Published on MAPNews (https://www.mapnews.ma/am)

Accueil > ⵜⴰⵏⵣⵔⵓⴼⵜ.. ⴰⵡⴰⵍ ⵏ ⵜⵎⵓⵔⴰ ⵏ ⵎⵉⵔⵉⴽⴰⵏ ⵎⵓⵏⵏⵉⵏ ⵉⵣⵣⴳⴰ, ⴰⵏⵏⴰⵍ ⵏⵏⵙ ⵉ ⵜⴰⵏⵏⴰⵢⵜ ⵏ ⵍⵎⵖⵔⵉⴱ ⴳ ⵓⵙⵏⴱⴹ ⴰⵙⵉⵎⴰⵏ (ⵜⴰⵎⴰⵡⴰⵙⵜ ⵏ ⴱⵕⵕⴰ ⵜⴰⵎⵉⵔⵉⴽⴰⵏⵉⵜ)

ⵜⴰⵏⵣⵔⵓⴼⵜ.. ⴰⵡⴰⵍ ⵏ ⵜⵎⵓⵔⴰ ⵏ ⵎⵉⵔⵉⴽⴰⵏ ⵎⵓⵏⵏⵉⵏ ⵉⵣⵣⴳⴰ, ⴰⵏⵏⴰⵍ ⵏⵏⵙ ⵉ ⵜⴰⵏⵏⴰⵢⵜ ⵏ ⵍⵎⵖⵔⵉⴱ ⴳ ⵓⵙⵏⴱⴹ ⴰⵙⵉⵎⴰⵏ (ⵜⴰⵎⴰⵡⴰⵙⵜ ⵏ ⴱⵕⵕⴰ ⵜⴰⵎⵉⵔⵉⴽⴰⵏⵉⵜ)

21 ⵏⵓⵡⴰⵏⴱⵉⵔ 2023 Version Imprimable
ⵡⴰⵛⵉⵏⵟⵓⵏ - ⵜⵙⵎⴰⵢⵏⵓ ⴷⴰⵖ ⵎⵉⵔⵉⴽⴰⵏ, ⵓⵙⵙⴰⵏ ⵣⵔⵉⵏ , ⴰⵡⴰⵍ ⵏⵏⵙ ⵉⵣⵣⴳⴰⵏ ⵅⴼ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵜⵉⵏⵉ ⵎⴰⵙ ⵜⴼⵜⴰ ⴷ ⵜⴰⵏⵏⴰⵢⵜ ⵏ ⵍⵎⵖⵔⵉⴱ ⵏ ⵓⵙⵏⴱⴹ ⴰⵙⵉⵎⴰⵏ ⵍⵍⵉ ⵉⴳⴰⵏ ⵜⴰⵏⵏⴰⵢⵜ "ⵉⵣⵓⵙⵏ ⵜⴳ ⵜⴰⵏⵉⵍⴰⵡⵜ"

ⵉⵙⵙⵓⵎⴰⵏ ⵓⵎⵙⵙⵉⵡⵍ ⵙ ⵉⵙⵎ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵜⴰⵎⵉⵔⵉⴽⴰⵏⵉⵜ, ⵎⴰⵜⵢⵓ ⵎⵉⵍⵔ, ⵎⴰⵙⴷ ⵜⵉⵎⵓⵔⴰ ⵎⵓⵏⵏⵉⵏ ⵏ ⵎⵉⵔⵉⴽⴰⵏ "ⴰⵔ ⵜⵥⵕⵕⴰ ⵎⴰⵙⴷ ⴰⵙⵏⴱⴹ ⴰⵏⵉⵎⴰⵏ ⵍⵍⵉ ⵅⴼ ⵉⵙⴰⵡⴰⵍ ⵍⵎⵖⵔⵉⴱ ⵉⴳⴰ ⴰⴼⵙⵙⴰⵢ ⴰⵏⵉⵍⴰⵡ", ⴼⴰⴷ ⴰⴷ ⵏⴳ ⵜⵜⵎⵉ ⵉ ⵉⵎⵏⵖⵉ ⵉⵜⵜⵉⵢⵙⴽⴰⵔⵏ ⵅⴼ ⵜⵏⵣⵔⵓⴼⵜ.

ⵉⵙⵎⴷ ⵓⵎⵙⵙⵉⵡⵍ, ⴳ ⵓⵏⵎⵓⵇⵇⴰⵔ ⴰⵖⵎⵙⴰⵏ ⴳ ⵡⴰⵛⵉⵏⵟⵓⵏ, "ⵏⵉⵡⵙ ⵙ ⴽⵓⵍⵍⵓ ⵎⴰ ⴰⴷ ⴷⴰⵔⵏⵖ ⵉ ⵓⵎⴰⵣⴰⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵓⵔⴰ ⵎⵓⵏⵏⵉⵏ ⴳ ⵜⵡⵡⵓⵔⵉ ⵏⵏⵙ ⵜⴰⵙⵔⵜⴰⵏⵜ ⴳ ⴷⴷⵓ ⵓⴼⵓⵙ ⵏ ⵜⵎⵓⵔⴰ ⵎⵓⵏⵏⵉⵏ ⵅⴼ ⵜⵏⵣⵔⵓⴼⵜ, ⴼⴰⴷ ⴰⴷ ⵢⵉⵍⵉ ⵓⴼⵙⵙⴰⵢ ⴰⵎⴳⴳⴰⵔⵓ" ⵉ ⵉⵎⵉⵖ ⴰⴷ ⴰⵙⴳⴰⵡⴰⵏ.

ⴰⵔ ⵉⵎⵎⴰⵍ ⵡⴰⵡⴰⵍ ⵛ ⵓⵎⵙⵙⵉⵡⵍ ⵙ ⵉⵙⵎ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵜⴰⵎⵉⵔⵉⴽⴰⵏⵉⵜ ⵜⴰⵏⵏⴰⵢⵜ ⵉⵣⵣⴳⴰⵏ ⵏ ⵎⵉⵔⵉⴽⴰⵏ, ⵍⵍⵉ ⵢⵉⵡⵙⵏ ⴳ ⵓⵇⵕⵕⵓ ⴰⵎⵣⵔⵓⵢⴰⵏ, ⴰⵙⴳⴳⵯⴰⵙ ⵏ 2020, ⵣⴳ ⴷⴰⵔ ⵓⴷⵡⴰⵙ ⴰⴳⵔⴰⵖⵍⴰⵏ ⴷ ⵓⵎⴷⴷⴰⵡ ⴳ ⵓⵙⵇⵇⵉⵎ ⵏ ⵓⴼⵔⴰ ⴰⴳⵔⴰⵖⵍⴰⵏ, ⵙ ⵜⵏⴱⴰⴹⵜ ⵏ ⵍⵎⵖⵔⵉⴱ ⵅⴼ ⵡⴰⴽⴰⵍ ⵏⵏⵙ ⴰⴽⴽⵯ, ⵉⴳ ⵣⴳ ⴳⵉⵙ ⵡⴰⴽⴰⵍ ⵏ ⵜⵏⵣⵔⵓⴼⵜ.

ⵙⴳ ⵢⴰⵜ ⵜⵙⴳⴰ ⴰⴹⵏⵉ, ⴳ ⵜⵎⵔⴰⵔⵓⵜ ⵏⵏⵙ ⵅⴼ ⵓⵙⵇⵙⵉ ⵅⴼ ⵓⵔⴳⴰⴱ ⵏ ⵓⵎⵙⵇⴰⴷ ⵏ ⵎⵉⵔⵉⴽⴰⵏ ⵙ ⴷⵣⴰⵢⵔ, ⵉⵍⵉⵣⴰⴱⵉⵜ ⵎⵓⵔ ⵓⴱⵉⵏ, ⵙ ⵜⵉⵏⴷⵓⴼ, ⵉⵏⵏⴰ ⵎⴰⵜⵢⵓ ⵎⵉⵍⵔ ⵎⴰⵙ ⴷ ⵜⵓⵛⴽⴰ ⴳ ⵓⴷⵡⴰⵙ ⴰⵏⴰⴼⴳⴰⵏ ⵍⵍⵉ ⵜⵙⴽⴰⵔ ⵎⴰⵔⵉⴽⴰⵏ ⴼⴰⴷ ⴰⴷ ⵜⴼⵓⴽⴽⵓ ⴰⵎⵓⴽⵔⵉⵙ ⵏ ⵜⵏⵣⵔⵓⴼⵜ.

ⵢⵉⵏⵉ ⵓⵎⴰⵙⵙⴰⵢ ⴰⵎⵉⵔⵉⴽⴰⵏ ⵎⴰⵙⴷ "ⵓⵔ ⵙⴽⵔⵏ ⵃⵜⵜⴰ ⴽⵔⴰ ⵏ ⵓⵎⵙⴰⵡⴰⵍ ⴷ ⴱⵓⵍⵉⵥⴰⵕⵢⵓ ⴳ ⵓⵔⴳⴰⴱ ⴰⴷ".

ⴰⵡⴰⵍ ⴰⴷ ⴰⵔ ⵉⵙⵙⵉⵏⵉⴼ ⵜⵉⴽⵔⴽⴰⵙ ⵍⵍⵉ ⵙⴽⵔⵏ ⴽⵔⴰ ⵏ ⵉⵙⵏⵖⵎⴰⵙⵏ, ⵍⵍⵉ ⵉⵏⵏⴰⵏ ⵎⴰⵙ ⵉⵍⵍⴰ ⵓⵏⵎⵓⵇⵇⴰⵔ ⴳⵔ ⵓⵎⵙⵇⴰⴷ ⵏ ⵎⴰⵔⵉⴽⴰⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵏ ⴱⵓⵍⵉⵥⴰⵕⵢⵓ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B4%B0%E2%B5%A1%E2%B4%B0%E2%B5%8D-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0-%E2%B5%8F-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%8E%E2%B5%93%E2%B5%8F%E2%B5%8F%E2%B5%89%E2%B5%8F-%E2%B5%89%E2%B5%A3%E2%B5%A3%E2%B4%B3%E2%B4%B0-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%9C%E2%B4%B0%E2%B5%8F%E2%B5%8F%E2%B4%B0%E2%B5%A2%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%99%E2%B5%8F%E2%B4%B1%E2%B4%B9