ⵜⴰⵇⴱⴱⵓⵛⵜ ⵏ ⵓⵎⴰⴹⴰⵍ ⵏ ⵜⵓⵜⵎⵉⵏ 2023 ⴰⵙⵏⵓⴱⴳ ⵉⴷⵓⵙⵏ ⵏ ⵜⵉⵣⵎⴰⵡⵉⵏ ⵏ ⵡⴰⵟⵍⴰⵙ ⴷⴼⴼⵉⵔ ⵏ ⵓⴷⵔⴰⵡ ⵏⵏⵙⵏⵜ ⵉⴷⵓⵙⵏⴳ ⵜⵏⴳⵉⵔⴰ

10 ⵖⵓⵛⵜ 2023 Version Imprimable

ⵜⵉⴳⵎⵎⵉ ⵜⵓⵎⵍⵉⵍⵜ - ⵉⵣⵍⵉ ⵓⴳⴷⵓⴷ ⴰⵎⵖⵔⵉⴱⵉ ⵢⴰⵏ ⵓⵙⵏⵓⴱⴳ ⵉⴷⵓⵙⵏ ⵉ ⵜⵔⴰⴱⴱⵓⵜ ⵏ ⵜⵡⵊⵊⴰ ⵏ ⵓⴹⴰⵔ ⵏ ⵜⵓⵜⵎⵉⵏ ⵏⵏⴰ ⴷ ⵉⵍⴽⵎⵏ ⴳ ⵡⴰⵙⵙ ⵏ ⵓⴽⵡⴰⵙ ⵙ ⵓⵣⴰⴳⵣ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵍⵍⵉⵖ ⴷ ⴷⴷⴰⵏⵜ ⵙⴳ ⵓⵙⵜⵕⴰⵍⵢⴰ ⴷⴼⴼⵉⵔ ⵏ ⵓⴷⵔⴰⵡ ⵏⵏⵙⵏⵜ ⵉⴷⵓⵙⵏ ⴳ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵏ ⵜⵓⵜⵎⵉⵏ ⵓⵙⵜⵕⴰⵍⵢⴰ ⵏⵢⵓⵣⵉⵍⴰⵏⴹⴰ 2023 .

ⵙⵙⵎⵖⵕⵏ ⵉⵎⵖⵔⵉⴱⵉⵏ ⴰⴽⴽⵯ ⵏⵏⴰ ⵏⵏ ⵉⵃⴰⴹⵕⵏ ⴳ ⵓⵣⴰⴳⵣ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵜⵉⵣⵎⴰⵡⵉⵏ ⵏ ⵡⴰⵟⵍⴰⵙ ⴷⴼⴼⵉⵔ ⵏ ⵓⵙⵡⵉⵔ ⵉⴷⵓⵙⵏ ⵏⵏⴰ ⵙⴽⵔⵏⵜ ⴳ ⵜⴱⵔⵣⴰ ⴰⴷ .

ⴷⴷⴰⵏ ⴽⵉⴳⴰⵏ ⵏ ⵉⵡⴷⴰⵏ ⵜⴰⵣⵣⴰⵏⵉⵏ ⵜⵓⵜⵎⵉⵏ ⵉⵡⵙⵙⴰⵔⵏ ⴰⴼⴰⴷ ⴰⴷ ⵙⵙⵎⵖⵕⵏ ⵙ ⵜⵣⵎⴰⵡⵉⵏ ⵏ ⵡⴰⵟⵍⴰⵙ ⴷⴼⴼⵉⵔ ⵍⵍⵉⵖ ⵓⵍⵉⵏⵜ ⵙ ⵜⵜⵓⵎⵓⵏ ⵏ ⵜⵏⴳⵉⵔⴰ ⵏ ⵜⴱⵓⵛⵜ ⵏ ⵓⵎⴰⴹⴰⵍ ⵏ ⵜⵓⵜⵎⵉⵏ ⴳ ⵜⵓⵏⵏⵓⵏⵜ ⵏ ⵜⵡⵊⵊⴰ ⵏ ⵓⴹⴰⵕ .

ⵙⵏⵓⴱⴳⵏ ⵡⵉⵏⵏⴰ ⵏⵏ ⴷⴷⴰⵏⵉⵏ ⴰⴼⴰⴷ ⴰⴷ ⵙⵡⵍⵍⴼⵏ ⴷ ⵜⵏⴱⵔⴰⵣⵉⵏ ⵙ ⴽⵉⴳⴰⵏ ⵏ ⵜⵓⵎⵔⵜ ⴷ ⵜⵏⵎⵓⵔⵉ ⵏⵏⴰ ⵙ ⵜⵜⵓⵙⵙⴰⵏⵏ ⵉⵎⵖⵔⵉⴱⵉⵏ ⴰⴽⴽⵯ .

ⵉⵃⴰⴹⵔ ⴳ ⵓⵙⵏⵓⴱⴳ ⴰⴷ ⴰⵡⴷ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏⵓⴹⴰⵔ ⵎⴰⵙⵙ ⴼⴰⵡⵣⵉ ⵍⵇⵊⵄ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⵙⴷⴰⵡⵉⵜ .

ⵢⵓⵍⵉ ⵍⵎⵖⵔⵉⴱ ⵏⵏⴰ ⵉⴳⴰⵏ ⵜⴰⵎⴰⵣⵉⵔⵜ ⵜⴰⴼⵔⵉⵇⵉⵜ ⴳ ⵜⵏⴱⵔⴰⵣⵜ ⴰⴷ ⵙ ⵜⵜⵓⵎⵓⵏ ⵏ ⵜⵏⴳⵉⵔⴰ ⵎⵏⵉⴷ ⵏ ⵜⵔⵓⴱⴱⴰ ⵉⴷⵓⵙⵏ ⵏ ⵓⵎⴰⴹⴰⵍ ⴰⴽⴽ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%87%E2%B4%B1%E2%B4%B1%E2%B5%93%E2%B5%9B%E2%B5%9C-%E2%B5%8F-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B5%8F-%E2%B5%9C%E2%B5%93%E2%B5%9C%E2%B5%8E%E2%B5%89%E2%B5%8F-2023-%E2%B4%B0%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%89%E2%B4%B7%E2%B5%93%E2%B5%99%E2%B5%8F-%E2%B5%8F-%E2%B5%9C%E2%B5%89%E2%B5%A3%E2%B5%8E%E2%B4%B0%E2%B5%A1%E2%B5%89%E2%B5%8F-%E2%B5%8F-%E2%B5%A1%E2%B4%B0%E2%B5%9F%E2%B5%8D%E2%B4%B0%E2%B5%99-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F-%E2%B5%93%E2%B4%B7%E2%B5%94%E2%B4%B0%E2%B5%A1