ⵉⵙⵎⴰⵍ ⵎⴰⵙⵙ ⵀⵉⵍⴰⵍ, ⴳ ⵢⴰⵜ ⵜⵉⵏⴰⵡⵜ ⵜⴰⵏⴰⵖⵎⴰⵙⵜ ⵏ ⵓⵙⵇⵇⵉⵎ ⵉ ⵓⵡⵏⵏⵉ ⴰⴷ ⵏ ⵜⵙⵓⵍⵜ ⵏ ⵜⵎⴰⵣⴰⵏⵜ ⵏ ⵍⵎⵉⵏⵓⵕⵚⵓ ⴰⵙⴳⴳⵯⴰⵙ ⵢⴰⴹⵏ, ⴰⵡⵏⵏⵉ ⴰⴷ ⴰⵔ ⵉⵙⵙⴷⵓⵙ ⵜⴰⵏⵏⴰⵢⵜ ⴷ ⵜⵙⵜⵕⴰⵜⵉⵊⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵏⵎⴰⵍⴰ ⵏ ⵓⵎⵓⴽⵔⵉⵙ ⴰⵙⵔⵜⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ , ⴳ ⵜⵏⵜⵜⴰⵎⵜ ⵏ ⵜⵎⵜⵜⴰ ⵉⵎⵓⵏⵏ ⴷ ⵓⵡⵏⵏⵉ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏⵏⴰ ⴷ ⴷⴰⵔ ⵜⴰⵣⴷⴰⵢⵜ .
ⵍⵍⵉⵖ ⵉⵙⵙⵎⵖⵔ ⵓⵎⵙⵇⴰⴷ ⵙ ⵓⵙⴽⴽⵉⵔ ⵏ ⵓⵡⵏⵏⵉ ⴰⴷ, ⵏⵏⴰ ⵉⴳⴰⵏ ⵢⴰⵏ ⵓⵎⵙⵏⵉⵍ ⵉ ⵜⵉⴽⴽⵉ ⵏ ⵓⴼⵙⵙⴰⵢ ⴰⵙⵔⵜⴰⵏ ⵉ ⵓⵎⵓⴽⵔⵉⵙ ⵏⵏⴰ ⵉⵜⵜⵓⴳⴰⵏ ⴳ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ , ⵉⵏⵏⴰ ⵎⴰⵙⴷⴷ ⴰⵡⵏⵏⵉ 2703 ⵉⴳⴰ ⵢⴰⵜ ⵜⵏⴼⵔⵓⵜ ⵉ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴷ ⵓⵣⵓⵣⵣⵔ ⵏ ⵓⴼⵔⴰ ⴳ ⵓⵎⴰⴹⴰⵍ, ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵏ ⵉⵎⵉⵖ ⴷ ⵓⵏⵅⵉⴱⴱⵍ ⴰⴷ ⵏⵏⴰ ⵉⵍⵍⴰⵏ ⵙⴳ ⵜⴰⵙⵓⵜⵉⵏ ⴰⵢⴰⴷ .
ⵉⵏⵏⴰ ⴰⵡⴷ ⵎⴰⵙⴷ ⴰⵙⵇⵇⵉⵎ ⴰⵔ ⵉⵙⵙⵎⵔⴰⵙ ⵉⵙⵍⴳⴰⵏⵏ ⴷ ⵉⵜⴳⴰⵔⵏ ⵉⵎⴰⴷⵍⴰⵏⵏ, ⴷ ⵓⵎⵙⴰⵙⴰ ⴷ ⴰⵢⵏⵏⴰ ⴰⴽⴽ ⵉⴳⴰⵏ ⵜⵉⴷⵜ, ⵉⵙⵏⵉⵎⵎⵔ ⴰⵡⴷ ⵜⵉⵎⵜⵜⴰ ⵉⵎⵓⵏⵏⵅⴼ ⵜⵣⵎⵎⴰⵔ ⵏⵏⵙ ⵏⵏⴰ ⵏⵏ ⵜⴻⵜⵜⴳⴳⴰ ⴰⴼⴰⴷ ⴰⴷ ⵜⴰⴼ ⴰⴼⵙⵙⴰⵢ ⴰⵙⵔⵜⴰⵏ ⵉ ⵓⵏⵅⵉⴱⴱⵍ ⴰⴷ ⵏⵏⴰ ⵉⵜⵜⵓⴳⴰⵏ .
ⵉⵣⴰⵢⴷ ⵎⴰⵙⵙ ⵀⵉⵍⴰⵍ ⵎⴰⵙⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴽⵎⵎⵍⵏ ⵉⵡⵏⵏⵉⵜⵏ ⵏⵏⴰ ⴳⴰⵏⵉⵏ ⵙⴰ ⵏ ⵓⵙⵇⵉⵎ, ⵉⵙⵙⴷⵓⵙ ⵎⴰⵙⴷ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵙⵏⴱⴹ ⴰⵏⵉⵎⴰⵏ ⵜⴷⵓⵙ ⵜⴳ ⵜⵉⵏ ⵜⵉⴷⵜ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵙⵏⵉⵍⵏ ⴽⵉⴳⴰⵏ ⵏ ⵉⵡⴰⵏⴽⵏ ⵜⴰⵙⵏⵜⴰⵢⵜ ⴰⴷ ⵜⴰⵎⵖⵔⵉⴱⵉⵜ ⴷ ⵜⴰⵜⵜⵓⵢⵜ ⵏ ⵍⵎⵖⵔⵉⴱ ⵅⴼ ⵉⴽⴰⵍⵉⵡⵏ ⵏⵏⵙ ⴰⴽⴽⵯ .
ⵙⴳ ⵓⵡⵏⵏⵉ ⴰⴷ, ⵉⵙⵎⴰⵢⵏⵓ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⵜⴳⴰⵔⵏ ⵏ ⵓⴼⵙⵙⴰⵢ ⴰⵙⵔⵜⴰⵏ ⵏ ⵓⵏⵅⵉⴱⴱⵍ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵏⵏⴰ ⵉⴳⴰⵏ ⵜⵉⵙⵔⵜⴰⵏⵉⵏ ⴷ ⵜⵎⴰⵙⵙⴰⵏⵉⵏ ⵙⴽⵓⵏ ⴰⵡⴷ ⵅⴼ ⵓⵎⵙⴰⵙⴰ .
ⵉⵏⵏⴰ ⵎⴰⵙⵙ ⵀⵉⵍⴰⵍ ⵎⴰⵙⴷ ⴰⵙⵇⵇⵉⵎ ⵏ ⵜⵏⴼⵔⵓⵜ ⵉⴽⴽⴰ ⵅⴼ ⵜⵓⴳⴳⴰ ⵏ 28 ⵏ ⵍⵉⵙⵜⵉⴼⵜⴰ ⵏⵏⴰ ⵉⵎⵎⵓⵜⵏ ⵙⵏⴰⵜ ⵜⴰⵙⵓⵜⵉⵏ ⴰⵢⴰⴷ ⵏⵏⴰ ⵉⴳⴰⵏ ⴷⴷⵣⴰⵢⵔ ⴷ ⵍⴱⵓⵍⵉⵣⴰⵕⵢⵓ .
ⵙⴳ ⵓⵎⵙⵇⴰⴷ, ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⵉⴽⴽⵍⵉⵜ ⵢⴰⴹⵏⵉⵏ ⵎⴰⵙⴷ ⴷⵣⴰⵢⵔ ⵏⵏⴰ ⵉⴳⴰⵏ ⴰⵎⵏⴰⴷ ⵉⵜⵜⴰⵡⵙⵏ ⴳ ⵉⵎⵉⵖ ⴰⴷ .
ⵉⵖⵓⵍⴼ ⵎⴰⵙⵙ ⵀⵉⵍⴰⵍ ⵍⵍⵉⵖ ⵓⵔ ⵜⵙⴽⵔ ⵍⴱⵓⵍⵉⵣⴰⵕⵢⵓ ⵙ ⵉⵜⴳⴰⵔⵏ ⵏ ⵜⵎⵢⴰⵇⵇⴰⵏⵜ ⵏ ⵡⴰⵔ ⵓⵍⵓⴼ ⵏⵏⴰ ⵢⵓⵣⵣⵔⵏ ⵙ ⵡⴰⵍⴰⵙ ⵏ ⵉⵎⴰⵣⴰⵏⵏ ⵏ ⵍⵎⵉⵏⵓⵕⵚⵓ .
ⵉⵙⵙⵎⵖⵕ ⵓⵎⵙⵇⴰⴷ ⵜⵉⵣⵎⵎⴰⵔ ⴷ ⴰⵢⵏⵏⴰ ⴰⴽⴽⵯ ⵉⵙⴽⵔ ⵍⵎⵖⵔⵉⴱ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴳ ⴰⴼⵏⴰ ⵉ ⵉⵡⵏⵏⵉⵜⵏ ⴰⴽⴽⵯ ⵏ ⴷⴷⵣⴰⵢⵔ ⴷ ⵍⴱⵓⵍⵉⵣⴰⵕⵢⵓ .
ⵉⵏⵏⴰ ⵎⴰⵙⵙ ⵀⵉⵍⴰⵍ ⵎⴰⵙⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⴷⵉⴷ ⵏ ⵓⵡⵏⵏⵉ 13 ⵏ ⵓⵙⵙⵉⴹⵏ ⵏ ⵉⵏⴽⵔⴰⴼ ⴳ ⵜⵉⵏⴹⵓⴼ ⵙⴳ ⴷⴰⵔ ⵜⵎⴰⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵜⴼⴳⴰⵏⵉⵜ ⵏ ⵜⵎⵜⵜⴰ ⵉⵎⵓⵏⵏ ⵏⵏⴰ ⵉⴳⴰⵏ ⵜⴰⵎⵙⵜⴳⴳⴰⵔⵜ ⵉ ⵓⵙⵙⵍⴽⵎ ⵏ ⵜⵡⵉⵙⵉ ⵜⵉⵏⴰⴼⴳⴰⵏⵉⵏ .
ⴳ ⵜⴳⵉⵔⴰ ⵉⵙⵏⵉⵎⵎⵔ ⵎⴰⵙⵙ ⵀⵉⵍⴰⵍ ⴰⵙⵇⵇⵉⵎ ⵏ ⵜⵏⴼⵔⵓⵜ ⵍⵍⵉⵖ ⵜⵙⴽⵔ ⵜⴰⵙⵓⵍⵜ ⵏ ⵉⵎⴰⵣⴰⵏⵏ ⵏ ⵍⵎⵉⵏⵓⵕⵚⵓ ⴰⵔ 31 ⴽⵜⵓⴱⵕ 2024 .