ⴳ ⵢⴰⵏ ⵓⵙⵉⵡⴹ ⵏⵏⴰ ⵅⴼ ⵉⵍⵍⴰ ⵓⵎⵙⴰⵙⴰ, ⴰⵙⵙ ⵏ ⵓⴽⵕⴰⵙ ⴳ ⵏⵢⵓ ⵢⵓⵕⴽ, ⵏⵏⴰⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏⵏⴰ ⴳⴰⵏⵉⵏ 15 ⵎⴰⵙ ⴼⴽⴰⵏ ⴰⴷⴷⵓⵔ ⵉ ⵍⵎⵖⵔⵉⴱ ⵍⵍⵉⵖ ⵉⵙⵏⵓⴱⴳ ⵜⴰⵢⵎⵓⵏⵜ 6+6 ⴳ ⴱⵓⵣⵏⵉⵇⴰ ⴳⵔ 22 ⵎⴰⵢ ⴰⵔ 6 ⵢⵓⵏⵢⵓ 2023.

ⵉⴳⴰ ⵡⴰⴷⴷⵓⵔ ⴰⴷ ⵏⵏⴰ ⴷ ⵉⴼⴼⴰⵖⵏ ⵙⴳ ⴷⴰⵔ ⵉⵎⵙⵜⴳⴳⴰⵔⵏ ⵏ ⵜⵎⵜⵜⴰ ⵉⵎⵓⵏⵏ ⵢⴰⵏ ⵓⵙⵖⵣⵏ ⵉⴷⵓⵙⵏ ⵏⵏⴰ ⵖ ⵓⵔ ⵜⵍⵍⵉ ⵜⵓⵔⴷⴰ ⵅⴼ ⵜⵣⵎⵎⴰⵔ ⵏⵏⴰ ⵏⵏ ⵉⵜⵜⴳⴳⴰ ⵍⵎⵖⵔⵉⴱ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵅⴼ ⵜⵏⴰⴼⵓⵜ ⵏ ⵓⴹⴼⵓⵕ ⵏ ⵉⴳⵎⴰⵎⵏ ⵉⵍⵉⴱⵉⵏ ⴷ ⵜⵎⵜⵜⴰ ⵉⵎⵓⵏⵏ ⴷ ⵡⴰⵎⵓⵏ ⴰⵎⴰⴹⵍⴰⵏ ⴰⴼⴰⴷ ⴰⴷ ⵢⵉⵏⵉⴳ ⵙ ⵓⴼⵙⵙⴰⵢ ⵏⵏⴰ ⵉⵍⴰⵏ ⵜⴰⵏⴰⴼⵓⵜ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⴷ ⵜⵎⵙⵜⴳⴳⴰⵔⵜ ⵜⴰⵔⴰⴽⴰⵍⵜⴷ ⵓⴼⵔⴰ ⴷ ⵓⵎⵙⴰⵙⴰ ⴷ ⵓⴱⵓⵖⵍⵓ ⴳ ⵍⵉⴱⵢⴰ.

ⴳ ⵓⵙⵉⵡⴹ ⴰⵏⵏ ⵏⵉⵜ, ⵙⵎⴰⵢⵏⵓⵏ ⵉⴳⵎⴰⵎⵏ ⵏ ⵓⵙⵇⵉⵎ ⵏ ⵓⴼⵔⴰ ⵜⴰⵎⵙⵜⴳⴳⴰⵔⵜ ⵏ ⵜⵎⵜⵜⴰ ⵉⵎⵓⵏⵏ ⴳ ⵍⵉⴱⵢⴰ,ⵄⴱⴷⵓⵍⵍⴰⵀ ⴱⴰⵜⵉⵍⵉ ⵙⵍⴰⵡⴰⵏ ⴰⴽⴽⵯ ⵜⵉⵍⴰⵍ ⵏⵏⵙ ⴳ ⵓⵎⵢⴰⵡⴰⴹ ⴳ ⵉⴳⵔ ⴰⵙⵔⵜⴰⵏ ⴳ ⵎⴰⴷ ⵉⵎⵙⴰⵙⴰⵏ ⴷ ⵉⵡⵏⵏⵉⵜⵏ ⵏ ⵓⵙⵇⵇⵉⵎ ⵙⴳ ⵓⵎⵙⴰⵙⴰ ⴰⵙⵔⵜⴰⵏ ⴰⵍⵉⴱⵉ ⵏⵏⴰ ⵉⵜⵜⵓⵙⴷⴷⵉⴷⵏ ⴳ ⵙⵙⵅⵉⵕⴰⵟ 2015 ⴷ ⵓⴱⵓⵖⵍⵓ ⵏ ⵉⵎⵔⵔⴰⵜⵏ ⵏ ⵜⴰⵢⵎⵓⵏⵜ ⵜⴰⵎⴰⵙⵙⴰⵔⵜ ⵜⴰⵍⵉⴱⵉⵜ 6+6.

ⴰⴷⴷⵓⵔ ⴰⴷ ⵉⴷⴷⴰⴷ ⵙⴳ ⵓⵙⵇⵇⵉⵎ ⵏ ⵓⴼⵔⴰ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⴰⵢⵏⵏⴰ ⵉⵏⵏⴰ ⵓⵎⵇⵜⴳⴳⴰⵔ ⵏ ⵜⵎⵜⵜⴰ ⵉⵎⵓⵏⵏ ⴷ ⵓⴷⵡⴰⵍ ⵏ ⵜⵎⵜⵜⴰ ⵉⵎⵓⵏⵏ ⵉ ⵡⴰⵏⵏⴰⵍ ⴳ ⵍⵉⴱⵢⴰ, ⴷ ⵜⴰⵎⵓⵏⵜ ⵜⴰⴼⵔⵉⵇⵉⵜⵓⵍⴰ ⵜⴰⵙⴷⴰⵡⵉⵜ ⵏ ⵜⵎⵓⵔⴰ ⵏ ⵡⴰⵄⵕⴰⴱⵏ ⵏⵏⴰ ⴰⴽⴽⵯ ⵉⵙⵙⵎⵖⵕⵏ ⵙ ⵓⵙⵏⵓⴱⴳ ⵏ ⵍⵎⵖⵔⵉⴱ ⵉ ⵜⴰⵢⵎⵓⵏⵜ 6+6 ⴷ ⵜⵣⵎⵎⴰⵔ ⵏⵏⵙ ⵉⴷⵓⵙⵏ ⴰⴼⴰⴷ ⴰⴷ ⵜⴰⵡⵙ ⵉ ⵉⴳⵎⴰⵎⵏ ⵏ ⵍⵉⴱⵢⴰⴷ ⴰⴷ ⴰⴼⵉⵏ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵉ ⵜⴰⵙⵙⴰⵙⵜ ⴳ ⵍⵉⴱⵢⴰ.