Published on MAPNews (https://www.mapnews.ma/am)

Accueil > ⵉⵣⵔⴼⴰⵏⵏ ⴷ ⵉⵎⵙⵎⵓⵏⵏ ⴰⵔ ⵙⴼⴰⵍⴽⴰⵢⵏ ⵉⵎⵏⴰⴷⵏ ⵉⵣⵣⴳⴰⵏ ⵏ ⵜⴳⵍⵍⵉⵏⵜ ⵄⴰⵉⵛⴰ ⵍⵅⵟⴰⴱⵉ

ⵉⵣⵔⴼⴰⵏⵏ ⴷ ⵉⵎⵙⵎⵓⵏⵏ ⴰⵔ ⵙⴼⴰⵍⴽⴰⵢⵏ ⵉⵎⵏⴰⴷⵏ ⵉⵣⵣⴳⴰⵏ ⵏ ⵜⴳⵍⵍⵉⵏⵜ ⵄⴰⵉⵛⴰ ⵍⵅⵟⴰⴱⵉ

21 ⵛⵓⵜⴰⵏⴱⵉⵔ 2023 Version Imprimable
ⵜⵉⴳⵎⵎⵉ ⵜⵓⵎⵍⵉⵍⵜ - ⵙⴼⵓⵍⴽⵉⵏ ⵉⵣⵔⴼⴰⵏⵏ ⴷ ⵉⵎⵙⵎⵓⵏⵏ ⴷ ⴰⵢⵜ ⴷⴰⵔⵙ ⵏ ⵜⴳⵍⵍⵉⵏⵜ ⵄⴰⵉⵛⴰ ⵍⵅⵟⴰⴱⵉ, ⴽⴰⵔⵉⵎⴰ ⵎⵓⵃⵎⵎⴰⴷ ⴱⵏ ⵄⴱⴷ ⵍⴽⴽⵔⵉⵎ ⵍⵅⵟⵟⴰⴱⵉ, ⵙ ⵉⵎⵏⴰⴷⵏ ⵉⵣⵣⴳⴰⵏ ⵏ ⵜⴳⵍⵍⵉⵏⵜ.

ⵉⵏⵉⵏ, ⴳ ⵜⴳⵓⵔⵉ ⵍⵍⵉ ⴼⴽⴰⵏ ⵉ ⵜⵙⵏⵓⵔⴰⵢⵜ ⵜⴰⵎⵔⵉⴱⵉⵜ ⵏ ⵉⵏⵖⵎⵉⵙⵏ, ⴹⴰⵕⵜ ⵏ ⵍⵍⵉⵖ ⵥⵥⵓⵍⵍⵏ ⵅⴼ ⵜⴳⵍⵍⵉⵏⵜ ⴰⵣⴰⵍ ⵏ ⵡⴰⵙⵙ ⴰⴷ ⴰⴽⵡⴰⵙ ⴳ ⵜⴳⵎⵎⵉ ⵜⵓⵎⵍⵉⵍⵜ ⵙ ⵓⵃⵉⴹⵕ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ, ⵎⴰⵙⴷ ⵜⵉⴳⵓⵔⵉⵡⵉⵏ ⵏ ⵜⴳⵍⵍⵉⵏⵜ ⴳ ⴽⵓⵍⵍⵓ ⵜⵉⵎⵍⴷⵉⵡⵉⵏ ⴰⵔ ⵜⵜⵎⴰⵖⵏⵜ ⵅⴼ ⵜⴰⵎⵓⵏⵜ ⵏ ⵜⴰⵔⵡⴰ ⵏ ⵍⵎⵖⵔⵉⴱ ⴷ ⵡⴰⴽⴰⵍ ⵏⵏⵙ.

ⴳ ⵓⵎⵏⵉⴷ ⴰⴷ, ⵉⵏⵏⴰ ⵓⵏⵣⴰⵔⴼⵓ ⴷ ⵓⵙⵔⵜⴰⵏ ⴰⵎⴷⵔⴰⵡ ⴳ ⵜⵢⴰⵎⵓⵏⵜ ⵏ ⵓⵙⵓⵎⵓ ⴷ ⵓⵎⵙⴼⵔⴰⵡ ⵎⴱⴰⵔⴽ ⴱⵓⴷⵔⵉⵇⴰ, ⵎⴰⵙⴷ ⵉⵎⵏⴰⴷⵏ ⵏ ⵜⴳⵍⵍⵉⵏⵜ ⵄⴰⵢⵛⴰ ⵍⵅⵟⵟⴰⴱⵉ ⴳⴰⵏ ⵡⵉⴷ ⴼⵓⵍⴽⵉⵏ ⴰⵔ ⵜⵜⴰⵍⵍⵏ ⵙ ⵉⵅⴼ ⵏ ⵜⵎⵓⵔⵜ ⵏⵏⵖ, ⴰⵔ ⵜⴻⵜⵜⵉⵏⵉ ⵓⵍⴰ "ⵎⴰⵙⴷ ⴰⵢⵍⵍⵉ ⵉⵜⵜⵉⵢⵙⴽⴰⵔⵏ ⴳ ⵉⵥⵥⵍⵎⴹ ⴳ ⵙⵉⵎⵔⴰⵡ ⵏ ⵉⵙⴳⴳⴰⵙⵏ ⴰⴷ ⵉⵣⵔⵉⵏ" ⵉⴳⴰ "ⵍⵎⵓⵄⵊⵉⵣⴰ" ⵙⵍⴰⵡⴰⵏ ⴰⴽⴽⵯ ⴷⴰⵜ ⵏ ⵓⵙⵖⴰⵡⵙⴰ ⵉⴳⴳⵓⵜⴳ ⴳ ⵜⵔⵙⴰⵍ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵍⵍⵉ ⵢⴰⴷⵍⵉ ⵉⵍⵍⴰⵏ ⴳ ⵜⵙⴳⵉⵡⵉⵏ ⴰⵎ ⵍⵃⵓⵙⵉⵎⴰ ⴷ ⵏⵏⴰⴹⵓⵕ ⵓⵍⴰ ⴰⵔⵔⵉⴼ ⵇⴰⵃ.

ⵉⵏⵏⴰ ⵎⴰⵙ ⵉⵥⵕⴰ ⵍⵍⵉⵖ ⴷ ⵉⴽⴽⴰ ⴷⴰⵔ ⵜⴳⵍⵍⵉⵏⵜ ⵏ ⵄⴰⵢⵛⴰ ⵍⵅⵟⵟⴰⴱⵉ, ⵉⵥⵕⴰ ⴳⵉⵙ ⵢⴰⵏ ⵓⵣⵔⴰⴽ ⵉⵎⵇⵇⵓⵔⵏ ⵉ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ, ⵙ ⵓⴼⵓⵍⴽⵉ ⵍⵍⵉ ⴳⵉⵙ ⵉⵙⴽⴰⵔ ⵏⵜⵜⴰⵜ ⴷ ⵜⵡⵊⴰ ⵏⵏⵙ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⵓⵃⵎⵎⴰⴷ ⵍⵎⵕⴰⴱⵟⵉ ⴰⵎⴰⴷⵔⴰⵡ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵜⵃⵎⵍ ⵜⴳⵍⵍⵉⵏⵜ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ ⴽⵉⴳⴰⵏ, ⵍⵍⵉⵖ ⵉⴼⴽⴰ ⵜⴰⵢⵏⵉⵜ ⵏⵏⵙ ⵉ ⵜⵙⴳⴰ ⵏ ⴰⵔⵔⵉⴼ ⴳ ⵉⵙⵏⴼⴰⵕⵏ ⴷ ⵜⵙⵏⵜⴰⵢ ⵜⵉⵏⴼⴰⵍⴰⵢⵉⵏ ⵍⵍⵉ ⵉⵜⵜⵉⵢⵙⴽⴰⵔⵏ.

ⵉⵙⵙⵓⵎⴰⵏ ⵎⴰⵙ ⴱⴷⴷⴰ ⵜⵓⵎⵔ ⵜⴳⵍⵍⵉⵏⵜ ⵙ ⵓⵙⴱⵔⵔⴽ ⴰⴳⵍⴷⴰⵏ ⵍⵍⵉ ⴰⵙ ⵉⵜⵜⵉⵢⵙⴽⴰⵔⵏ ⴳ ⵜⴼⵓⴳⵍⴰ ⵏ ⵓⴷⴰⴱⵓ ⴰⵙⴳⴳⵯⴰⵙ ⵏ 2018, ⴰⵢⵍⵍⵉ ⵉⵎⵎⴰⵍⵏ ⴰⴷⴷⵓⵔ ⵉⵜⵜⵉⵢⴼⴽⴰⵏ ⵉ ⵜⴳⵍⵍⵉⵏⵜ ⵏⵜⵜⴰⵜ ⵓⵍⴰ ⵜⴰⵙⴳⴰ ⵏ ⴰⵔⵔⵉⴼ ⵇⵇⴰⵃ ⴷ ⵎⵉⴷⴷⵏ ⵏⵏⵙ.

ⵉⵣⵎⵎⵉⵎ ⵎⴰⵙ ⵜⴳⴰ ⵜⴳⵍⵍⵉⵏⵜ ⵜⴰⵎⵖⴰⵔⵜ ⵜⴰⵏⴰⵎⵓⵔⵜ, ⴰⵔ ⵜⵎⵎⴰⵍ ⴰⴱⵓⵔⵣ ⵙ ⵜⵎⵓⵔⵜ ⵏⵏⵙ ⴷ ⵓⴳⵍⵍⵉⴷ ⵏⵏⵙ, ⵜⴼⵍⵙ ⵙ ⵜⵎⵓⵙⵜ ⴷ ⵜⵎⵢⵉⵡⵏⵜ ⵏ ⵜⵎⵓⵔⵜ, ⵉⵙⵎⴷ ⵎⴰⵙ ⵜⴳⴰ ⵜⴳⵍⵍⵉⵏⵜ ⵜⴰⴷ ⵉⵙⴰⵡⴰⵍⵏ ⵙ ⵓⵏⵍⵍⵉ ⴷⴰⵜ ⵏ ⵜⵎⵙⵉⵔⵜ ⵏ ⵍⵃⵓⵙⴰⵢⵜ.

ⴳ ⵜⵙⴳⴰ ⵢⴰⴹⵏⵉ, ⵉⵏⵏⴰ ⵓⵎⵙⴽⴰⵔ ⵜⵎⵙⵎⵓⵏ, ⵛⵛⵔⵉⴼ ⴰⴷⵔⴷⴰⴽ, ⵎⴰⵙ ⵜⴳⵍⵍⵉⵏⵜ ⵄⵉⵢⵛⴰ ⵍⵅⵟⵟⴰⴱⵉ ⵜⴳⴰ ⴰⵎⴷⵢⴰ ⵏ ⵜⵎⵟⵟⵓⴹⵜ ⵜⴰⵔⵉⴼⵉⵜ ⵜⴰⵎⵖⵔⴰⴱⵉⵜ ⵜⴰⵎⵖⵏⴰⵙⵜ, ⵏⵜⵜⴰⵜ ⵜⴳⴰ ⴰⵥⵓⵕ ⵏ ⵓⵏⵥⴱⴰⵢ ⵎⵓⵃⵎⵎⴰⴷ ⵉⵡⵉⵙ ⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ, ⵜⴷⵔⴰ ⴷⵉⵙ ⵜⵓⵕⵥⵉⴳⵉⵏ ⵏ ⵓⵣⵡⴰⴳ, ⴰⵛⴽⵓ ⵜⵍⵓⵍ ⴳ 1942 ⴳ ⴱⵕⵕⴰ ⵏ ⵜⵎⵓⵔⵜ, ⵉⵏⵏⴰ ⵎⴰⵙⴷ "ⵎⴰⵢⴰⴷ ⵓⵔ ⵉⴽⴽⵉ ⴳⵔⴰⵙ ⴷ ⵜⴰⵢⵔⵉ ⵏ ⵡⴰⵎⵓⵔ ⵏⵏⵙ ⵍⵎⵖⵔⵉⴱ ⵜⵉⵡⵔⵔⵉⴷ ⵜⵣⴷⵖ ⴳ ⵜⴳⵎⵎⵉ ⵜⵓⵎⵍⵉⵍⵜ".

ⵉⵙⵎⴷ ⵎⴰⵙ ⵜⴳⴰ ⵜⴳⵍⵍⵉⵏⵜ ⵉⵍⵙ ⵏ ⵜⴰⵔⵡⴰ ⵏ ⴰⵔⵔⵉⴼ ⵉⵟⵟⴼⵏ ⴳ ⵓⴷⴰⴱⵓ ⴰⵄⴰⵍⴰⵡⵉ ⴰⴳⵍⴷⴰⵏ ⴷ ⵡⵉⵍⵍⵉ ⵉⵃⵎⵍⵏ ⵜⴰⵎⵓⵔⵜ ⵏⵏⵙⵏ ⵣⴳ ⵟⴰⵏⵊⴰ ⴰⵔ ⵍⴳⵡⵉⵔⴰ, ⵜⴱⴷⴷ ⵎⵏⵉⴷ ⵏ ⵡⵉⴷⴰ ⵉⵔⴰⵏ ⴰⴷ ⵙⵙⵏⴼⴰⵍⵏ ⴰⵎⵣⵔⵓⵢ ⴰⵎⵇⵕⴰⵏ ⵏ ⴰⵔⵔⵉⴼ ⴼⴰⴷ ⴰⴷ ⵙⵎⴷⵓⴷⵉⵏ ⵜⴰⵢⵡⵉⵏⵜ ⵏ ⵍⵎⵖⵔⵉⴱ.

ⵙⴳ ⵜⵙⴳⴰ ⵏⵏⵙ, ⵉⴱⴷⵔ ⵓⵙⵍⵎⴰⴷ ⴰⵎⵔⵣⵓ ⴳ ⵜⵖⵉⵡⴰⵏⵜ ⵏ ⵜⵙⴽⵍⴰ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⴰⵎⵣⵡⴰⵔⵓ ⴳ ⵓⵊⴷⴰ ⴷ ⵎⵎⵉⵙ ⵏ ⵓⴷⵖⴰⵔ ⵏ ⴰⵔⵔⵉⴼ, ⵊⴰⵎⴰⵍ ⴰⴱⵕⵏⵓⵚ, ⴰⵙⵢⴰⴼⴰ ⴰⵏⴰⵎⵓⵔ ⵏ ⵜⴳⵍⵍⵉⵏⵜ, ⵉⵙⴰⵡⵍ ⵅⴼ ⵡⴰⵜⵉⴳ ⵍⵍⵉ ⵜⵟⵟⴰⴼ ⴳ ⴷⴰⵔ ⵎⵉⴷⴷⵏ ⴰⴽⴽⵯ ⵏ ⵜⵎⵓⵔⵜ.

ⵎⵍⵏ ⴰⵢⵜ ⴷⴰⵔⵙ ⵏ ⵜⴳⵍⵍⵉⵏⵜ, ⴳ ⵜⴳⵓⵔⵉ ⵉ ⵜⵙⵏⵢⴰⴷⴷⵓⵜ ⵏ ⵍⵎⵖⵔⵉⴱ ⵉ ⵉⵏⵖⵎⵉⵙⵏ, ⵜⴰⵙⴳⴰ ⵜⴰⵏⴰⴼⴳⴰⵏⵜ ⵏ ⵜⴳⵍⵍⵉⵏⵜ, ⵍⵍⵉⵖ ⵉⵙⴰⵡⵍ ⵎⵓⵏⵉⵔ ⴱⵓⵊⴱⴰⵔⵉ ⵢⵉⵏⵉ "ⵃⵎⵍⵏ ⵜⵜ ⴰⴽⴽⵯ ⵎⴷⴷⵏ".

ⴳⵯⵎⴰⵙ ⵏ ⵓⵔⴳⴰⵣ ⵏ ⵜⴳⵍⵍⵉⵏⵜ, ⵕⴰⵍⴰⵃ ⴷⴷⵉⵏ ⴱⵓⵊⴱⴰⵔⵉ, ⵉⵏⵏⴰ ⵎⴰⵙⴷ ⵜⴰⵔⵡⴰ ⵏ ⵎⵓⵃⵎⵎⴰⴷ ⵉⵡⵉⵙ ⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ "ⴷⴰⵔⵙⵏ ⵢⴰⵏ ⵓⵙⴳⵎⵉ ⴷ ⵢⴰⵏ ⵓⵡⵜⵜⴰⵙ ⵜⵉⵍⵉ ⴷⴰⵔⵙⵏ ⵢⴰⵜ ⵜⴼⵍⵙⴰⴼⵜ ⵍⵍⵉ ⴳⵎⵉⵏ ⴷⴰⵔ ⴱⴰⴱⴰⵜⵙⵏ, ⴽⴽⴰⵏ ⵜⵜ ⵉⵏⵏ ⴱⵓⵔⵣⵏ ⵙ ⵜⵎⵖⵔⵉⴱⵉⵜ ⵏⵏⵙⵏ, ⵎⵎⴰⵖⵏ ⵅⴼ ⵜⵎⵓⵔⵜ ⵏⵏⵙⵏ ⵣⴳ ⵟⴰⵏⵊⴰ ⴰⵔ ⵍⴳⵡⵉⵔⴰ".

ⵜⵙⴰⵡⵍ ⵎⴰⵙⵙⴰ ⴼⴰⵟⵉⵎⴰ ⵄⵣⴱⴰⵏ, ⵍⵍⵉ ⵉⴳⴰⵏ ⵜⴰⵙⵎⵓⵏⵜ ⵏ ⵜⴳⵍⵍⵉⵏⵜ ⵎⴰⴷ ⵉⴳⴰⵏ 50 ⵏ ⵓⵙⴳⴳⵯⴰⵙ, ⵎⴰⵙ ⵜⴻⵜⵜⴷⵔⵓ ⵜⴳⵍⵍⵉⵏⵜ ⵓⵍⴰ ⴳ ⵜⵡⵓⵔⵉⵡⵉⵏ ⵏ ⵜⵡⵉⵙⵉ, ⵉⴳⴳ. ⵏ ⵜⵖⵏⵙⴰ ⵏⵏⵙ ⴷ ⵜⵏⴰⵎⵓⵔⵜ ⵏⵏⵙ ⴷ ⵜⴰⵢⵔⵉ ⵏⵏⵙ ⵉⴳⴳⵓⵜⵏ ⵉ ⵜⵎⵓⵔⵜ ⵏⵏⵙ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F%E2%B5%8F-%E2%B4%B7-%E2%B5%89%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%8F-%E2%B4%B0%E2%B5%94-%E2%B5%99%E2%B4%BC%E2%B4%B0%E2%B5%8D%E2%B4%BD%E2%B4%B0%E2%B5%A2%E2%B5%8F-%E2%B5%89%E2%B5%8E%E2%B5%8F%E2%B4%B0%E2%B4%B7%E2%B5%8F-%E2%B5%89%E2%B5%A3%E2%B5%A3%E2%B4%B3%E2%B4%B0%E2%B5%8F-%E2%B5%8F-%E2%B5%9C%E2%B4%B3%E2%B5%8D%E2%B5%8D%E2%B5%89%E2%B5%8F%E2%B5%9C-%E2%B5%84%E2%B4%B0%E2%B5%89%E2%B5%9B%E2%B4%B0-%E2%B5%8D%E2%B5%85%E2%B5%9F%E2%B4%B0%E2%B4%B1%E2%B5%89