Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵢⵓⵣⵏ ⵢⴰⵜ ⵜⴱⵔⴰⵜ ⵏ ⵓⴼⵓⵙ ⵉ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵛⵛⴰⵢⵅ ⵎⵓⵃⴰⵎⵎⴰⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ ⴰⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵍⵄⴰⵕⴰⴱⵉⵢⴰ ⵉⵎⵓⵏⵏ. 

ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵢⵓⵣⵏ ⵢⴰⵜ ⵜⴱⵔⴰⵜ ⵏ ⵓⴼⵓⵙ ⵉ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵛⵛⴰⵢⵅ ⵎⵓⵃⴰⵎⵎⴰⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ ⴰⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵍⵄⴰⵕⴰⴱⵉⵢⴰ ⵉⵎⵓⵏⵏ. 

07 ⵖⵓⵛⵜ 2023 Version Imprimable
ⴰⴱⵓⴹⴰⴱⵢ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ , ⵜⴰⴱⵔⴰⵜ ⵏ ⵓⴼⵓⵙ ⵉ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵛⵛⴰⵢⵅ ⵎⵓⵃⴰⵎⵎⴰⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ ⴰⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵍⵄⴰⵕⴰⴱⵉⵢⴰ ⵉⵎⵓⵏⵏ.

ⵜⴱⴷⵔ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵏ ⵍⵉⵎⴰⵕⴰⵜ (ⵡⴰⵎ) ⵎⴰⵙ ⴷ ⵜⴰⴱⵔⴰⵜ ⴰⴷ ⵜⵣⴷⵉ ⵙ ⵜⵣⴷⴰⵢⵉⵏ ⵏ ⵜⴳⵎⴰⵜ ⴷ ⵜⴱⵔⵉⴷⵉⵏ ⵏ ⵓⵙⴷⵓⵙ ⵏⵏⵙ ⴷ ⵜⵣⵣⵉⴳⵣⵜ ⵏⵏⵙⵏⵜ ⵙ ⵢⵉⴷⵉⵔⵏ ⵉⴱⴰⵔⴰⵡⵏ ⵉⵙⴰⴷⵎⵔⵏ ⵉ ⵉⵎⵏⴰⴷⵏ ⵏ ⵜⵎⵉⵣⴰⵔ ⴰⴷ ⴷ ⵉⵎⴰⴷⴰⵏⵏ ⵏⵏⵙⵏⵜ ⵉⵙⵉⵎⵎⵉⵜⵏ ⵃⵎⴰ ⴰⴷ ⴹⴼⵕⵏ ⵜⵉⴳⵎⵉ ⴷ ⵜⵎⵔⵏⵉⵡⵜ.

ⵜⵙⵙⵉⵙⴼⵉⵡ ⵜⵙⵏⵓⵔⴰⵢⵜ ⵎⴰⵙ ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⴰⵢⵅ ⵎⵓⵃⴰⵎⵎⴰⴷ ⴱⵏ ⵣⴰⵢⴷⴰⵏ ⴰⵍ ⵏⴰⵀⵢⴰⵏ ⵢⵓⵎⵥ ⵜⴰⴱⵔⴰⵜ ⴹⴰⵕⵜ ⵏ ⵓⵙⵏⴱⴳⵉ ⵏⵏⵙ ⴳ ⴰⴱⵓⴹⴰⴱⵉ, ⵙⴳ ⴷⴰⵔ ⵎⴰⵙⵙ ⵏⴰⵚⵉⵕ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵏⵏⴰ ⵉⵙⵙⵍⴽⵎⵏ ⵉ ⴱⴰⴱ ⵏ ⵜⴰⵜⵜⵓⵢⵜ ⵏⵏⵙ ⴰⵣⵓⵍ ⵏ ⴳⵯⵎⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴷ ⵉⵙⵉⵔⵖⵓⴷⵏ ⵏⵏⵙ ⵉ ⵡⴰⵜⵜⵓⵢ ⵏⵏⵙ ⵜⴰⴷⵓⵙⵉ ⴷ ⵜⵓⵎⵔⵜ ⵉⵙⵓⵍⵏ, ⵓⵍⴰ ⵉ ⵓⵡⴰⵏⴽ ⵏ ⵍⵉⵎⴰⵕⴰⵜ ⴷ ⵓⵎⴰⴷⴰⵏ ⵏⵏⵙ ⵜⵓⴳⵜ ⵏ ⵜⵓⵍⵍⵓⵖⵜ ⴷ ⵓⴱⵓⵖⵍⵓ.

ⵜⵔⵏⵓ ⵎⴰⵙ ⴷ ⴰⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵍⵄⴰⵕⴰⴱⵉⵢⴰ ⵉⵎⵓⵏⵏ ⵢⵓⵙⵉ ⵉ ⵎⴰⵙⵙ ⴱⵓⵕⵉⵟⴰ ⴰⴷ ⵉⵙⵙⵍⴽⵎ ⴰⵣⵓⵍ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴷ ⵉⵙⵉⵔⵖⵓⴷⵏ ⵏⵏⵙ ⵣⴷⴷⵉⴳⵏⵉⵏ ⵉ ⵜⴳⵍⴷⵉⵜ ⴷ ⵓⵎⴰⴷⴰⵏ ⴰⵎⵖⵔⵉⴱⵉ ⵉⵙⵉⵎⵎⵉ ⵙ ⵜⵙⵓⵍⵜ ⵏ ⵜⵣⵣⵉⴳⵣⵜ ⴷ ⵜⵏⵓⵎⵉ.

ⴰⵢⵍⵍⵉ ⴷ ⵜⵉⵡⵉ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵏ ⵍⵉⵎⴰⵕⴰⵜ, ⵎⴰⵙ ⵉⵎⴹⴰⴽⴰⵕ ⴱⴰⴱ ⵏ ⵜⴰⵜⵜⵓⵢⵜ ⵛⵛⴰⵢⵅ ⵎⵓⵃⵎⵎⴰⴷ ⴱⵏ ⵣⴰⵢⴷⴰⵏ ⴰⵍ ⵏⴰⵀⵢⴰⵏ ⴰⴽⴷ ⵎⴰⵙⵙ ⵏⴰⵚⵉⵕ ⴱⵓⵕⵉⵟⴰ, ⴳ ⵓⵏⵎⵓⵇⵇⴰⵔ ⴰⴷ, ⵜⵉⴱⵔⵉⴷⵉⵏ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵜⵡⵓⵔⵉ ⵉⵛⵛⴰⵔⵏ ⴳ ⵢⵉⴳⵔⴰⵏ ⵉⵎⵏⵏⴰⵡⵏ, ⴳ ⵉⵍⵍⴰ ⵢⵉⴳⵔ ⵏ ⵜⵓⵏⵏⵓⵏⵜ ⴷ ⵜⵄⵄⵓⵔⵎⴰ, ⴷ ⵜⵣⵎⵎⴰⵔ ⵏ ⵓⵙⵏⵖⴰⵍ ⵏⵏⵙ ⵙ ⵢⵉⴳⵔⴰⵏ ⵉⵖⵣⵓⵔⴰⵏⵏ, ⵏⵏⴰ ⵔⴰⴷ ⵉⵙⵡⵓⵔⵉ ⵜⵓⴳⴳⴰⵙ ⵏ ⵓⵍⴽⴰⵎ ⵏ ⵜⴳⵎⵉ ⴷ ⵓⴱⵓⵖⵍⵓ ⴰⴷⵎⵙⴰⵏ ⴰⵙⵓⵍⴰⵏ ⵏ ⵜⵎⵉⵣⴰⵔ ⴰⴷ ⵜⵉⵙⵉⵎⵎⵉⵜⵉⵏ.

ⵎⴽⵍⵍⵉ ⵉⵙⴰⵡⵍ ⵓⵏⵎⵓⵇⵇⴰⵔ, ⵜⵔⵏⵓ ⵜⵙⵏⵓⵔⴰⵢⵜ, ⵅⴼ ⵉⵙⵎⴰⵔⵏ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵏ ⵓⵙⵏⴱⴳⵉ ⵏ ⵓⴱⵔⴰⴳⵔⴰⵡ ⵏ ⵉⴳⵎⴰⵎⵏ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⵉ ⵉⵎⵓⵏⵏ ⵜⴰⵙⴰⵜⵉⵜ ⵉⵣⴷⵉⵏ ⴷ ⵓⵙⴽⴽⵉⵏ ⵏ ⵓⵙⵏⴼⵍ ⴰⵏⵣⵡⴰⵏ (ⴽⵓⴱ 28).

ⵜⴱⴷⵔ ⵜⵙⵏⵓⵔⴰⵢⵜ ⵎⴰⵙ ⴷ ⴰⵏⵎⵓⵇⵇⴰⵔ ⵉⵜⵜⵓⵙⴽⴰⵔ ⵙ ⵜⵉⵍⵉⵜ ⵏ ⵛⵛⴰⵢⵅ ⵎⵓⵃⴰⵎⵎⴰⴷ ⴱⵏ ⵃⵎⴰⴷ ⴱⵏ ⵟⴰⵃⵏⵓⵏ ⴰⵍ ⵏⴰⵀⵢⴰⵏ, ⴰⵏⵙⴼⴰⵡ ⵏ ⵉⵙⴽⴽⵉⵏⵏ ⵉⵥⵍⵉⵏ ⵙ ⵓⴱⵔⵙⵉⵔⴰ ⵏ ⵜⵏⵙⵙⵉⵅⴼⵜ, ⴷ ⵎⴰⵙⵙ ⵅⴰⵍⵉⴼⴰ ⵛⴰⵀⵉⵏ ⵍⵎⴰⵔⴰⵔ, ⴰⵎⴰⵡⵙⴰⵙ ⵏ ⵓⵡⴰⵏⴽ, ⴳ ⵜⵙⴳⴰ ⵜⴰⵎⵖⵔⴰⴱⵉⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7-%E2%B5%A1%E2%B5%89%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B5%93%E2%B5%A3%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%8F-%E2%B5%93%E2%B4%BC%E2%B5%93%E2%B5%99-%E2%B5%89-%E2%B4%B3%E2%B5%AF%E2%B5%8E%E2%B4%B0%E2%B5%99-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9B%E2%B5%9B%E2%B4%B0%E2%B5%A2%E2%B5%85