Published on MAPNews (https://www.mapnews.ma/am)

Accueil > ⴰⵙⵏⵓⴱⴳ ⴰⴷⵙⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵙⴳ ⴷⴰⵔ ⵓⵏⵙⵙⵉⵅⴼ ⵏ ⵜⵎⵓⵔⴰ ⵜⵉⵄⵕⴰⴱⵏ ⵉⵎⴰⵏⵏ
  1. Accueil
  2. Activités royales

ⴰⵙⵏⵓⴱⴳ ⴰⴷⵙⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵙⴳ ⴷⴰⵔ ⵓⵏⵙⵙⵉⵅⴼ ⵏ ⵜⵎⵓⵔⴰ ⵜⵉⵄⵕⴰⴱⵏ ⵉⵎⴰⵏⵏ

04 ⴷⵓⵊⴰⵏⴱⵉⵔ 2023 Version Imprimable
ⴰⴱⵓ ⴹⴰⴱⵉ - ⵉⵜⵜⵓⵙⴽⴰⵔ ⴳ ⵡⴰⵙⵙ ⵏ ⵓⵢⵏⴰⵙ ⴳ "ⵉⵖⵔⵎ ⵏ ⵡⴰⵎⵓⵔ" ⴳ ⵜⵖⵔⵎⵜ ⵏ ⴰⴱⵓ ⴹⴰⴱⵉ, ⵢⴰⵏ ⵓⵙⴼⵓⴳⵍⵓ ⵏ ⵓⵙⵏⵓⴱⴳ ⴰⴷⵙⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ, ⵙⴳ ⴷⴰⵔ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴰⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵏⵙⵙⵉⵅⴼ ⵏ ⵜⵎⵓⵔⴰ ⵜⵉⵄⵕⴰⴱⵏ ⵉⵎⴰⵏⵏ.

ⵙⴳ ⵓⴽⵛⵛⵓⵎ ⵏ ⵉⵖⵔⵎ ⴰⵔ ⴷ ⴰⵔ ⵜⴰⴳⴳⵓⵔⵜ ⵏ ⵣⴰⵢⴷ ⴰⵖ ⵉⵜⵜⵓⵙⴽⴰⵔ ⵢⴰⵏ ⵓⴷⵡⴰⵍ ⵏ ⵉⵎⵏⴰⵢⵏ ⵉⴳⵍⴷⴰⵏⵏ ⵏ ⵉⵎⵇⵔⴰⵏⵏ ⵏ ⵜⵎⵓⵔⴰ ⵏⵏⴰ ⵏⵏ ⵉⵜⵜⴷⴷⵓⵏ ⵙ ⴷⴰⵔ ⵜⵎⵓⵔⴰ ⵜⵉⵄⵕⴰⴱⵏ ⵉⵎⴰⵏⵏ.

ⵙⴽⵔⵏ ⵉⴷⵡⴰⵍⵏ ⵏ ⵓⵙⵏⵓⴱⴳ ⵉ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⵙⵏⵓⴱⴳ ⵙ ⵓⵥⴰⵡⴰⵏ ⴷ ⵔⵔⴽⵣ ⵙ ⵜⵎⵍⴷⴰ ⵏ ⵓⵙⵏⵓⴱⴳ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.

ⵙ ⵜⵎⵍⴷⴰ ⴰⴷ ⵙⴽⵔⵏ ⵉⵎⴰⵢⵍⴰⵍⵏ ⵢⴰⵏ ⵓⴼⵙⴰⵔ ⵙ ⵜⴰⵢⵍⴰⵍⵉⵏ ⵍⵍⵉⵖ ⵙⵏⵓⵖⵏ ⵓⴽⵯⵍⴰⵏ ⵏ ⵓⵛⵏⵢⴰⵍ ⴰⵎⵖⵔⵉⴱⵉ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵙⴽⵔⵏ ⵓⵍⵓⴼⵏ ⵏ 21 ⵏ ⵜⵉⵢⵢⵜⵉ ⵙ ⵜⵎⵍⴷⴰ ⵏ ⵓⵙⵏⵓⴱⴳ ⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.

ⵍⵍⵉⵖ ⵏⵏ ⵉⵍⴽⵎ ⵜⴰⴳⴳⵓⵔⵜ ⵏ ⵉⵖⵔⵎ ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴰⴷ ⴱⵏ ⵣⴰⵢⴷ ⴰⵍⵏⴰⵀⵢⴰⵏ ⴰⵏⵙⵙⵉⵅⴼ ⵏ ⵎⵓⵔⴰ ⵏ ⵡⴰⵄⵕⴰⴱⵏ ⵙⴽⵔⵏ ⴰⵡⴷ ⵜⵓⵔⴰⵔⵉⵏ ⵜⵉⵏⴰⵎⵓⵔⵉⵏ ⵏ ⵙⵏⴰⵜ ⵜⵎⵉⵣⴰⵔ ⴰⴷ ⵙⴳ ⴷⴰⵔ ⵉⵙⵔⴷⴰⵙ ⵏ ⵡⴰⴽⴰⵍ ⴷ ⵡⵉⵏ ⵢⵉⵍⵍ.

ⵙ ⵜⵎⵍⴷⴰ ⴰⴷ ⵜⵜⵓⵙⴽⴰⵔ ⵢⴰⵜ ⵜⵡⵍⴰⴼⵜ ⵉ ⴱⴰⴱ ⵏ ⵡⴰⴷⴷⵓⵔ ⴷ ⵓⵙⵎⵓⵏ ⵏⵏⵙ ⵛⵛⵉⵅ ⵎⵓⵃⵎⵎⴰⴷ ⴱⵏ ⵣⴰⵢⴷ ⴰⵍⵏⴰⵀⵢⴰⵏ , ⵉⵙⵍⵍⵎ ⵓⵍⴰ ⴼ ⴱⴰⴱ ⵏ ⵡⴰⴷⴷⵓⵔ ⴰⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⴷ ⵓⵏⵙⵙⵉⵅⴼ ⵏ ⵓⴷⵉⵡⴰⵏ ⴷ ⵎⴰⵙⵙ ⵅⴰⵍⵉⴷ ⴱⵏ ⵎⵓⵃⵎⵎⴰⴷ ⴱⵏ ⵣⴰⵢⴷ ⴰⵍⵏⴰⵀⵢⴰⵏ ⴷ ⵎⴰⵙⵙ ⵀⴰⵣⴰⵄ ⴱⵏ ⵣⴰⵢⴷ ⴰⵍⵏⴰⵀⵢⴰⵏ ⴱⵏ ⵙⵍⵟⴰⵏ ⴰⵍ ⵏⴰⵀⵢⴰⵏ, ⴷ ⴽⵉⴳⴰⵏ ⵏ ⵉⵡⵔⵉⴽⵏ ⵢⴰⴹⵏ.

ⵙⵍⵍⵎⵏ ⵓⵍⴰ ⵉⴳⵎⴰⵎⵏ ⵏⵏⴰ ⵉⵍⵍⴰⵏ ⴳ ⵓⴷⵡⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵣⵓⵏⴷ ⵎⴰⵙⵙ ⵎⵓⵍⴰⵢ ⵄⴱⴷⵓⵍⵍⴰⵀ ⵍⵄⴰⵍⴰⵡⵉ ⴷ ⵎⵓⵍⴰⵢ ⵢⵓⵙⴼ ⴰⵄⴰⵍⴰⵡⵉ.

ⴰⴷⵡⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴳⵉⵙ ⴰⵡⴷ ⴰⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴼⵓⵡⴰⴷ ⵄⵍⵉ ⵍⵀⵉⵎⵎⴰ, ⴷ ⵓⵎⴰⵡⵙⴰⵙⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵜⵎⴰⵡⵙⴰⵙⵜ ⵏ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵙⴼⵍⵙ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⴷ ⵓⵎⴰⵡⵙⴰⵙ ⵏ ⵓⵏⴱⴱⵕ ⴷ ⵡⴰⵎⴰⵏ ⵎⴰⵙⵙ ⵏⵉⵣⴰⵔ ⴱⴰⵕⴰⴽⴰ, ⴷ ⵓⵎⴰⵡⵙⴰⵙ ⵏ ⵜⴽⵔⵣⴰ ⴷ ⵜⴳⵯⵎⵔⵜ ⵏ ⵢⵉⵍ ⴷ ⵜⵏⵍⵉⵜ ⵏ ⵓⵀⴰⵎⴰ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵍⵍⵓⵊⵉⵙⵜⵉⴽ ⵎⴰⵙⵙ ⵎⵓⵃⵎⴰⴷ ⵙⴰⴷⵉⵇⵉ, ⴷ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵏ ⵜⴰⵔⵏⴰⴷ ⵓⵛⵛⵉⵡⵕ ⴷ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ ⵎⴰⵙⵙ ⵃⴰⵙⴰⵏ ⵊⴰⵣⵓⵍⵉ, ⴷ ⵓⵎⴰⵡⵙⴰⵙ ⵏ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵙⴼⵍⵙ ⴷ ⵓⵎⵙⵜⴳⴳⴰⵔ ⵅⴼ ⵜⴷⵔⵉⵎⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴷ ⵓⵎⵏⵄⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵎⵓⵃⵎⵎⴰⴷ ⵍⵄⴰⵍⴰⵡⵉ, ⴷ ⴽⵉⴳⴰⵏ ⵏ ⵉⵡⵔⵉⴽⵏ ⵢⴰⴷⵏ ⵉⵎⴰⵜⴰⵢⵏ.

Dernière modification : 04 ⴷⵓⵊⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B0%E2%B4%B7%E2%B5%99%E2%B5%8D%E2%B4%B0%E2%B5%8F-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%99%E2%B4%B3-%E2%B4%B7%E2%B4%B0%E2%B5%94-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0-%E2%B5%9C%E2%B5%89%E2%B5%84%E2%B5%95%E2%B4%B0%E2%B4%B1%E2%B5%8F-%E2%B5%89%E2%B5%8E%E2%B4%B0%E2%B5%8F%E2%B5%8F