Published on MAPNews (https://www.mapnews.ma/am)

Accueil > ⵜⴰⴷⴰⵍⴰ ⵏ ⵜⵙⴱⴱⴰⴱⵜ ⵜⴰⵏⴰⵎⵓⵔⵜ ⵜⴰⵎⵔⵉⴽⵉⵜ ⵜⴰⵄⵕⴰⴱⵜ ⵜⴼⴽⴰ ⵉ ⵜⵎⵙⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵡⴰⵛⵉⵏⵟⵓⵏ ⵜⴰⵙⵎⵖⵓⵔⵜ ⵏ ⵓⵎⵙⵇⴰⴷ ⵏ ⵓⵙⴳⴳⵯⴰⵙ

ⵜⴰⴷⴰⵍⴰ ⵏ ⵜⵙⴱⴱⴰⴱⵜ ⵜⴰⵏⴰⵎⵓⵔⵜ ⵜⴰⵎⵔⵉⴽⵉⵜ ⵜⴰⵄⵕⴰⴱⵜ ⵜⴼⴽⴰ ⵉ ⵜⵎⵙⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵡⴰⵛⵉⵏⵟⵓⵏ ⵜⴰⵙⵎⵖⵓⵔⵜ ⵏ ⵓⵎⵙⵇⴰⴷ ⵏ ⵓⵙⴳⴳⵯⴰⵙ

12 ⴷⵓⵊⴰⵏⴱⵉⵔ 2023 Version Imprimable
ⵡⴰⵛⵉⵏⵟⵓⵏ - ⵜⴼⴽⴰ ⵜⴷⴰⵍⴰ ⵏ ⵜⵙⴱⴱⴰⴱⵜ ⵜⴰⵏⴰⵎⵓⵔⵜ ⵜⴰⵎⵔⵉⴽⵉⵜ ⵜⴰⵄⵕⴰⴱⵜ, ⴰⵙⵙ ⵏ ⵓⵢⵏⴰⵙ ⴳ ⵡⴰⵛⵉⵏⵟⵓⵏ, ⵜⴰⵙⵎⵖⵓⵔⵜ ⵏ ⵓⵎⵙⵇⴰⴷ ⵏ ⵓⵙⴳⴳⵯⴰⵙ ⵉ ⵜⵎⵙⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵜⵎⵜⵜⴰ ⵉⵎⵓⵏⵏ, ⵍⴰⵍⵍⴰ ⵊⵓⵎⴰⵍⴰ ⵍⵄⴰⵍⴰⵡⵉ, ⵅⴼ ⵜⵣⵎⵎⴰⵔ ⵏⵏⵙ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ.

ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵜⵏⵏⴰ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⵎⴰⵙⴷ ⴰⵙⵎⵖⵔ ⴰⴷ ⵉⴳⴰ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵉⴳⵔ ⵏ ⵓⵙⴱⵓⵖⵍⵓ ⵏ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵏⵏⴰ ⵉⴱⵓⵖⵍⴰⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ.

ⵜⵏⵏⴰ ⵜⵎⵙⵇⴰⴷⵜ ⵎⴰⵙⴷ ⴰⵎⵢⴰⵡⴰⵙ ⴰⵎⵖⵔⵉⴱⵉ ⴰⵎⵉⵔⵉⴽⴰⵏⵉ ⵓⵔ ⵉⴳⵉ ⵖⴰⵙ ⴰⵎⵣⵔⵓⵢⴰⵏ ⵎⴰⵛⴰⵏ ⵢⴰⵜ ⵜⵣⴷⴰⵢⵜ ⵉⴷⵓⵙⵏ ⴷⴼⴼⵉⵔ ⵍⵍⵉⵖ ⵉⵍⵍⴰ ⵢⴰⵏ ⵓⵙⵏⴼⵍ ⵉⴷⵓⵙⵏ ⴳⵔⴰⵜⵙⵏ.

ⵜⴱⴷⵔ ⴰⵡⴷ ⵍⴰⵍⵍⴰ ⵊⵓⵎⴰⵍⴰ ⵙ ⵜⵣⵎⵎⴰⵔ ⵏ ⵉⵎⵙⵜⴳⴳⴰⵔⵏ ⵉⴷⵎⵙⴰⵏⵏ ⵅⴼ ⵜⵉⵍⴰⵍ ⵏ ⵓⵙⴷⵓⵙ ⵏⵏⵙⵏ ⵉ ⵜⵣⴷⴰⵢⵉⵏ ⵜⵉⵎⴰⵙⵙⴰⵔⵉⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ.

ⵜⵏⵏⴰ ⴰⵡⴷ ⵎⴰⵙ ⵉⵜⵜⴱⵓⵖⵍⵓ ⵡⴰⴷⴷⵓⵔ ⵏ ⵜⴷⵎⵙⴰ ⵜⴰⴼⵔⵉⵇⵉⵜ ⵏⵏⴰ ⵉⴳⴰⵏ ⵢⴰⵏ ⵓⵎⵙⵎⵓⵙⵙⵓ ⴰⴼⴰⴷ ⴰⴷ ⵜⴳ ⵜⴼⵔⵉⵇⵉⵜ ⵢⴰⵏ ⵡⴰⵏⵙⴰ ⵏ ⵜⵙⴱⴱⴰⴱⵜ ⵉⴷⵓⵙⵏ, ⵜⵉⴷⵔⴰⵡⵉⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ ⴱⵓⵖⵍⴰⵏⵜ ⵛⵉⴳⴰⵏ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⴰⵡⴰⵙ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵎⵔⵉⴽⵉ ⴳ ⵓⵙⵉⵔⴰ ⵏ ⵜⵖⴰⵡⵙⵉⵡⵉⵏ ⵏ ⵓⵖⵍⵍⵓⵢ ⴰⵎⴰⵣⴷⴰⵔ, ⵎⴰⵙⵙ ⵀⵉⵏⵔⵉ ⵡⵉⵜⵙⵏ ⵜⵉⴷⴷⵓⴽⵍⴰ ⴷ ⵜⵣⴷⴰⵢⵉⵏ ⵏⵏⴰ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⴳⵉⵙ ⵜⴰⵏⴼⵔⵓⵜ ⵉⴷⵓⵙⵏ ⴳ ⵜⵙⴳⴰ ⵏ ⵉⵣⵣⵍⵎⴹ ⵏ ⵉⴼⵔⵉⵇⵢⴰ.

ⵉⵣⴰⵢⴷ ⵓⵎⵙⵜⴳⴳⴰⵔ ⴰⵎⵔⵉⴽⵉ ⵉⵏⵏⴰ ⵎⴰⵙ ⵉⴳⴰ ⵍⵎⵖⵔⵉⴱ ⵢⴰⵏ ⵓⵎⴷⵔⴰⵡ ⵉⴷⵓⵙⵏ ⴳ ⵉⴳⵔ ⵏ ⵓⵏⵣⴰⵖ ⵅⴼ ⵜⵖⵡⵡⴰⵖⵜ.

ⵉⵙⵎⴷ ⴰⵡⴰⵍ ⵏⵏⵙ ⵉⵏⵏⴰ ⵎⴰⵙⴷ ⴰⵙⵏⵎⴰⵍⴰ ⵏ ⵉⴳⵔⴰⵡⵏ ⵉⵙⴳⴳⵯⴰⵙⴰⵏⵏ ⵏ ⵓⴱⴰⵏⴽ ⴰⵎⴰⴹⵍⴰⵏ ⴳ ⵍⵎⵖⵔⵉⴱⴷⴼⴼⵉⵔ ⵏ ⵢⴰⵏ ⵡⴰⵢⵢⵓⵔ ⵏ ⵓⵎⴷⵓⴷⵉ ⵉⴳⴰ ⵢⴰⵜ ⵜⵙⵜⵕⴰⵜⵉⵊⵉⵜ ⵏ ⵜⴰⵜⵜⵓⵢⵜ ⵏ ⵜⴳⵍⴷⵉⵜⴳ ⵉⴳⵔ ⵏ ⵓⵙⴼⵍⵙ ⴷ ⵜⵣⵎⵎⴰⵔ ⵏⵏⵙ.

ⴳ ⵜⵙⴳⴰ ⵏⵏⵙ ⵉⵏⵏⴰ ⵓⵎⵙⵇⴰⴷ ⵏ ⵜⵎⵜⵜⴰ ⵉⵎⵓⵏⵏ ⴳ ⵕⵕⴱⴰⵟ ⵎⴰⵙ ⴱⵓⵏⵉⵜ ⵜⴰⵍⵡⴰⵔ ⵎⴰⵙⴷ ⴰⵙⵎⵖⵔ ⴰⴷ ⵉⴳⴰ ⴰⴷⴷⵓⵔ ⵉ ⵍⴰⵍⵍⴰ ⵊⴰⵎⴰⵍⴰ ⵅⴼ ⵜⵣⵎⵎⴰⵔ ⵏⵏⵙ ⴳ ⵉⴳⵔ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ.

ⵍⵍⴰⵏⵜ ⵜⵣⴷⴰⵢⵉⵏ ⴷⵓⵙⵏⵉⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ ⴷ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵏⵏⴰ ⵉⵜⵜⴱⵓⵖⵍⵓⵏ ⴳ ⴽⵉⴳⴰⵏ ⵏ ⵉⴳⵔⴰⵏ , ⵙⵍⴰⵡⴰⵏ ⴰⴽⴽⵯ ⴰⵙⵖⵥⵏ ⵏ ⵡⴰⵛⵉⵏⵟⵓⵏ ⴳ 2022ⵙ ⵜⴰⵜⵜⵓⵢⵜ ⵏ ⵍⵎⵖⵔⵉⴱ ⵅⴼ ⵉⴽⴰⵍⵉⵡⵏ ⵏⵏⵙ ⴰⴽⴽⵯ ⵙⵍⴰⵡⴰⵏ ⴰⴽⴽⵯ ⵡⵉⵏ ⵉⴼⴼⵓⵙ.

ⵜⴰⵙⵎⵖⵓⵔⵜ ⴰⴷ ⵜⵜⵓⴳⴰ ⴳ 2002 ⵍⵍⵉ ⵜⵉⵡⵉ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴰⵔ ⵜⵜⵓⴼⴽⴰ ⴽⵓⵏ ⴰⵙⴳⴳⵯⴰⵙ ⵏ ⵢⴰⵏ ⵓⵎⵙⵜⴳⴳⴰⵔ ⴰⴷⵉⴱⵍⵓⵎⴰⵙⵉ ⴷⴰⵔ ⵜⵎⵜⵜⴰ ⵉⵎⵓⵏⵏ, ⵙ ⵓⵙⴷⵓⵙ ⵏ ⵜⵣⵎⵎⴰⵔ ⵏⵏⵙ ⴳ ⵉⴳⵔ ⵏ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ ⵏ ⵜⵙⴱⴱⴰⵜ ⵜⴰⵎⵉⵔⵉⴽⴰⵏⵉⵜ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B4%B0%E2%B4%B7%E2%B4%B0%E2%B5%8D%E2%B4%B0-%E2%B5%8F-%E2%B5%9C%E2%B5%99%E2%B4%B1%E2%B4%B1%E2%B4%B0%E2%B4%B1%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%8E%E2%B5%94%E2%B5%89%E2%B4%BD%E2%B5%89%E2%B5%9C-%E2%B5%9C%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%9C-%E2%B5%9C%E2%B4%BC%E2%B4%BD%E2%B4%B0-%E2%B5%89-%E2%B5%9C%E2%B5%8E%E2%B5%99%E2%B5%87%E2%B4%B0%E2%B4%B7%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3