ⵉⵏⵏⴰ ⵟⵟⴰⵍⴱ, ⴳ ⵜⴳⵓⵔⵉ ⵏⵏⵙ ⵏ ⵓⵙⵉⵎⵡⴰⵙ, ⵎⴰⵙⴷ ⴰⴼⵔⴰⴳ ⴷ ⵡⴰⵔⴰⵢ ⵏ ⵓⵙⴳⴷ ⵍⵍⵉ ⵉⵙⴽⴰⵔ ⵓⴳⵍⴷⵓⵏ ⵏ ⵉⵎⵓⵎⵏⵏ ⵉⴱⴷⴷⵏ, ⵉⴳⴰ ⵣⴳ ⵜⵔⵣⵣⴰⴼ ⵏ ⵕⴱⴱⵉ ⵉ ⵓⵖⵔⴼ ⴰⵎⵖⵔⵉⴱⵉ, ⵜⴰⵎⴳⴳⴰⵔⵓⵜ ⴳⵉⵙ ⵍⵍⵉⵖ ⵉⴼⴽⴰ ⵓⴳⵍⵍⵉⴷ ⵜⴰⴳⵓⵔⵉ ⵛⵏⵙ ⵅⴼ ⴰⴷ ⵜⵜⵢⴰⵍⴰⵙ ⵜⵓⴳⵔⵉⵡⵜ ⵏ ⵜⵓⵡⵊⴰ ⵍⵍⵉ ⵉⴳⴰⵏ ⵜⴰⵔⵙⵍⵜ ⵏ ⵡⴰⵎⵓⵏ, ⴼⴰⴷ ⴰⴷ ⴷ ⵜⴰⵛⴽⵉ ⴷ ⵓⵙⴳⴷ ⵏⵏⵖ ⵓⵍⴰ ⴷ ⴰⵢⵍⵍⵉ ⴷ ⵉⵎⵛⵓⵛⴽⴰ ⵓⵏⵍⵍⵉ.
ⵉⵏⵏⴰ ⵟⵟⴰⵍⴱ ⵉⵔⴰ ⵓⴳⵍⴷⵓⵏ ⵏ ⵉⵎⵓⵎⵏⵏ ⴰⴷ ⵜ ⵢⴰⵔⵉ ⵕⴱⴱⵉ "ⴰⴷ ⵉⵙⴳⴰⵔⴷⴰ ⴰⵙⴰⴹⵓⴼ ⴰⴷ ⵏ ⵜⵓⵡⵊⴰ ⵉⵙⴳⴳⵯⴰⵙⵏ ⴰⵢⴰ, ⵖⵉⵍⴰ ⴰⵔ ⵉⵙⵙⵓⵜⵓⵔ ⴰⴷ ⴰⵙ ⴰⵍⵙⵏ, ⵉⵙⵡⴰⵍⴰ ⵏⵏ ⵜⵉⵙⴳⵉⵡⵉⵏ ⵜⵉⵏⴱⴰⴹⵉⵏ ⴷ ⵜⵣⵔⴼⴰⵏⵉⵏ ⴷⴷ ⵜⵎⴰⵙⵙⴰⵏⵉⵏ ⴼⴰⴷ ⴰⴷ ⵎⵔⴰⵔⴰⵏⵜ ⴰⵡⴰⵍ, ⵙⴼⴰⵍⴽⵉⵏ ⴰⵙⴰⴹⵓⴼ ⴰⴷ, ⵓⴽⴰⵏ ⵜⴰⴼ ⴳⵉⵙ ⵜⵎⵖⴰⵔⵜ ⴰⵣⵔⴼ ⵏⵏⵙ ⵉⴽⴷⴰ ⵜ ⵜⵔⴰ, ⵢⴰⵔⵉ ⵓⵍⴰ ⵜⴰⵣⵣⴰⵏⵉⵏ ⴼⴰⴷ ⴰⴷ ⴳⵏ ⵉⵏⴰⵎⵓⵔⵏ ⵉⴷⵓⵙⵏ ⵏ ⵉⵎⴰⵍ".
ⵉⵣⵎⵎⵉⵎ ⵎⴰⵙⴷ ⵕⴱⴱⵉ ⴰⵎⵇⵕⴰⵏ ⵉⴼⴽⴰ ⴳ ⵓⴷⵍⵉⵙ ⵏⵏⵙ ⴰⵣⵔⴼ ⴷ ⵓⵏⴳⴰⴷⴷⴰ ⵙ ⵎⴰⴷ ⵉⵜⵜⴰⵔⵉⵏ ⵜⴰⴷⵔⴼⵉⵜ ⵏ ⵓⴼⴳⴰⵏ ⵉⴳⵉⵢⵜ ⴰⵡⵜⵎ ⵏⵖ ⵉⴳⴰ ⵜⴰⵡⵜⵎⵜ," ⴰⵛⴽⵓ ⵎⴽⵍⵍⵉ ⵏⵏⴰⵏ ⵜⵓⴳⵜⵜ ⵏ ⵉⵎⴰⵙⵙⴰⵏ , ⴰⵏⴳⴰⴷⵔⴰ ⵉⵍⵍⴰ ⴳ ⵓⵙⴽⴽⵉⵔ ⵓⵍⴰ ⴳ ⵜⵎⴰⵙⵙⴰⵢⵜ, ⴷ ⵓⵣⵔⴼ ⴰⴷ ⵜⵍⴻⵍⵍⵉ ⵜⴰⴷⵔⵉⵎⴰⵏⵜ ⴷ ⴰⴷ ⵜⴻⵜⵜⴰⴼ, ⴷ ⴰⴷ ⵜⵙⵡⵓⵔⵉ, ⴷ ⵡⴰⵜⵉⴳ, ⴷ ⵜⵓⴳⴳⴰ, ⴷ ⵓⵙⵜⴰⵢ ⵏ ⵓⵙⵎⵓⵏ, ⴷ ⵍⵡⵔⵜ".
ⵢⵉⵏⵉ ⵟⵟⴰⵍⴱ ⵎⴰⵙⴷ "ⴰⵙⵏⵜⵍ ⴰⴷ ⵏ ⵍⵡⵔⵜ ⵍⵍⴰⵏ ⴼⵍⵍⴰⵙ ⵜⵓⴳⵜⵜ ⵏ ⵜⴰⵏⵏⴰⵢⵉⵏ, ⵏⵔⴰ ⴰⴷ ⵏⵉⵏⵉ ⵎⴰⵙⴷ ⴰⴳⵔⴰⵣ ⴰⵔ ⵉⵜⵜⴰⵡⵉ ⵓⴳⴳⴰⵔ ⵏ ⵜⵎⵖⴰⵔⵜ ⴳ ⴽⴽⵓⵥ ⵡⴰⴷⴷⴰⴷⵏ, ⴷ ⴰⵔ ⵜⴻⵜⵜⴰⵡⵉ ⵜⵎⵖⴰⵔⵜ ⵣⵓⴷ ⴰⴳⵔⴰⵣ ⴳ ⵓⴳⴳⴰⵔ ⵏ ⴽⴽⵓⵥ ⵡⴰⴷⴷⴰⴷⵏ ⴰⴷ, ⴷ ⴰⵔ ⵜⴻⵜⵜⴰⵡⵉ ⵓⴳⴳⴰⵔ ⵏ ⵓⵔⴳⴰⵣ ⴳ ⵎⵔⴰⵡ ⵡⴰⴷⴷⴰⴷⵏ, ⵉⵍⵉⵏ ⵡⴰⴷⴷⴰⴷⵏ ⴳ ⴰⵔ ⵜⴻⵜⵜⴰⵡⵉ ⵜⵎⵖⴰⵔⵜ ⴰⵔⴳⴰⵣ ⵓⵀⵓ".
ⴳ ⵓⵎⴳⴳⴰⵔⵓ ⵉⴷⵄⴰ ⵍⵅⴰⵟⵉⴱ ⵉ ⵙⵉⴷⵉ ⵕⴱⴱⵉ ⴰⴷ ⵉⵏⵚⵕ ⵡⴰⵏⵏⴰ ⵉⵙⵙⵔⵙ ⴷ ⴰⴳⵍⴷⵓⵏ ⵅⴼ ⵉⵎⵓⵎⵏⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵄⵣⵣ ⴰⵛⵏⵢⴰⵍ ⵏ ⵉⵎⵓⵙⵍⵎⵏ ⴰⴷ ⵉⵔⴰⵃ ⴰⴽⴷ ⵍⵅⵉⵔ ⵎⴰⵏⵉ ⵎⵎⴰ ⵉⵙⵙⵔⵙ ⴰⴹⴰⵕ ⵏⵏⵙ.
ⵎⴰⵎⵛ ⵉⴱⵜⴰⵀⵍ ⵍⵅⴰⵟⵉⴱ ⵖⵔ ⵕⴱⴱⵉ ⴰⴷ ⵉⵃⴹⴰ ⵓⴳⵍⴷⵓⵏ ⴱⴰⴱ ⵏ ⵡⵓⴷⴷⵓⵔ ⴰⵎⴰⵜⴰⵢ ⵎⵓⵍⴰⵢ ⵍⵃⴰⵙⴰ, ⴰⴷ ⵉⵎⵖⵔ ⴰⴷ ⵢⴰⵡⵙ ⴱⴰⴱ ⵏ ⵡⵓⴷⴷⵓⵔ ⵙ ⵓⵎⴰⵙ ⴱⴰⴱ ⵏ ⵡⴷⴷⵓⵔ ⴰⵎⴰⵜⴰⵢ ⵎⵓⵍⴰⵢ ⵕⵉⴷ ⴷ ⵜⵡⴰⵛⵓⵏⵜ ⵜⴰⴳⵍⴷⴰⵏⵜ ⵜⴰⴳⵯⵔⵔⴰⵎⵜ.
ⵎⴰⵎⵛ ⵉⵜⵜⴰⵔ ⴰⴷ ⵢⵔⵃⵎ ⴰⵎⵊⴰⵀⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵜⵏ ⵉⴳⴰⵣⴰ ⵕⴱⴱⵉ ⵅⴼ ⴽⵓⵍⵍⴰ ⵎⴰ ⵙⴽⵔⵏ ⴰⴼⴰ ⴰⴷ ⵜⴱⵓⵖⵍⵓ ⵜⴰⵎⴰⵣⵉⵔⵜ.