Published on MAPNews (https://www.mapnews.ma/am)

Accueil > ⴰⵀⵉⴷⵔⵓⵊⵉⵏ ⴰⵣⴳⵣⴰⵡ.. ⵉⵙⴷⵓⵙ ⵍⵎⵖⵔⵉⴱ ⴰⴷⵖⴰⵔ ⵏⵏⵙ ⴰⵎ "ⴰⵎⵎⵛⵔⴽ ⵏⴰⵃⵢⴰ" ⵉ ⵜⴰⵎⵓⵏⵜ ⵜⵓⵕⵓⴱⴱⵉⵜ (ⵉⵎⵉⵙⵙ ⴰⵏⵖⵎⴰⵙ ⴰⵕⴱⴰⵏⵢⵓⵍ)

ⴰⵀⵉⴷⵔⵓⵊⵉⵏ ⴰⵣⴳⵣⴰⵡ.. ⵉⵙⴷⵓⵙ ⵍⵎⵖⵔⵉⴱ ⴰⴷⵖⴰⵔ ⵏⵏⵙ ⴰⵎ "ⴰⵎⵎⵛⵔⴽ ⵏⴰⵃⵢⴰ" ⵉ ⵜⴰⵎⵓⵏⵜ ⵜⵓⵕⵓⴱⴱⵉⵜ (ⵉⵎⵉⵙⵙ ⴰⵏⵖⵎⴰⵙ ⴰⵕⴱⴰⵏⵢⵓⵍ)

25 ⵛⵓⵜⴰⵏⴱⵉⵔ 2023 Version Imprimable
ⵎⴰⴷⵔⵉⴷ - ⵢⵓⵔⴰ ⵉⵎⵉⵙⵙ ⴰⵏⵖⵎⴰⵙ ⴰⵙⴱⴰⵏⵢⵓⵍ "ⵉⵍ ⵓⵔⴷⵏ ⵎⵓⵏⴹⵢⴰⵍ", ⴰⵙⵙ ⵏ ⵓⵢⵏⴰⵙ, ⵎⴰⵙⴷ ⵍⵎⵖⵔⵉⴱ, ⵍⵍⵉ ⵉⴼⴽⴰⵏ ⴰⵜⵉⴳ ⵉⴳⴳⵓⵜⵏ ⵉ ⵓⵙⴱⵓⵖⵍⵓ ⵏ ⵢⵉⴳⵔ ⵏ ⵍⵀⵉⴷⵔⵓⵊⵉⵏ ⴰⵣⴳⵣⴰⵡ, ⴰⵔ ⵉⵙⵙⴷⵓⵙ ⴰⴷⵖⴰⵔ ⵏⵏⵙ ⴰⵎ "ⴰⵎⵛⵛⵔⴽ ⵏⴰⵃⵢⴰ" ⵉ ⵜⴰⵎⵓⵏⵜ ⵜⵓⵕⵓⴱⴱⵉⵜ, ⴷ ⴰⵔ ⴷ ⵉⵜⵜⴰⵡ ⵜⵓⴳⵜⵜ ⵏ ⵉⵙⵙⴰⵔⵓⵜⵏ ⵉⵎⴰⵢⵏⵓⵜⵏ.

ⵜⵏⵏⴰ ⵜⴰⴳⴳⵓⵔⵜ ⵜⴰⵕⴱⴰⵏⵢⵓⵍⵜ ⴳ ⵢⴰⵏ ⵓⵎⴰⴳⵔⴰⴷ ⵉⵍⴰⵏ ⵙ ⵓⵣⵡⵍ "ⴰⵖⴰⵡⴰⵙ ⵏ ⵍⵎⵖⵔⵉⴱ ⴼⴰⴷ ⴰⴷ ⵉⴳ ⴰⴳⴳⴰⴹ ⴰⵣⵎⵔⴰⵏ ⴰⵎⴰⵢⵏⵓ", ⵎⴰⵙⴷ "ⵍⵎⵖⵔⵉⴱ ⵢⵓⵎⵥ ⴰⵖⴰⵔⴰⵙ ⴼⴰⴷ ⴰⴷ ⵉⵙⵙⴷⵓⵙ ⴰⴷⵖⴰⵔ ⵏⵏⵙ ⴰⵎ ⴰⵎⵛⵛⵔⴽ ⵏⴰⵃⵢⴰ ⵉ ⵜⴰⵎⵓⵏⵜ ⵜⵓⵕⵓⴱⴱⵉⵜ, ⵍⵍⵉ ⴳ ⴰⵔ ⴷ ⵉⵜⵜⴰⵡⵉ ⵉⵙⵙⴰⵔⵓⵜⵏ ⴷ ⴰⵔ ⵉⵙⴽⴰⵔ ⵜⵉⵎⵢⴰⵇⵇⴰⵏⵉⵏ ⴼⴰⴷ ⴰⴷ ⵉⵣⴷⵉ ⴷ ⵓⴳⴰⴷⴰⵣ ⵏ ⵓⵀⵉⴷⵔⵓⵊⵉⵏ ⵉⵖⵓⵙⵏ ⵏ ⵉⵎⴰⵍ ⴳ ⵓⵕⵓⴱⴱⴰ".

ⵉⵎⵉⵙⵙ ⴰⵏⵖⵎⴰⵙ ⵏ ⵙⴱⴰⵏⵢⴰ, ⵍⵍⵉ ⵉⴳⴰⵏ ⵜⴰⵙⴰⵖⵓⵍⵜ ⴳ ⵓⵙⴼⵙⵉ ⵏ ⵉⵏⵖⵎⵉⵙⵏ ⵉⴳⵔⴰⵖⵍⴰⵏⵏ, ⵉⵏⵏⴰ ⵎⴰⵙ ⵉⴳⴰ ⵍⵎⵖⵔⵉⴱ "ⴰⵎⵎⴰⵙ ⴰⴷⵖⵔⴰⵏ ⵉ ⵓⴼⴰⵔⵙ ⵏ ⵜⵣⵎⵔⵜ ⴳ ⵉⵎⴰⵍ" ⵉⵙⴽⵔ ⵢⴰⴷ ⴰⵙⴰⴽⵯⵏ ⴰⵎⵣⵡⴰⵔⵓ ⵉ ⵓⴼⴰⵔⵙ ⵏ ⵜⵣⵎⵔⵜ ⵏ ⵓⵀⵉⴷⵔⵓⵊⵉⵏ ⵉⵙⵡⵓⵔⵉⵏ ⵙ ⵜⵣⵎⵔⵜ ⵏ ⵜⴰⴼⵓⴽⵜ, ⵢⵉⵔⵉ ⵍⵎⵖⵔⵉⴱ ⴰⴷ ⵉⴳ "ⴰⵙⴼⴰⵔⵙ ⴰⴷⵙⵍⴰⵏ ⴳ ⵢⵉⵎⴰⵍ".

ⵉⵙⵎⴷ ⵓⵖⴱⴰⵍⵓ ⴰⴷ ⵏⵉⵜ ⵎⴰⵙⴷ ⵉⵙⵏⴼⴰⵕⵏ ⴰⴷ ⵍⵍⵉ ⵢⴰⵥⵏ ⵉ ⵓⵕⵓⴱⴱⴰ, ⴳ ⵓⵏⴼⴰⵍ ⴰⵣⵎⵔⴰⵏ, ⵙⵔⵙⵏ ⵍⵎⵖⵔⵉⴱ ⴳ ⵓⴷⵖⴰⵔ ⵍⵍⵉⵖ ⵢⴰⵥ ⴰⴷ ⵉⴳ "ⴰⵎⵎⴰⵙ ⴰⴷⵖⵔⴰⵏ ⵏ ⵜⵣⵎⵔⵜ".

ⵉⵥⵕⴰ (ⵉⵍ ⵓⵔⴷⵏ ⵎⵓⵏⴷⵢⴰⵍ) ⵎⴰⵙⴷ ⴰⴽⴷ ⵓⵀⵉⴹⵕⵓⵊⵉⵏ ⴰⵣⴳⵣⴰⵡ, ⵉⵙⵜⵉ ⵍⵎⵖⵔⵉⴱ "ⵢⴰⵜ ⴳ ⵜⵙⵜⵔⴰⵜⵉⵊⵢⵉⵏ ⵏ ⵜⵣⵎⵔⵜ ⴰⴽⴽⵯ ⵉⴳⴰⵏ ⵜⴰⵖⵣⵓⵔⴰⵏⵜ ⴳ ⵓⴳⴰⴼⴰ ⵏ ⵜⴼⵔⵉⵇⵜ".

ⴼⴰⴷ ⴰⴷ ⵉⴳ ⵍⵎⵖⵔⵉⴱ ⴳ ⵡⴰⵡⴰⵏⴽⵏ ⵉⵎⵣⵡⵓⵔⴰ ⴳ ⵉⴳⵔ ⴰⴷ ⵏ ⵉⵎⴰⵍ, ⴷ ⴼⴰⴷ ⴰⴷ ⴷ ⵉⵙⵙⴽⵛⵎ ⵉⵙⵏⴼⴰⵕⵏ ⴷ ⵉⵎⴰⴹⵍⴰⵏⵏ, ⵉⴼⴽⴰ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ, ⴳ ⵏⵓⵡⴰⵏⴱⵉⵔ 2022, ⵜⴰⵖⴼⵍⵜ ⵏⵏⵙ ⴼⴰⴷ ⴰⴷ ⵉⵜⵜⵉⵙⴽⴰⵔ "ⵓⴼⵙⴰⵔ ⵏ ⵍⵎⵖⵔⵉⴱ" ⴳ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ, ⵍⵍⵉ ⵔⴰⴷ ⵉⵥⵍⵉ ⵙ ⵉⴳⵔ ⵏ ⵓⴹⵉⴷⵔⵓⵊⵉⵏ ⴰⴷⴳⵣⴰⵡ ⴳ ⵍⵎⵖⵔⵉⴱ, ⵉⵇⵇⴰⵏ ⴷ ⴰⴷ ⵉⵙⵎⵓⵏ ⵜⵉⵙⴳⵉⵡⵉⵏ ⵜⵉⵙⵏⵎⴰⵍⴰⵢⵉⵏ ⴷ ⵜⵎⵔⵙⴰⵍⵉⵏ, ⵓⵍⴰ ⴰⵖⴰⵡⴰⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%80%E2%B5%89%E2%B4%B7%E2%B5%94%E2%B5%93%E2%B5%8A%E2%B5%89%E2%B5%8F-%E2%B4%B0%E2%B5%A3%E2%B4%B3%E2%B5%A3%E2%B4%B0%E2%B5%A1-%E2%B5%89%E2%B5%99%E2%B4%B7%E2%B5%93%E2%B5%99-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%B7%E2%B5%96%E2%B4%B0%E2%B5%94-%E2%B5%8F%E2%B5%8F%E2%B5%99-%E2%B4%B0%E2%B5%8E-%E2%B4%B0%E2%B5%8E%E2%B5%8E%E2%B5%9B%E2%B5%94%E2%B4%BD-%E2%B5%8F%E2%B4%B0%E2%B5%83%E2%B5%A2%E2%B4%B0-%E2%B5%89-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C-%E2%B5%89%E2%B5%8E%E2%B5%89%E2%B5%99%E2%B5%99