ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵡⴰⵏⴽ ⴳ ⵍⵉⴱⵢⴰ ⵉⵙⵙⴷⵓⵙ ⴰⵡⵏⵏⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⵙⴳ ⵜⴰⵙⵙⴰⵙⵜ ⵏ ⵍⵉⴱⵢⴰ

08 ⴷⵓⵊⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵙⵙⴷⵓⵙ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⴰⵢ ⴳ ⵍⵉⴱⵢⴰ, ⵎⴰⵙⵙ ⵎⵓⵃⵎⵎⴰⴷ ⴼⵜⵜⴰⵃ ⵜⴳⴰⵍⴰ, ⴰⵡⵏⵏⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴳ ⵎⴰⴷ ⵉⵥⵍⵉⵏ ⵙ ⵜⴰⵙⵙⴰⵙⵜ ⵏ ⵍⵉⴱⵢⴰ.

ⵉⵏⵏⴰ ⵎⴰⵙⵙ ⵜⴳⴰⵍⴰ , ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵜⴰⵎⴰⵙⵙⴰⵔⵜ ⴷ ⵓⵎⴰⵡⵙⴰⵙⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴳ ⵓⵙⴰⵜⵉ ⵏ ⵉⵔⵣⵣⵓⵜⴳ ⴳⵔⴰⵜⵙⵏ ⴰⵙⵙ ⵏ ⵓⴽⵡⴰⵙ ⵎⴰⵙⴷ ⵉⵎⵔⴰⵔⴰⵜⵏ ⵏ ⵍⵉⴱⵢⴰ ⴰⴽⴽⵯ ⵜⵜⵓⴳⴰⵏ ⴳ ⵍⵎⵖⵔⵉⴱ ⵏⵏⴰ ⵉⵙⴽⵔⵏ ⴰⴼⵙⵙⴰⵢ ⴳⵔ ⴰⵢⵜ ⵍⵉⴱⵢⴰ.

ⵉⵏⵏⴰ ⵎⴰⵙⴷⴷ ⴰⵙⵇⵇⵉⵎ ⴰⵎⴰⵜⴰⵢ ⵏ ⵓⵡⴰⵏⴽ ⴳ ⵍⵉⴱⵢⴰ ⵉⴳⴰ ⵜⴰⴼⵍⵙⵜ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⴱⵓⵖⵍⵓ ⵡⴰⴷⴷⴰⴷ ⴰⵙⵔⵜⴰⵏ ⴳ ⵍⵉⴱⵢⴰ.

ⵉⵣⴰⵢⴷ ⵉⵏⵏⴰ ⵎⴰⵙⴷ ⵉⵎⵔⴰⵔⴰⵜⵏ ⵉⵙⵔⵜⴰⵏⵏ ⵏ ⵍⵎⵖⵔⵉⴱ ⵔⴰⴷ ⴰⵖ ⵢⴰⵊⵊ ⴰⴼⴰⴷ ⴰⴷ ⵏⵙⴽⴰⵔ ⵉⵎⵔⴰⵜⵔⴰⵜⵏ ⵏⵏⵖ ⴳ ⵡⴰⴽⴰⵍ ⵏ ⵍⵎⵖⵔⵉⴱ.

ⵉⵙⵎⴷ ⵉⵏⵏⴰ ⵎⴰⵙⴷ ⴰⵎⵙⴰⵙⴰ ⵏ ⵙⵙⵅⵉⵕⴰⵟ ⵜⴳⴰ ⵢⴰⵜ ⵜⴰⵏⴼⵓⵍⵜ ⵜⵓⵏⴱⵉⴹⵜ ⴷ ⵉⵎⵔⴰⵔⴰⵜⵏ ⵏ ⴱⵓⵣⵏⵉⵇⴰ 1 ⴷ 2 ⵉⵡⵙⵏ ⴰⴼⴰⴷ ⴰⴷ ⵙⴽⵔⵏ ⵢⴰⵜ ⵜⴰⵜⵜⵓⵢⵜ ⵜⴰⵙⵔⵜⴰⵏⵜ ⴳ ⵜⵎⴰⵣⵉⵔⵜ, ⵜⴰⵢⵎⵓⵏⵜ ⴰⵡⴷ ⵜⴰⵎⴰⵙⵙⴰⵔⵜ 6+6 ⵏⵏⴰ ⵉⵜⵜⵓⴳⴰⵏ ⵙⴳ ⴷⴰⵔ ⵓⵙⵇⵉⵎ ⵏ ⵉⵎⵓⵔⴰ ⴰⵍⵉⴱⵉ ⴷ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵡⴰⵏⴽ ⴰⴷ ⵉⴳⴰⵏ ⴰⵙⵔⴰⴳ ⵏ ⵓⵎⵙⴰⵙⴰ ⴳⵔ ⵉⵎⵙⵜⴳⴳⴰⵔⵏ ⴷ ⵉⵎⵙⵜⴰⵢⵏ ⴳ ⵍⵉⴱⵢⴰ.

ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⴰⵢ ⴳ ⵍⵉⴱⵢⴰ ⵉⵙⴽⵔ ⴰⵔⵣⴰⴼ ⵏ ⵜⵡⵡⵓⵔⵉ ⵜⴰⴷⵙⵍⴰⵏⵜ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵢⴰⵏ ⵓⴷⵡⴰⵍ ⵏ ⵓⵙⵇⵉⵎ ⴰⵎⴰⵜⴰⵢ ⵏ ⵓⵡⴰⵏⴽ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%93%E2%B5%A1%E2%B4%B0%E2%B5%8F%E2%B4%BD-%E2%B4%B3-%E2%B5%8D%E2%B5%89%E2%B4%B1%E2%B5%A2%E2%B4%B0-%E2%B5%89%E2%B5%99%E2%B5%99%E2%B4%B7%E2%B5%93%E2%B5%99-%E2%B4%B0%E2%B5%A1%E2%B5%8F%E2%B5%8F%E2%B5%89-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1%E2%B5%99-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C