Published on MAPNews (https://www.mapnews.ma/am)

Accueil > ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ  ⵎⵉⵔⵉⴽⴰⵏ  ⵜⵙⴷⴷⵉⴷ ⴰⵡⵏⵏⵉ ⵏⵏⵙ ⵅⴼ ⵡⴰⵏⵏⴰⵍ ⵏ ⵓⵙⵏⴱⴹ ⴰⵏⵉⵎⴰⵏ ⵍⵍⵉⵖ ⵉⴳⴰ ⵡⵉⵏ ⵜⵉⴷⵜ

ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ  ⵎⵉⵔⵉⴽⴰⵏ  ⵜⵙⴷⴷⵉⴷ ⴰⵡⵏⵏⵉ ⵏⵏⵙ ⵅⴼ ⵡⴰⵏⵏⴰⵍ ⵏ ⵓⵙⵏⴱⴹ ⴰⵏⵉⵎⴰⵏ ⵍⵍⵉⵖ ⵉⴳⴰ ⵡⵉⵏ ⵜⵉⴷⵜ

18 ⴷⵓⵊⴰⵏⴱⵉⵔ 2023 Version Imprimable
ⵡⴰⵛⵉⵏⵟⵓⵏ - ⵜⵙⴷⴷⵉⴷ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⴰⵙⵙ ⵏ ⵓⵙⴰⵎⴰⵙ ⴰⵡⵏⵏⵉ ⵏⵏⵙ ⵉⴷⵓⵙⵏ ⵅⴼ ⵡⴰⵏⵏⴰⵍ ⵏ ⵓⵙⵏⴱⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ , ⴷⴼⴼⵉⵔ ⵍⵍⵉⵖ ⵜⵙⵎⴰⵢⵏⵓ ⵡⴰⵛⵉⵏⵟⵓⵏ ⴰⵏⵏⴰⵍ ⵏ ⵓⵙⵏⴱⴹ ⴰⵏⵉⵎⴰⵏ ⵍⵍⵉⵖ ⵉⴳⴰ ⵡⵉⵏ ⵜⵉⴷⵜ .

ⵜⵏⵏⴰ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⴳ ⵢⴰⵏ ⵓⵙⵉⵡⴹ ⵏⵏⴰ ⵉⵜⵜⵓⵣⵓⵔⵏ ⵜⴰⴷⴳⴳⵯⴰⵜ ⵏ ⵓⵔⵣⴰⴼ ⵏ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⵏ ⵜⵖⴰⵡⵙⵉⵡⵉⵏ ⵏ ⵉⵣⵣⵍⵎⴹ ⵏ ⵎⵉⵔⵉⴽⴰⵏ ⵎⴰⵙⵙ ⵊⵓⵛⵓ ⵀⴰⵔⵉⵙ ⵙ ⵍⵎⵖⵔⵉⴱ, (17-18 ⴷⵓⵊⴰⵏⴱⵉⵔ), ⵎⴰⵙⴷ ⴰⵎⵙⵜⴳⴳⴰⵔ ⴰⵎⵔⵉⴽⵉ ⵉⵙⵎⴰⵢⵏⵓ ⴰⵙⵖⵥⵏ ⴳ ⵉⵔⵣⵣⵓⵜⵏ ⴳ ⵕⵕⴱⴰⵟ ⴷ ⵓⵔ ⵉⵍⵍⵉ ⵓⵙⵏⴼⵍ ⵏ ⵓⵡⵏⵏⵉ ⴰⴷ ⵙⴳ ⴷⴰⵔ ⵜⵎⵜⵜⴰ ⵉⵎⵓⵏⵏ .

ⵉⴷⴷⴰⴷ ⵓⵙⵎⴰⵢⵏⵓ ⵏ ⵓⵡⵏⵏⵉ ⴰⴷ ⴰⴼⴰⴷ ⴰⴷ ⵉⵙⵙⴰⵏⴼ ⵉⵡⵏⵏⵉⵜⵏ ⵏ ⵉⵜⵙⵏ ⵏ ⴰⵢⵜ ⵓⵙⵏⵖⵎⵙ ⵏ ⴷⴷⵣⴰⵢⵔ ⵏⵏⴰ ⵉⵏⵏⴰⵏ ⵙⴳ ⵓⵔⵣⴰⴼ ⴰⵎⴳⴳⴰⵔⵓ ⵏ ⵓⴷⵉⴱⵍⵓⵎⴰⵙⵉ ⵏ ⵎⵉⵔⵉⴽⴰⵏ ⵙ ⴷⴷⵣⴰⵢⵔ ⵎⴰⵙ ⵉⵏⴼⵍ ⵓⵡⵏⵏⵉ ⵏⵏⵙⵏ ⵅⴼ ⵓⵙⵏⴱⴹ ⴰⵏⵉⵎⴰⵏ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .

ⵉⵙⵎⴷ ⵓⵙⵉⵡⴹ ⵎⴰⵙⴷ ⵜⵉⵎⵜⵜⴰ ⵉⵎⵓⵏⵏ ⵜⵙⵏⵉⵍ ⴰⵙⵏⴱⴹ ⴰⵏⵉⵎⴰⵏ ⵙⴳ ⵉⵔⵣⵣⵓⵜⵏ ⵏⵏⵙ ⴰⴼⴰⴷ ⴰⴷ ⵉⵜⵜⵢⴰⴼⴰ ⵢⴰⵏ ⵓⴼⵙⵙⴰⵢ ⵏ ⵜⵉⴷⵜ ⵉⴳⴰⵏ ⴰⵙⵔⵜⴰⵏ ⵉ ⵓⵏⵅⵉⴱⴱⵍ ⵏ ⵜⵣⴷⴰⵢⵉⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .

ⴷⴼⴼⵉⵔ ⵏ ⵓⵙⵖⵥⵏ ⵏ ⵜⵎⵜⵜⴰ ⵉⵎⵓⵏⵏ ⵏⵏⴰ ⵢⵓⵏⵏⴰⵏ ⵎⴰⵙ ⴷ ⵉⵇⵇⴰⵏ ⵓⵙⵎⵀⵍ ⵏ ⵓⴼⵙⵙⴰⵢ ⴰⵙⵔⵜⴰⵏ ⵉⵏⵏⴰ ⵓⵙⵉⵡⴹ ⵎⴰⵙⴷ ⵉⵎⵔⴰⵔⴰⵜⵏ ⵏ ⵜⵎⵜⵜⴰ ⵉⵎⵓⵏⵏ ⵏⵏⴰ ⵅⴼ ⵉⵍⵍⴰ ⵓⵎⵙⴰⵙⴰ ⵙⴳ ⴷⴰⵔ ⵉⵎⵏⴰⴷⵏⵙ ⵜⵉⴷⵜ ⵏⵏⴰⵔⴰⴷ ⵉⴳ ⴰⴼⵙⵙⴰⵢ ⴰⵎⴳⴳⴰⵔⵓ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .

ⴳ ⵓⵙⴰⵜⵉ ⴰⴷ, ⵉⵙⵎⴷ ⵓⵙⵉⵡⴹ ⵎⴰⵙ ⵜⵙⵎⴰⵢⵏⵓ ⵜⵎⵜⵜⴰ ⵉⵎⵓⵏⵏ ⴰⵡⵏⵏⵉ ⵏⵏⵙ ⴷ ⵡⴰⵏⵏⴰⵍ ⵏⵏⵙ ⵏ ⵓⵙⵏⴱⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .

ⵉⵙⴽⵔ ⵓⵙⵉⵡⴹ ⵜⵓⵎⴰⵢⵜ ⵎⴰⵙⴷ ⴰⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⵏ ⵜⵖⴰⵡⵙⵉⵡⵉⵏ ⵏ ⵉⵣⵣⵍⵎ ⵏ ⵉⴼⵔⵉⵇⵢⴰ ⵔⴰⴷ ⵉⵙⴷⴷⵉⴷ ⴰⵡⴷ ⵜⴰⴷⵔⴰⵡⵜ ⴳⵔ ⵜⵎⵜⵜⴰ ⵉⵎⵓⵏⵏ ⴷ ⵍⵎⵖⵔⵉⴱ ⴷ ⴽⵉⴳⴰⵏ ⵏ ⵜⵖⵉⵡⴰⵏⵉⵏ ⴳ ⵉⴳⵔ ⵏ ⵜⵏⴼⵔⵓⵜ ⵜⴰⵏⵎⵏⴰⴹⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C%C2%A0-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F%C2%A0-%E2%B5%9C%E2%B5%99%E2%B4%B7%E2%B4%B7%E2%B5%89%E2%B4%B7-%E2%B4%B0%E2%B5%A1%E2%B5%8F%E2%B5%8F%E2%B5%89-%E2%B5%8F%E2%B5%8F%E2%B5%99-%E2%B5%85%E2%B4%BC-%E2%B5%A1%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B5%8D%E2%B5%8D%E2%B5%89%E2%B5%96-%E2%B5%89%E2%B4%B3%E2%B4%B0