Published on MAPNews (https://www.mapnews.ma/am)

Accueil > ⴰⵙⵇⵇⵉⵎ ⵏ ⵉⵎⵓⵔⴰ ⴰⵔ ⵉⵙⵙⵉⵖⵥⵉⵏ ⴳ ⵜⵖⵔⵉ ⵜⵉⵙⵙ ⵙⵏⴰⵜ ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵉ ⵓⵙⴳⴳⵯⴰⵙ 2024

ⴰⵙⵇⵇⵉⵎ ⵏ ⵉⵎⵓⵔⴰ ⴰⵔ ⵉⵙⵙⵉⵖⵥⵉⵏ ⴳ ⵜⵖⵔⵉ ⵜⵉⵙⵙ ⵙⵏⴰⵜ ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵉ ⵓⵙⴳⴳⵯⴰⵙ 2024

08 ⵎⴰⵢⵢⵓ 2024 Version Imprimable
ⵕⵕⴱⴰⵟ - ⵉⵙⵙⵉⵖⵥⵉⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵡⴰⵙ, ⴳ ⵜⵖⵔⵉ ⵜⵉⵙⵙ ⵙⵏⴰⵜ, ⵙ ⵓⵎⴰⵜⴰ, ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ 55.23 ⵏ ⵓⵙⴳⴳⵯⴰⵙ ⴰⴷⵔⵉⵎⴰⵏ 2024.

ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ, ⴳ ⵢⴰⵜ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ, ⵉⵙⵙⵉⵅⴼ ⵜⵜ ⵔⴰⵛⵉⴷ ⵟⵟⴰⵍⴱ. ⵍⵄⴰⵍⴰⵎⵉ, ⴰⵙⵍⵡⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵔⴰⵏⵜ 87 ⵏ ⵉⵎⵓⵔⴰ ⵉⴱⵍⴰⵎⴰⵏⵏ, ⵓⵔ ⵜ ⵔⵉⵏ 31 ⴰⴹⵏⵉ, ⵓⵔ ⵉⵖⴰⵎⴰ ⴰⵡⴷ ⵢⴰⵏ ⵎⵉⵏ ⵉⴼⴽⴰ ⵜⴰⵏⵏⴰⵢⵜ ⵏⵏⵙ.

ⵉⵙⵏⴼⴰⵍ ⵉⴱⵕⵍⴰⵎⴰⵏⵏ ⵎⵇⵇⵓⵕⵏ ⵍⵍⵉ ⴳⵉⵙ ⵉⵜⵜⵉⵢⵙⴽⴰⵔⵏ, ⵉⵍⵍⴰ ⴳⵉⵙⵏ ⴰⵙⴼⴰⵍⴽⵉ ⵏ ⵓⵔⴳⴰⵢ ⵅⴼ ⵡⴰⵜⵉⴳ ⵉⵎⵉⴽⴽ ⵙ ⵉⵎⵉⴽⴽ, ⴳ ⵜⵉⵣⵉ ⵏ 3 ⵉⵙⴳⴳⵯⴰⵙⵏ 2024-2026, ⴷ ⵜⵔⴳⴰⵢⵅ ⵅⴼ ⵓⴽⵛⵛⵓⵎ ⴷ ⵅⴼ ⵜⵎⵙⵙⵓⵔⵉⵏ, ⴷ ⵜⵎⵙⴽⴰⵔ ⵜⵉⵊⵎⵔⵓⴽⵉⵏ, ⴷ ⵜⵓⴳⵜⵜ ⵏ ⵜⵖⴰⵡⵙⵉⵡⵉⵏ ⴰⴹⵏⵉ ⵉⵣⴷⵉⵏ ⵡⴰⵍⵍⴰⵙ ⵉ ⵜⵎⵜⵜⴰ ⵜⵉⵙⵙ 6 ⴳ ⵓⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⴳ ⵉⵍⵍⴰ ⵜⵉⵡⵉⵙⵉ ⵏ ⵡⴰⵡⴰⵏⴽⵏ ⵉⵣⴷⵉⵏ ⴷ ⵜⵓⵙⴽⴰ, ⴷ ⵓⵙⴱⵉⵓⵖⵍⵓ ⵏ ⵉⴷⵔⵉⵎⵏ ⵉⵔⴰⵏ ⴰⴷ ⵉⵜⵜⵉⵢⴼⴽⴰ ⵉ ⵓⴼⵏⵉⵇ ⵏ "ⵜⵉⵡⵉⵙⵉ ⵉ ⵡⴰⵔⴰⵢ ⴰⵏⴰⵎⵓⵏ ⴷ ⵓⵎⵣⴷⴰⵢ ⴰⵏⴰⵎⵓⵏ".

ⵜⴽⴽⴰ ⵜⵜ ⵉⵏⵏ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⴷⵔⵉⵎⵜ, ⵏⴰⴷⵢⴰ ⴼⵜⵜⴰⵃ, ⵜⵏⵏⴰ ⵎⴰⵙⴷ ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ ⵓⵙⴳⴳⵯⴰⵙ 2024 ⵢⵓⵙⵉ ⵢⵉⵡⵉ ⴷ ⵜⵓⴳⵜⵜ ⵏ ⵜⵖⴰⵡⵙⵉⵡⵉⵏ, ⵙⵍⴰⵡⴰⵏⴷ ⴰⴽⴽⵯ ⴰⵍⵍⴰⵙ ⵏ ⵓⵣⵓⵣⵣⵔ ⵏ ⵜⴷⵔⵉⵎⵜ ⵉⵜⵜⵉⵢⴼⴽⴰⵏ ⵉ ⴽⵔⴰ ⵏ ⵉⵖⴰⵡⴰⵙⵏ ⵉⵏⴰⵎⵓⵏⵏ, ⴰⵎ "ⵜⵉⵙⵉⵔ" ⴷ "ⵎⵍⵢⵓⵏ ⵏ ⵜⵛⴽⴽⴰⵔⵜ" ⴷ "ⴰⵖⴰⵡⴰⵙ ⵏ ⵜⵡⵉⵙⵉ ⵉ ⵜⴷⴳⴰⵍⵉⵏ" ⴷ "ⴰⴼⵏⵉⵇ ⵏ ⵜⵡⵉⵙⵉ ⵜⴰⵡⵊⴰⵡⴰⵏⵜ".

ⵜⵣⵎⵎⵉⵎ ⵜⵎⴰⵡⴰⵙⵜ ⵎⴰⵙⴷ ⵉⵙⵓⴳⴰⵎ ⵍⵍⵉ ⵔⴰⴷ ⴷ ⵉⴽⴽ ⵜⵉⵎⵙⴽⵉⵔⵉⵏ ⴰⴷ ⵔⴰⴷ ⴼⵜⵓⵏⵜ ⵙ "ⴰⴼⵏⵉⵇ ⵏ ⵜⵡⵉⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵜⵡⵉⵙⵉ ⵜⴰⵏⴰⵎⵓⵏⵜ", ⵉⵣⴷⵉⵏ ⴷ ⵜⴰⵔⴰⵢⵜ ⵜⴰⵏⴰⵎⵓⵏⵜ, ⵜⵎⵍ ⵎⴰⵙⴷ "ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ ⵓⵙⴳⴳⵯⴰⵙ 2024 ⵜⵜⵉⵢⴼⴽⴰ ⴰⵙ 25 ⵎⵍⵢⴰⵕ ⵏ ⴷⵔⵀⵎ ⵙ ⵓⵙⵎⴰⴷ ⵏ 15 ⵎⵍⵢⴰⵕ ⵏ ⴷⵔⵀⵎ ⵅⴼ ⵓⵙⴳⴳⵯⴰⵙ ⵏ 2023, ⴷ ⵜⴰⴷⵔⵉⵎⵜ ⵏ ⵎⴰⵢⴰⴷ ⵔⴰⴷ ⵜⵍⴽⵎ 29 ⵎⵍⵢⴰⵕ ⵏ ⴷⵔⵀⵎ ⵣⴳ ⵓⵙⴳⴳⵯⴰⵙ ⵏ 2026".

ⵜⵏⵏⴰ ⵜⵎⴰⵡⴰⵙⵜ ⵎⴰⵙⴷ ⴰⵢⵍⵍⵉ ⵔⴰⴷ ⵉⵜⵜⵉⵢⴼⴽⴰ ⵏ ⵉⴷⵔⵉⵎⵏ ⴳ 2024 ⵉ ⵡⴰⵔⴰⵢ ⴰⵏⴰⵎⵓⵏ "ⵉⴳⴰ ⴰⵣⵓⴳⵣ ⵏ ⵜⵉⴷⵜ ⵉ ⵓⵙⵏⴼⴰⵕ ⴰⴳⵓⴷⴰⵏ ⵍⵍⵉ ⵔⴰⴷ ⵉⵙⵙⵉⴷⵔ ⵉⵎⴰⵏ ⵏ ⵜⵡⵉⵙⵉ ⴳ ⵡⴰⵎⵓⵏ", ⴷ ⵓⵍⴰ ⵜⴰⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵉ ⵜⵡⵉⵙⵉ ⴳ ⵓⵙⴽⵓ ⵍⵍⵉ ⵔⴰⴷ ⵉⵙⴱⴷⴷ ⵜⵉⵔⵙⴰⵍ ⵏ ⵡⴰⵡⴰⵏⴽ ⴰⵏⴰⵎⵓⵏ ⵍⵍⵉ ⴰⴷⵍⵉ ⵉⵔⴰ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ."

ⵜⵎⵍ ⵎⴰⵙⴷ ⵜⴰⵎⵢⴰⴷⴰⵙⵜ ⴰⴷ ⵔⴰⴷ ⵜⵙⴽⵓ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵍⵍⵉ ⵔⴰⴷ ⵢⴰⵡⵙ ⴰⴷ ⵣⴷⴰⵖⵏ ⵎⵉⴷⴷⵏ ⴳ ⵓⵣⴷⵖ ⵉⴼⵓⵍⴽⵉⵏ, ⵔⴰⴷ ⵜⵙⴽⵔ ⵜⵏⴱⴰⴹⵜ, ⵣⴳ ⵙⴳⴳⵯⴰⵙ 2024 ⴰⵔ 2028, ⵜⵉⵡⵉⵙⵉ ⵉ ⵜⵡⵊⵉⵡⵉⵏ ⴼⴰⴷ ⴰⴷ ⵙⵖⵏ ⵜⵓⵣⴷⵖⵜ ⵏⵏⵙⵏ.

ⵜⵙⵎⴷ ⵎⴰⵙⵙⴰ ⴼⵜⵜⴰⵃ ⵜⴰⴳⵓⵔⵉ ⵏⵏⵙ ⵙ ⵡⴰⵡⴰⵍ, ⵎⴰⵙⴷ ⴰⵙⵏⵜⵉ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵉⵔⴰ "ⴰⴷ ⵉⵙⵓⵖⵍ ⵜⵉⵔⵉⵜ ⵏ ⵜⵏⴱⴰⴹⵜ ⴼⴰⴷ ⴰⴷ ⵜⵙⵎⴷ ⴰⴷⵡⴰⵙ ⵏ ⵓⵙⴽⴽⵉⵔ ⵏ ⵜⵖⴰⵡⵙⵉⵡⵉⵏ ⵍⵍⵉ ⴷ ⵢⵉⵡⵉ ⵓⵖⴰⵡⴰⵙ ⵏⵏⵙ ⴳ ⵜⵉⵣⵉ ⴳⵔ 2021-2026", ⴷ ⵜⵡⴰⴷⴰ ⴰⴽⴷ ⵜⵉⵔⵉⵜ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵍⵍⵉ ⴷ ⵢⵉⵡⵉ ⵓⵏⵇⵇⵉⵙ ⴰⵎⴰⵜⵓ ⵅⴼ ⵓⵎⴷⵢⴰ ⵏ ⵜⵏⴼⴰⵍⵉⵜ ⵜⴰⵎⴰⵢⵏⵓⵜ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0-%E2%B4%B0%E2%B5%94-%E2%B5%89%E2%B5%99%E2%B5%99%E2%B5%89%E2%B5%96%E2%B5%A5%E2%B5%89%E2%B5%8F-%E2%B4%B3-%E2%B5%9C%E2%B5%96%E2%B5%94%E2%B5%89-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B5%8D%E2%B4%B3%E2%B5%8F-%E2%B5%8F-%E2%B5%9C%E2%B4%B7%E2%B5%94%E2%B5%89%E2%B5%8E%E2%B5%9C-%E2%B5%89-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-2024