Published on MAPNews (https://www.mapnews.ma/am)

Accueil > ⵜⴰⵙⵏⵓⵔⴰⵢⵜ ⵏ ⵏⵏⴰⵥⴰ ⵜⵙⵎⴰⵢⵏⵓ ⴰⵙⵓⴽⴰⵔ ⵏⵏⵙ ⵏ ⵍⴼⵉⵣⵉⴽ ⴷⴷⵓ ⵓⵜⵓⵢ ⵏ ⵓⵎⴰⵙⵙⴰⵏ ⴰⵎⵖⵔⵉⴱⵉ ⴽⴰⵎⴰⵍ ⵍⵡⴷⵖⵉⵔⵉ

ⵜⴰⵙⵏⵓⵔⴰⵢⵜ ⵏ ⵏⵏⴰⵥⴰ ⵜⵙⵎⴰⵢⵏⵓ ⴰⵙⵓⴽⴰⵔ ⵏⵏⵙ ⵏ ⵍⴼⵉⵣⵉⴽ ⴷⴷⵓ ⵓⵜⵓⵢ ⵏ ⵓⵎⴰⵙⵙⴰⵏ ⴰⵎⵖⵔⵉⴱⵉ ⴽⴰⵎⴰⵍ ⵍⵡⴷⵖⵉⵔⵉ

08 ⵖⵓⵛⵜ 2023 Version Imprimable
ⵡⴰⵛⵉⵏⵟⵓⵏ - ⵜⵏⵏⴰ ⵜⵙⵏⵓⵔⴰⵢⵜ ⵏⵏ ⵏⵏⴰⵥⴰ ⵜⴰⵎⵉⵔⵉⴽⴰⵏⵉⵜ ⵎⴰⵙ ⵜⵙⵙⵏⵜⵉ ⴳ ⵜⴳⵉⵔⴰ ⵢⴰⵜ ⵜⴰⵙⵙⴰⵢⵜ ⵏ ⵉⴳⴱⴱⴰ ⴳⵉⵙ ⵉⵎⴰⵙⵙⵏ ⵏ ⵓⵙⵎⴰⵢⵏⵓ ⵏ ⵓⵙⵓⴽⴰⵔ ⴰⵎⵣⵡⴰⵔⵓ ⵏ ⵍⴼⵉⵣⵉⴽ ⵏ ⵉⵍⴽⵎ ⴳ ⵉⴳⵏⵏⴰ ⵏ ⴽⵓⵍⴷⴰⵜⵓⵎ ⵍⴰⴱ ⴷⴷⵓ ⵏ ⵓⵜⵓⵢ ⵏ ⵓⵎⵖⵔⵉⴱⵉ ⴽⴰⵎⴰⵍ ⵍⵡⴷⵖⵉⵕⵉ .

ⴰⵔ ⵉⵙⵡⵡⵓⵔⵉ ⵓⵙⵓⴽⴰⵔ ⵏ ⴽⵓⵍⴷ ⴰⵜⵓⵎ ⵍⴰⴱ ⵙⴳ ⵡⴰⵏⵙⴰ ⵏ ⵜⵙⵔⵓⵙⵜ ⵏⵏⵙ ⵜⴰⵎⴰⴹⵍⴰⵏⵜ ⵙⴳ ⵢⵓⵍⵢⵓⵣ 2018 ⴰⵔ ⵉⵙⵙⵉⵚⵎⵉⴹ ⴷⴷⴰⵔⵔⴰⵜ ⴰⵔ ⴰⵎⵢⴰ, ⴰⵢⵏⵏⴰ ⵉⴳⴰⵏ ⵉⵣⴷⴰⵔ ⵏ 459 ⵏ ⵜⵙⴽⴼⵍⵜ ⵏ ⴼⵉⵀⵔⵏⵀⴰⵢⵜ ⵉⴳ ⴰⵏⵙⴰ ⵏⵏⴰ ⵉⵚⵎⵎⵉⴹⵏ ⵓⴳⴳⴰⵏ ⵏ ⵛⴰ ⵏ ⵡⴰⵏⵙⴰ ⵢⴰⴹⵏ ⴳ ⵓⵎⴰⴹⴰⵍ .

ⵉⵏⵏⴰ ⵎⴰⵙⵙ ⴽⴰⵎⴰⵍ ⵍⵡⴷⵖⵉⵕⵉ, ⵏⵏⴰ ⵉⴳⴰⵏ ⴰⵎⵙⵜⴳⴳⴰⵔ ⵅⴼ ⵓⵙⵏⴼⴰⵕ ⴰⴷ,ⴳ ⵢⴰⵏ ⵓⵙⵉⵡⴹ ⵏ ⵜⵙⵏⵓⵔⴰⵢⵜ ⵏ ⵏⵏⴰⵥⴰ ⵎⴰⵙ ⵉⵏⵏⵓⵔⵣ ⴰⴷ ⵉⴳ ⵓⵙⵓⴽⴰⵔ ⵏ ⴽⵓⵍⴷ ⴰⵜⵓⵎ ⵍⴰⴱ ⴰⵙⵏⵜⵉ ⵏ ⵜⵉⴷⵜ ⵏⵏⴰ ⴳ ⵔⴰⴷ ⵜⵜⵓⵙⵎⵔⴰⵙⵏ ⵉⵎⴰⵙⵙⵏ ⵙ ⵓⵏⵎⴰⵍⴰ ⴳ ⵉⴳⵏⵡⴰⵏ .

ⵉⵙⵎⴷ ⵓⵎⴰⵙⵙⴰⵏ ⴰⵎⵖⵔⵉⴱⵉ ⴰⵡⴰⵍ ⵏⵙⵏ , ⵎⴰⵙⴷ ⵉⵎⴰⵙⵙⵏ ⴰⴷ ⵖⵉⵏ ⴰⴷ ⵜⵜⵓⵙⴱⵓⵖⵍⵓⵏ ⴳ ⵉⴳⵏⵡⴰⵏ, ⴰⴼⴰⴷ ⴰⴷ ⵜⴳ ⵜⵙⵔⵓⵙⵜ ⴰⴷ ⴰⵙⵏⵜⵉ ⵏ ⵜⵎⴰⵙⴰⵢⵜ ⵏ ⵉⴳⵏⵏⴰ ⵏⵏⴰ ⵔⴰⴷ ⵉⵙⵡⵡⵓⵔⵉ ⴳ ⵉⵎⴰⵍ .

ⵉⵙⴱⵓⵖⵍⴰ ⵡⴰⵢⴷⴰ ⵏ ⵍⴼⵉⵣⵉⴽ ⵏ ⵉⵍⴽⵎ ⵜⵉⵜⵉⵇⵏⵉⵢⵢⵉⵏ ⵣⵓⴷ ⵍⵍⴰⵢⵥⵕ ⴷ ⵜⵜⵔⴰⵏⵣⵙⵜⵡⴰⵔⴰⵜ ⵏⵏⴰ ⵉⴳⴰⵏ ⴰⴼⵔⴹⵉⵚ ⴰⴷⵙⵍⴰⵏ ⵏ ⵜⵜⵉⵍⵉⴼⵓⵏⴰⵜ ⵉⵎⵉⵖⵉⵙⵏ ⴷ ⵉⵙⵍⴽⵉⵎⵏ, ⴷ ⵍⴰⵇⵎⴰⵕ ⵉⵎⴳⵓⵔⴰⵢ ⴷ ⵉⵏⵎⴰⵍⵍⵓⵜⵏ ⵏ ⵉⴳⵏⵏⴰ ⵊⵉ ⴱⵉ ⵉⵙ ⴷ ⵉⵎⴰⵙⵙⵏ ⵏ ⵜⴷⵓⵙⵉ .

ⵔⴰⴷ ⵢⴰⵡⵙ ⵓⵏⵎⴰⵍⵍⵓ ⴰⴷ ⴳ ⵉⵎⴰⵍ ⵏ ⵓⵙⴱⵓⵖⵍⵓ ⵏ ⵉⵎⵢⴰⵡⴰⴹⵏ ⵏ ⵉⴳⵏⵏⴰ .

ⵉⵏⵏⴰ ⵊⵉⵙⵓⵏ ⵡⵉⵍⵢⴰⵎⵥ, ⴰⵎⴰⵙⵙⴰⵏ ⴳ ⵓⵙⵏⴼⴰⵕ ⵏ ⵓⵙⵓⴽⴰⵔ ⵏ ⴽⵓⵍⴷ ⴰⵜⵓⵎ ⵍⴰⴱ ⵏ ⵓⵙⵏⵓⵔⴰⵢⵜ ⵏ ⵏⵏⴰⵥⴰ ⵎⴰⵙⵜ ⵜⵉⵔⵎⵉⵜⵉⵏ ⵏⵏⴰ ⵙⴽⴰⵔⵏ ⴳ ⵓⵙⵓⴽⴰⵔ ⴰⴷ ⴰⵔ ⵜⵏ ⵜⵜⴰⵊⵊⴰ ⴰⴼⴰⴷ ⴰⴷ ⵙⵖⴰⵍⵏ ⴰⵎⵎⴰⵥ ⵏ ⵜⵖⴰⵡⵙⵉⵡⵉⵏ ⵉⴼⵙⵙⵓⵙⵏ ⵙ ⵢⴰⵜ ⵜⵖⴰⵔⴰⵙⵜ ⵜⴰⵎⴰⵢⵏⵓⵜ 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%8F%E2%B5%8F%E2%B4%B0%E2%B5%A5%E2%B4%B0-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B0%E2%B5%99%E2%B5%93%E2%B4%BD%E2%B4%B0%E2%B5%94-%E2%B5%8F%E2%B5%8F%E2%B5%99-%E2%B5%8F-%E2%B5%8D%E2%B4%BC%E2%B5%89%E2%B5%A3%E2%B5%89%E2%B4%BD-%E2%B4%B7%E2%B4%B7%E2%B5%93-%E2%B5%93%E2%B5%9C%E2%B5%93%E2%B5%A2-%E2%B5%8F-%E2%B5%93%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%8F-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%BD%E2%B4%B0%E2%B5%8E%E2%B4%B0%E2%B5%8D