Published on MAPNews (https://www.mapnews.ma/am)

Accueil > ⵍⵎⵖⵔⵉⴱ ⴷ ⵍⵉⵎⴰⵔⴰⵜ ⴰⵔ ⵙⵏⴰⵢⵏ ⵅⴼ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵉ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⴼⵔⴰ ⴰⵙⵉⴱⵔⴰⵏⵉ 

ⵍⵎⵖⵔⵉⴱ ⴷ ⵍⵉⵎⴰⵔⴰⵜ ⴰⵔ ⵙⵏⴰⵢⵏ ⵅⴼ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵉ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⴼⵔⴰ ⴰⵙⵉⴱⵔⴰⵏⵉ 

19 ⴽⵟⵓⴱⵕ 2023 Version Imprimable
ⴷⵓⴱⴰⵢ - ⵉⵙⵏⵉ ⵍⵎⵖⵔⵉⴱ ⴷ ⵍⵉⵎⴰⵕⴰⵜ, ⴰⵙⵙ ⴰⴷ ⵏ ⵓⴽⵡⴰⵙ ⴳ ⴷⵓⴱⴰⵢ, ⵜⴰⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵉ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⴼⵔⴰ ⴰⵙⵉⴱⵔⴰⵏⵉ.

ⵎⵛⵓⵛⴽⴰⵏ ⴷ ⴳ ⵜⵎⵙⵙⴽⵜⵉⵜ ⴰⴷ ⵍⵍⵉ ⵙⵏⵉⵏ, ⴳ ⵜⵙⴳⴰ ⵏ ⵓⵙⴼⵙⵔ (ⵊⵉⵜⵙ ⴳⵍⵓⴱⴰⵍ 2023) ⴳⵔ ⵜⵎⵀⵍⴰ ⵜⴰⵎⴰⵜⴰⵢⵜ ⵉ ⵓⵙⵎⵀⵍ ⵏ ⵓⴼⵔⴰ ⴰⵎⵓⵟⵟⵓⵏ ⵉⵟⴼⵕⵏ ⵉ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ, ⴷ ⵓⵙⵇⵇⵉⵎ ⵏ ⵓⴼⵔⴰ ⴰⵙⵉⴱⵕⴰⵏⵉ ⵏ ⵜⵎⴰⵣⵉⵔⵜ ⵏ ⵜⵎⵓⵔⴰ ⵜⵉⵄⵕⴰⴱⵉⵏ ⵉⵎⵓⵏⵏ, ⵅⴼ ⵜⵡⵉⵙⵉ ⴳ ⵜⵙⵏⵜⴰⵢ ⵏ ⵓⴼⵔⴰ ⴰⵙⵉⴱⵕⴰⵏⵉ ⴳ ⵓⵎⴳⴰⵍ ⵏ ⵉⵎⵉⵣⵉ ⵉⵍⵍⴰⵏ ⴳ ⵓⵙⴰⵢⵔⵓⵔ ⴰⵙⵉⴱⵕⴰⵏⵉ ⴰⵎⴰⴹⵍⴰⵏ.

ⵉⴳⴰ ⵡⴰⵡⵜⵜⴰⵙ ⵏ ⵜⵎⵙⵙⴽⵜⵉⵜ ⴰⴷ ⵏ ⵓⵏⵔⴰⵎⴰⵙ, ⵍⵍⵉ ⵅⴼ ⵉⵍⵍⴰ ⴳ ⵓⵙⵏⴰⵢ ⵏⵏⵙ, ⵡⴰⴷ ⵉⵍⵍⴰⵏ ⵅⴼ ⵜⵡⵓⵔⵉⵡⵉⵏ ⵏ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴰⴱⵓⴷⴰⴱⵉ, ⵎⴰⵙⵙ ⵙⵓⵀⴰⵢⵍ ⴱⵓⵙⵅⵏ, ⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵙⴰⵜⵉ ⵉ ⵜⵡⵉⵙⵉ ⴳⵔ ⵍⵎⵖⵔⵉⴱ ⴷ ⵍⵉⵎⴰⵕⴰⵜ ⴳ ⵢⵉⴳⵔ ⵏ ⵓⴼⵔⴰ ⴰⵙⵉⴱⵕⴰⵏⵉ, ⴷ ⵜⵡⵓⵔⵉ ⵅⴼ ⴰⴷ ⵎⵓⵔⵙⵏ ⵉⴷⵡⴰⵙⵏ ⵏ ⵓⵏⴼⵍ ⴰⵎⵓⵟⵟⵓⵏ ⴷ ⵓⴱⵓⵖⵍⵓ ⴰⴷⴰⵎⵙⴰⵏ ⴷ ⵓⵏⴰⵎⵓⵏ, ⵍⵍⵉ ⵔⴰⴷ ⵏⵏ ⵉⵔⴰⵔ ⵉⵎⵉⵣⵉ ⵉⵍⵍⴰⵏ ⵅⴼ ⵢⵉⴳⵔ ⴰⴷ.

ⵜⵏⵏⴰ ⵜⵎⵙⵙⴽⵜⵉⵜ ⴰⴷ ⵜⵉⵍⵉ ⵜⵢⴰⵎⵓⵏⵜ ⵉⵜⵜⵓⴷⵔⴰⵏ ⵍⵍⵉ ⵔⴰⴷ ⵢⴰⵙⵉ ⵜⴰⵎⴰⵙⵙⴰⵢⵜ ⵏ ⵓⵙⵖⵉⵡⵙ ⴷ ⵓⵙⵏⵎⴰⵍⴰ ⵏ ⵜⵉⵍⴰⵍ ⵏ ⵓⵎⵢⴰⵡⴰⵙ, ⴷ ⴰⴷ ⵙⴽⵔⵏ ⵜⵉⵣⵉ ⵍⵍⵉ ⵔⴰⴷ ⵜⵜⵉⵙⴽⴰⵔⵏⵜ ⵜⵙⵏⵜⴰⵢ, ⴷ ⴰⴷ ⵜⵜⴳⴰⵡⴰⵔ ⵜⵢⴰⵎⵓⵏⵜ ⴰⴷ ⴳⵔⴰ ⵉⴳⴰⵜ ⴰⵙⴳⴳⵯⴰⵙ, ⴽⵓⵍⵍⵓ ⴽⵓⴷⵏⵏⴰ ⵍⵍⴰⵏⵜ ⵜⵎⵏⵜⵉⵍⵉⵏ ⵍⵍⵉⵙ ⴷ ⵉⵇⵇⴰⵏ ⴰⴷ ⵜⵏ ⵙⴳⴰⴷⴷⴰⵏ.

ⵜⵉⵏⵉ ⵜⵎⵙⵙⴽⵜⵉⵜ ⵎⴰⵙⴷ ⵉⵎⵙⴰⵙⴰ ⵍⵎⵖⵔⵉⴱ ⴷ ⵜⵎⵓⵔⴰ ⵜⴰⵄⵕⴰⴱⵉⵏ ⵉⵎⵓⵏⵏ ⵅⴼ ⵓⵎⵢⴰⵡⴰⵙ ⴰⴷ ⵜⵉⵍⵉ ⵢⴰⵜ ⵜⵡⵏⵏⴰⴹⵜ ⵜⴰⵎⵓⵟⵟⵓⵏⵜ ⴳ ⵉⵍⵍⴰ ⵓⴼⵔⴰ, ⴷ ⴰⴷ ⵜⴷⵔⵓ ⴽⵓ ⵜⴰⵎⴰⵣⵉⵔⵜ ⵜⵉⵔⵎⵉⵜⵉⵏ ⵏⵏⵙ ⴷ ⵜⴰⵢⵢⴰ ⴳ ⵢⵉⴳⵔ ⵏ ⵓⴼⵔⴰ ⴰⵙⵉⴱⵕⴰⵏⵉ.

ⵉⵔⵉⵏⵜ ⵜⵎⵉⵣⴰⵔ ⴰⴷ ⴳ ⵓⵎⵢⴰⵡⴰⵙ ⴳ ⵢⵉⴳⵔ ⴰⴷ, ⴰⴷ ⴼⵔⴳⵏ ⵜⴰⵡⵏⵏⴰⴹⵜ ⵜⵉⵍⵉⴽⵜⵕⵓⵏⵉⵜ ⵜⴰⴷⵖⵔⴰⵏⵜ ⵓⵍⴰ ⵜⴰⴳⵔⴰⵖⵍⴰⵏⵜ.

ⵜⴳⴰ ⵜⵎⵙⵙⴽⵜⵉⵜ ⴰⴷ ⵢⴰⵏ ⵓⵙⵏⵜⴰⵢ ⴰⵎⴰⵢⵏⵓ ⴳⵔ ⵍⵎⵖⵔⵉⴱ ⴷ ⵍⵉⵎⴰⵕⴰⵜ ⴳ ⵉⴳⵔ ⵏ ⵓⴼⵔⴰ ⴰⵙⵉⴱⵕⴰⵏⵉ, ⵜⴳ ⵓⵍⴰ ⴰⵎⴷⵢⴰ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ ⴳ ⵢⵉⴳⵔ ⴰⴷ.

ⵉⴷⵔⴰ ⵍⵎⵖⵔⵉⴱ, ⵙ ⵓⵙⵙⵉⵅⴼ ⵜⴰⵎⵉⵖⵉⵙⵜ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵉⵙⴳⴳⵯⴰⵙⵏ ⴰⵢⴰ, ⴳ ⵓⵙⴱⵓⵖⵍⵓ ⵏ ⵓⴼⵔⴰ ⴰⵎⵓⵟⵟⵓⵏ ⴷ ⵜⵓⵙⴽⴰ ⵏ ⵜⴼⵍⵙⵜ ⴳ ⵢⵉⴳⵔ ⴰⴷ.

ⴳ ⵜⵙⴳⴰ ⴰⴷ, ⵜⵎⵎⴰⵖ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⴷ ⵜⵙⴱⵓⵖⵍⵓ ⴰⴼⵔⴰ ⴰⵙⵉⴱⵕⴰⵏⵉ ⵙ ⵓⴼⵔⴰⴳ ⵏ ⵜⵡⵓⵔⵉⵡⵉⵏ ⴳ ⵜⵎⵀⴰⵍ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵍⵍⵉ ⵉⵙⵜⴰⵡⵀⵎⵎⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%8D%E2%B5%89%E2%B5%8E%E2%B4%B0%E2%B5%94%E2%B4%B0%E2%B5%9C-%E2%B4%B0%E2%B5%94-%E2%B5%99%E2%B5%8F%E2%B4%B0%E2%B5%A2%E2%B5%8F-%E2%B5%85%E2%B4%BC-%E2%B5%9C%E2%B5%8E%E2%B5%99%E2%B5%99%E2%B4%BD%E2%B5%9C%E2%B5%89%E2%B5%9C-%E2%B5%8F-%E2%B5%93%E2%B5%8F%E2%B5%94%E2%B4%B0%E2%B5%8E%E2%B4%B0%E2%B5%99-%E2%B5%89-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B3-%E2%B5%A2%E2%B5%89%E2%B4%B3%E2%B5%94-%E2%B5%8F-%E2%B5%93%E2%B4%BC%E2%B5%94%E2%B4%B0-%E2%B4%B0%E2%B5%99%E2%B5%89%E2%B4%B1%E2%B5%94%E2%B4%B0%E2%B5%8F%E2%B5%89%C2%A0