Published on MAPNews (https://www.mapnews.ma/am)

Accueil > ⴰⵙⵍⵡⴰⵢ ⴰⵚⵕⴰⵢⵍⵉ ⵉⵙⵃⴰⵇ ⵀⴰⵔⵜⵣⵓⵖ ⵢⵓⴳⵍ ⵉ ⵓⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⴹⵕⵉ ⴰⵥⵓⵍⴰⵢ, ⵜⴰⵎⴰⴷⴰⵢⵜ ⵏ ⵓⴷⴷⵓⵔ ⵜⴰⵏⵙⵙⵉⵅⴼⵜ

ⴰⵙⵍⵡⴰⵢ ⴰⵚⵕⴰⵢⵍⵉ ⵉⵙⵃⴰⵇ ⵀⴰⵔⵜⵣⵓⵖ ⵢⵓⴳⵍ ⵉ ⵓⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⴹⵕⵉ ⴰⵥⵓⵍⴰⵢ, ⵜⴰⵎⴰⴷⴰⵢⵜ ⵏ ⵓⴷⴷⵓⵔ ⵜⴰⵏⵙⵙⵉⵅⴼⵜ

09 ⵛⵓⵜⴰⵏⴱⵉⵔ 2023 Version Imprimable
ⵜⴰⵍⵍ ⴰⴱⵉⴱ - ⵢⵓⴳⵍ ⵓⵏⵙⵙⵉⵅⴼ ⵏ ⵓⵡⴰⵏⴽ ⴰⵙⵔⴰⵢⵍⵉ, ⵎⴰⵙⵙ ⵉⵙⵃⴰⵇ ⵀⴰⵔⵜⵣⵓⴳ, ⵉⴹⴳⴰⵎ ⵏ ⵓⴽⵕⴰⵙ, ⵉ ⵓⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴰⵏⴹⵕⵉ ⴰⵥⵓⵍⴰⵢ, ⵢⴰⵜ ⵜⵎⴰⴷⴰⵢⵜ ⵏ ⵓⴷⴷⵓⵔ ⵜⴰⵏⵙⵙⵉⵅⴼⵜ ⴳ ⵢⴰⵜ ⵜⴼⵓⴳⵍⴰ ⵜⴰⵎⵇⵕⴰⵏⵜ ⴳ ⵉⵖⵔⵎ ⴰⵏⵙⵙⵉⵅⴼⴰⵏ.

ⴳ ⵢⴰⵜ ⵜⴳⵓⵔⵉ ⵉ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵍⵖⴰⵕⴰⴱⵉ ⵉ ⵉⵏⵖⵎⵉⵙⵏ, ⵉⵙⴰⵡⵍ ⵎⴰⵙⵙ ⴰⵥⵓⵍⴰⵢ ⵅⴼ "ⵓⴱⵓⵔⵣ ⵎⵇⵇⵓⵔⵏ" ⵍⵍⵉ ⵙ ⴰⵔ ⵉⵙⵢⴰⴼⴰ ⴳ ⵜⵡⵓⵔⵉ ⵏⵏⵙ ⴷⴷⵓ ⵓⴼⵓⵙ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴷ ⴷⴰⵜ ⵏⵏⵙ ⴱⴰⴱⴰⵙ ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

ⵉⵏⵏⴰ ⵎⴰⵙⵙ ⴰⵥⵓⵍⴰⵢ, ⵍⵍⵉ ⴱⴷⴷⴰ ⵉⵣⴷⵉⵏ ⴰⵎⵏⴰⴷ ⵏ ⵜⵓⴷⵔⵜ ⵏⵏⵙ ⴰⴽⴷ ⵜⵎⵖⵔⴰⴱⵉⵜ ⵏⵏⵙ ⴷ ⵜⵎⴰⴳⵉⵜ ⵏⵏⵙ ⵓⵍⴰ ⵜⵉⵎⴰⵙⵙⴰⵢⵉⵏ ⵍⵍⵉ ⴼⵍⵍⴰⵙ ⵉⵍⵍⴰⵏ, "ⴳ ⵍⵎⵖⵔⵉⴱ, ⴳ ⵜⵎⴰⵣⵉⵔⵜ ⵏ ⵍⵉⵙⵍⴰⵎ, ⴳⵉⵖ ⴳⵉⵙ ⵓⴷⴰⵢ ⴱⵓⵔⵣⵖ ⵙⵉⵙ ⴷ ⴰⵔ ⵜⵜⴷⴷⵉⵖ ⵙ ⵜⵓⴷⴰⵢⵜ ⵉⵏⵓ ".

ⵉⵙⵎⴷ ⵎⴰⵙ ⴷ "ⴰⵙⵇⵔⵔⵓ ⴰⴷ ⵉⴳⴰ ⴰⵏⴰⵔⵓⵣ ⵎⵇⵇⵓⵔⵏ, ⵉⴳ ⴰⴱⵓⵔⵣ ⵎⵇⵇⵓⵔⵏ ⵉ ⵜⵎⴰⵣⵉⵔⵜ ⵉⵏⵓ ⵏ ⵍⵎⵖⵔⵉⴱ, ⵓⵍⴰ ⵉ ⵜⵖⵔⵎⴰ ⵜⴰⵎⵖⵔⴰⴱⵉⵜ ⴷ ⵓⵏⵓⵃⵢⵓ ⴰⵎⵖⵔⴰⴱⵉ ⵍⵍⵉ ⵙ ⵉⵜⵜⵓⵙⴼⵓⴳⵍⴰ ⴰⵙⵙ ⴰⴷ, ⴷ ⵍⵍⵉ ⵉⴹⴼⵕⵏ ⵙ ⵜⴷⵓⵙⵉ ⵉⴳⴳⵓⵜⵏ ⴰⵙⴽⴽⵉⵔ ⵏ ⵜⵉⵏⴷⵉⵜⵉⵏ ⵏ ⵓⴼⵔⴰ ⴷ ⵓⴷⵓⵔ ⵉⵛⵛⴰⵔⵏ".

ⵉⴹⴼⵕ ⵎⴰⵙⵙ ⴰⵥⵓⵍⴰⵢ ⵎⴰⵙ ⴷ "ⵉⵎⵖⵔⴰⴱⵉⵏ ⴰⴽⴽⵯ ⵉⵜⵜⵓⵙⴽⴰⵔ ⴰⵙⵏ ⵓⴱⵓⵔⵣ ⴰⵙⵙ ⴰⴷ, ⵉⴳ ⴰⴱⵓⵔⵣ ⵉ ⵜⵎⴰⵣⵉⵔⵜ ⵉⵏⵓ ⵏ ⵍⵎⵖⵔⵉⴱ ⵙ ⵜⴰⵖⵕⴰⴱⵜ ⵏⵏⵙ ⴷ ⵜⵎⴰⵣⵉⵖⵜ ⵏⵏⵙ ⴷ ⵜⵓⴷⴰⵢⵜ ⵓⵍⴰ ⵜⵉⵢⵢⴰⴹ ⴰⴹⵏⵉ", ⵉⵙⵎⴷ ⵎⴰⵙ ⴷ ⵍⵎⵖⵔⵉⴱ ⵖ ⴷⴷⵓ ⵜⵏⴱⴰⴹⵜ ⵜⴰⵎⵉⵖⵉⵙⵜ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ, ⴰⵔ ⴳⵉⵙ ⵜⵜⴷⴷⵔⵏ ⵎⵎⵔⴽⵙⵏ ⴳⵉⵙ ⴳ ⵓⴼⵔⴰ ⵜⵏⵉⵎⴰⵏⵉⵏ ⴰⴽⴽⵯ".

ⵙ ⵜⵎⵍⴷⴰ ⴰⴷ ⵢⵓⵍⵖ ⵓⵏⵙⵙⵉⵅⴼ ⵏ ⵉⵙⵔⴰⵢⵉⵍ ⵎⴰⵙⵙ ⴰⵥⵓⵍⴰⵢ "ⴰⵔⴳⴰⵣ ⵏ ⵓⴼⵔⴰ ⴷ ⵓⵎⵙⴰⵡⴰⵍ ⴷ ⵓⵔⴳⴰⵣ ⵏ ⵡⴰⵡⴰⵏⴽ, ⴰⵎⵛⵛⵉⵡⵕ ⵎⵇⵇⵓⵔⵏ ⵏ ⴱⴰⴱ ⵏ ⵓⵔⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙ ⴷ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ".

ⵜⴳⴰ ⵜⵎⵉⴷⴰⵢⵜ ⵏ ⵓⴷⴷⵓⵔ ⵜⴰⵏⵙⵙⵉⴼⵜ ⵜⴰⵎⵉⴷⴰⵢⵜ ⵜⵓⵖⵔⵉⵎⵜ ⵍⵍⵉ ⴰⴽⴽ ⵢⴰⵜⵜⵓⵢⵏ ⴳ ⵉⵙⵔⴰⵢⵍ, ⵉⵙⴽⵔ ⵜⵜ ⵓⵏⵙⵙⵉⵅⴼ ⵉⵣⵡⴰⵔⵏ ⵛⴰⵎⵓⵏ ⴱⵉⵔⵉⵣ ⴳ ⵓⵙⴳⴳⵯⴰⵙ ⵏ 2012. ⴰⵔ ⵖⵉⵍⴰ ⵜⴻⵜⵜⵓⴼⴽⴰ ⵉ 29 ⵏ ⵉⵅⴰⵜⴰⵔⵏ, ⴳⵉⵙⵏ ⵀⵉⵏⵔⵉ ⴽⵉⵙⵏⴳⵔ ⴷ ⵊⵓ ⴱⴰⵢⴹⵏ ⴷ ⴱⵉⵍ ⴽⵍⵉⵏⵟⵓⵏ ⴷ ⴱⴰⵕⴰⴽ ⵓⴱⴰⵎⴰ.

ⵜⴻⵜⵜⵓⵙⴽⴰⵔ ⵙ ⵜⵎⵍⴷⴰ ⴰⴷ ⴰⵙⵓⵍⵖⵜ ⵉ ⵎⴰⵙⵙ ⴰⵥⵓⵍⴰⵢ ⵍⵍⵉ ⵉⴳⴰⵏ ⴰⵔⴳⴰⵣ ⵏ ⵓⴼⵔⴰ ⴷ ⵓⵎⵙⴰⵡⴰⵍ, ⵢⴰⵡⵙ ⴳ ⵓⵏⵢⴰⵍⴽⴰⵎ ⴳⵔ ⵜⴷⵍⵙⵡⵉⵏ ⴷ ⵜⵖⵔⵎⵉⵡⵉⵏ ⴷ ⵓⵔⵎⵎⵓⵙ ⴳⵔ ⵉⵖⵔⴼⴰⵏ, ⵓⵍⴰ ⴳⵔ ⴰⵢⵜ ⵉⵙⵔⴰⵢⵍ ⴷ ⴰⵢⵜ ⴼⴰⵍⴰⵕⵟⵉⵏ, ⵍⵍⵉⵖ ⵉⴳⴰ ⵓⴷⴰⵢ ⵉⴱⵓⵔⵣⵏ ⴳ ⵜⵎⴰⵣⵉⵔⵜ ⵏ ⵍⵉⵙⵍⴰⵎ, ⵉⵎⵎⴰⵖ ⴰⴷ ⵉⵙⴱⵓⵖⵍⵓ ⴰⵏⵢⴰⵍⴽⴰⵎ, ⵉⵙⵡⵓⵔⵉ ⵎⵉⵏ ⵕⵕⵎⵓⵢⵜ ⴰⴷ ⵢⵉⵍⵉ ⵓⴼⵔⴰ, ⵉⴹⴼⵕ ⴰⵎⵏⴰⴷ ⵏ ⵓⴳⵍⵍⵉⴷ ⵏⵏⵙ, ⵖⵉⵏⵏⴰ ⵉⴽⴽⴰ ⵉⵣⵓⵣⵣⵔ ⴳⵉⵙ ⵉⴷⵍⵙ ⴰⵎⵖⵔⴰⴱⵉ ⵉⵜⵜⵓⵙⴽⴰⵏ ⵅⴼ ⵓⵎⵙⵓⵔⵓⴼ ⴷ ⵜⵓⴷⵜ ⵉⵛⵛⴰⵔⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B4%B0%E2%B5%99%E2%B5%8D%E2%B5%A1%E2%B4%B0%E2%B5%A2-%E2%B4%B0%E2%B5%9A%E2%B5%95%E2%B4%B0%E2%B5%A2%E2%B5%8D%E2%B5%89-%E2%B5%89%E2%B5%99%E2%B5%83%E2%B4%B0%E2%B5%87-%E2%B5%80%E2%B4%B0%E2%B5%94%E2%B5%9C%E2%B5%A3%E2%B5%93%E2%B5%96-%E2%B5%A2%E2%B5%93%E2%B4%B3%E2%B5%8D-%E2%B5%89-%E2%B5%93%E2%B5%8E%E2%B5%9B%E2%B5%9B%E2%B5%89%E2%B5%A1%E2%B5%95-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8F%E2%B4%B9%E2%B5%95%E2%B5%89-%E2%B4%B0%E2%B5%A5%E2%B5%93%E2%B5%8D%E2%B4%B0%E2%B5%A2