Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜⵜ ⵉ ⵢⵎⴷⵔⴰⵡⵏ ⴳ ⵜⵏⴰⵡⵜ ⵜⴰⵎⴰⴹⵍⴰⵏⵜ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵡⵉⵙⵙ 75 ⵏ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜⵜ ⵉ ⵢⵎⴷⵔⴰⵡⵏ ⴳ ⵜⵏⴰⵡⵜ ⵜⴰⵎⴰⴹⵍⴰⵏⵜ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵡⵉⵙⵙ 75 ⵏ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ

07 ⴷⵓⵊⴰⵏⴱⵉⵔ 2023 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ, ⵜⴰⴱⵔⴰⵜⵜ ⵜⴰⵎⴰⵜⴰⵢⵜ ⵉ ⵢⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵅⴼ 30 ⵏ ⵜⵎⵢⴰⵇⵇⴰⵏⵜ ⵅⴼ ⵡⴰⴷⴷⵓⵔ ⴰⵏⴼⴳⴰⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳⴳ ⵜⵖⵔⵎⵜ ⵏ ⵕⵕⴱⴰⵟ ⵓⵙⵙⴰⵏ ⵏ 7 ⴷ 8 ⴷⵓⵊⴰⵏⴱⵉⵔ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵡⵉⵙⵙ 75 ⵏ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴳ ⵜⴱⵔⴰⵜⵜ ⵏⵏⴰ ⵜⵖⵔⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵉⵍⵍⴰ ⵓⵎⵔⴰⵔⴰ ⵅⴼ ⵓⵙⵏⵜⵍ ⴰⴷ ⵏⵏⴰ ⵔⴰⴷ ⵉⵙⵙⵏ ⵓⵏⵎⵓⵇⵇⴰⵔ ⴰⴷ, ⵉⵍⵉⵏ ⴳⵉⵙ ⴰⵡⴷ ⵉⵙⵇⵇⵙⵉⵜⵏ ⵉⴷⵔⴰⵏ ⴰⴼⴰⴷ ⴰⴷ ⵉⵜⵜⵓⵙⵎⴰⵢⵏⵓ ⵉⴳⵔ ⴰⴷ.

ⵉⵙⵎⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵡⴰⵍ ⵏⵏⵙ, ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵉⵙⵜⵉ ⴰⴷ ⵉⴹⴼⵕ ⵢⴰⵏ ⵡⴰⵢⴷⴰ ⵙⵉⵙ ⵉⵥⵍⵉⵏ ⵏⵏⴰ ⵉⴱⵓⵖⵍⴰⵏ ⵢⵓⵎⵥ ⴰⵡⴷ ⴳ ⵜⵓⵔⵎⵉⵜⵉⵏ ⵜⵉⵎⴰⴹⵍⴰⵏⵉⵏ ⴳ ⵉⴳⵔ ⴰⴷ.

"ⵜⴰⵡⵡⵓⵔⵉ ⵏ ⵓⵙⴱⵓⵖⵍⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙⴳ ⴷⴰⵔ ⵍⵎⵖⵔⵉⴱⴳ ⵓⵙⵡⵉⵔ ⴰⵏⴰⵎⵓⵔ ⵓⵔ ⵉⴱⵉⴷ ⵖⴰⵙ ⵅⴼ ⵓⴷⵓⵙⵜⵓⵔ, ⵎⴰⵛⴰⵏ ⵉⴳⴰ ⴰⴷⵙⵍⴰⵏ ⵏ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ", ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

"ⴰⵎⵎⴰⵥ ⵏⵏⵖ ⴳ ⵉⴳⵔ ⵏ ⵓⵏⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⴷⴷⵉⴷ ⵏ ⵓⵡⴰⵏⴽ ⵏ ⵉⵙⵍⴳⴰⵏⵏ ⴷ ⵉⵣⵔⴼⴰⵏ ⴷ ⵓⵙⵙⴷⵓⵙ ⵏ ⵜⵎⵔⵙⴰⵍ ⵍⵍⵉⵖ ⵉⴳⴰ ⴰⵙⵜⴰⵢ ⴰⵙⵔⵜⴰⵏ ⴷ ⵓⵙⵎⵙⴰⵙⴰ ⴷ ⵉⵜⴳⴰⵔⵏ ⵏ ⵜⵓⵎⴰⵏⵉⵏ ⴰⴽⴽⵯ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵉⴳⵔ ⴰⵏⴰⵎⵓⵔ ⵏⵖⴷ ⴳ ⵓⵏⵎⴰⵍⵍⵓ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ", ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵎⵇⵇⴰⵔ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⴳ ⵉⴳⵔ ⴰⴷ ⵏⵙⵓⵍ ⵓⴽⴰⵏ ⵙⵓⵍ ⴳ ⵜⵉⵢⵢⴰⴹ, ⵙ ⵉⵜⴳⴰⵔⵏ ⴷ ⵓⵖⵓⴷⵓ ⵏⵏⴰ ⵉⵎⵙⴰⵙⴰⵏ ⴷ ⵜⵎⵢⵓⵔⵉⵏ ⴷ ⵉⵜⴳⴰⵔⵏ ⵉⵏⴰⵎⵓⵔⵏ, ⵙ ⵓⵙⴱⵓⵖⵍⵓ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵎⵓⵏⴰⵏⵏ ⴷ ⵡⵉⵏ ⵜⴷⵍⵙⴰ ⴷ ⵜⵡⵏⵏⴰⴹⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵉⴳⵔ ⴰⴷ ⴰⴳ ⵉⵙⴽⵔ ⵍⵎⵖⵔⵉⴱ ⴽⵉⴳⴰⵏ ⵏ ⵉⵙⴳⴳⴷⵏ, ⵏⵏⴰ ⵉⵍⵍⴰⵏ ⴳ ⵏⵏⵉⴳ ⵏ ⵜⵙⵔⵜⵉⵜⵉⵏ ⵏⵏⵖ ⵜⵉⵏⴰⵎⵓⵏⵉⵏ,ⴷ ⵓⵙⵏⴼⴰⵕ ⵏ ⵡⴰⵎⵓ ⴰⴷⵓⵙⴰⵏ ⴷ ⵓⵎⵓⵏⴰⵏ ⵏ ⵉⵡⴷⴰⵏ ⵉⵙⵖⴰⵡⵙⴰⵏ,ⴷ ⵓⵙⵙⴷⵓⵙ ⵏ ⵓⵏⵎⴰⵍⵍⵓ ⵏⵜⴷⵓⵙⵉ ⵜⴰⵏⴰⵎⵓⵔⵜ, ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵏⵙⵙⵏⵜⵉ ⴰⵡⴷ ⵉⵎⵔⴰⵔⴰⵜⵏ ⵉⵏⴰⵎⵓⵏⵏ ⵉⴷⵓⵙⵏ, ⵙ ⵡⴰⵍⴰⵙ ⵏ ⵓⵏⵎⴰⵍⵍⵓ ⵏ ⵜⵡⵊⴰ ⵍⵍⵉⵖ ⵣⵔⵉⵏ ⵙⵉⵎⵔⴰⵡ ⵏ ⵉⵙⴳⴳⵯⴰⵙⵏ ⵅⴼ ⵓⵙⵏⵜⵉ ⵏⵏⵙ, ⵙ ⴰⵢⵏⵏⴰ ⵉⴼⴼⵔⴳⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵜⵎⵖⴰⵔⵜ, ⴷⴼⴼⵉⵔ ⵍⵍⵉⵖ ⵜⴳⴰ ⵜⵡⵊⴰ ⴰⵙⴰⵜⵓⵔ ⵏ ⵡⴰⵎⵓⵏ, ⴷ ⵓⵎⵙⴰⵙⴰ ⴷ ⵓⵎⵙⴰⴷⴷⴰⵔ ⵏⵏⴰ ⴷ ⵉⴽⴽⴰⵏ ⴰⵙⴳⴷ ⵏⵏⵖ, ⵙ ⵓⵙⵙⵉⴷⵔ ⵏ ⵜⵎⴰⵎⴽⵉⵏ ⵏ ⵓⵎⵙⴰⵙⴰ ⴷ ⵉⵜⴳⴰⵔⵏ ⵉⴳⵔⴰⵖⵍⴰⵏⵏ ⵏⵏⴰ ⴷ ⴷⴰⵔ ⴰⴽⴽⵯ ⵜⴰⵣⴷⴰⵢⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵉⵙⵙⵏ ⵓⵎⴰⴹⴰⵍ ⴽⵉⴳⴰⵏ ⵏ ⵉⵙⵏⴼⴰⵍ, ⴷ ⵜⵓⵥⵍⴰⵢⵉⵏ ⵏ ⴽⵓ ⵜⴰⵎⴰⵣⵉⵔⵜ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴼⴼⴰⵖⵏ ⵉⵎⵔⴰⵔⴰⵜⵏ ⵉⵎⴰⴹⵍⴰⵏⵏ ⵙ ⵓⵙⵙⴷⵓⵙ ⵏ ⵓⵎⵢⴰⵏⴰⵡ ⵏ ⵜⴷⵍⵙⵉⵡⵉⵏ ⵍⵍⵉⵖ ⵜⴳⴰ ⵢⴰⵏ ⵓⵣⵔⴼ ⵉⵥⵍⵉⵏ ⵉ ⵢⵉⵣⵔⴼⴰⵏ ⵏ ⵓⴼⴳⴰⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵉⴳⵔ ⴰⴷ, ⵙ ⵓⵎⵙⴰⵙⴰ ⴷ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵉⵏⵜ ⴽⵉⴳⴰⵏ ⵏ ⵜⵎⵉⵣⴰⵔ ⴷ ⵉⵡⴰⵏⴽⵏ ⴰⴼⴰⴷ ⴰⴷ ⵙⴽⵔⵏ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴰⴼⴰⴷ ⴰⴷ ⴰⴼⵉⵏ ⵢⴰⵏ ⵡⴰⵢⴷⴰ ⴰⵎⴰⵙⵙⴰⵔ ⵏⵏⴰ ⵢⵓⴳⵉⵏ ⵜⵉⵡⴰⵖⵉⵜⵉⵏ ⴷ ⵉⵎⵉⵖⵏ ⴷ ⵉⵎⵓⴽⵔⵉⵙⵏ ⵏ ⵓⵣⵡⴰⴳ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵎⴰⵛⴰⵏ ⵉⴼⵙⵙⴰⵢⵏ ⵏ ⵉⵎⵓⴽⵔⵉⵙⵏ ⵏ ⵖⵉⵍⴰⴷ ⵡⵉⵏⵏⴰ ⴳⴰⵏⵉⵏ ⵉⵎⴰⴹⵍⴰⵏⵏ, ⵓⵔⴰⴷ ⴷⴷⵔⵏ ⵉⵖ ⵓⵔ ⵜⵜⵓⵙⴽⴰⵔⵏ ⵉⵜⴳⴰⵔⵏ ⵏⵏⴰ ⵉⵍⵍⴰⵏ ⴳ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴼⴼⴰⵖⵏ ⵉⴼⵙⵙⴰⵢⵏ ⵏⵏⴰ ⴳⴰⵏⵉⵏ ⵡⵉⵏ ⵓⵎⵙⴰⵙⴰ, ⵎⴰ ⴰⵏⵏ ⴰⴼ ⵜⵙⵡⵡⵓⵔⵉ ⵜⴳⵍⴷⵉⵜ ⵙⴳ ⴽⵉⴳⴰⵏ ⵏ ⵉⴱⵔⴰⴳⵔⴰⵡⵏ ⴰⴼⴰⴷ ⴰⴷ ⵜⵙⵙⵉⴷⵉⵔ ⴰⴼⵔⴰ ⴷ ⵓⵎⵙⴰⴷⴷⴰⵔ, ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

Dernière modification : 07 ⴷⵓⵊⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F%E2%B5%9C-%E2%B5%99-%E2%B5%9C%E2%B5%8E%E2%B5%8D%E2%B4%B7%E2%B4%B0-%E2%B5%8F-%E2%B5%93%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%99