Published on MAPNews (https://www.mapnews.ma/am)

Accueil > ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ: ⵜⵉⵎⵓⵔⴰ ⵏ "ⵍⴱⵔⵉⴽⵙ" ⵜⵙⵏⵉⵍ ⴰⵡⵏⵏⵉ ⵏ ⵍⵎⵖⵔⵉⴱ ⵜⴼⴽ ⵢⴰⵜ ⵜⵉⵢⵢⵜⵉ ⵉ ⴷⴷⵣⴰⵢⵔ (ⵜⴰⵙⵖⵓⵏⵜ ⵜⴰⵚⴱⵍⵢⵓⵏⵉⵜ)

ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ: ⵜⵉⵎⵓⵔⴰ ⵏ "ⵍⴱⵔⵉⴽⵙ" ⵜⵙⵏⵉⵍ ⴰⵡⵏⵏⵉ ⵏ ⵍⵎⵖⵔⵉⴱ ⵜⴼⴽ ⵢⴰⵜ ⵜⵉⵢⵢⵜⵉ ⵉ ⴷⴷⵣⴰⵢⵔ (ⵜⴰⵙⵖⵓⵏⵜ ⵜⴰⵚⴱⵍⵢⵓⵏⵉⵜ)

29 ⵖⵓⵛⵜ 2023 Version Imprimable
ⵎⴰⴷⵔⵉⴷ - ⵜⵏⵏⴰ ⵜⵙⵖⵓⵏⵜ ⵏ "ⴰⵜⴰⵍⴰⵢⴰⵕ" ⵏ ⵚⴱⵍⵢⵓⵏ, ⴰⵙⵙ ⵏ ⵓⵢⵏⴰⵙ, ⵎⴰⵙⴷ ⵉⵏⵙⵙⵉⵅⴼⵏ ⵏ ⵜⵎⵓⵔⴰ ⵏ "ⵍⴱⵔⵉⴽⵙ" ⵎⵓⵏⴻⵏ ⵜⵉⴳⵉⵔⴰ ⴰⴷ ⴳ ⵊⵓⵀⴰⵏⵙⴱⵓⵔⴳ ⴼⴽⵉⵏ ⵢⴰⵜ ⵜⵉⵢⵢⵜⵉ ⵜⵙⵏⵏⴱⴹⴰⵢⵜ ⵉ ⴷⴷⵣⴰⵢⵔ ⴷ ⵍⴱⵓⵍⵉⵣⴰⵕⵢⵓ ⵙⴳ ⵍⵍⵉⵖ ⵙⵏⵉⵍⵏ ⴰⵡⵏⵏⵉ ⵏ ⵍⵎⵖⵔⵉⴱ ⴳ ⵎⴰⴷ ⵉⵥⵍⵉⵏ ⵙ ⵜⵓⵎⴰⵏⵜ ⵏ ⵜⵏⵣⵔⵓⴼⵜ ⵍⵍⵉⵖ ⵙⵎⴰⵢⵏⵓⵏ ⵎⴰⵙ ⵜⴳⴰ ⵢⴰⵏ ⵓⵣⵔⴼ ⴰⵎⴰⴹⵍⴰⵏ.

ⵜⵣⴰⵢⴷ ⵜⵙⵖⵓⵏⵜ ⵏⵏⴰ ⵉⵣⵍⵉⵏ ⴳ ⵜⵖⴰⵡⵙⵉⵡⵉⵏ ⵏ ⵍⵎⵖⵔⵉⴱ ⴰⵎⵇⵔⴰⵏ ⵎⴰⵙⴷ ⴰⵍⵖⵓ ⵏⵏⴰ ⴷ ⵉⴼⴼⴰⵖⵏ ⴳ ⵓⴳⵔⴰⵡ ⵏ ⵍⴱⵔⵉⴽⵙ ⴰⵔ ⵉⵙⵏⵉⵍ ⴰⵡⵏⵏⵉ ⵏ ⵍⵎⵖⵔⵉⴱ ⴱⵍⴰ ⵜⵓⵔⴷⴰ ⵎⴰⵙ ⵉⵡⵇⵇⵔ ⵉⵜⴳⴰⵔⵏ ⵏ ⵜⵎⵜⵜⴰ ⵉⵎⵓⵏⵏ ⵜⴰⵡⵙ ⴳⵉⵙ ⴽⵉⴳⴰⵏ.

ⵜⵏⵏⴰ ⵜⵙⵖⵓⵏⵜ ⴰⴷ ⵎⴰⵙⴷ ⵜⵉⵎⵓⵔⴰ ⵏ ⵓⴳⵔⴰⵡ ⴰⴷ ⵎⵓⵏⵏ ⴰⴼⴰⴷ ⴰⴷ ⴰⴼⵉⵏ ⴰⴼⵙⵙⴰⵢ ⴰⵙⵔⵜⴰⵏ ⵉ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵢⵜ ⵙ ⵓⵎⵙⴰⵙⴰ ⴰⵙⵔⵜⴰⵏ ⵙ ⵓⵡⵇⵇⵔ ⵏ ⵓⵡⵏⵏⵉ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴳ ⵓⵙⵡⵉⵔ ⵏ ⵜⵎⵜⵜⴰ ⵉⵎⵓⵏⵏ ⴷ ⵜⵎⵓⵔⴰ ⵏ ⵉⴼⵔⵉⵇⵢⴰ ⵏⵖⴷ ⵜⵉⵙⴳⴳⵉⵡⵉⵏ ⵏ ⵓⵎⴰⴹⴰⵍ ⵏⵏⴰ ⴳⴰⵏⵉⵏ ⴽⴽⵓⵙⵟ, ⵏⵏⴰ ⵉⴼⴼⵔⴳⵏ ⵉⵡⵏⵏⵉⵜⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ.

ⵜⵙⵎⴷ ⴰⵜⴰⵍⴰⵢⴰⵕ ⵎⴰⵙⴷ ⴰⵎⵔⴰⵔⴰ ⵏ ⵡⴰⵡⴰⵍ ⵏ ⵜⵎⵓⵔⴰ ⵓⵔ ⵜ ⵔⵉⵏ ⵉⴳⵎⴰⵎⵏ ⵏ ⵍⴱⵔⵉⴽⵙ ⵍⵍⵉⵖ ⵓⵔ ⵙⵙⵖⵥⵏⵏ ⵎⴰⵙ ⵍⵍⴰⵏⵜ ⵜⵎⵓⵔⴰ ⴰⴷ ⵏⵏⴰ ⵓⵔ ⵉⴳⵉⵏ ⵜⵉⴷⵜ ⵍⵍⵉⵖ ⵓⴳⵉⵏ ⴰⴷ ⵙⵙⵎⵔⵙⵏ ⵜⴰⴳⵔⴰⵡⵜ ⵏ ⵍⴱⵔⵉⴽⵙ ⴰⴼⴰⴷ ⴰⴷ ⵜⴳ ⵢⴰⵜ ⵜⵎⴰⵎⴽⵜ ⵏ ⵓⵙⵎⵎⵔⴽⵙ ⵏ ⵜⵏⴰⴼⵓⵜⵉⵏ ⵓⵔ ⵉⴳⵉⵏ ⵙⴳ ⵜⵓⵥⵍⴰⵢⵉⵏ ⵏⵏⵙ.

ⵙⴳ ⵜⵙⵖⵓⵏⵜ ⴰⴷ ⵏⵉⵜ, ⵜⵏⵏⴰ ⵎⴰⵙ ⵉⴳⴰ ⵓⵡⵏⵏⵉ ⴰⴷ ⵢⴰⵜ ⵜⵎⴰⵜⴰⵔⵜ ⵎⴰⵙ ⵓⵔ ⴷ ⵉⵇⵇⴰⵏ ⴰⴷ ⴰⴽⴽⴰⵏ ⴰⵜⵉⴳ ⴰⵎⴰⴹⵍⴰⵏ ⵉ ⵢⴰⵏ ⵓⵙⵡⵉⵏⴳⵎ ⴰⵡⵍⴰⵡⴰⵍ ⵓⵔ ⵏⵏ ⵉⴽⴽⵙⵏ ⴰⵎⵢⴰ.

ⵜⵣⴰⵢⴷ ⵜⵙⵖⵓⵏⵜ ⵜⵏⵏⴰ ⵎⴰⵙⴷ ⴰⵡⵏⵏⵉ ⵏ ⵜⴳⵔⴰⵡⵜ ⵏ ⵍⴱⵔⵉⴽⵙ ⵉⵙⵙⵖⵣⵏ ⵜⴰⵣⴷⴰⵢⵜ ⵉⴷⵓⵙⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵡⵉⵙⵉ ⵏⵏⵙ ⵜⵙⵜⵕⴰⵜⵉⵊⵉⵢⵢⵜ ⵎⵇⵇⴰⵔ ⵍⵍⴰⵏ ⴽⵔⴰ ⵏ ⵉⵙⴽⵛⴰⵎ ⵉⴱⵕⵕⴰⵏⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%9C%E2%B5%89%E2%B5%8E%E2%B5%93%E2%B5%94%E2%B4%B0-%E2%B5%8F-%E2%B5%8D%E2%B4%B1%E2%B5%94%E2%B5%89%E2%B4%BD%E2%B5%99-%E2%B5%9C%E2%B5%99%E2%B5%8F%E2%B5%89%E2%B5%8D-%E2%B4%B0%E2%B5%A1%E2%B5%8F%E2%B5%8F%E2%B5%89-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B4%BC%E2%B4%BD-%E2%B5%A2%E2%B4%B0%E2%B5%9C-%E2%B5%9C%E2%B5%89%E2%B5%A2%E2%B5%A2%E2%B5%9C%E2%B5%89-%E2%B5%89-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94