Published on MAPNews (https://www.mapnews.ma/am)

Accueil > ⴰⵏⵎⵓⴷⵉ ⵏ ⵍⵃⵓⵣ.. ⵜⴰⵏⴱⴰⴹⵜ ⵜⵙⵙⵏⵜⴰ ⴰⵔ ⵜⵜⵃⵢⵢⴰⵍ ⵉ ⵜⵡⵓⵔⵉⵡⵉⵏ ⵏ ⵜⵙⴽⵉ ⵏ ⵜⴳⵯⵎⵎⴰ (ⵄⴰⵣⵉⵣ ⴰⵅⵏⵏⵓⵛ)

ⴰⵏⵎⵓⴷⵉ ⵏ ⵍⵃⵓⵣ.. ⵜⴰⵏⴱⴰⴹⵜ ⵜⵙⵙⵏⵜⴰ ⴰⵔ ⵜⵜⵃⵢⵢⴰⵍ ⵉ ⵜⵡⵓⵔⵉⵡⵉⵏ ⵏ ⵜⵙⴽⵉ ⵏ ⵜⴳⵯⵎⵎⴰ (ⵄⴰⵣⵉⵣ ⴰⵅⵏⵏⵓⵛ)

18 ⵛⵓⵜⴰⵏⴱⵉⵔ 2023 Version Imprimable
ⵕⵕⴱⴰⵟ -  ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⴰⴷ ⵏ ⵓⵢⵏⴰⵙ ⴳ ⵕⵕⴱⴰⵟ, ⵎⴰⵙⴷ ⵜⴰⵏⴱⴰⴹⵜ ⵜⵙⵙⵏⵜⴰ ⴰⵔ ⵜⵜⵃⵢⵢⴰⵍ ⵉ ⵜⵡⵓⵔⵉⵡⵉⵏ ⵏ ⵜⵙⴽⵉ ⵏ ⵜⴳⵯⵎⵎⴰ ⵍⵍⵉ ⵉⵅⵍⴰⵏ ⴳ ⵓⵏⴷⵓⴷⵉ ⵏ ⵍⵃⵓⵣ.

ⵉⵏⵏⴰ ⵎⴰⵙⵙ ⴰⵅⵏⵏⵓⵛ, ⴳ ⵜⵙⴳⵓⵔⵉ ⵏⵏⵙ ⵉ ⵜⵏⵖⵎⴰⵙⵜ ⴳ ⵓⴳⵔⴰⵡ ⵡⵉⵙⵙ ⴽⵕⴰⴹ ⵏ ⵜⵢⴰⵎⵓⵏⵜ ⵜⴰⴳⵔⵎⴰⵡⴰⵙⵜ ⵍⵍⵉ ⵔⴰⴷ ⵉⵙⴽⵔ ⴰⵖⴰⵡⴰⵙ ⵏ ⵡⴰⵏⵏⴰⵍ ⴷⵡⴰⵍⵍⴰⵙ ⵏ ⵜⵓⵕⴽⴰ ⵏ ⵜⴳⵎⵎⴰ ⵉⵍⵓⵃ ⵓⵏⴷⵓⴷⵉ, ⵉⵍⵍⴰ "ⴳ ⵓⴳⵏⵙ ⵏ ⵜⵢⴰⵎⵓⵏⵜ ⴰⴷ ⵜⴰⵔⴳⵎⴰⵡⴰⵙⵜ ⵢⴰⵜ ⵜⵡⵡⵓⵔⵉ ⴷ ⵓⵙⵡⵉⵏⴳⵎ ⵏ ⵜⵏⴱⴰⴹⵜ ⴳ ⵜⵖⴰⵔⴰⵙⵉⵏ ⵍⵍⵉ ⵙ ⵔⴰⴷ ⵜⵣⵔⵉ ⵜⵎⵙⴽⵉⵔⵜ ⵏ ⵓⵕⴽⵓ ⴳ ⵡⴰⴷⴷⴰⴷ ⵉⴼⵓⵍⴽⵉⵏ".

ⵉⵙⵙⵓⵎⴰⵏ ⵎⴰⵙⴷ ⴰⴳⵔⴰⵡ ⵏ ⵡⴰⵙⵙ ⴰⴷ ⵉⴳ ⴰⵜⴰⵎⵍⴷⴰ ⴼⴰⴷ ⴰⴷ ⴱⵉⴷⴷⵏ, ⴳ ⵓⵎⵣⵡⴰⵔⵓ ⵅⴼ ⵜⵖⴰⵔⴰⵙⵉⵏ ⵍⵍⵉ ⵙ ⵔⴰⴷ ⵣⵣⵓⴳⵣⵏ ⴰⵖⴰⵡⴰⵙ ⴰⴷ ⵙ ⵓⵣⵔⴰⴽ ⵏ ⵉⵙⵡⴰⵍⴰⵜⵏ ⵉⴼⵓⵥⴰⵕⵏ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ, ⴷ ⵓⵙⴽⴽⵉⵔ ⵏ ⴰⵢⵍⵍⵉ ⵙ ⴰⴽⴽⵯ ⵉⵏⵏⴰ ⴱⴰⴱ ⵏ ⵓⴷⴷⵓⵔ ⴰⵙⵙ ⵏ ⵓⴽⵡⴰⵙ ⵉⵣⵔⵉⵏ, ⵢⵉⵏⵉ ⵎⴰⵙⴷ ⵜⵉⵏⴰⵎⵓⵏⵉⵏ ⵉⵙⵡⵓⵔⵉⵏ ⴳ ⵓⴱⴰⵔⴰⵣ ⵔⴰⴷ ⵣⵎⵎⵉⵎⵏⵜ ⵜⵉⴳⵯⵎⵎⴰ ⵉⵅⵍⴰⵏ ⴽⵓⵍⵍⵓ ⵓⵍⴰ ⵜⵉⵍⵍⵉ ⴳ ⵉⴹⵕ ⵖⴰⵙ ⵢⴰⵏ ⵓⴳⵣⵣⵓⵎ

ⵎⴰⴷ ⵉⵥⵍⵉⵏ ⵙ ⵉⵙⵡⴰⵍⴰⵜⵏ ⵉⴳⵍⴷⴰⵏ ⵉ ⵜⵕⴽⵉ ⴷ ⵜⴼⴽⵉ ⵏ ⵉⵎⵏⴰⴷⵏ ⵏ ⵜⵏⴼⴰⵍⵉⵜ ⵉⵎⴰⵢⵏⵓⵜⵏ ⵉ ⵉⴷⵖⴰⵔⵏ ⴰⴷ, ⵉⵙⵎⴷ ⵎⴰⵙⵙ ⴰⵅⵏⵏⵓⵛ ⵎⴰⵙⴷ ⴰⴳⵔⴰⵡ ⵉⵙⴰⵡⵍ, ⵓⵍⴰ, ⵅⴼ ⵓⵙⵡⵉⵏⴳⵎ ⴳ ⵓⵙⵙⴰⵔⵓ ⵍⵍⵉ ⵔⴰⴷ ⵉⵜⵜⵉⵢⵙⴽⴰⵔ ⴳ ⵉⴷⵖⴰⵔⵏ ⴰⴷ ⴳ ⵉⵎⴰⵍ.

ⵉⵏⵏⴰ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ ⴰⵡⴰⵍ ⵏⵏⵙ ⴳ ⵉⴳⵉⵡⵔ ⵏ ⵜⵡⵡⵓⵔⵉ, ⴰⵙⵙ ⵏ ⵓⵕⵉⴹⵢⴰⵜ 9 ⵛⵓⵜⴰⵏⴱⵉⵔ ⴳ ⵏⵍⵍⴰ, ⵉⵥⵍⵉⵏ ⵙ ⵓⵛⵏⵓⴱⴱⵛ ⴳ ⵡⴰⴷⴷⴰⴷ ⴹⴰⵕⵜ ⵏ ⵓⵏⴷⵓⴷⵉ, ⴼⴰⴷ ⴰⴷ ⵜⵉⵍⵉ ⵢⴰⵜ ⵜⵢⴰⵎⵓⵏⵜ ⵜⴰⴳⵔⵎⴰⵡⴰⵙⵜ ⴰⴷ ⵜⵙⵔⵙ ⴰⵖⴰⵡⴰⵙ ⵏ ⵡⴰⵏⵏⴰⵍ ⴷ ⵡⴰⵍⵍⴰⵙ ⵏ ⵜⵕⴽⵉ ⵏ ⵜⴳⵎⵎⴰ ⵅⵍⴰⵏⵉⵏ ⴳ ⵉⴷⵖⴰⵔⵏ ⵢⵓⵜ ⵓⵏⴷⵓⴷⵉ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B5%8E%E2%B5%93%E2%B4%B7%E2%B5%89-%E2%B5%8F-%E2%B5%8D%E2%B5%83%E2%B5%93%E2%B5%A3-%E2%B5%9C%E2%B4%B0%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%9C%E2%B5%99%E2%B5%99%E2%B5%8F%E2%B5%9C%E2%B4%B0-%E2%B4%B0%E2%B5%94-%E2%B5%9C%E2%B5%9C%E2%B5%83%E2%B5%A2%E2%B5%A2%E2%B4%B0%E2%B5%8D-%E2%B5%89-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B4%BD%E2%B5%89-%E2%B5%8F-%E2%B5%9C%E2%B4%B3%E2%B5%AF%E2%B5%8E%E2%B5%8E%E2%B4%B0-%E2%B5%84%E2%B4%B0%E2%B5%A3%E2%B5%89%E2%B5%A3-%E2%B4%B0%E2%B5%85%E2%B5%8F%E2%B5%8F%E2%B5%93%E2%B5%9B