ⵢⵉⵏⵉ ⵓⵎⵙⵇⴰⴷ ⵉⴳⵏⵙⵙ ⵏ ⴽⵓⴷⵉⴱⵡⴰⵔ ⴷⴰⵔ ⵜⵎⵓⵔⴰ ⵎⵓⵏⵏⵉⵏ, ⵜⵢⵉⵎⵓⴽⵓ ⵎⵓⵔⵉⴽⵓ, ⵎⵏⵉⴷ ⵏ ⵜⵢⴰⵎⵓⵏⵜ ⵜⵉⵙⵙ ⴽⴽⵓⵥⵜ ⵏ ⵜⵎⵙⵎⵓⵏⵜ ⵜⴰⵎⴰⵜⵓⵜ ⵏ ⵜⵎⵓⵔⴰ ⵎⵓⵏⵏⵉⵏ, ⵎⴰⵙⴷ ⵜⴰⵎⴰⵣⵉⵔⵜ ⵏⵏⵙ "ⵜⵔⴰ ⴰⴷ ⵜⴰⵍⵙ ⵉ ⵓⵙⵙⴷⵓⵙ ⵏⵏⵙ ⵏ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵉ ⵜⵏⵣⵔⵓⴼⵜ ⵍⵍⵉ ⵜⴼⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 2007".
ⵉⵙⵎⴷ ⵎⴰⵙ ⵉⴼⵓⵍⴽⵉ ⵍⵍⵉⵖ ⴷ ⵎⵛⵓⵛⴽⴰⵏⵜ ⵓⴳⴳⴰⵔ ⵏ ⵜⵎⵉⴹⵉ ⵏ ⵜⵎⵓⵔⵜ, ⴳⴰⵏⵉⵏ ⵜⵉⵎⵍⵜⴰⵖⵉⵏ ⴳ ⵜⵎⵓⵔⴰ ⵎⵓⵏⵏⵉⵏ, ⴷ ⵓⴼⵙⵙⴰⵢ ⴰⴷ, ⴷ ⵍⵍⵉ ⴷ ⵢⵓⵛⴽⴰⵏ ⴷ ⵓⵙⴰⴹⵓⴼ ⴰⴳⵔⴰⵖⵍⴰⵏ, ⴷ ⵜⵏⵜⵜⴰⵎⵜ ⵏ ⵜⵎⵓⵔⴰ ⵎⵓⵏⵏⵉⵏ ⴷ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵜⵎⵙⵎⵓⵏⵜ ⵜⴰⵎⴰⵜⵓⵜ.
ⵉⵙⵏⵉⵖⵙ ⵓⴷⵉⴱⵍⵓⵎⴰⵙ ⵎⴰⵙⴷ ⵜⴰⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⴰⵔ ⵜⴰⴽⴽⴰ ⵜⵓⴳⵜⵜ ⵏ ⵜⴱⵖⵓⵔⵉⵏ ⵉ ⵉⵎⵣⴷⴰⵖⵏ ⵉⴷⵖⵔⴰⵏⵏ ⵍⵍⵉ ⵉⴷⵔⵔⵓⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⵏ ⵜⵏⵣⵔⵓⴼⵜ, ⵉⵣⵎⵎⵉⵎ ⵎⴰⵙⴷ ⴰⵙⵏⴱⴹ ⴰⵏⵛⵎⴰⵏⵉ ⵉⴼⵓⵍⴽⵉ ⵎⴰⵃⴷ ⵉⵎⵣⴷⴰⵖⵏ ⵏ ⵜⵏⵣⵔⵓⴼⵜ ⴰⵔ ⵜⴷⴷⵓⵏ ⴳ ⵜⵙⵜⴰⵢⵉⵏ ⵍⵍⵉ ⵉⵜⵜⵉⵍⵉⵏ ⴳ ⵍⵎⵖⵔⵉⴱ.
ⵉⵏⵏⴰ ⵎⴰⵙⴷ ⵜⵉⵙⵜⴰⵢⵉⵏ ⵜⵉⵎⴳⴳⵓⵔⴰ ⵍⵍⵉ ⵉⵜⵜⵉⵙⴽⴰⵔⵏ ⴳ ⵛⵓⵜⴰⵏⴱⵉⵔ 2021, ⴰⵔ ⴰⴽⴽⴰⵏⵜ ⵉ ⵉⵎⵣⴷⴰⵖⵏ ⵜⵉⵍⴻⵍⵍⵉ ⵏ ⴰⴷ ⵙⵜⵉⵏ ⵉⵙⵏⴱⴰⴹ ⵏⵏⵙⵏ ⵙ ⵜⵖⴰⵔⴰⵙⵜ ⵜⴰⴷⵉⵎⵓⴽⵔⴰⵜⵉⵜ, ⴷ ⴽⵔⴰ ⴳⵉⵙⵏ ⴰⵔ ⴱⴷⴷⴰ ⵉⴷⵔⵔⵓ ⴳ ⵜⵉⵏⴰⵡⵉⵏ ⴷ ⵜⵙⵓⵜⴰⵍ ⵍⵍⵉ ⵜⵙⵏⵎⵢⴰⵍⴰ ⵜⵢⴰⵎⵓⵏⵜ ⵜⵉⵙⵙ 24 ⵉⴹⴼⵕⵏ ⵉ ⵜⵎⵓⵔⴰ ⵎⵓⵏⵏⵉⵏ.
ⵉⵏⵏⴰ ⵎⴰⵙⵙ ⵎⵓⵔⵉⴽⵓ ⵎⴰⵙⴷ ⴽⵓⴷⵉⴱⵡⴰⵔ ⵜⵔⴰ ⴰⴷ ⴱⴷⴷⴰ ⵜⵜⵉⵍⵉⵏⵜ ⵜⵙⵓⵜⴰⵍ ⵙ ⵜⴰⵍⵖⴰ ⴰⴷ ⵏⵏⵙⵏⵜ ⵏⵉⵜ, ⵙ ⵜⵖⵜⴰⵙⵜ ⵏ ⵓⵙⵇⵇⵉⵎ ⴰⵏⴼⵔⴰⵡ ⵓⵟⵟⵓⵏ 2654 ⵉⵜⵜⵉⵙⴽⴰⵔⵏ ⴳ 27 ⴽⵜⵓⴱⵕ 2022 ⵙ ⵓⵃⵉⴹⵕ ⵏ ⵉⵎⴷⵔⴰⵡⵏ ⴰⴷ : ⵍⵎⵖⵔⵉⴱ ⴷ ⵍⵊⴰⵣⴰⵢⵔ ⴷ ⵎⵓⵔⵉⵜⴰⵏ ⴷ "ⴱⵓⵍⵉⵣⴰⵔⵢⵓ".