Published on MAPNews (https://www.mapnews.ma/am)

Accueil > ⴰⴽⵯⵜⵜⴰⵢ ⵡⵉⵙⵙ 25 ⵏ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ .. ⴰⵚⴽⵓ ⵏ ⵍⵎⵖⵔⵉⴱ ⴰⵜⵔⴰⵔ

ⴰⴽⵯⵜⵜⴰⵢ ⵡⵉⵙⵙ 25 ⵏ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ .. ⴰⵚⴽⵓ ⵏ ⵍⵎⵖⵔⵉⴱ ⴰⵜⵔⴰⵔ

24 ⴽⵟⵓⴱⵕ 2023 Version Imprimable
ⵕⵕⴱⴰⵟ -  ⵉⴽⵯⵜⴰ ⵓⴳⴷⵓⴷ ⴰⵎⵖⵔⴰⴱⵉ ⴰⵙⴽⴽⴰ ⴰⵙⵙ ⵏ ⵓⴽⵕⴰⵙ (09 ⵕⴰⴱⵉⵄ ⵡⵉⵙⵙ ⵙⵉⵏ) ⴳ ⵢⴰⵏ ⵓⵣⴰⵎⵣ ⵏ ⵓⵙⵍⴰⴽ, ⴰⴽⵜⵜⴰⵢ ⵡⵉⵙⵙ 25 ⵏ ⵜⵎⵜⵜⴰⵏⵜ ⵏ ⵓⵎⵙⵢⵉⵡⵏ ⵏ ⵜⵎⴰⵣⵉⵔⵜ ⴷ ⵓⵎⵙⴽⵔ ⵏ ⵜⵏⴽⵔⴰ ⵏⵏⵙ ⵜⴰⵎⴰⵢⵏⵓⵜ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ, ⴰⵢⴰⴷ ⵉⴳⴰ ⵢⴰⵏ ⵓⵣⵎⵣⵣⵓ ⴳ ⴷⴷⴰⵏ ⵉⵎⵖⵔⴰⴱⵉⵢⵏ ⴰⴷ ⴽⵯⵜⵉⵏ ⵙ ⵓⵙⵓⵜⴳ ⴷ ⵓⵣⵔⴰⴽ ⵏ ⵓⴳⵍⵍⵉⴷ ⴰⵅⴰⵜⴰⵔ ⵉⵕⵛⵎⵏ ⵙ ⵜⵢⴰⴼⵓⵜⵉⵏ ⵉⵙⵏⴼⵍⵏ ⵏⵏⵙ.

ⵙⴳ ⵍⵍⵉⵖ ⵉⵖⵍⵉ ⵙ ⵓⴷⴰⴱⵓ ⴰⵄⴰⵍⴰⵡⵉ ⴰⵅⴰⵜⴰⵔ ⴳ 1961, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ, ⴰⴷ ⵜ ⵉⵕⵃⵎ ⵕⴱⴱⵉ, ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⵜⵉⵎⵇⵕⴰⵏⵉⵏ ⵍⵍⵉ ⵔⴰⴷ ⴱⴷⴷⴰ ⵜⵜⵓⵙⵙⴽⵯⵜⴰⵏ ⴳ ⵓⵎⵣⵔⵓⵢ.

ⵖ ⵖⵉⴽⴰⵏⵏ, ⵉⵣⴹⴰⵕ ⵍⵎⵖⵔⵉⴱ ⴰⴷ ⵢⴰⵡⵉ, ⵙ ⵜⵙⵔⵜⵉⵜ ⵉⵣⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ, ⵜⴰⵎⵓⵏⵜ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵜⴳⵍⴷⵉⵜ, ⴷ ⴰⵙⴷⵓⵙ ⵏ ⵜⵙⵉⵍⴰ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⵏ ⵓⵣⴰⵔⴼ ⴷ ⵓⵙⵍⴳⵏ, ⴰⵢⵍⵍⵉ ⵏ ⵉⵙⵙⵉⵡⴹⵏ ⵜⴰⵎⴰⵣⵉⵔⵜ ⵏ ⵍⵎⵖⵔⵉⴱ ⴰⴷⵖⴰⵔ ⵉⵖⵓⴷⴰⵏ ⴳ ⵓⵙⵡⵉⵔ ⴰⵎⴰⴹⵍⴰⵏ, ⴷ ⵢⵉⵡⵙ ⵉ ⵓⵙⵔⵙ ⵏ ⵙⵙⵍⴰⵎⵜ ⴷ ⵜⵏⴼⵔⵓⵜ ⴳ ⵎⴰⵢⴳⴰⵜ ⵜⴰⵎⴰⵣⵉⵔⵜ ⴳ ⵓⵎⴰⴹⵍⴰⵏ, ⵏⵓⵎⴰⵍ ⵎⴰⵙ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ, ⵉⴳⴰ ⴰⵎⵛⵛⵉⵡⵕ ⵏ ⴽⵉⴳⴰⵏ ⵏ ⵉⵏⴱⴷⴰⴷⵏ ⴷ ⵉⵏⵙⵙⵉⵅⴼⵏ ⵏ ⵜⵎⵉⵣⴰⵔ ⴳ ⵓⵎⴰⴹⵍⴰⵏ.

ⴳ ⵓⵎⵏⴰⴹ ⴰⴷ, ⵉⵔⵛⵎ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⵎⵣⵔⵓⵢ ⴰⵎⴰⵢⵏⵓ ⵏ ⵍⵎⵖⵔⵉⴱ ⵙ ⵜⵢⴰⴼⵓⵜⵉⵏ ⵉⵜⵜⵓⵙⴽⵔⵏ ⴳ ⵜⵉⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⴳⵍⴷⵉⵜ, ⵍⵍⵉ ⵉⵙⵎⴰⵍ ⵓⵙⴳⴳⴰⴷ ⴰⵏⵖⴱⵓ ⵍⵍⵉ ⵉⵙⴽⵔ ⴷ ⵉⵙⵏⵜⵉⵜⵏ ⵉⵅⴰⵜⴰⵔⵏ ⵍⵍⵉ ⵉⵔⵥⴰⵎ, ⴰⵍⵍⵉⴳ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⵜⵔⴰⵔⵜ ⵍⵍⵉ ⵉⵣⴹⴰⵔⵏ ⴰⴷ ⵜⵙⵎⵓⵏ ⴳⵔ ⵜⵖⵔⵎⴰ ⵏⵏⵙ ⵜⴰⵇⴱⵓⵔⵜ ⴷ ⵜⵎⵜⵔⴰⵔⵜ ⵍⵍⵉⵏ ⵜⵔⴰ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B4%BD%E2%B5%AF%E2%B5%9C%E2%B5%9C%E2%B4%B0%E2%B5%A2-%E2%B5%A1%E2%B5%89%E2%B5%99%E2%B5%99-25-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B4%B3%E2%B5%8D%E2%B5%8D%E2%B5%89%E2%B5%8F-%E2%B5%8F-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%99%E2%B5%89%E2%B5%8F-%E2%B4%B0%E2%B5%9A%E2%B4%BD%E2%B5%93-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1