Published on MAPNews (https://www.mapnews.ma/am)

Accueil > ⵍⵎⵖⵔⵉⴱ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵉⵖⴰⵍ ⵙ ⵜⵡⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵙⵙⴰⵔⵜ ⵜⴰⵏⵉⵎⴰⵏⵜ (ⵏⴰⵚⵕ ⴱⵓⵕⵉⵟⴰ)

ⵍⵎⵖⵔⵉⴱ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵉⵖⴰⵍ ⵙ ⵜⵡⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵙⵙⴰⵔⵜ ⵜⴰⵏⵉⵎⴰⵏⵜ (ⵏⴰⵚⵕ ⴱⵓⵕⵉⵟⴰ)

07 ⵛⵓⵜⴰⵏⴱⵉⵔ 2023 Version Imprimable
ⵍⵇⴰⵀⵉⵕⴰ - ⵉⵙⵙⵖⵥⵏ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⵎⴰⵙⴷ ⵍⵎⵖⵔⵉⴱ ⵙⴳ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵖⴰⵍ ⵙ ⵜⵡⵡⵓⵔⵉ ⵜⴰⵎⴰⵙⵙⴰⵔⵜ ⵜⴰⵏⵉⵎⴰⵏⵜ ⵉⴼⴽ ⴰⵙ ⵜⴰⵖⴹⴼⵜ ⵉⴷⵓⵙⵏ ⴳ ⵉⴳⵔ ⵏ ⵜⵡⵡⵓⵔⵉ ⵜⴰⵙⵔⵜⴰⵏⵜ ⵜⴰⴱⵕⵕⴰⵏⵜ.

ⵉⵏⵏⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵜⴰⵎⴰⵙⵙⴰⵔⵜ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵜⴰⵄⵕⴰⴱⵜ ⵎⴰⵙⵙ ⵃⵎⴰⴷ ⴱⵓⵍⵖⵉⵟ ⴳ ⵜⴳⵉⵔⴰ ⵏ ⵓⵙⵇⵇⵉⵎ ⵏ ⵜⵙⴷⴰⵡⵉⵜ ⴳ ⵓⵙⵡⵉⵔ ⵓⵏⴱⵉⴹ ⴳ ⵜⵙⵙⵓⵜⵍⵜ ⵏⵏⵙ ⵜⵉⵙⵙ 160 ⵎⴰⵙⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⵖⴰⵍ ⴱⴷⴷⴰ ⵙ ⵜⵡⵓⵔⵉ ⵜⴰⵎⴰⵙⵙⴰⵔⵜ ⴳ ⵉⴳⵔ ⵏ ⵜⵉⴷⵜ ⵏⵏⴰ ⵉⵙⵎⵙⴰⵙⴰⵏ ⴳⵔ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴼⵍⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ.

ⵜⴼⴽ ⵜⴳⵍⴷⵉⵜ ⵜⴰⵖⴹⴼⵜ ⵉⴷⵓⵙⵏ ⵉ ⵜⵡⵡⵓⵔⵉ ⴰⴷ ⵜⴰⵎⴰⵙⵙⴰⵔⵜ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⴳⴰ ⵙⴳ ⵜⵖⴰⵡⵙⵉⵡⵉⵏ ⵏ ⵜⵡⵡⵓⵔⵉⵡⵉⵏ ⵏⵏⴰ ⵜⴻⵜⵜⴳⴳⴰ.

ⵉⵏⵏⴰ ⵎⴰⵙⴷ ⵜⴰⵏⵙⵙⵉⵅⴼⵜ ⵏ ⵍⵎⵖⵔⵉⴱ ⵅⴼ ⵓⵙⵇⵇⵉⵎ ⵏ ⵜⵙⴷⴰⵡⵉⵜ ⴳⵉⵙ ⵉⵏⴰⵣⴰⵕⵏ ⴳⴳⵓⵜⵏⵉⵏ ⵙⵍⴰⵡⴰⵏ ⴰⴽⴽⵯ ⴳ ⵡⴰⴷⴷⴰⴷ ⵏⵏⴰ ⵉⵍⵍⴰⵏ ⴳ ⵜⵙⴳⴰ ⵍⵍⵉⵖ ⵓⵔ ⵍⵍⵉⵏⵜ ⵜⴰⵏⵏⴰⵢⵉⵏ ⵜⵉⵎⴰⵙⵙⴰⵔⵓⵏ ⴰⴼⴰⴷ ⴰⴷ ⵜⵜⵓⵣⵔⵉⵏ ⵉⵎⵓⴽⵔⵉⵙⵏ ⴰⴷ, ⴰⴷⴷⴰⴷ ⴰⴷ ⵏⵏⴰ ⵉⵙⵖⴰⵡⵙⴰⵏ ⵙ ⵓⵏⵍⵍⵉ ⴷ ⵓⵏⴱⴱⵕ ⴰⵙⵔⵜⴰⵏ ⵏⵏⴰ ⵔⴰⴷ ⵉⴼⵔⴳ ⵜⵉⵎⵓⵔⴰ ⵏ ⵡⴰⵄⵕⴰⴱⵏ ⵙ ⵓⵏⵏⵓⵔⵣ ⵏ ⵉⵖⵔⴼⴰⵏ ⵏⵏⵙⵏⵜ.

ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⴰⵏⵙⵙⵉⵅⴼⵜ ⵏ ⵍⵎⵖⵔⵉⴱ ⵜⵙⵡⵡⵓⵔⵉ ⵅⴼ ⵓⵙⴷⴷⵉⴷ ⵏ ⵉⵜⴳⴰⵔⵏ ⵏⵏⴰ ⵅⴼ ⵜⵙⴽⴰ ⵜⵙⴷⴰⵡⵉⵜ ⴰⴼⴰⴷ ⴰⴷ ⵜⵙⵏⵎⴰⵍⴰ ⵜⴰⵜⵜⵓⵢⵜ ⵏⵏⴰ ⴷ ⵉⴷⴷⴰⵏ, ⵙⵍⴰⵡⴰⵏ ⴰⴽⴽⵯ ⵜⵉⵏ ⵜⵏⴼⵍⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵏⵓⵡⴰⵏⴱⵉⵔ ⴷ ⵢⵓⵛⴽⴰⵏ ⴳ ⵎⵓⵕⵉⵟⴰⵏⵢⴰ ⴷ ⵜⴰⵜⵜⵓⵢⵜ ⵜⴰⵄⵕⴰⴱⵜ ⴷ ⵢⵓⵛⴽⴰⵏ ⵏⵏⴰ ⵔⴰⴷ ⵢⵉⵍⵉ ⴳ ⵍⴱⴰⵃⵕⴰⵢⵏ.

ⵉⵏⵏⴰ ⵓⵎⴰⵡⵙⴰⵙ ⵎⴰⵙⴷ ⴰⵏⵎⵓⵇⵇⴰⵔ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⵃⵢⵢⵍⵏ ⵉ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵙⵍⴰⵡⴰⵏ ⴰⴽⴽⵯ ⵜⵉⵏⵏⴰ ⵉⵣⴷⵉⵏ ⴷ ⴼⵉⵍⵉⵙⵟⵉⵏⴳ ⵉⴳⵔⴰⵏ ⵉⴷⵓⵙⴰⵏⵏ ⴷ ⵡⵉⵏ ⵓⵙⵙⵍⵎⴷ ⴷ ⵜⵓⵙⴽⵉⵡⵜ ⵙⴳ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵓⵙⴼⵍⵙ ⵏ ⵍⵇⵓⴷⵙ ⴰⴳⵯⵔⵔⴰⵎ.

ⵉⵏⵏⴰ ⴳ ⵉⴳⵔ ⴰⴷ, ⵎⴰⵙⴷ ⴰⵎⵓⵙⵙⵓ ⴰⵙⵔⵜⴰⵏ ⵏ ⵍⵎⵖⵔⵉⴱ ⵉⵇⵇⴰⵏⴷ ⴰⴷ ⵉⵎⵓⵏ ⴷ ⵜⵡⵡⵓⵔⵉ ⵏ ⵡⴰⵢⴷⴰ, ⵉⵏⵏⴰ ⵎⴰⵙⴷ ⵜⴰⴷⴷⴰⵔⵜ ⵏ ⵓⵙⴼⵍⵙ ⵏ ⵍⵇⵓⴷⵙ ⵜⵙⴽⵔ ⴰⵙⵏⵎⴰⵍⴰ ⵏ ⵎⴰⴷ ⵉⵜⵜⴳⴳⴰⵏ 200 ⵏ ⵓⵙⵏⴼⴰⵕ ⴰⵎⵇⵔⴰⵏ ⴷ ⴽⵉⴳⴰⵏ ⵏ ⵉⵙⵏⴼⴰⵕⵏ ⵉⵎⵥⵢⴰⵏⵏ ⴷ ⵉⵏⴰⵎⵎⴰⵙⵏ ⵙ ⵎⴰⴷ ⵉⴳⵓⵍⴰⵏ 64 ⵎⵍⵢⵓⵏ ⴷⵓⵍⴰⵕ.

ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵎⵔⴰⵔⴰⵏ ⴰⵡⴷ ⵅⴼ ⵜⴰⵙⵙⴰⵙⵉⵏ ⵏⵏⴰ ⴳ ⴷⴷⵔⵏⵜ ⵜⵎⵓⵔⴰ ⵏ ⵉⴼⵔⵉⵇⵢⴰ ⵣⵓⵏⴷ ⵍⵉⴱⵢⴰ ⴷ ⵙⵓⵔⵢⴰ ⴷ ⵙⵙⵓⴷⴰⵏ , ⵓⵍⴰ ⵉⵡⵏⵏⵉⵜⵏ ⵉⴷⵓⵙⵏ ⵏ ⵡⴰⵄⵕⴰⴱⵏ ⵎⵏⵉⴷ ⵏ ⵜⴰⵙⵙⴰⵙⵉⵏ ⴰⴷ ⴰⴽⴽⵯ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7%E2%B4%B7%E2%B5%93-%E2%B5%8F-%E2%B5%93%E2%B5%9C%E2%B5%93%E2%B5%A2-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%96%E2%B4%B0%E2%B5%8D-%E2%B5%99-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89-%E2%B5%9C%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%94%E2%B5%9C-%E2%B5%9C%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B5%8F%E2%B4%B0%E2%B5%9A%E2%B5%95