ⵍⵎⵖⵔⵉⴱ ⵉⵍⵜⴰⵖ ⴷⴷⵓ ⵏ ⵜⵏⵙⵙⵉⵅⴼⵜ ⵉⵃⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵣⵣⵉⴳⵔ ⵏ ⵉⵚⵍⴰⵃⴰⵜ ⵉⵎⴰⵍ ⴷ ⵉⵣⵡⵓⵔⵏ (ⵎⴰⵙⵙ ⴰⵅⵏⵏⵓⵛ)

09 ⴽⵟⵓⴱⵕ 2023 Version Imprimable

ⵎⵕⵕⴰⴽⵯⵛ - ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵏⵓⵛ ⵡⴰⵙⵙ ⵏ ⵓⵢⵏⴰⵙ ⵎⴰⵙ ⵉⵍⵜⴰⵖ ⵍⵎⵖⵔⵉⴱ ⴳ 20 ⵓⵙⴳⴳⵯⴰⵙ ⵉⵣⵔⵉⵏ ⵙ ⵜⵏⵙⵙⵉⵅⴼⵜ ⵉⵃⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵣⵣⵉⴳⵔ ⵏ ⵉⵚⵍⴰⵃⴰⵜ ⵏ ⵉⵎⴰⵍ ⴷ ⵉⵣⵡⵓⵔⵏ.

ⵉⵙⵓⵍ ⵉⵏⵏⴰ ⵎⴰⵙⵙ ⴰⵅⵏⵏⵓⵛ ⴳ ⵓⵣⵎⵎⵣⵓ ⵏ ⵓⵕⵥⵓⵎ ⵏ ⵓⴷⵍⵉⵙ " ⵜⵓⴳⴳⴰⵣ ⵏ ⵍⵎⵖⵔⵉⴱ ⴰⴼⴰⴷ ⵏ ⵜⵎⵔⵏⵉⵡⵜ ⵉⴷⴷⵓⵙⵏ ⴷ ⵓⴳⴳⵔ ⴰⵖⵣⵓⵔⴰⵏ" ⴳ ⵓⵙⵜⵉ ⵏ ⵉⴳⵔⴰⵡⵏ ⵉⵙⴳⴰⵙⵏ ⵏ ⵓⴼⵏⵉⵇ ⵏ ⵜⴰⴷⵔⵉⵎⵜ ⴰⴳⵔⴰⵖⵍⴰⵏ ⴷ ⵍⴱⴰⵏⴽ ⴰⵎⴰⴷⵍⴰⵏ ⵎⴰⵙ " ⵉⵚⵕⴰⵃⴰⵜ ⴷⵔⴰⵏ ⴳ ⵓⵙⵔⵙ ⵏ ⵉⴱⵉⴷⴷⵏ ⵏ ⵓⵙⵏⴼⵍ ⵉⵖⴱⴰⵏ ⴷ ⴰⵙⵓⵍⴰⵏ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⵥⴹⵕⵏ ⵜⴰⴳⵍⴷⵉⵜ ⴳ ⵓⵙⴷⵓⵙ ⵏ ⵓⵃⵔⵛ ⴷ ⵓⴼⵔⴰⴳ ⵏ ⵉⵎⵏⵉⴷ ⵍⵎⴰⴽⵔⵓ ⵉⴷⵎⵙⴰⵏ"

ⵉⵙⵓⵍ ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵉⵙⵓⵊⴷ ⵓⴷⵍⵉⵙ ⴰⴷ ⵜⴰⴼⵏⵉⵇⵜ ⵏ ⵉⴷⵔⵔⵉⵎⵏ ⵜⴰⴳⵔⴰⵖⵍⴰⵏⵜ ⴷ ⵉⵙⴱⴰⵢⵏ ⵜⵉⵔⴰⵜ ⵏ ⵜⴳⵍⴷⵉⵜ ⴰⴷ ⵜⵉⵡⴹ ⵏ ⵉⵡⵜⵜⴰⵙⵏ ⵉⵜⵜⵓⵔⴰⵏ ⴳ ⵓⵙⵡⵉⵔ ⵏ ⵓⵙⴽⵔ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⵉⵙⵓⵍ ⵉⵏⵏⴰ ⵎⴰⵙ " ⵜⴰⴳⵍⴷⵉⵜ ⵜⴱⵉⴷⴷ ⵡⴰⵙⵙ ⴰⴷ ⴳ ⵓⵎⵎⴰⵙ ⵏ ⵉⴱⵔⵉⴷⵏ ⵉⴷⴷⵓⵔⵏ ⴳ ⵓⵎⵣⵔⵓⵢ ⵏⵏⵙ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%8D%E2%B5%9C%E2%B4%B0%E2%B5%96-%E2%B4%B7%E2%B4%B7%E2%B5%93-%E2%B5%8F-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%89%E2%B5%83%E2%B5%8D%E2%B4%B0%E2%B5%8F%C2%A0-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%93%E2%B5%A3%E2%B5%A3%E2%B5%89%E2%B4%B3%E2%B5%94-%E2%B5%8F-%E2%B5%89%E2%B5%9A%E2%B5%8D%E2%B4%B0%E2%B5%83%E2%B4%B0%E2%B5%9C-%E2%B5%89%E2%B5%8E%E2%B4%B0%E2%B5%8D%C2%A0-%E2%B4%B7