Published on MAPNews (https://www.mapnews.ma/am)

Accueil > ⵜⴰⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵏⵎⵓⵇⵇⴰⵔ ⵏ ⵓⵎⵣⵡⴰⴳ ⴳ ⵓⴳⴰⴷⵉⵔ ⵙⴳ 09 ⴰⵔ 13 ⵜⵖⵓⵛⵜ

ⵜⴰⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵏⵎⵓⵇⵇⴰⵔ ⵏ ⵓⵎⵣⵡⴰⴳ ⴳ ⵓⴳⴰⴷⵉⵔ ⵙⴳ 09 ⴰⵔ 13 ⵜⵖⵓⵛⵜ

03 ⵖⵓⵛⵜ 2023 Version Imprimable
ⴰⴳⴰⴷⵉⵔ - ⵜⴻⵜⵜⵡⴰⴳⴳ ⴳ ⵡⴰⵏⵣⴰ ⴳ ⵜⵎⴷⵉⵏⵜ ⵏ ⵓⴳⴰⴷⵉⵔ, ⴳⵔ 09 ⴰⵔ 13 ⵜⵖⵓⵛⵜ, ⵜⴰⵡⴰⵍⴰⵜ ⵜⵉⵙⵙ ⵙⵏⴰⵜ ⵏ ⵓⵏⵎⵓⵇⵇⴰⵔ ⵏ ⵓⵎⵣⵡⴰⴳ, ⴰⴷⵓ ⵜⵎⴰⵜⴰⵔⵜ : "ⴰⵙⴷⵡⵙ ⵏ ⵜⵏⴰⵎⵓⵔⵜ ⵏ ⵓⵎⵣⵡⴰⴳ, ⴰⵣⵔⴼ ⴷ ⵜⵉⵣⵣⵉⴳⵣⵜ ⴷ ⵓⵎⵏⵣⴰⵢ".

ⵉⵏⵏⴰ ⵓⵙⵉⵡⴹ ⵏ ⵜⵎⵙⵎⵓⵏⵜ ⵏ ⵡⴰⵏⵣⴰ ⵉ ⵓⵣⵡⴰⴳ ⴷ ⵜⵏⴼⵍⵉⵜ, ⵉⵍⴰ ⴰⵏⵎⵓⵇⵇⴰⵔ ⵏ ⵓⵎⵣⵡⴰⴳ ⴳ ⵜⵓⵏⵖⵉⵍⵜ ⵏⵏⵙ ⵜⵉⵙⵙ ⵙⵏⴰⵜ ⵉⵔⴰ ⴰⴷ ⵉⴹⵓⵕ ⵜⵉⵖⴰⵡⵙⵉⵡⵉⵏ ⵏⵏⴰ ⵉⵍⵍⴰⵏ ⴳ ⵜⴰⵢⵏⵉⵜ ⵏ ⵉⵎⵖⵔⴰⴱⵉⵢⵏ ⵏ ⵓⵎⴰⴹⴰⵍ ⵙ ⵓⵙⵙⵉⴷⴼ ⵏⵏⵙⵏⵜ ⴷ ⵓⴼⵙⴰⵔ ⵏⵏⵙⵏⵜ ⵅⴼ ⵓⵙⵡⵉⵏⴳⵎ ⴰⵎⴰⵜⵓ ⴷ ⵓⵎⵀⵔⵡⴰⴹ ⴼⵍⵍⴰⵙⵏⵜ ⴷ ⵓⵎⴳⴳⵏ ⴳ ⵉⴼⵙⵙⴰⵢⵏ ⵏⵏⵙⵏⵜ.

ⵣⵓⵏ ⴷ ⵜⴰⵡⴰⵍⴰⵜ ⵜⵉⵙⵙ ⵜⴰⵎⵣⵡⴰⵔⵓⵜ, ⴰⵇⵇⴰ ⴰⵏⵎⵓⴳⴳⴰⵔ ⴰⵙⴳⴳⵯⴰⵙ ⴰⴷ, ⴰⵎⴽ ⵉⵏⵏⴰ ⵓⵙⴰⴳⵎ, ⵉⵙⵙⵔⵙ ⵢⴰⵏ ⵓⵖⴰⵡⴰⵙ ⵉⵜⵜⵃⴰⴷⴰⵏ ⵎⵔⵔⴰ ⵉⴳⵔⴰⵏ ⵉⵎⴰⵙⵙⴰⵏⵏ ⵉⴽⴰⴷⵉⵎⵉⵢⵏ, ⵉⴷⵍⵙⴰⵏⵏ ⴷ ⵡⵉⵏ ⵏ ⵡⴰⵢⴷⴰ, ⴷ ⵉⵏⵜⵔⵓⴱⵓⵍⵓⵊⵉⵢⵏ ⵉⵙⵓⵙⵢⵓⵍⵓⵊⵉⵢⵏ, ⴷ ⵉⴼⵓⵍⴽⵍⵓⵔⵉⵢⵏ ⵉⴳⴷⵓⴷⴰⵏⵏ ⴷ ⵡⵉⵏ ⵜⵓⵏⵏⵓⵏⵜ ⴷ ⵜⵥⵓⵕⵉ ⴳ ⵜⵖⵓⵏⵉ ⵏⵏⵙⵏ ⴰⴽⴷ ⵓⵎⵣⵔⵓⵢ ⴰⵎⵖⵔⴰⴱⵉ.

ⵉⵙⵙⴼⴰⵡ ⴰⵖⵣⴷⵉⵙ ⴰⵎⵙⵙⵓⴷⵙ, ⵉⵍⴰ ⵜⵙⵙⵥⵍⵉ ⵉ ⵜⴰⵔⵡⴰ ⵏ ⵍⵅⴰⵔⵉⵊ, ⵢⴰⵜ ⵜⵣⴷⴷⵓⵖⵜ ⵏ ⵓⵏⴱⴷⵓ ⵎⴰⵏⵉ ⵣⵎⵎⵔⵏ ⴰⴷ ⵖⴱⴱⴰⵏ ⴰⵏⵣⵡⵉ ⵏ ⵓⵏⴱⴷⵓ ⵙ ⵢⴰⵏ ⵓⵖⴰⵡⴰⵙ ⵉⴼⵓⵍⴽⵉⵏ ⴳⵙ ⵉⵎⵓⵙⵙⵓⵜⵏ ⴷ ⵜⵙⴰⵡⵓⵔⵉⵏ ⵏ ⵜⵥⵓⵕⵉ ⴷ ⵉⴳⵟⵟⵓⵎⵏ ⵉⴷⵍⵙⴰⵏⵏ ⴷ ⵜⵎⵙⵙⴽⴰⵏⵉⵏ ⵏ ⵜⵓⵏⵏⵓⵏⵜ.

ⵢⵓⴷⴼ ⴳ ⵓⵖⴰⵡⴰⵙ ⵏ ⵓⵏⵎⵓⵇⵇⴰⵔ ⵏ ⵓⵎⵣⵡⴰⴳ ⴳ ⵜⵡⴰⵍⴰⵜ ⵏⵏⵙ ⵜⵉⵙⵙ ⵙⵏⴰⵜ, ⴰⵙⴱⴷⴷⵉ ⵏ ⴽⵔⴰ ⵏ ⵜⵇⵉⴹⴰⵏ ⵜⵉⵚⵃⵕⴰⵡⵉⵢⵉⵏ ⵙⵙⴰⵡⴰⵍⵏⵜ ⵅⴼ ⴽⵔⴰ ⵏ ⵉⵙⵏⵜⴰⵍ ⵏⵏⴰ ⵎⵉⵏ ⵅⴼ ⵙⵙⴰⵡⴰⵍⵏ ⵙ ⵛⴰ ⵏ ⵉⴳⴳⵉⵡⵔⵏ ⵏ ⵜⵡⴰⵛⵓⵏⵉⵏ, ⴰⵎⴽ ⵖⴰ ⴳⴳⵏ ⵛⴰ ⵏ ⵉⵎⵉⵥⴰⵕⵏ ⴷ ⵉⵎⵇⵇⵔⴰⵏⵏ ⴳ ⵓⴽⵓⵔⵏⵉⵛ ⵏ ⴰⵏⵣⴰ ⵃⵎⴰ ⴰⴷ ⵥⵕⵏ ⵉⵙⵓⵔⴰ ⴷ ⵛⴰ ⵜⵎⴷⴷⵉⵜⵉⵏ ⵏ ⵜⵥⵓⵕⵉ ⴳⵙ ⵉⴽⵯⵍⴰⵏ ⵉⵎⵙⴱⴹⴰⵏ ⵏ ⵡⴰⵢⴷⴰ ⵏ ⵉⵣⵍⴰⵏ ⴰⵎⵖⵔⴰⴱⵉ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B5%A3%E2%B5%A1%E2%B4%B0%E2%B4%B3-%E2%B4%B3-%E2%B5%93%E2%B4%B3%E2%B4%B0%E2%B4%B7%E2%B5%89%E2%B5%94-%E2%B5%99%E2%B4%B3-09-%E2%B4%B0%E2%B5%94-13-%E2%B5%9C%E2%B5%96%E2%B5%93%E2%B5%9B%E2%B5%9C