Published on MAPNews (https://www.mapnews.ma/am)

Accueil > ⴰⵏⴼⵍⵓⵙ ⵏ ⵓⴼⵓⵔ ⵏ ⵜⵢⴰⵎⵓⵏⵜ ⵜⴰⵎⵣⵣⴳⴰⵔⵜ ⵏ ⵜⵎⴰⴷⴷⴰⵙⵜ ⵉ ⵓⵙⵍⴻⵍⵍⵉ ⵏ ⴼⴰⵍⴰⵕⵟⵉⵏ ⴰⵔ ⵉⵙⵙⵉⵎⵖⵓⵔ ⵜⴰⵏⵏⴰⵢⵜ ⵉⵣⵣⴳⴰⵏ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵎⵏⵉⴷ ⵏ ⵜⵎⵙⴰⵔⵜ ⵜⴰⴼⴰⵍⵕⵟⵉⵏⵜ.

ⴰⵏⴼⵍⵓⵙ ⵏ ⵓⴼⵓⵔ ⵏ ⵜⵢⴰⵎⵓⵏⵜ ⵜⴰⵎⵣⵣⴳⴰⵔⵜ ⵏ ⵜⵎⴰⴷⴷⴰⵙⵜ ⵉ ⵓⵙⵍⴻⵍⵍⵉ ⵏ ⴼⴰⵍⴰⵕⵟⵉⵏ ⴰⵔ ⵉⵙⵙⵉⵎⵖⵓⵔ ⵜⴰⵏⵏⴰⵢⵜ ⵉⵣⵣⴳⴰⵏ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵎⵏⵉⴷ ⵏ ⵜⵎⵙⴰⵔⵜ ⵜⴰⴼⴰⵍⵕⵟⵉⵏⵜ.

06 ⴽⵟⵓⴱⵕ 2023 Version Imprimable
ⵕⵕⴱⴰⵟ - ⵉⵙⵙⵉⵎⵖⵓⵔ ⵓⵏⴼⵍⵓⵙ ⵏ ⵓⴼⵓⵔ ⵏ ⵜⵢⴰⵎⵓⵏⵜ ⵜⴰⵎⵣⵣⴳⴰⵔⵜ ⵏ ⵜⵎⴰⴷⴷⴰⵙⵜ ⵉ ⵓⵙⵍⴻⵍⵍⵉ ⵏ ⴼⴰⵍⴰⵕⵟⵉⵏ, ⵃⴰⵙⴰⵏ ⵛⵛⵉⵅ, ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵙ ⵜⴰⵏⵏⴰⵢⵜ ⵉⵣⵣⴳⴰⵏ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵕⴹⵉⵕ, ⴰⵏⵙⵙⵉⵅⴼ ⵏ ⵜⵢⴰⵎⵓⵏⵜ ⵏ ⵍⵇⵓⴷⵙ, ⵎⵏⵉⴷ ⵏ ⵜⵎⵙⴰⵔⵜ ⵜⴰⴼⴰⵍⴰⵕⵟⵉⵏⵜ.

ⵉⵏⵏⴰ ⵎⴰⵙⵙ ⵛⵛⵉⵅ, ⴳ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵉⵜⵜⵓⴷⵔⴰⵏ ⴷ ⵓⵎⴰⵡⴰⵙ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⴹⴰⵕⵜ ⵏ ⵓⵎⵙⴰⵡⴰⵍ ⵏⵏⵙⵏ, ⵎⴰⵙⴷ "ⵜⴰⵏⵏⴰⵢⵜ ⵜⴰⵎⵖⵔⵉⴱⵉⵜ ⵅⴼ ⵓⵡⴰⵏⴽ ⴰⴼⴰⵍⴰⵚⵟⵉⵏ ⵉⵍⴻⵍⵍⵉ ⴷ ⵜⵎⴰⵥⵓⵏⵜ ⵏⵏⵙ ⵍⵇⵓⴷⵙ ⵜⵉⵎⵉⵏⵉⴳⵜ, ⴰⵔ ⵜ ⵜⵙⵙⵉⵎⵖⵓⵔ ⵜⵏⴱⴰⴹⵜ ⵜⴰⴼⴰⵍⴰⵕⵟⵉⵏⵜ ⴳ ⵓⵎⵣⵡⴰⵔⵓ ⵏⵏⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵏⴰⵎⵓⵔⵜ ⵜⴰⴼⴰⵍⴰⵕⵟⵉⵏⵜ, ⵎⴰⵃⵎⵓⴷ ⵄⴱⴱⴰⵙ".

ⵉⵙⵙⵓⵎⴰⵏ, ⴳ ⵓⵎⵏⵉⴷ ⴰⴷ ⵏⵉⵜ, ⵎⴰⵙⴷ ⴰⵜⵉⴳ ⵍⵍⵉ ⵉⵍⵍⴰⵏ ⴷⴰⵔ ⵍⵎⵖⵔⵉⴱ ⴳ ⵓⵎⴰⴹⴰⵍ ⴰⵔ ⵢⴰⴽⴽⴰ ⵜⴰⴷⵓⵙⵉ ⵉ ⵜⴰⵏⵏⴰⵢⵉⵏ ⵏⵏⵙ ⴳ ⵓⴷⵖⴰⵔ ⴰⴷ, ⵉⵙⵎⴷ ⵎⴰⵙⴷ ⵜⴰⴳⵍⴷⵉⵜ "ⵙ ⵎⴰⴷ ⴰⴽⴽⵯ ⵜⵟⵟⴰⴼ ⵏ ⵜⵣⵎⴰⵔ ⵜⵉⵡⵙ ⵅⴼ ⴰⴷ ⵜⵙⴱⵉⴷⴷ ⵉⵣⵔⴼⴰⵏ ⵉⵏⴰⵎⵓⵔⵏ ⵏ ⵓⵖⵔⴼ ⴰⴼⴰⵍⴰⵚⵟⵉⵏ ⴳ ⴽⵓⵍⵍⵓ ⵉⵏⵎⵓⵇⵇⴰⵔⵏ ⵉⴷⵖⵔⴰⵏⵏ ⵓⵍⴰ ⵉⵎⴰⴹⵍⴰⵏⵏ".

ⴳ ⵜⵙⴳⴰ ⴰⴹⵏⵉ, ⵉⵏⵏⴰ ⵓⵎⴰⵙⵙⴰⵢ ⴰⴼⴰⵍⴰⵚⵟⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵉⵍⵉⵏ ⵜⵓⴳⵜⵜ ⵏ ⵉⵎⵙⴰⵡⴰⵍⵏ ⴼⴰⴷ ⴰⴷ ⵜⴻⵜⵜⵉⵢⵙⴽⴰⵔ ⵢⴰⵜ ⵜⴰⵏⵏⴰⵢⵜ ⵜⴰⵄⵕⴰⴱⵜ ⵉⴳⴰⵏ ⵢⴰⵜ ⵍⵍⵉ ⵔⴰⴷ ⵢⴰⵡⵙ ⴳ ⵓⴼⵓⴽⴽⵓ ⵏ ⵓⵎⵓⴽⵔⵉⵙ ⴰⴼⴰⵍⴰⵚⵟⵉⵏ-ⴰⵚⵕⴰⵢⵍ, ⵢⵉⵏⵉ ⵎⴰⵙ ⵍⵍⴰⵏ ⵜⵓⴳⵜⵜ ⵏ ⵉⵏⵢⴰⵍⴽⴰⵎⵏ ⵣⴳ ⴷⴰⵔ ⵡⴰⵄⵕⴰⴱⵏ.

ⴷⴰⵜ ⵏ ⵎⴰⵢⴰ, ⵉⵏⵏⴰ ⵎⴰⵙⴷ ⵜⴰⵣⴷⴰⵢⵜ ⴳⵔ ⵍⵎⵖⵔⵉⴱ ⴷ ⴼⴰⵍⴰⵚⵟⵉⵏ ⵜⵟⵟⴰⴼ ⵉⵥⵓⵕⴰⵏ ⴳ ⵓⵎⵣⵔⵓⵢ, ⵢⵉⵏⵏⴰ ⵎⴰⵙⵙ ⵛⵛⵉⵅ ⵎⴰⵙⴷ ⵉⵎⵙⴰⵡⴰⵍⵏ ⴰⴷ ⵔⴰⵏ ⴰⴷ ⵙⵙⴷⵓⵙⵏ ⵜⵉⵣⴷⴰⵢⵉⵏ ⵜⵉⴷⴰⵎⵙⴰⵏⵉⵏ ⴷ ⵜⵙⵔⵜⴰⵏⵉⵏ ⴷ ⵜⵎⴰⵍⵍⴰⵢⵜ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ, ⵉⵣⵎⴷ ⵎⴰⵙ ⵔⴰⴷ ⵉⵍⵉⵏ ⵉⵏⵎⵓⵇⵇⴰⵔⵏ ⴰⴹⵏⵉ ⴳⵔ ⵉⵎⴰⵡⴰⵙⵏ ⵣⴳ ⴽⵓ ⵜⴰⵙⴳⴰ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B4%BC%E2%B5%8D%E2%B5%93%E2%B5%99-%E2%B5%8F-%E2%B5%93%E2%B4%BC%E2%B5%93%E2%B5%94-%E2%B5%8F-%E2%B5%9C%E2%B5%A2%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A3%E2%B4%B3%E2%B4%B0%E2%B5%94%E2%B5%9C-%E2%B5%8F-%E2%B5%9C%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B5%99%E2%B5%9C-%E2%B5%89-%E2%B5%93%E2%B5%99%E2%B5%8D%E2%B4%BB%E2%B5%8D%E2%B5%8D%E2%B5%89-%E2%B5%8F-%E2%B4%BC%E2%B4%B0%E2%B5%8D%E2%B4%B0%E2%B5%95%E2%B5%9F%E2%B5%89%E2%B5%8F-%E2%B4%B0%E2%B5%94-%E2%B5%89%E2%B5%99%E2%B5%99%E2%B5%89%E2%B5%8E%E2%B5%96%E2%B5%93%E2%B5%94