ⴳ ⵓⵙⴰⵜⵉ ⵏ ⵓⵙⵏⵓⴱⴳ ⵏⵏⴰ ⵉⵜⵜⵓⴳⴰⵏ ⵉ ⵓⵏⵙⵙⵉⵅⴼ ⵏ ⵍⴱⴱⴰⵕⴰⴳⵡⴰⵢ ⵙⴳ ⴷⴰⵔ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰⵏⵏⴰ ⵉⵍⵍⴰⵏ ⴳ ⵓⴷⵖⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵙ ⴳ ⵜⴼⵓⴳⵍⴰ ⵏ ⵓⵙⵔⵓⵙ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵍⴱⴱⴰⵕⴰⴳⵡⴰⵢ ⴳ ⵜⵎⴰⵥⵓⵏⵜ ⵏ ⴰⵙⴰⵏⵙⵢⵓⵏ ⵙ ⵓⴼⵔⴰⵡ ⵏ ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵏ ⵜⵎⵓⵔⴰ ⵏⵏⴰ ⵢⴰⵣⴹⵏ ⴷ ⵓⵎⴰⴹⴰⵍ ⴷ ⵉⴷⵡⴰⵍⵏ ⵏ 90 ⵏ ⵓⵡⴰⵏⴽ .
ⵙ ⵜⵎⵍⴷⴰ ⴰⴷ, ⵉⵏⵏⴰ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵍⴱⴱⴰⵕⴰⴳⵡⴰⵢ ⵎⴰⵙⴷ ⵜⴰⵎⴰⵣⵉⵔⵜ ⵏⵏⵙ ⵜⵛⵛⴰⵔ ⴷ ⵍⵎⵖⵔⵉⴱ ⴷ ⵜⵎⵓⵔⴰ ⵏ ⵉⴼⵔⵉⵇⵢⴰ ⵢⴰⵜ ⵜⴰⵏⵏⴰⵢⵜ ⵎⴰⵙ ⵉⴳⴰ ⵍⵎⵖⵔⵉⴱ ⵢⴰⵜ ⵜⴰⴱⴱⵓⵔⵜ ⵉⵏⵏⵓⵕⵥⵎⵏ ⵉ ⵉⴼⵔⵉⵇⵢⴰ ⴷ ⵍⵎⵖⵔⵉⴱ ⴰⵎⵇⵔⴰⵏ, ⴷ ⵉⵙⴰⵡⵍ ⴰⵡⴷ ⵅⴼ ⵜⵉⵍⴰⵍ ⵜⵉⵎⵇⵔⴰⵏⵉⵏ ⵏ ⵍⵎⵖⵔⵉⴱ ⴳ ⵜⵏⴼⵍⵉⵜ ⴰⴽⴽⵯ ⵏ ⵉⴼⴼⵓⵙ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵍⵎⵖⵔⵉⴱⴳ ⵓⵙⴰⵜⵉ ⵏ ⵜⵣⴷⴰⵢⵉⵏ ⵏ ⵉⴼⴼⵓⵙ -ⵉⴼⴼⵓⵙ ⴰⴼⴰⴷ ⴰⴷ ⵜⵉⵍⵉ ⵢⴰⵜ ⵜⵏⴼⵍⵉⵜ ⵉⴷⵓⵙⵏ .
ⴳ ⵢⴰⵏ ⵓⵅⴼⴰⵡⴰⵍ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵉⵏⵏⴰ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⴷ ⴰⵏⵎⵓⴳⴳⴰⵔ ⵏⵏⵙ ⴷ ⵓⵏⵙⵙⵉⵅⴼ ⵏ ⵍⴱⴱⴰⵕⴰⴳⵡⴰⵢ ⴳ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵅⴼ ⵜⵣⴷⴰⵢⵉⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ ⴷ ⵜⵉⵍⴰⵍ ⵏⵏⴰ ⵉⵍⵍⴰⵏ ⴷⴰⵔ ⵍⴱⴱⴰⵕⴰⴳⵡⴰⵢ ⵏⵏⴰ ⵢⵓⵙⵉⵏ ⴰⵎⴷⵢⴰ ⴳ ⵜⴷⵉⵎⵓⵇⵔⴰⵜⵉⵜ ⵏ ⵍⵎⵖⵔⵉⴱ, ⴰⴼⴰⴷ ⴰⴷ ⵉⵍⵉⵏ ⵉⵙⵜⴰⵢⵏ ⴷ ⵉⴷⴷⴰⵏ ⵏⵏⴰ ⵔⴰⴷ ⵉⵙⴽⵔ ⵢⴰⵏ ⵓⵏⴼⴰⵍ ⴰⵎⴷⵢⴰⵏ ⵏ ⵜⵏⴼⵍⵉⵜ .
ⵉⵏⵏⴰ ⵎⴰⵙⵙ ⵍⵄⴰⵍⴰⵎⵉ ⵎⴰⵙⴷ ⵍⵎⵖⵔⵉⴱ ⵉⵜⵜⵓⵙⵖⵥⵏ ⵉⴳ ⵢⴰⵜ ⵜⵎⴰⵣⵉⵔⵜ ⵉⵎⵙⴰⵙⴰⵏ ⴳ ⵜⵍⵍⴰ ⵜⴷⵉⵎⵓⵇⵔⴰⵟⵉⵜ ⴷ ⵉⵜⴳⴰⵔⵏ ⵉⵏⴰⵎⵓⵏⵏ ⴷ ⵡⵉⵏ ⵜⴷⵎⵙⴰ, ⵎⵇⵇⴰⵔ ⵉⵍⵍⴰ ⴳ ⵢⴰⵏ ⵡⴰⵏⵙⴰ ⵉⵏⵅⴰⴱⴱⴰⵍⵏ ⵙⴳ ⵓⵙⴳⴳⵯⴰⵙ ⵏ 2000 ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵎⴰⴷ ⵉⵜⵜⴳⴳⴰⵏ 50 ⵏ ⵓⵔⵣⴰⴼ ⵙ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵉⵙⵙⴳⵎⴹ 1500 ⵏ ⵜⵎⵢⴰⵇⴰⵏⵜ ⵏ ⵓⵎⵢⴰⵡⴰⵙ .
ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⴷⴰⵔⵙ ⵢⴰⵜ ⵜⵔⴰⵜⵙⴰ ⵏ ⵉⴱⴰⵏⴽⵏ ⵜⴰⵎⵇⵔⴰⵏⵜ ⴳ ⵉⴼⵔⵉⵇⵢⴰ ⴷ ⵜⴷⵔⴰⵡⵉⵏ ⵏ ⵓⵙⴼⵍⵙ ⴷ ⵓⵎⵢⴰⵡⴰⴹ ⴷ ⵡⴰⵙⵙⴰⵢ ⵏ ⵉⴳⵏⵏⴰ ⵏⵏⴰ ⵉⵜⵜⵎⵓⵙⵙⵓⵏ ⴳ ⴽⵉⴳⴰⵏ ⵏ ⵜⵎⵉⵣⵔⴰ ⵏ ⵉⴼⵔⵉⵇⵢⴰ ;
ⵙ ⵜⵎⵍⴷ ⴰⴷ ⵏⵉⵜ, ⵉⴱⴷⵔ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⴷ ⵉⵙⵏⴼⴰⵕⵏ ⵉⵎⵇⵔⴰⵏⵏ ⵏⵏⴰ ⴳ ⵉⵍⵜⵜⵖ ⵍⵎⵖⵔⵉⴱ ⴳ ⵓⵙⵡⵉⵔ ⴰⴼⵔⵉⵇⵉⵙⴳ ⴳⵉⵙⵏ ⴰⵙⵏⴼⴰⵔ ⵏ ⵓⵇⵇⴰⴷⵓⵙ ⵏ ⵍⴳⴰⵣ ⴳⵔ ⵍⵎⵖⵔⵉⴱ ⴷ ⵏⵉⵊⵉⵔⵢⴰ ⵉⴳⴰ ⵢⴰⵏ ⵓⵙⵏⴼⴰⵔ ⴰⵎⵇⵔⴰⵏ ⵏⵏⴰ ⵉⵙⴽⴰⵔⵏ ⵜⴰⵡⵡⵓⵔⵉ ⴷ ⵜⵏⴰⴼⵓⵜⵉⵏ ⵉ 13 ⵏ ⵓⵡⴰⵏⴽ .
ⵉⵏⵏⴰ ⴰⵡⴷ ⵎⴰⵙⴷ ⵍⵎⵖⵔⵉⴱ ⵉⵙⴽⵔ ⵙⵉⵏ ⵉⵙⵓⴽⴰⵔ ⵏ ⵜⵎⵜⵜⵉⵡⵉⵏ ⵏ ⵓⵙⴷⵓⵙ ⴰⴽⵔⵣⴰⵏ ⴳ ⵉⵜⵢⵓⴱⵢⴰ ⴷ ⵏⵉⵊⵉⵔⵢⴰ ⴰⴼⴰⴷ ⴰⴷ ⵢⴰⵡⵙ ⴳ ⵜⵏⴼⵔⵓⵜ ⵏ ⵓⵙⴰⴷⵓⵔ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ .
ⵉⵙⵎⴷ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⵎⴰⵙⴷ ⵉⵎⴰⵍ ⵏ ⵓⵎⴰⴹⴰⵍ ⵉⵍⵍⴰ ⴳ ⵉⴼⴼⵓⵙ ⴷ ⵎⵉⵔⵉⴽⴰⵏ ⵜⴰⵍⴰⵜⵉⵏⵉⵢⵢⵜ ⴷ ⵜⵎⵓⵔⴰ ⵏ ⵉⴼⴼⵓⵙ ⵏ ⴰⵙⵢⴰ ⵉⵍⵍⴰ ⵢⴰⵏ ⵓⵎⴰⴹⴰⵍ ⴰⵎⴰⵢⵏⵓ ⵏⵏⴰ ⵉⵜⵜⵓⵙⴽⴰⵔⵏ ⵙ ⵉⵎⴰⵍ, ⵉⵏⵏⵓⵔⵣ ⵍⵎⵖⵔⵉⴱ ⵎⵏⵉⴷ ⵏ ⵍⴱⴱⴰⵕⴰⴳⵡⴰⵢ ⴰⴼⴰⴷ ⴰⴷ ⴳⵉⵏ ⵉⴳⵎⴰⵎⵏ ⵉⵏⵎⵎⴰⵙⵙⵓⵜⵏ ⵙⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏⵏⵙⵏ ⵏⵏⴰ ⵉⵙⵎⵎⵣⴷⵉⵏ ⴳⵔ ⵕⵕⴱⴰⵟ ⴷ ⴰⵙⵓⵏⵢⵓⵙ .