ⵎⴰⴷ ⴷ ⵉⴷⴷⴰⵏ ⴰⴹⵕⵉⵚ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵏⵏⴰ ⵉⵖⵔⴰ ⵎⴰⵙⵙ ⵄⵓⵎⴰⵕ ⵍⵇⴱⴱⴰⵊ ⴰⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ.
ⵙ ⵜⵓⵎⵔⵜ, ⴰ ⵙ ⴰⵖ ⵉⴳⴰ ⴰⴷⴷⵓⵔ ⴰⴷ ⵙⵉⵜⵓⵏ ⵏⵙⴱⴱⵔⴽ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⴳ ⵜⵖⵔⵎⵜ ⵏ ⵎⵕⵕⴰⴽⵛ ⵜⴰⵇⴱⵓⵔⵜ ⴷ ⵜⴱⴰⵖⵓⵔⵜ ⵙ ⵓⵎⵣⵔⵓⵢ ⵏⵏⵙ ⴷ ⵡⴰⵢⴷⴰ ⵏⵏⵙ ⴰⴷⵍⵙⴰⵏ ⴷ ⵓⵖⵔⵎⴰⵏ, ⴰⵢⵍⵍⵉ ⵜⵜ ⵢⵓⵊⵊⴰⵏ ⴰⴷ ⵜⴳ ⵜⴰⵙⴳⴰ ⵜⴰⵎⴰⵍⵍⴰⵢⵜ ⵜⴰⵎⴰⴹⵍⴰⵏⵜ, ⴷ ⵓⵏⵎⵓⵇⵇⴰⵔ ⵏ ⵓⵙⴱⵔⵔⴽ ⵏ ⵉⵎⵓⵙⵙⵓⵜⵏ ⵉⴳⵔⴰⵖⵍⴰⵏⵏ ⵉⵅⴰⵜⴰⵔⵏ ⵏⵏⴰ ⵉⵕⵛⵎⵏ ⴽⵔⴰ ⴳⵉⵙ ⴰⵎⵣⵔⵓⵢ ⵏⵏⵖ ⴰⵜⵔⴰⵔ ⵎⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔⴰ ⴳⵍⵍⵉⴷ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ .
ⴰⴷ ⵖⵉⴷ ⵏⴱⴷⵔ ⵙ ⵓⵥⵍⴰⵢ ⴰⵏⴼⴰ ⵏ "ⵍⴳⴰⵟ" ⵏ ⵓⵙⴳⴳⵯⴰⵙ 1994 ⵏⵏⴰ ⵉⵥⵕⴰⵏ ⵜⴰⵍⴰⵍⵉⵜ ⵏ ⵜⵎⴰⴷⴷⴰⵙⵜ ⵏ ⵜⵙⴱⴱⴰⴱⵜ ⵜⴰⵎⴰⴹⵍⴰⵏⵜ, ⵖ ⵜⴳⵉⵔⴰ ⴰⴷ ⴰⴳⵔⴰⵡ ⵏ ⵉⴳⵎⴰⵎⵏ (ⴽⵓⴱ 24) ⴳ ⵓⵙⴳⴳⵯⴰⵙ 2016.
ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⵎⵓⵔⵙ ⵍⵍⵉ ⴱⴷⴷⴰ ⵔⴰⴷ ⵢⵉⵍⵉ ⴰⵡⴷ ⴳ ⴷⴰⵔ ⵜⵙⵎⵓⵏⴰⵢ ⵜⵉⵙⴳⵯⵙⴰⵏⵉⵏ ⵏ ⵜⴳⵔⵓⵎⵎⴰ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ.ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵜⴰⵎⴰⵜⴰⵢⵜ ⴰⴷ
ⴰⴷ ⴰⵖ ⵓⵔ ⵉⵣⴳⵍ ⴰⴷ ⵏⵙⵉⵡⵍ ⵅⴼ ⵓⵙⵉⵜⴳ ⵏⵏⵖ ⵙⵉⵜⵓⵏ ⵙ ⴰⵢⵍⵍⵉ ⵜⵎⵍⴰⵏ ⵏ ⵉⵙⵢⴰⴼⴰⵜⵏ ⵣⴷⴷⵉⴳⵏⵉⵏ ⴷ ⵜⴼⵍⵙⵜ ⵅⴼ ⵜⵎⴰⵣⵉⵔⵜ ⵏⵏⵖ, ⵙ ⵜⵉⵍⵉⵜ ⵏⵏⵓⵏ ⴰⵙⵙ ⴰ ⴳ ⵎⵕⵕⴰⴽⵛ, ⴹⴰⵕⵜ ⵏ ⵓⵏⴷⵓⴷⵉ ⵉⵕⵥⴰⴳⵏ ⵏⵏⴰ ⵢⵓⵜⵏ ⵜⴰⵎⴰⵣⵉⵔⵜ ⵏⵏⵖ, ⴷ ⵓⵍⴰ ⵉ ⵉⵡⴰⵏⴽⵏ ⴷ ⵉⴳⵔⴰⵡⵏ ⵏⵏⴰ ⵉⵙⵙⵉⵡⵍⵏ ⵅⴼ ⵓⵃⵉⵢⵢⵍ ⵏⵏⵙⵏ ⵉ ⵡⴰⵏⵏⴰⵍ ⵏ ⵍⵎⵖⵔⵉⴱ ⵙⵍⴰⵡⴰⵏ ⴰⴽⴽⵯ ⴳ ⵜⴼⵔⴽⵜ ⵏ ⵡⴰⵍⵍⴰⵙ ⵏ ⵜⵓⵚⴽⴰ.ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
ⵉⵙⵙⵓⵎⵔ ⵉⵢⵉ ⴰⵙⵙ ⴷ, ⴹⴰⵕⵜ ⵏ ⵙⵉⵏ ⵉⵙⴳⴳⵯⴰⵙⵏ ⵏ ⵓⵙⵎⴰⵜⵜⵉ, ⵙ ⵓⵙⵔⴰⴳ ⵏ ⵓⵜⴰⵔⴰⵙ, ⴰⴷ ⵏⵥⵕ ⴰⵙⵏⵎⴰⵍⴰ ⵏ ⵓⵙⴳⵔⴰⵡ َ ⴰⴷ ⴰⵅⴰⵜⴰⵔ ⵜⵉⴽⴽⵍⵉⵜ ⵢⴰⴹⵏ ⴳ ⵓⵎⵏⵥⴰⵡ ⴰⴼⵔⵉⵇⵉ ⴹⴰⵕⵜ ⵏ ⵓⵣⴳⵏ ⵏ ⵜⴰⵙⵓⵜ, ⴳ ⵜⵙⴳⴰ ⵏ ⵓⴳⵎⵎⵓⴹ ⴰⵏⴰⵎⵎⴰⵙ ⴷ ⵢⵉⵥⵥⵍⵎⴹ ⵏ ⵢⵉⴼⵔⵉⵇⵢⴰ ⴹⴰⵕⵜ ⵏ ⵙⵉⵎⵔⴰⵡ ⵏ ⵓⵙⴳⴳⵯⴰⵙ ⵙⴳ ⵜⴰⵙⵓⵜⵍⵜ ⵏ ⴷⵓⴱⴰⵢ 2023.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .
ⴷ ⴰⴳⴰⵎⴰⵏ ⴰⴷ ⵜⴻⵜⵜⵓⵙⵔⴰⵙⵏ ⵉⵏⵓⵔⴰⵣ ⵅⴰⵜⵔⵏⵉⵏ ⵅⴼ ⵜⵙⵎⵓⵏⴰⵢ ⴰⴷ ⵜⵉⵙⴳⵯⵙⴰⵏⵉⵏ, ⵙ ⵉⵥⵉⵕ ⵏ ⵓⵎⵏⴰⴹ ⵓⵙⵍⵉⴷ ⵏⵏⴰ ⴳ ⵉⵣⵣⵔⴰⵢ ⵓⵎⴰⴹⴰⵍ, ⴷ ⵙ ⵜⴰⵡⵉⵜ ⵅⴼ ⵉⵏⴰⵥⴰⵕⵏ ⵊⵢⵓ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵡⵏⴹⴰⵏⵏ ⵏⵏⴰ ⴱⴷⴷⴰ ⵏⵜⵜⵎⵏⴰⵍⴰ ⵣⵖ ⵉⵙⴳⴳⵯⴰⵙⵏ ⴰⵢⴰⴷ.
ⴳ ⵜⵉⵣⵉ ⵏⵏⴰ ⴳ ⵉⵜⵜⵎⵏⴰⵍⴰ ⵉⵜⵔⵉ ⵏⵏⵖ ⵉⵙⵏⴼⴰⵍ ⵏ ⵓⵏⵣⵡⵉ ⵜⵙⴱⵣⵣⵉⵣ ⵢⴰⵜ ⵜⵉⵍⴰⵡⵜ ⵜⵣⵎⴰⵢⵏⵓⵜ, ⴰⵔ ⵜ ⴱⴷⴷⴰ ⵙⴷⴷⵉⴷⵏ ⵓⵎⵍⴰⵏ ⴰⵙⵙ ⴹⴰⵕⵜ ⴰⵙⵙ, ⵉⵖⴰⵎⴰ ⵙⵓⵍ ⵓⵎⴰⴹⴰⵍ ⵉⵏⴽⴹ ⴳ ⵉⵎⵓⴽⵔⵉⵙⵏ, ⵏⵖⴰⵍ ⴱⴷⴷⴰ ⵉⵙ ⴷ ⵢⴰⵏ ⵓⴳⵣⵣⵓⵎ ⴳⵉⵙⵏ ⵉⵙ ⵢⵓⴼⴰ ⴰⴱⵔⵉⴷ ⵏⵏⵙ ⵙ ⵓⴼⵙⵙⴰⵢ, ⵙ ⵜⵡⵉⵙⵉ ⵏ ⵏ ⵜⵙⴰⵍⵉⵡⵉⵏ ⴷ ⵜⵎⵔⵙⴰⵍ ⵜⵉⴳⵜⵉⵔⴰⵏ ⵏⵏⴰ ⵎⵉ ⵉⵜⵜⵓⵙⴽⴰⵔ ⵓⵙⴱⴷⴷⵉ ⵏⵏⵙⵏⵜ ⴹⴰⵕⵜ ⵏ ⵜⵎⴰⵖⵔⵜ ⵜⴰⵎⴰⴹⵍⴰⵏⵜ ⵜⵉⵙ ⵙⵏⴰⵜ.ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ .
ⴰⵢⵍⵍⵉ ⵏⵥⵕⵕⴰ ⴰⵙⵙ ⴰⴷ ⵙⴳ ⵜⵉⴱⴹⵉⵜ ⵜⴰⵊⵢⵓ ⵜⴰⴷⵎⵙⴰⵏⵜ ⴷ ⵜⵏⵓⵎⵉ ⵏ ⵉⴽⵏⴰⵙⵏ ⵉⴱⴰⴹⵏ, ⵏⵏⴰ ⵉⴳⴰⵏ ⴰⵙⵔⴰⴳ ⵏ ⵢⴰⵏ ⵓⴳⵣⵣⵓⵎ ⴷⵉⴳⵙⵏ ⵜⵉⵔⵉⵜ ⴳ ⵡⴰⵍⵍⴰⵙ ⵏ ⵓⵙⵏⴰⵎ ⵏ ⵉⵙⵓⵙⵜⴰⵍ ⵏ ⵜⴰⴳⴳⴰⵍⵉⵏ ⵜⵉⴷⵎⵙⴰⵏⵉⵏ ⴷ ⵜⵙⵔⵜⴰⵢ ⴳ ⵓⵙⵡⵉⵔ ⴰⵎⴰⴹⵍⴰⵏ, ⵉⵖⴰⵎⴰ ⴷⴰ ⵉⵜⵜⴳⴳⴰ ⴰⵙⴷⵉⴷⴷⵉⵢ ⴰⵎⵇⵇⵔⴰⵏ ⵏⵏⴰ ⵏⵍⴽⵎ ⴳ ⵜⵎⵔⴰⵡⵉⵏ ⴰⴷ ⴳⴳⵔⴰⵏⵉⵏ ⴳ ⵓⵎⴰⵍⵓ ⵏ ⵜⵎⵢⴰⵏⴰⵡⵜ ⵏ ⵉⴳⵎⴰⵎⵏ.
ⵜⴽⴽⴰ ⵜⵜ ⵉⵏⵏ ⵜⵙⵎⴰⴹⵍⴰⵏⵜ, ⵏⵏⴰ ⵎⵉ ⵉⵙⵙⵏⵜⵉ ⵓⵙⵡⵉⵥⵥⴹ ⵏⵏⵙ ⴳ ⵜⴰⵎⵔⴰⵡⵉⵏ ⵏ ⵜⴰⵙⵓⵜ ⴰⴷ ⵉⵣⵔⵉⵏ, ⵜⵉⵡⵙ ⴳ ⵓⵙⵉⵣⴷⵔ ⵏ ⵡⴰⵜⵉⴳ ⵏ ⵓⴼⴰⵔⵙ ⴷ ⵓⵙⵙⵔⵇⴱ ⵏ ⵜⵙⴱⴱⴰⴱⵜ ⵜⴰⵎⴰⴹⵍⴰⵏⵜ, ⵙⴳ ⵉⵙⵔⴰⴳⵏ ⵢⵉⵡⵙⵏⵉⵏ ⴳ ⵓⵙⵙⵉⴼⵙⵓⵙ ⵏ ⵓⴼⵓⴽⵜⵉ ⵏⵏⴰ ⵉⵛⵜⵜⴰⵏ ⴰⵙⵙ ⴰ ⵜⴰⵣⵎⵔⵜ ⵜⴰⵎⵙⵖⵉⵡⵜ ⵏ ⵜⴰⵡⵊⵉⵡⵉⵏ ⴳ ⵜⵙⴳⵉⵡⵉⵏ ⵏ ⵓⵎⴰⴹⴰⵍ ⴰⴽⴽⵯ, ⵡⴰⵅⵅⴰ ⵜⵉⵙⵔⵜⴰⵢ ⵜⵉⵥⵕⴼⴰⵏⵉⵏ ⵢⵓⵙⵙⵏⵉⵏ, ⵏⵏⴰ, ⵡⴰⵅⵅⴰ ⴷ ⴳⴳⵣⵏⵜ ⵙ ⵜⵡⵉⵍⴰ ⵜⴰⵎⴽⵓⴷⴰⵏⵜ, ⴼⵍⵏⵜ ⴷ ⵉⴷⵔⵉⵣⵏ ⵅⴼ ⵜⵉⵍⴰⵍⵜ ⵜⴰⴷⵎⵙⴰⵏⵜ.ⵎⴰⵢⴰⴷ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .
ⵣⵎⵔⵏⵜ ⴰⴷ ⵢⵉⵍⵉ ⵉⵎⵉⴽⴽ ⵏ ⵡⴰⵍⴰⵢ ⵉⴼⴰⵡⵏ ⵙⴳ ⵓⵙⵖⵓⴷⵓ ⵏ ⵉⵙⵡⵉⵔⵏ ⵏ ⵜⵓⴷⵔⵜ, ⴰⵢⵍⵍⵉ ⵢⵉⵡⵙⵏ ⴰⴷ ⵢⵉⵍⵉ ⵓⴼⵓⴽⴽⵓ ⵏ ⵜⴳⵔⵓⵎⵎⴰ ⵅⴰⵜⵔⵏⵉⵏ ⵙⴳ ⵉⵎⵣⴷⴰⵖⵏ ⵏ ⵓⵎⴰⴹⴰⵍ ⴳ ⵥⵥⵍⴹ, ⵎⵇⵇⴰⵔ ⴷ ⵉⵎⵓⵏ ⴷ ⵉⴷⵔⵉⵣⵏ ⴳ ⵜⵙⴳⴰ, ⵙⵍⴰⵡⴰⵏ ⴰⴽⴽⵯ ⴰⵢⵍⵍⵉ ⵉⵣⴷⵉⵏ ⵙ ⵓⵙⵉⵎⵖⵔ ⵏ ⵉⵎⵣⴰⵔⴰⵢⵏ ⴷ ⵜⵎⵢⴰⴳⴰⵔⵉⵏ.
ⴷ ⵉⵎⵉⴷⵉ ⵎⴰⵙ ⴷ ⵜⵉⵎⵔⵏⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⵙⵔⵜⴰⵢ ⵏⵏⴰ ⵉⵥⵕⴰ ⵓⵎⴰⴹⴰⵍ ⵉⵙⴳⴳⵯⴰⵙⵏ ⴰⴷ ⵣⵔⵉⵏⵉⵏ ⵉⵙⵖⴰⵡⵙⴰ ⴰⵎⵓⴽⵏ ⵏ ⵜⵎⵔⵙⴰⵍ ⴷ ⵜⵙⴰⵍⵉⵡⵉⵏ ⵏⵏⴰ ⵉⵏⴱⴹⵏ ⴰⵏⴳⵔⴰⵡ ⴰⴳⵜⵉⵔⴰⵏ, ⵎⴰⵛⴰ ⵓⵢⴰ ⵉⵙⵖⴰⵡⵙⴰ ⵓⵍⴰ ⵙ ⵓⵣⴷⴰⵢ ⵏ ⵉⵎⵏⵣⴰⵢⵏ ⵉⴷⵙⵍⴰⵏⵏ ⵏⵏⴰ ⵅⴼ ⵉⴱⴷⴷ ⵓⵏⴳⵔⴰⵡ ⴰⴷ, ⴷ ⵓⵙⴷⵓⵙ ⵏ ⵢⵉⵎⴰⵏ ⵏⵏⴰ ⴳ ⴷ ⵉⵜⵜⴰⴳⵎ. ⵙ ⵎⴰⵙ ⵜⴳⴰ ⴰⵏⴱⵣⴰⵣ ⵏ ⵜⵏⴼⵔⵓⵜ ⵏ ⵓⵣⴳⴳⵓ ⴷ ⵓⴼⵔⴰ ⴰⵎⴰⴹⵍⴰⵏ, ⴷ ⵓⴷⵃⵃⵓⵢ ⵙ ⵓⵙⴳⵓⴷⵉ ⵏ ⵜⵓⴳⴳⴰⵙ ⵃⵎⴰ ⴰⴷ ⵜⵉⵍⵉ ⵜⵔⵏⵏⴰⵡⵜ ⵅⴼ ⵉⵏⴰⵥⴰⵕⵏ ⵉⵛⵛⴰⵔⵏ ⵏⵏⴰ ⵉⵜⵜⵎⵏⴰⵍⴰ ⵢⵉⵜⵔⵉ ⵏⵏⵖ ⴷ ⵉⵎⴰⴷⴰⵏⵏ ⵏⵏⵖ.ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.
ⵎⴰⵛⴰ ⴰⵏⴰⵍ ⵉ ⵉⵏⴰⵥⴰⵕⵏ ⵉⵎⴰⴹⵍⴰⵏⵏ, ⵉⵙⵖⴰⵡⵙⴰ, ⵎⴽⵍⵍⵉ ⴰⴽⴽⵯ ⵏⵙⵙⵏ, ⵙ ⵉⴼⵙⵙⴰⵢⵏ ⵉⵎⴰⴹⵍⴰⵏⵏ, ⵓⵔ ⴰⵔ ⵜⴻⵜⵜⵢⴰⵡⴼⴽⴰⵏ ⵖⴰⵙ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⴷ ⵓⵣⵔⴰⴽ ⴰⵎⵢⴰⵖ ⴳⵔ ⵜⵎⵜⵜⴰ, ⵙⴳ ⵓⵙⵉⴷⴼ ⵏ ⵓⵎⵢⴰⵏⴰⵡ ⴷ ⵓⵙⵉⵜⴳ ⵏⵏⵙ, ⵙ ⵎⴰⵙ ⵉⴳⴰ ⴰⵜⵉⴳ ⴰⵎⵔⵏⵓ ⵓⵔ ⴷ ⴰⵖⴱⴰⵍⵓ ⵏ ⵓⴽⵏⴰⵙ ⴷ ⵜⴱⴹⵉⵜ ⵙ ⵓⴽⴰⵎⴷ ⵏ ⵜⵥⵍⴰⵢⵉⵏ ⵏ ⴽⵓ ⴰⵡⴰⵏⴽ ⴷ ⵜⵙⴳⴰ.