Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵓⴳⵍⴷⵓⵏ ⵏ ⵉⵎⵓⵎⵏⵏ ⴳ ⵜⵎⵣⴳⵉⴷⴰ ⵃⵙⵙⴰⵏ ⵖ ⵕⵕⴱⴰⵟ ⵢⴰⵜ ⵜⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⵏⴱⵉ ⴰⵛⵔⵉⴼ 
  1. Accueil
  2. Activités royales

ⵉⵙⵙⵉⵅⴼ ⵓⴳⵍⴷⵓⵏ ⵏ ⵉⵎⵓⵎⵏⵏ ⴳ ⵜⵎⵣⴳⵉⴷⴰ ⵃⵙⵙⴰⵏ ⵖ ⵕⵕⴱⴰⵟ ⵢⴰⵜ ⵜⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏ ⵏⵏⴱⵉ ⴰⵛⵔⵉⴼ 

27 ⵛⵓⵜⴰⵏⴱⵉⵔ 2023 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵓⴳⵍⴷⵓⵏ ⵏ ⵉⵎⵓⵎⵏⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵢⵉⵍⵉ ⴷⵉⵙ ⴱⴰⴱ ⵏ ⵓⴷⴷⵓⵔ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵓⴷⴷⵓⵔ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ, ⴷ ⴱⴰⴱ ⵏ ⵓⴷⴷⵓⵔ ⴰⴳⵍⴷⵓⵏ ⵎⵓⵍⴰⵢ ⵃⵎⴰⴷ ⴷ ⴱⴰⴱ ⵏ ⵓⴷⴷⵓⵔ ⴰⴳⵍⴷⵓⵏ ⵙⵎⴰⵄⵉⵍ, ⵜⴰⴷⴳⴳⴰⵜ ⵏ ⵡⴰⵙⵙ ⵏ ⵓⴽⵕⴰⵙ ⴳ ⵜⵎⵣⴳⵉⴷⴰ ⵏ ⵃⴰⵙⵙⴰⵏ ⴳ ⵕⵕⴱⴰⵟ, ⵢⴰⵜ ⵜⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵉⴷⴷⵔ ⵏ ⵡⴰⵙⵙ ⵏ ⵜⵍⴰⵍⵉⵜ ⵏ ⵢⵉⵙⵔ ⴰⵛⵔⵉⴼ.

ⴳ ⵜⴼⵓⴳⵍⴰ ⴰⴷ ⵜⴰⵙⴳⴷⴰⵏⵜ, ⵍⵍⵉ ⴳ ⵜⵍⵍⴰ ⵜⵖⵔⵉ ⵏ ⴽⵔⴰ ⴳ ⵓⵇⵓⵕⴰⵏ ⴷ ⵓⵔⴰⵔ ⵏ ⵓⵔⴰⵔⵛ ⵉⵙⵔⴰⵏⵏ ⵉⵛⵔⵉⴼⵏ, ⵉⵏⵏⴰ ⵓⵎⴰⵡⴰⵙ ⵏ ⵍⵃⵓⴱⵓⵙ ⴷ ⵉⵙⴽⴽⵉⵏⵏ ⵉⵏⵙⵍⴰⵎⵏ, ⵎⴰⵙⵙ ⴰⵃⵎⴰⴷ ⵜⵜⴰⵡⴼⵉⵇ, ⵜⴰⴳⵓⵔⵉ ⵏⵏⵙ ⴳⵔ ⵉⴼⴰⵙⵙⵏ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⵉⴼⴽⴰ ⴳⵉⵙ ⵜⴰⵎⴰⵟⵟⵓⴼⵜ ⵏ ⵜⵉⵍⴰⵍ ⵏ ⵓⵙⵇⵇⵉⵎ ⵓⵙⵏⴰⵏ ⴰⵎⴰⵜⵓⵢ ⴷ ⵉⵙⵇⵇⵉⵎⵏ ⵓⵙⵏⴰⵏⵏ ⵉⴷⵖⵔⴰⵏⵏ, ⴷⴰⵜ ⵏ ⴰⴷ ⵉⴼⴽ ⴰⵏⵇⵇⵉⵙ ⵉⵣⴷⵉⵏ ⴷ ⵜⵎⴰⵟⵟⵓⴼⵜ ⴰⴷ ⵉ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ.

ⵉⵏⵏⴰ ⵓⵎⴰⵡⴰⵙ ⴳ ⵜⴳⵓⵔⵉ ⵏⵏⵙ, ⵎⴰⵙⴷ ⵉⵎⵓⵙⵏⴰⵡⵏ ⵙⵙⵏⵏ ⵉⵙ ⴰⵙⵏ ⵉⵜⵜⵃⵢⵢⴰⵍ ⵓⴳⵍⵍⵉⴷ ⴰⴷⴷⴰⴷ ⵉⵃⵍⴰⵏ ⴼⴰⴷ ⴰⴷ ⵙⴽⴰⵔⵏ ⵜⴰⵡⵡⵓⵔⵉ ⵏⵏⵙⵏ, ⵉⴱⴷⵔ ⵜⴰⵡⵓⵔⵉ ⵜⴰⵎⴳⴳⴰⵔⵓⵜ ⵏ ⵓⴳⵍⵍⵉⴷ ⵍⵍⵉⵖ ⵢⵉⵡⵙ ⵉ ⵓⵙⵇⵇⵉⵎ ⵓⵙⵏⴰⵏ ⵉⵙⴽⵔ ⴰⵙ ⵉⵙⵇⵇⵉⵎⵏ ⵉⴷⵖⵔⴰⵏⵏ, ⵉⵙⵎⴷ ⵉⵎⵍⵜⴰⵖⵏ ⴰⴹⵏⵉ ⴳ ⵉⵙⵇⵇⵉⵎⵏ ⴰⴷ.

ⵉⵙⵎⴷ ⵎⴰⵙⵙ ⵜⵜⴰⵡⴼⵉⵇ ⵎⴰⵙⴷ ⵉⵎⵓⵙⵏⴰⵡⵏ ⵏ ⵓⵙⵇⵇⵉⵎ ⵓⵙⵏⴰⵏ ⴰⵎⴰⵜⵓⵢ ⴷ ⵉⵙⵇⵇⵉⵎⵏ ⵓⵙⵏⴰⵏⵏ ⵉⴷⵖⵔⴰⵏⵏ ⵙⵡⵓⵔⵉⵏ ⴼⴰⴷ ⴰⴷ ⵙⵙⵍⴽⵎⵏ ⵜⴰⴱⵔⴰⵜ ⵏ ⵕⴱⴱⵉ ⵜⴰⵡⵙ ⴰⵙⵏ ⵜⵉⵔⵎⵉⵜ ⵏⵏⵙⵏ ⴳ ⵓⵎⵏⵉⴷ ⴰⴷ.

ⴳ ⵎⴰⵢⴰ, ⵉⴼⴽⴰ ⵓⴳⵍⴷⵓⵏ ⵏ ⵉⵎⵓⵎⵏⵏ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⵙⵡⵉⵏⴳⵎ ⴷ ⵜⵣⵔⴰⵡⵉⵏ ⵜⵉⵏⵙⵍⴰⵎ, ⵉ ⵎⴰⵙⵙ ⴱⵕⴰⵀⵉⵎ ⵉⴷ ⴱⵕⴰⵀⵉⵎ ⵣⴳ ⵜⵖⵔⵎⵜ ⵏ ⵓⴳⴰⴷⵉⵔ.

ⴰⵔ ⵜⴻⵜⵜⵉⴼⴽⴰ ⵜⵙⵎⵖⵓⵔⵜ ⴰⴷ ⴽⵔⴰⵢⴳⴰⵜ ⴰⵙⴳⴳⵯⴰⵙ ⵉ ⵉⵡⵔⵉⴽⵏ ⵓⵙⵏⴰⵏⵏ ⵢⴰⵜⵜⵓⵢⵏ, ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ, ⴼⴰⴷ ⴰⴷ ⵙⴽⴰⵔⵏ ⵉⵛⵏⵓⴱⴱⵛⵏ ⵉⵍⵍⴰⵏ ⴳ ⵓⵙⵡⵉⵔ ⴳ ⵢⵉⴳⵔ ⵏ ⵜⵣⵔⴰⵡⵉⵏ ⵜⵉⵏⵙⵍⴰⵎ, ⵎⴰⵢⴰⴷ ⵉⴼⵜⴰ ⴳ ⵓⵎⵏⵉⴷ ⵏ ⴰⵢⵍⵍⵉ ⵙ ⴰⵔ ⵉⵜⵜⵉⵏⵉ ⵓⵙⴳⴷ ⵏⵏⵖ ⵍⵉⵙⵍⴰⵎ.

ⵉⴼⴽ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⵙ ⵜⵎⵍⴷⴰ ⴰⴷ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⴰⴳⵔⴰⵖⵍⴰⵏⵜ ⵉ ⵓⵃⵙⵙⵓ ⵏ ⵍⵇⵓⵕⴰⵏ ⴷ ⵓⵙⵙⴼⵔⵓ ⵏⵏⵙ ⵉ ⵎⴰⵙⵙ ⵃⴰⵎⵣⴰ ⵚⴰⴱⵓ ⵣⴳ ⵜⵖⵔⵎⵜ ⵏ ⵟⴰⵏⵊⴰ.

ⵖⵉⴽⵍⵍⵉ ⵉⴼⴽⴰ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⵉ ⵎⴰⵙⵙ ⵄⵓⵎⴰⵕ ⴱⵏ ⵄⴰⴱⴷ ⵍⵄⵣⵉⵣ ⵍⴱⴰⵔⵉⴷⵉ, ⵣⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⴰⵄⵓⴷⵢⴰ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⴰⴳⵔⴰⵖⵍⴰⵏⵜ ⵏ ⵓⵃⵙⵙⵓ ⵏ ⵍⵇⵕⴰⵏ ⴰⵢⵢⴰⵡ ⵏ ⵜⵊⵡⵉⴷ, ⴷ ⵓⵃⵙⵙⵓ ⵏ ⵙⵎⵎⵓⵙ ⵉⴳⵯⵣⵎⴰⵏ.

ⵉⴼⴽ ⵓⴳⵍⵍⵉⴷ ⵏ ⵉⵎⵓⵎⵏⵏ, ⵓⵍⴰ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵜⵥⵓⵕⵉ ⵏ ⵜⴰⵔⴰⵢⵜ ⵜⴰⵎⵖⵔⴰⴱⵉⵜ ⵉ ⵎⴰⵙⵙⴰ ⵙⴰⵄⵉⴷⴰ ⵍⴽⵉⵢⴰⵏ ⵣⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⴷ ⵜⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵓⵎⵓⵔⵙ ⴳ ⵜⵥⵓⵕⵉ ⵏ ⵜⴰⵔⴰⵢⵜ ⵜⴰⵎⵖⵔⴰⴱⵉⵜ ⵉ ⵎⴰⵙⵙ ⵅⴰⵍⵉⴷ ⴰⵙⴱⵉⵙⵉ ⵣⴳ ⵜⵖⵔⵎⵜ ⵏ ⵜⵔⵓⴷⴰⵏⵜ.

ⴳ ⵎⴰⵢⴰ, ⵉⴼⴽⴰ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵜⵥⵓⵕⵉ ⵜⴰⵣⵅⵔⴰⴼⵜ ⵜⴰⵎⵖⵔⴰⴱⵉⵜ ⵅⴼ ⵉⴼⵔ ⵉ ⵎⴰⵙⵙ ⵎⵓⵃⵎⵎⴰⴷ ⵍⵖⴰⵕⵏⴰⵟⵉ ⵣⴳ ⵜⵖⵔⵎⵜ ⵏ ⵛⴼⵛⴰⵡⵏ, ⴷ ⵜⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵜⵥⵓⵕⵉ ⵜⴰⵣⵅⵔⴰⴼⵜ ⵜⴰⵎⵖⵔⴰⴱⵉⵜ ⵅⴼ ⵉⴼⵔ ⵉ ⵎⴰⵙⵙⴰ ⵚⴰⴼⴰ ⵍⴼⵜⵉⵃ ⵣⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ.

ⵉⴼⴽ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵜⵥⵓⵕⵉ ⵏ ⵓⵙⴽⴽⵉⵍ ⴰⵄⵕⴰⴱ ⵉ ⵎⴰⵙⵙ ⵍⵃⵙⵏ ⴼⴰⵔⵙⴰⵡⵉ ⵣⴳ ⵜⵖⵔⵎⵜ ⵏ ⵎⵕⵕⴰⴽⵛ, ⴷ ⵜⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵜⵥⵓⵕⵉ ⵏ ⵓⵙⴽⴽⵉⵍ ⴰⵄⵕⴰⴱ ⵉ ⵎⴰⵙⵙⴰ ⴰⵙⵎⴰ ⴰⵢⵜ ⵓⵅⵜⵉ ⵣⴳ ⵜⵖⵔⵎⵜ ⵏ ⵙⴰⵍⴰ.

ⴹⴰⵕⵜ, ⵎⵎⵓⵜⵜⵉⵏ ⵉⴳⵎⴰⵎⵏ ⵏ ⵜⵢⴰⵎⵓⵏⵜ ⵏ ⵜⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⵙⵡⵉⵏⴳⵎ ⴷ ⵜⵣⵔⴰⵡⵉⵏ ⵜⵉⵏⵙⵍⴰⵎ ⴼⴰⴷ ⴰⴷ ⵣⵓⵍⵏ ⵉ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⵣⴳⵉⵙⵏ ⴰⵙⵍⵎⴰⴷ ⵎⵓⵃⵎⵎⴰⴷ ⵢⴰⵙⴰⴼ ⴷ ⵎⵓⵃⵎⵎⴰⴷ ⵍⴽⵜⵜⴰⵏⵉ, ⴷ ⵎⵓⵚⵟⴰⴼⴰ ⴱⵏ ⵃⴰⵎⵣⴰ, ⴷ ⴷⵔⵉⵙ ⵅⴰⵍⵉⴼⴰ, ⵛⵛⴰⵀⴷ ⵍⴱⵓⵛⵉⵅⵉ, ⴷ ⴰⵃⵎⴰⴷ ⵛⴰⵡⵇⵉ ⴱⵏⴱⵉⵏ, ⴷ ⵄⴰⴱⴷ ⵍⵃⴰⵎⵉⴷ ⵍⵄⵍⵎⵉ, ⴷ ⴷⵔⵉⵙ ⴱⵏ ⴹⴹⴰⵡⵢⴰ, ⴷ ⵎⵓⵃⵎⵎⴷ ⵊⴰⵎⵉⵍ ⵎⴱⴰⵕⴽ, ⴷ ⵅⴰⴷⵉⵊⴰ ⴰⴱⵓ ⵣⵉⴷ, ⴷ ⴼⴰⵔⵉⴷⴰ ⵣⵎⵔⵓ, ⴷ ⵄⴰⴱⴷ ⵍⵄⵣⵉⵣ ⵓⵍⵄⵙⵔⵉ.

ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵜⴰⵙⴳⴷⴰⵏⵜ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵉⵃⵓⵏⴰ ⵏ ⵓⴱⵕⵍⴰⵎⴰⵏ, ⴷ ⵉⵎⵛⵛⴰⵡⵕⵏ ⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ, ⴷ ⵉⵎⵍⵜⴰⵖ ⵏ ⵜⵏⴱⴰⴹⵜ, ⴷ ⵉⵏⵎⵖⵓⵔⵏ ⵏ ⵍⵀⴰⵢⴰ ⵏ ⵓⴷⵓⵙⵜⵓⵔ, ⴷ ⵉⵏⵎⵖⵓⵔⵏ ⵏ ⵜⵏⵙⵙⵉⵅⴼⵜ ⵜⴰⵎⴰⵜⵓⵢⵜ ⵏ ⵉⵙⵔⴷⴰⵙ, ⴷ ⴽⵉⴳⴰⵏ ⵏ ⵉⵎⵓⵙⵏⴰⵡⵏ ⴷ ⵉⵡⵔⵉⴽⵏ ⵎⵇⵇⵓⵔⵏ.

ⴰⵙⵙⵉⴷⵔ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵉ ⵡⴰⵙⵙ ⴰⴷ ⴰⴼⵓⵥⴰⵕ, ⵉⴳⴰ ⵣⴳ ⵜⵎⵢⵓⵔⵉⵏ ⵍⵍⵉ ⵅⴼ ⴷ ⵢⵓⴼⴰ ⵉⵎⵣⵡⵓⵔⴰ ⵏⵏⵙ, ⵍⵍⵉ ⴱⴷⴷⴰ ⴰⴷⵍⵉ ⵉⵙⵙⵉⴷⵔⵏ ⴰⴽⵜⵜⴰⵢ ⴰⴷ ⵏ ⵜⵍⴰⵍⵉⵜ ⵏ ⴱⴰⴱⴰⵙⵏ ⴰⵎⵇⵕⴰⵏ ⵜⴰⵥⴰⵍⵍⵉⵜ ⴷ ⵓⵣⵓⵍ ⵏ ⵕⴱⴱⵉ ⴼⵍⵍⴰⵙ, ⵜⴳ ⵜⵍⴰⵍⵉⵜ ⵏ ⵢⵉⵙⵔ ⵜⴰⵍⴰⵍⵉⵜ ⵏ ⵜⵉⴼⴰⵡⵜ ⴳ ⵉⴳⴳⵉ ⵏ ⵜⴰⴷⴷⴰⵔⵜ ⵏ ⴷⴷⵓⵏⵉⵜ, ⵢⴰⵡⵉ ⴷ ⵜⵉⴼⴰⵡⵉⵏ ⴷ ⵓⴼⵔⴰ ⴷ ⵓⵎⵢⴰⵡⴰⵙ ⵉ ⵓⵎⴰⴹⴰⵍ, ⴼⴰⴷ ⴰⴷ ⴰⴽⴽⵯ ⴷⴷⵔⵏ ⵎⵉⴷⴷⵏ ⴳ ⵓⴼⵔⴰ.

Dernière modification : 27 ⵛⵓⵜⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%93%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%83%E2%B5%99%E2%B5%99%E2%B4%B0%E2%B5%8F-%E2%B5%96-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%A2%E2%B4%B0%E2%B5%9C-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%99%E2%B4%B3%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B4%BD%E2%B5%9C%E2%B5%9C%E2%B4%B0%E2%B5%A2-%E2%B5%8F