ⵉⵍⵍⴰ ⴷⴰⵔ ⵉⵏⴰⵡ ⴰⴳⵍⴷⴰⵏ ⵜⴰⵏⴰⵢⵜ ⴰⵊⵢⵓ -ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵓⵙⵡⵉⵔ ⴰⵎⵏⵣⴰⵡ (ⴰⵎⵓⵣⴰⵢ)

07 ⵏⵓⵡⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵏⵏⴰ ⵓⵙⵍⵎⴰⴷ ⵏ ⵉⵎⵢⴰⵙⵙⴰⵏ ⵉⵎⴰⴷⵍⴰⵏ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵖ ⵕⵕⴱⴰⵟ ⵣⴽⵔⵢⴰ ⴰⴱⵓ ⴷⴰⵀⴰⴱ ⵎⴰⵙ ⵉⵏⴰⵡ ⵢⴰⵜⵜⵓⵢⵏ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⴹⵉⵚ ⵉ ⵜⵎⵜⵜⴰ ⵙ ⵓⵣⵎⵎⵣⵓ ⵏ ⵓⵙⴽⵜⵉ ⵡⵉⵙⵙ 48 ⵏ ⵜⵡⴷⴰ ⵜⴰⵣⴳⵣⴰⵡⵜ ⵖⵓⵔⵙ ⴰⴷⴷⵓⵔ ⵓⵙⵍⵉⴳ ⴰⵛⴽⵓ ⵉⵍⵍⴰ ⴷⴰⵔ ⵉⵏⴰⵡ ⴰⴷ ⵢⴰⵜ ⵜⴰⵏⴰⵢⵜ ⴰⵊⵢⵓ -ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵓⵙⵡⵉⵔ ⴰⵎⵏⵣⴰⵡ.

ⵉⴼⵔⴰ ⵎⴰⵙⵙ ⴰⴱⵓ ⴷⴰⵀⴰⴱ ⴳ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⴰⵎⴰⵖⵔⴱⵉⵜ ⵏ ⵉⵏⵖⵎⵉⵙⵏ ⵎⴰⵙ " ⵉⵙⵉⵡⵍ ⴱⴰⴱ ⵏ ⵡⴰⴷⴷⵓⵔ ⵅⴼ ⴰⵔⵎⵎⵓⵙ ⵏ ⵓⴳⵔⴰⵡ ⴰⵟⵍⴰⵚⵉ ⵉⴼⵔⵉⵇⵉ ⵏⵏⴰ ⵉⵕⵥⵎ ⵍⵎⵖⵔⵉⴱ ⴳ ⵓⵙⴳⴳⴰⵙ 2022" ⵉⵙⵓⵍ ⵉⵏⵏⴰ ⵎⴰⵙ ⵉⴷⴷⴰ ⵉⵏⴰⵡ ⴰⴳⵍⴷⴰⵏ ⵎⵔⴰ ⴰⴷ ⵉⴼⴽⴰ ⴰⵎⵓⵙⵓ ⴰⵎⴰⵢⵏⵓ ⵏ ⵓⵅⵎⵎⵓⵎ ⵅⴼ ⵜⵓⵚⴽⵉⵡⵉⵏ ⵜⵉⵙⵜⵔⴰⵜⵉⵊⵢⵉⵏ ⵜⵉⵖⵓⵔⴰⵏ ⴳ ⵜⴰⵏⴼⵓⵜ ⵏ ⵓⵍⴰⵢ ⴳ ⵉⴼⵔⵉⵇⵢⴰ ".

ⵉⵙⵓⵍ ⵉⵏⵏⴰ ⵎⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴷⴷⵓⵔ ⴱⴰⵀⵔⴰ ⵓⵍⴰ ⵉ ⵜⵖⵡⵙⴰ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵎⴰⵢⴰⴷ ⵔⴰⴷ ⵉⵣⴷⵉ ⵓⴳⴳⵔ ⴳ ⵓⵙⴰⵜⵉ ⵏ ⵉⵙⵏⵜⵉⵏ ⵏⵏⴰ ⵜⴰⵙⵉ ⵜⴰⴳⵍⴷⵉⵜ ⵉⵍⵍⴰ ⴳⵉⵙⵏ ⴰⵙⵏⵜⵉ ⴰⵎⵇⵇⵕⴰⵏ ⵏ ⵓⵙⵍⴷ ⵍⵖⴰⵣ ⵏⵉⵊⵉⵔⵢⴰ-ⵍⵎⵖⵔⵉⴱ ⵎⴰⵢⴰⴷ ⵉⵙⵜⵜⴰⵡⵀⵎⴰⵏ ⴳ ⵎⴰⴷ ⵙ ⵜⴷⵔⵙⵉ 15 ⵜⴰⵎⴰⵣⵉⵔⵜ ⵜⴰⴳⵎⴰⵎⵜ ⴷ ⵜⴰⴷⵎⵙⴰⵏⵜ ⴳ ⵉⵡⴰⵏⴽⵏ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ (ⵉⴽⵡⴰⵙ).

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8D%E2%B5%8D%E2%B4%B0-%E2%B4%B7%E2%B4%B0%E2%B5%94-%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%9C%E2%B4%B0%E2%B5%8F%E2%B4%B0%E2%B5%A2%E2%B5%9C-%E2%B4%B0%E2%B5%8A%E2%B5%A2%E2%B5%93-%E2%B5%9C%E2%B5%99%E2%B5%9C%E2%B5%94%E2%B4%B0%E2%B5%9C%E2%B5%89%E2%B5%8A%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C-%E2%B5%8F-%E2%B5%93%E2%B5%99%E2%B5%A1%E2%B5%89%E2%B5%94-%E2%B4%B0%E2%B5%8E%E2%B5%8F%E2%B5%A3%E2%B4%B0%E2%B5%A1-%E2%B4%B0%E2%B5%8E%E2%B5%93%E2%B5%A3%E2%B4%B0%E2%B5%A2