Published on MAPNews (https://www.mapnews.ma/am)

Accueil > ⴰⵙⵏⵜⵉ ⵏ ⵜⵡⵓⵔⵉⵡⵉⵏ ⵏ ⵡⴰⴼⴰ ⴰⴷⴰⵎⵙⴰⵏ ⵏ ⵙⴰⵄⵓⴷⵢⴰ ⴷ ⵜⴼⵔⵉⵇⵜ ⴳ ⵕⵕⵢⴰⴹ ⵙ ⵜⴷⵔⴰⵡⵜ ⵏ ⵍⵎⵖⵔⵉⴱ

ⴰⵙⵏⵜⵉ ⵏ ⵜⵡⵓⵔⵉⵡⵉⵏ ⵏ ⵡⴰⴼⴰ ⴰⴷⴰⵎⵙⴰⵏ ⵏ ⵙⴰⵄⵓⴷⵢⴰ ⴷ ⵜⴼⵔⵉⵇⵜ ⴳ ⵕⵕⵢⴰⴹ ⵙ ⵜⴷⵔⴰⵡⵜ ⵏ ⵍⵎⵖⵔⵉⴱ

10 ⵏⵓⵡⴰⵏⴱⵉⵔ 2023 Version Imprimable
ⵕⵕⵢⴰⴹ - ⵙⵙⵏⵜⴰⵏⵜ, ⴰⵙⵙ ⴰⴷ ⵏ ⵓⵙⵉⵎⵡⴰⵙ ⴳ ⵜⵎⴰⵥⵓⵏⵜ ⵏ ⵙⴰⵄⵓⴷⵢⴰ ⵕⵕⵢⴰⴹ, ⵜⵉⵡⵓⵔⵉⵡⵉⵏ ⵏ ⵡⴰⴼⴰ ⴰⴷⴰⵎⵙⴰⵏ ⴰⵙⴰⵄⵓⴷⵉ ⴰⴼⵔⵉⵇ ⵙ ⵜⵉⵍⵉⵜ ⵏ ⵓⴳⵍⴷⵓⵏ ⵏ ⵙⵙⴰⵄⵓⴷⵢⴰ ⵎⵓⵃⵎⵎⴰⴷ ⴱⵏ ⵙⵍⵎⴰⵏ ⴷ ⵉⵏⵙⵙⵉⵅⴼⵏ ⴷ ⵉⵙⵍⵡⴰⵢⵏ ⵏ ⵜⵓⴳⵜⵜ ⵏ ⵉⵡⴰⵏⴽⵏ ⴳ ⵜⴼⵔⵉⵇⵜ.

ⵉⵙⵡⴰⵍⴰ ⵏⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵡⴰⴼⴰ ⴰⴷ ⴰⵙⵍⵡⴰⵢ ⵏ ⵜⵏⴱⴰⴹⴹ ⵄⴰⵣⵉⵣ ⴰⵅⵏⵏⵓⵛ. ⵎⴽⵍⵍⵉ ⵉⵍⵍⴰ ⴳ ⵜⵔⴰⴱⴱⵓⵜ ⵜⴰⵎⵖⵔⴰⴱⵉⵜ ⴳ ⵓⵙⵇⵇⵉⵎ ⴰⴷ ⵉⵍⴰⵏ ⴰⵙⵡⵉⵔ ⵢⴰⵜⵜⵓⵢⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ.

ⵢⵉⵍⵉ ⴳ ⵜⵔⴰⴱⴱⵓⵜ ⵜⴰⵎⵖⵔⵉⴱⵉⵜ ⵏ ⵜⵡⵡⵓⵔⵉⵡⵉⵏ ⵏ ⵡⴰⴼⴰ ⴰⴷ, ⴰⵎⵙⵇⴰⴷ ⵏ ⴱⴰⴱ ⵏ ⵓⴷⴷⵓⵔ ⴳ ⵜⴳⵍⴷⵉⵜ ⵏ ⵙⴰⵄⵓⴷⵢⴰ, ⴷ ⵎⵓⵃⵎⵎⴰⴷ ⵍⵄⵔⵓⵛⵉ, ⴰⵎⵙⵇⴰⴷ ⵏ ⵍⵎⵖⵔⵉⴱ ⴷⴰⵔ ⵜⴰⵎⵓⵏⵜ ⵏ ⵜⴼⵔⵉⵇⵜ, ⴷ ⴼⵓⵡⴰⴷ ⴰⵅⵔⵉⴼ, ⴰⵙⵍⵡⴰⵏ ⵏ ⵉⵎⵉⵏⵉⴳ ⴷ ⵍⵅⴰⵍⵉⵊ ⴷ ⵜⵎⴰⴳⵔⴰⵡⵉⵏ ⵜⵉⵖⵕⴰⴱⵉⵏ ⴷ ⵜⵎⵙⵍⵎⵉⵏ, ⴷ ⵃⴰⵙⴰⵏ ⵍⴱⵓⴽⵉⵍⵉ, ⴰⵙⵍⵡⴰⵢ ⵏ ⵍⵎⵖⵔⵉⴱ ⴰⵎⵇⵕⴰⵏ ⴷ ⵜⵡⵓⵔⵉⵡⵉⵏ ⵏ ⵜⴰⵎⵓⵏⵜ ⵏ ⵍⵎⵖⵔⵉⴱ ⴰⵎⵇⵕⴰⵏ ⴷ ⵜⴰⵎⵓⵏⵜ ⵏ ⵜⴼⵔⵉⵇⵜ, ⴷ ⵜⵓⴳⵜⵜ ⵏ ⵉⵏⵎⵖⵓⵔⵏ ⵉⴷⵓⴱⵍⵓⵎⴰⵙⵉⵏ ⴳ ⵜⵎⴰⵡⴰⵙⵜ ⵏ ⴱⵕⵕⴰ, ⴷ ⵡⵉⴷ ⵉⵙⵙⴰⴼⴹ ⵍⵎⵖⵔⵉⴱ ⵙ ⵍⵇⴰⵀⵉⵕⴰ ⴷ ⴰⴷⵉⵙ ⴰⴱⴰⴱⴰ.

ⵉⵔⴰ ⵡⴰⴼⴰ ⴰⴷ ⴰⴷ ⵉⵙⴱⴷⴷ ⵢⴰⵏ ⵓⵎⵢⴰⵡⴰⵙ ⴰⵙⵜⵔⴰⵜⵉⵊⵉ ⴳⵔ ⵙⵏⴰⵜ ⵜⵙⴳⵉⵡⵉⵏ ⴰⴷ, ⵙⴰⵄⵓⴷⵢⴰ ⴷ ⵜⵖⵔⵉⵇⵜ, ⴳ ⵢⵉⴳⵔⴰⵏ ⵉⴷⴰⵎⵙⴰⵏⵏ ⴷ ⵓⵙⵙⴰⵔⵓ, ⴼⴰⴷ ⴰⴷ ⵉⵙⵙⴷⵓⵙ ⵜⴰⵏⴼⴰⵍⵉⵜ ⴷ ⵓⴼⵔⴰ ⵏ ⵜⵎⵉⵣⴰⵔ ⴰⴷ.

ⵎⴽⵍⵍⵉ ⵉⵡⴰⵜⵜⵙ ⵡⴰⴼⴰ ⴰⴷ, ⴰⴷ ⵉⵙⵜⵉ ⵉⴳⵔⴰⵏ ⵏ ⵓⵎⵢⴰⵡⴰⵙ ⴷ ⵢⴰⵜ ⵜⴰⵏⵏⴰⵢⵜ ⵉⵜⵜⵓⴷⵔⴰⵏ ⴷ ⵉⵙⵏⴼⴰⵕⵏ ⵍⵍⵉ ⵔⴰⴷ ⵢⴰⵡⵙ ⴳ ⵜⵏⴼⴰⵍⵉⵜ ⴷ ⵓⵎⵢⴰⵡⴰⵙ ⴳⵔ ⵜⴳⵍⴷⵉⵜ ⵏ ⵙⴰⵄⵓⴷⵢⴰ ⴷ ⵜⵎⵉⵣⴰⵔ ⵏ ⵜⴼⵔⵉⵇⵜ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%A1%E2%B4%B0%E2%B4%BC%E2%B4%B0-%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F-%E2%B5%8F-%E2%B5%99%E2%B4%B0%E2%B5%84%E2%B5%93%E2%B4%B7%E2%B5%A2%E2%B4%B0-%E2%B4%B7-%E2%B5%9C%E2%B4%BC%E2%B5%94%E2%B5%89%E2%B5%87%E2%B5%9C-%E2%B4%B3-%E2%B5%95%E2%B5%95%E2%B5%A2%E2%B4%B0%E2%B4%B9-%E2%B5%99-%E2%B5%9C%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1