Published on MAPNews (https://www.mapnews.ma/am)

Accueil > ⴰⵎⵙⵙⵓⴼⵖ ⴰⵎⴰⵔⵉⴽⴰⵏ ⵎⴰⵔⵜⵏ ⵙⴽⵓⵔⵙⵉⵣⵉ ⵉⴷⵜⵜⴻⵜ ⵜⴰⴷⵔⴰⵡⵜ ⵏⵏⵙ ⴳ ⵜⵡⴰⵍⴰⵜ ⵜⵉⵙⵙ 20 ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⴼⵉⵍⵎ ⴳ ⵎⵔⵔⴰⴽⵯⵛ ⵔⴰⴷ ⵢⵉⵍⵉ ⴷ ⴰⵎⵖⴰⵔ ⵏ ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ

ⴰⵎⵙⵙⵓⴼⵖ ⴰⵎⴰⵔⵉⴽⴰⵏ ⵎⴰⵔⵜⵏ ⵙⴽⵓⵔⵙⵉⵣⵉ ⵉⴷⵜⵜⴻⵜ ⵜⴰⴷⵔⴰⵡⵜ ⵏⵏⵙ ⴳ ⵜⵡⴰⵍⴰⵜ ⵜⵉⵙⵙ 20 ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⴼⵉⵍⵎ ⴳ ⵎⵔⵔⴰⴽⵯⵛ ⵔⴰⴷ ⵢⵉⵍⵉ ⴷ ⴰⵎⵖⴰⵔ ⵏ ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ

29 ⵖⵓⵛⵜ 2023 Version Imprimable
ⵕⵕⴱⴰⵟ - ⵉⵙⵓⵍ ⵓⵎⵙⵙⵓⵖⴼ ⴰⵎⴰⵔⴽⵉⴰⵏ ⴰⵎⵇⵇⴰⵔⴰⵏ ⵎⴰⵔⵜⵏ ⵙⴽⵓⵔⵙⵉⵣⵉ, ⴰⵎⵏⵣⴰⵖ ⵅⴼ ⵙⵙⵉⵏⵉ, ⴷ ⵢⴰⵏ ⵙⴳ ⵉⵏⴰⵥⵓⵕⵏ ⵉⵜⵜⵓⵙⵙⴰⵏⵏ ⴳ ⵓⵎⴰⴹⴰⵍ ⴳ ⵓⴳⴳⴰⵔ ⵏ 40 ⵏ ⵓⵙⴳⴳⵯⴰⵙ, ⵉⵅⴷⴷⵎ ⴷ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⴼⵉⵍⵎ ⴳ ⵎⵔⵔⴰⴽⵛ ⵏⵏⴰ ⵉⵃⴰⴹⵕ 50 ⵏ ⵜⵉⴽⴽⴰⵍ, ⵔⴰⴷ ⴷⵉⵙ ⵢⴰⵖⵓⵍ ⴼⴰⵖ, ⵎⴰⵏⵉ ⵉⵏⵏⵉ ⵔⴰⴷ ⵉⴳ ⴰⵎⵖⴰⵔ ⵏ ⵜⵓⵏⵖⵉⵍⵜ ⵜⵉⵙ ⵚⴹⵉⵚⵜ ⵏ « ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ », ⴰⵖⴰⵡⴰⵙ ⵉⵥⵍⵉⵏ ⵉ ⵜⵏⴼⴽⴰⵢ ⵏ ⵜⵎⵏⴰⴹⵜ.

ⵉⴱⴷⵔ ⵓⵙⵉⵡⴹ ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⴼⵉⵍⵎ ⴳ ⵎⵔⵔⴰⴽⵛ ⵎⴰⵙ ⴷ ⵎⴰⵔⵜⵏ ⵙⴽⵓⵔⵙⵉⵣⵉ ⵔⴰⴷ ⵉⴳ ⵓⴷⵎ ⴰⵎⵣⵡⴰⵔⵓ ⵍⵍⵉ ⵔⴰⴷ ⵖⵔⵏ ⵃⵎⴰ ⴰⴷ ⵉⴷⵍ ⵜⵡⴰⵍⴰⵜ ⵏ « ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ » ⴰⴷ ⵡⵛⵏ ⵉⵙⵎ ⵏⵏⵙ ⵉ ⵉⵎⵙⵓⴼⴰⵖ, ⵎⴰⵏⵉ ⵔⴰⴷ ⵉⴷⵔⵓ ⴰⴽⴷ ⵡⴰⵟⵟⴰⵙ ⵏ ⵜⵖⵉⵎⵉⵜⵉⵏ ⴷ ⴰⵢⵜ ⴱⴰⴱ ⵏ ⵉⵙⵏⴼⴰⵔⵏ ⵉⵜⵜⵓⵙⵜⵉⵏ ⴳ ⵜⵓⵏⵖⵉⵍⵜ ⴷ ⵓⵛⴽⴰⵏ ⵏ ⵜⵙⴰⵡⵓⵔⵉⵏ ⴰⴷ.

ⵉⵏⵏⴰ ⵓⵙⴰⴳⵎ ⵏⵏⵖ ⵎⴰⵙ ⴷ ⵙⴽⵓⵔⵙⵉⵣⵉ ⵔⴰⴷ ⵉⵕⵥⵎ ⵉ ⵢⴰⵜ ⵜⵎⵢⵓⵔⵜ ⵜⴰⵎⴰⵢⵏⵓⵜ ⴳ ⵓⵏⵎⵓⴳⴳⴰⵔ ⵏ ⵎⵔⵔⴰⴽⵛ, ⵎⴰⵏⵉ ⵔⴰⴷ ⵉⵙⵏⵓⴱⴳ ⵢⴰⵜ ⵜⵓⴷⵎⵜ ⵜⴰⵎⴰⵢⵏⵜ ⵙⴳ ⵙⵙⵉⵏⵉ ⵜⴰⵎⴰⴹⵍⴰⵏⵜ ⵃⵎⴰ ⴰⴷ ⵜⴷⵍ ⵉ ⵜⵙⴰⵡⵓⵔⵉⵏ, ⵎⴰⵏⵉ ⴽⵓⵍ ⴰⵙⴳⴳⵯⴰⵙ ⵏ ⵉⵎⵓⴼⴰⵔ ⵔⴰⴷ ⴰⵙⵉⵏ ⵉⵙⵎ ⵏ ⵜⵓⴷⵎⵜ ⵍⵍⵉ ⵉ ⴽⵉⴷⵙ ⵉⵎⵓⵏⵏ, ⴰⵢⴰ ⵉⵔⴰ ⴰⴷ ⵢⵉⵏⵉ ⵎⴰⵙ ⴷ ⴰⵙⴳⴳⵯⴰⵙ ⵏ 2003 ⴰⴷ ⵉⴳⴳ ⵏ « ⵎⴰⵔⵜⵏ ⵙⴽⵓⵔⵙⵉⵣⵉ ».

ⵉⵏⵏⴰ ⵓⵙⵉⵡⴹ ⴷ ⵉⵅⴼ ⵏⵏⵙ ⵉⵍⴰ « ⵜⵉⵙⴰⵡⵓⵔⵉⵏ ⵏ ⵡⴰⵟⵍⴰⵙ » ⴰⵙⴳⴳⵯⴰⵙ ⵏ 2018 ⵜⵓⵛⴽⴰ ⴷ ⵙⴳ ⵜⵙⵏⵜⴰⵢⵜ ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⴼⵉⵍⵎ ⴳ ⵎⵔⵔⴰⴽⵛ, ⵎⴰⵏⵉ ⵜⵄⴰⵡⵏ ⴰⴼⴰⴷ ⴰⴷ ⵜⴱⴰⵢⵏ ⵢⴰⵜ ⵜⵙⵓⵜⴰ ⵜⴰⵎⴰⵢⵏⵓⵜ ⵏ ⵉⵎⵙⴽⴰⵔⵏ ⵏ ⵙⵉⵏⵉ ⵉⵎⵖⵔⴰⴱⵉⵢⵏ ⴷ ⴰⵄⵔⴰⴱⵏ ⴷ ⴰⴼⵔⵉⴽⴰⵏⵏ, ⵙⴽⵔⵏ ⵢⴰⵏ ⵡⴰⵣⵣⵔⴳ ⵏ ⵓⴱⴷⴷⵍ ⴳⵔ ⵉⵣⵣⵓⵍⴰⵏⵏ ⵉⴳⵔⴰⵖⵍⴰⵏⵏ ⴷ ⵉⵏⴼⴽⴰⵢⵏ ⵉⴷⵖⵔⴰⵏⵏ, ⵜⵉⵙⴰⵡⵓⵔⵉⵏ ⴰⴷ ⵙⵙⴳⵎⵏⵜ 111 ⵏ ⵓⵙⵏⴼⴰⵔ ⴷ ⵓⴼⵉⵍⵎ ⴷ 84 ⵏ ⵓⵙⵏⴼⴰⵔ ⴷ ⵓⴼⵉⵍⵎ ⴰⵎⵖⵔⴰⴱⵉ.

ⵣⴳⴳⴰ ⵜⵜⵢⴰⵔⵉⵜⴰ, ⵉⵔⵏⴰ ⵓⵙⴰⴳⵎ, ⵜⵜⵙⵓⵜⵉⵏ ⵉⴼⵉⵍⵎⴰⵡⵏ ⵡⵡⵉⵏ ⴷ ⵜⵡⵉⵣⴰ ⵏ « ⵜⵉⵙⴰⵡⵓⵔⵉⵏ ⵏ ⵡⴰⵟⵍⴰⵙ » ⴽⵙⵉⵏⵜ ⴰⵟⵟⴰⵚ ⵏ ⵜⵙⵎⵖⵓⵔⵉⵏ ⴷⴳ ⵉⵏⵎⵓⴳⴳⴰⵔⵏ ⵉⴳⵔⴰⵖⵍⴰⵏⵏ, ⵎⴰⵉⵏ ⵉⵇⵇⴰⵔⵏ ⵉⵍⴰ ⵏⵜⵜⴰⵜ ⴷ ⴰⵙⴰⴳⵎ ⵏ ⵜⵏⴼⴽⴰⵢ ⵓⵔ ⵏⵣⵎⵎⵔ ⴰⴷ ⵜⵜ ⵏⵙⵙⵓⵔⴼ.

ⴰⵙⴰⴳⵎ ⴰⴷ ⵉⵏⵏⴰ ⵉⵍⴰ ⴳ ⵓⵏⵎⵓⴳⴳⴰⵔ ⵏ ⴽⴰⵏ ⵏ ⵙⵉⵏⵉ, ⴷⵔⵓⵏ ⴽⴽⵓⵥ ⵏ ⵉⴼⵉⵍⵎⴰⵡⵏ ⵙⵜⴰⴼⴷⵏ ⴳ « ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ » ⴰⵎ ⵓⴼⵉⵍⵎ ⵏ « ⴰⵅⴰⵔⵔⵉⵇ ⴰⵛⵎⵍⴰⵍ » (ⵜⴰⵙⵎⵖⵓⵔⵜ ⵏ ⵓⵙⵓⴼⵖ ⵉ ⵢⵓⴼⵏ) ⴷ ⵓⴼⵉⵍⵎ ⵏ « ⵜⵉⵃⵎⵎⵔⵉⵡⵉⵏ » ⵏ ⵓⵎⵙⵙⵓⴼⵖ ⴽⴰⵎⴰⵍ ⵍⴰⵣⵔⴰⵇ (ⵜⴰⵙⵎⵖⵓⵔⵜ ⵏ ⵜⵏⴼⴳⵓⵔⵜ) ⴷ ⵓⴼⵉⵍⵎ « ⵉⵏⵛⴰⵍⵍⴰⵀ ⴰⵀⵏⵊⵉⵔ » ⵏ ⵓⵎⵙⵙⵓⴼⵖ ⴰⵎⵊⴰⴷ ⵔⵔⴰⵛⵉⴷ (ⵉⵎⴰⵍⴰⵙ ⵏ ⵓⵣⵖⴰⵏ) ⴷ ⵓⴼⵉⵍⵎ ⵏ « ⵜⵜⵓⵍⵓⵜ ⵉⵅⵡⴰⵏ » ⵏ ⵓⵎⵙⵙⵓⴼⵖ ⵏ ⴼⴰⵡⵣⵉ ⴱⵏⵙⵄⵉⴷⵉ.

ⵜⵓⵏⵖⵉⵍⵜ ⵜⵉⵚ ⵚⴹⵉⵚⵜ ⵙⴳ « ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ » ⴰⴷ ⵜⴱⴷⴰ ⵙⴳ 27 ⴰⵔ 30 ⵏⵡⴰⵏⴱⵉⵔ 2023 ⴳ ⵜⵡⴰⵍⴰⵜ ⵜⵉⵙ 20 ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⴼⵉⵍⵎ ⴳ ⵎⵔⵔⴰⵍⵛ ⵙⴳ 24 ⵏⵡⴰⵏⴱⵉⵔ ⴰⵔ 02 ⴷⵓⵊⴰⵏⴱⵉⵔ 2023.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8E%E2%B5%99%E2%B5%99%E2%B5%93%E2%B4%BC%E2%B5%96-%E2%B4%B0%E2%B5%8E%E2%B4%B0%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%8E%E2%B4%B0%E2%B5%94%E2%B5%9C%E2%B5%8F-%E2%B5%99%E2%B4%BD%E2%B5%93%E2%B5%94%E2%B5%99%E2%B5%89%E2%B5%A3%E2%B5%89-%E2%B5%89%E2%B4%B7%E2%B5%9C%E2%B5%9C%E2%B4%BB%E2%B5%9C-%E2%B5%9C%E2%B4%B0%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8F%E2%B5%8F%E2%B5%99-%E2%B4%B3-%E2%B5%9C%E2%B5%A1%E2%B4%B0%E2%B5%8D%E2%B4%B0%E2%B5%9C-%E2%B5%9C%E2%B5%89%E2%B5%99%E2%B5%99-20-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94