⵓⵣ 2023 Version Imprimable
ⵕⵕⴱⴰⵟ -  ⵜⵓⵣⵏ ⵜⵡⴰⵛⵓⵏⵜ ⵏ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⵢⴰⵜ ⵜⴱⵔⴰⵜ ⵏ ⵜⵎⵏⵉⵍⵜ ⴷ ⵓⵙⵓⴼⵓ ⵖⵔ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵖⴰⵔ ⴰⵏⴰⴼⵍⵍⴰⵢ ⴷ ⵓⵏⵙⵙⵉⵅⴼ ⵏ ⵉⵖⵎⵔⴰⵡⵏ ⵏ ⵢⵉⵎⵉⵖ ⴰⵎⴰⵜⵓ ⵉ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⵙ ⵓⵍⵡⴰⵊⴱ ⵏ ⵓⴽⵜⴰⵢ ⵡⵉⵙ 24 ⵓⵎⵉ ⵉⴷⵡⵍ ⵓⴳⵍⵍⵉⴷ ⵅⴼ ⵓⴷⴰⴱⵓ ⵏ ⵍⵊⴷⵓⴷ ⵏⵏⵙ.

ⵜⴰ ⵉⴳⴰⵏ ⴰⴹⵕⵉⵚ ⵏ ⵜⴱⵔⴰⵜⵜ:

"ⵏⵃⵎⴷ ⴰⵙ ⵉ ⵕⴱⴱⵉ, ⴷ ⵉⵣⵓⵍⴰ ⵅⴼ ⵎⵓⵍⴰⵜⵏⵖ ⴰⵔⵇⵇⴰⵙ ⵏ ⵔⴱⴱⵉ ⴷ ⵡⵉ ⵉⵍⵍⴰⵏ ⵏⵏⵙ ⴷ ⵉⵎⴷⴷⵓⴽⴰⵍ ⵏⵏⵙ,

ⵎⵓⵍⴰⵢ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ, ⴰⵎⵖⴰⵔ ⴰⵏⴰⴼⵍⵍⴰⵢ ⴷ ⵓⵏⵙⵙⵉⵅⴼ ⵏ ⵉⵖⵎⵔⴰⵡⵏ ⵏ ⵢⵉⵎⵉⵖ ⴰⵎⴰⵜⵓ ⵉ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ

ⵣⴳⴳⴰ ⵏⴳⴳⴰ ⵎⵉⵏ ⵅⴰⴼⵏⵖ ⵉⵍⵍⴰⵏ ⵉ ⵓⵔⴰⵇ ⴰⵏⴰⴼⵍⵍⴰ ⵙ ⵔⴱⴱⵉ ⴷ ⴰⴹⴰⵄⵉ ⴷ ⵓⵙⵓⴼⵓ, ⴳ ⵜⵓⵎⵔⵜ ⵏ ⵓⴳⴷⵓⴷ ⴰⵎⵖⵔⴰⴱⵉ ⵙ ⵜⴼⴰⵙⴽⴰ ⵏ ⵓⴷⴰⴱⵓ ⴰⵅⴰⵜⴰⵔ, ⵉ ⴷ ⵉⵜⵜⴰⵙⵏ ⴰⴽⴷ ⵓⴽⵜⴰⵢ ⵡⵉⵙ 24 ⵓⵎⵉ ⵜⵇⵇⵉⵎⵎ ⵅⴼ ⵓⴷⴰⴱⵓ ⵏ ⵍⵊⴷⵓⴷ ⵏⵏⵓⵏ ⵉⵎⵉⵎⴰⵏ, ⵎⴰⵏⵉ ⵉ ⵙ ⵉⵎⵖⵔ ⵡⵓⴷⴷⵓⵔ ⵉ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⵙ ⵎⵔⵔⴰ ⵉⴼⵔⴷⴰⵙ ⵏⵏⵙ ⵏ ⵡⴰⴽⴰⵍ ⴷ ⵜⵉⵏ ⵏ ⵓⴳⵏⵏⴰ ⴷ ⵜⴰⵢⵍⴰⵏⵜ ⴷ ⵉⵊⴰⴹⴰⵕⵎⵢⵏ ⵉⴳⵍⴷⴰⵏⵏ ⴰⴷ ⵜⵙⴳⵄⵄⴷ ⵖⵔ ⵓⴳⵍⵍⵉⴷ ⵏⵏⵖ ⴰⵅⴰⵜⴰⵔ ⴷ ⵓⵎⵖⴰⵔ ⵏⵏⵖ ⴰⵏⴰⴼⵍⵍⴰⵢ, ⴰⵙⵔⵖⵓⴷ ⵏⵏⵖ ⴷ ⵉⵙⵉⵜⴰⵎ ⵏⵏⵖ ⵉⴼⵓⵍⴽⵉⵏ, ⵏⵜⵜⴻⵜⵜⵔ ⵙⴳ ⵕⴱⴱⵉ ⴰⴷ ⴼⵍⵍⴰⵜⵓⵏ ⵉⴷⵓⵎ ⵜⵉⵣⵎⵎⴰⵔ ⴷ ⵍⵀⵏⴰ ⴷ ⵓⵍⴰ ⵅⴼ ⵜⴳⵍⴷⵉⵜ ⵏⵏⵓⵏ ⵜⴰⴳⵯⵔⵔⴰⵎⵜ ⵙ ⵜⵉⵣⵣⵉⴳⵣⵜ ⵖⵔ ⴷⴰⵜ.

ⵎⴰⵏⵉ ⵜⵙⵎⴰⵢⵏⴰ ⵜⴰⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⴳ ⵓⴽⵜⴰⵢ ⴰⴷ ⵉⵄⵣⵣⴰⵏ ⵓⴹⵓⴼ ⵏⵏⵙ ⴳ ⵡⴰⴱⵍⵉⵡⵏ ⵏ ⵓⴷⴰⴱⵓ ⴰⵄⴰⵍⴰⵡⵉ ⴰⵅⴰⵜⴰⵔ, ⵉⵇⵇⵏⵏ ⵙ ⵓⵙⵖⵓⵏ ⵏ ⵍⴱⵉⵄⴰ ⵉⵙⵎⴰⵢⵏⴰⵏ ⵖⵔ ⵎⵔⵔⴰ ⵉⴳⵎⴰⵎⵏ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⵏⵜⵜⴳⴳ ⵎⵔⵔⴰ ⵎⵉⵏ ⵖⵔ ⵏⵖ ⵉⵍⵍⴰⵏ ⵃⵎⴰ ⴰⴷ ⵏⵎⵣⵣⵖ ⵅⴼ ⵜⵎⵓⵔⵜ ⴷ ⵉⵙⴱⴷⴰⴷⵏ ⵏⵏⵙ ⵉ ⵢⵓⵄⵍⴰⵏ, ⵏⵙⵙⴼⴰⵡ ⵙ ⵉⵎⵏⴰⴷⵏ ⵏ ⵡⵓⴷⴷⵓⵔ ⵏⵏⵓⵏ ⵉⵇⴰⴷⵏ ⵉⴼⴰⵡⵏ ⵉⵜⵜⵅⵙⵏ ⴰⴷ ⵜⴰⵡⴹ ⵖⵔ ⵡⴰⵟⵟⴰⵚ ⵏ ⵜⵉⵣⵣⵉⴳⵣⵜ ⴷ ⵓⵙⵜⵔⵔⴻⵔ.

ⵎⵓⵍⴰⵢ ⴱⴰⴱ ⵏ ⵡⵓⴷⴷⵓⵔ

ⴰⵇⵇⴰ ⵉⵅⴷⴷⴰⵎⵏ ⵏ ⵡⵓⴷⴷⵓⵔ ⵏⵏⵓⵏ ⵉⴼⵙⵢⴰⵏⵏ ⴷ ⵉⴼⵙⴰⵢⵏⵏ ⴷ ⵜⴷⴰⵍⴰ ⴷ ⵉⵙⵔⴷⴰⵙ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ ⴷ ⵏⵉⵜⵏⵉ ⵙⴼⵓⴳⴳⵍⵓⵏ ⴷ ⵜⴼⵓⴳⵍⴰ ⴰⴷ ⵜⴰⵅⴰⵜⴰⵔⵜ, ⵇⵇⴰⵔⵏ ⵉ ⵡⵓⴷⴷⵓⵔ ⵏⵏⵓⵏ ⵅⴼ ⵓⵙⵏⵎⵎⵔ ⵏⵏⵙⵏ ⴰⵎⵇⵇⵔⴰⵏ ⴷ ⵓⵄⴼⴼⵔ ⵏⵏⵙⵏ ⵉ ⵢⵓⵍⵍⵖⵏ ⵙ ⵎⵉⵏ ⴷⴰⵙⵏ ⵜⵙⵙⵓⵏⵓⴹⵎ ⵏ ⵓⵃⵟⵟⵓ ⴷ ⵜⴰⵢⵏⵉⵜ ⵉ ⵜⵖⴰⵡⵙⵉⵡⵉⵏ ⵏⵏⵙⵏ ⵜⵉⵏⴰⵎⵓⵏⵉⵏ, ⵎⴰⵏⵉ ⵉ ⴷ ⵜⵜⴰⴳⵍⵏ ⵙⴳ ⵕⵕⴹⴰ ⵏ ⵡⵓⴷⴷⵓⵔ ⵏⵏⵙⵏ ⵜⵉⵢⴽⴰⵜⵉⵏ ⵏⵏⵙⵏ ⴷ ⵉⵎⵣⵍⴰⵏ ⵏⵏⵙⵏ ⵃⵎⴰ ⴰⴷ ⵎⵣⵣⵖⵏ ⵙ ⵜⵣⵎⵎⴰⵔ ⵏⵏⵙⵏ ⵎⵔⵔⴰ ⵅⴼ ⵉⵙⴱⴷⴰⴷⵜⵏ ⵏ ⵜⵎⴰⵣⵉⵔⵜ ⴷ ⵜⵎⵓⵏⵜ ⵏⵏⵙ ⵜⴰⴽⴰⵍⴰⵏⵜ.

ⴰⴷ ⴽⵏⵏⵉⵡ ⵉⵃⴼⴹ ⵕⴱⴱⵉ, ⴰⴷ ⴽⵏⵏⵉⵡ ⵉⵊⵊ ⴷ ⵍⵎⵔⴳⵃ ⵉ ⵓⴳⴷⵓⴷ ⵏⵏⵓⵏ ⵉⵎⵙⵓⴼⵓ, ⴰⴷ ⴰⵙ ⵜⴳⴳⵎ ⵉⵙⵉⵜⴰⵎ ⵏⵏⵙ ⴰⴷ ⴰⵙ ⵜⵚⴽⵓⵎ ⴰⵄⴼⴼⵕ ⵏⵏⵙ ⴷ ⵜⵏⵓⴽⴽⵔⴰ ⵏⵏⵙ, ⴰⴷ ⵉⴷⵓⵎ ⵕⴱⴱⵉ ⵜⴰⵔⵏⵏⴰⵡⵜ ⵏⵏⵓⵏ ⴷ ⵍⵄⵣⵣ ⵏⵏⵓⵏ, ⴰⴷ ⵉⴳⴳ ⵕⴱⴱⵉ ⴰⴳⵍⴷⵓⵏ ⴱⴰⴱ ⵏ ⵓⵜⵓⵢ ⴰⴳⵍⴷⴰⵏ ⵎⵓⵍⴰⵢ ⵍⵃⴰⵙⴰⵏ, ⴷ ⵍⴰⵍⵍ ⵏ ⵓⵜⵓⵢ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵉⵄⵣⵣⴰⵏ ⵍⴰⵍⵍⴰ ⵅⴰⴷⵉⵊⴰ, ⴰⴷ ⵉⴳⴳ ⵕⴱⴱⵉ ⵙⴳ ⴳⵯⵎⴰⵜⵓⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⴷⴰⵏ ⴰⴳⵍⴷⵓⵏ ⵎⵓⴰⵢ ⵕⵛⵉⴷ ⴷ ⵎⵔⵔⴰ ⵉⴳⵎⴰⵎⵏ ⵏ ⵜⵡⴰⵛⵓⵏⵜ ⵜⴰⴳⵍⴷⴰⵏⵜ, ⵉⵜⵜⵙⵍⴰ ⵉⵜⵜⵔⵔⴰ ⵅⴼ ⴷⴷⵓⵄⴰ.

ⴰⵣⵓⵍ ⵉ ⵓⵔⴰⵇ ⵏⵏⵓⵏ ⴰⵏⴰⴼⵍⵍⴰ ⵙ ⵕⴱⴱⵉ ⴷ ⵜⵎⴰⵍⵍⴰ ⵏⵏⵙ ⴷ ⵜⵏⵎⵎⵉⵔⵉⵏ ⵏⵏⵙ".

 

Dernière modification : 31 ⵢⵓⵍⵢⵓⵣ 2023
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%8F-%E2%B5%9C%E2%B5%8E%E2%B5%8F%E2%B5%89%E2%B5%8D%E2%B5%9C-%E2%B4%B7-%E2%B5%93%E2%B5%99%E2%B5%93%E2%B4%BC%E2%B5%93-%E2%B5%96%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B5%93%E2%B4%B7%E2%B4%B7%E2%B5%93%E2%B5%94-%E2%B5%99%E2%B4%B3-%E2%B5%9C%E2%B5%A1%E2%B4%B0%E2%B5%9B%E2%B5%93%E2%B5%8F%E2%B5%9C-%E2%B5%8F-%E2%B5%9C%E2%B4%B7%E2%B5%A1%E2%B4%B0%E2%B5%99-%E2%B5%9C%E2%B5%89%E2%B5%99%E2%B5%94%E2%B4%B7%E2%B4%B0%E2%B5%99%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B5%99