ⴰⵎⵎⴰⵣ ⵏ ⵢⴰⵏ ⵓⴳⵎⴰⵎ ⵉⵟⵟⵓⵕⴼⵏ ⵉⵎⵓⵙⵙⵓⵏ ⵜⴰⵎⴰⵏ ⵏ ⵏⵏⴰⴹⵓⵕ ⵍⵍⵉⵖ ⵉⵎⵓⵏ ⴳ ⵓⵎⵎⴰⵣ ⵏ ⵜⵏⴱⴰⴹⵉⵏ ⵏ ⵙⴱⴱⴰⵏⵢⴰ ⵢⴰⵏ ⵓⴳⵎⴰⵎ ⵢⴰⴹⵏ ⴳ ⵜⵖⵔⵎⵜ ⵏ ⵎⵍⵉⵍⵢⴰ (ⴰⵙⵉⵡⴹ)

19 ⴷⵓⵊⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵖⵉ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵓⵏⴱⵉⴹⵏ ⵏⵏⴰ ⵉⵡⴰⵍⴰⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ, ⴰⵙⵙ ⵏ ⵓⵙⵉⵏⴰⵙ ⵙⴳ ⵜⵓⵎⵍⴰⵢⵉⵏ ⴷ ⵜⵡⵉⵙⵉ ⴳⵔ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⴰⵢⵜ ⵜⵏⴼⵔⵓⵜ ⵏ ⵙⴱⴱⴰⵏⵢⴰ ⴰⴷ ⴰⵎⵥⵏ ⴽⵔⴰ ⵏ ⵉⴳⵎⴰⵎⵏ ⵉⵏⵎⵎⴰⵙⵙⵓⵜⵏ ⵏ ⵜⵖⵡⵡⴰⵖⵜ ⴳ ⵜⵏⵉⵍⴰ ⵏ ⵏⵏⴰⴹⵓⵕ ⴷ ⵡⵉⵢⵢⴰⴹ ⵜⵓⵎⵥⵜⵏ ⵜⵏⴼⵔⵓⵜ ⵏ ⵙⴱⴱⴰⵏⵢⴰ ⴳ ⵎⵍⵉⵍⵉⵢⴰ ⵙⴳ ⴳⵉⵙⵏ ⵢⴰⵏ ⵓⵏⴽⵔⴰⴼ ⴰⵇⵇⴱⵓⵕ ⵏⵏⴰ ⵉⵡⴰⵍⴰⵏ ⵉ ⵜⵖⵡⵡⴰⵖⵜ ⴳ ⵙⴱⴱⴰⵏⵢⴰ .

ⵉⵏⵏⴰ ⵓⵙⵉⵡⴹ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ ⵎⴰⵙⴷ ⵉⴳⴳⵉⵡⵙⵏ ⵉⵎⵣⵡⵓⵔⴰ ⵎⵍⴰⵏ ⵎⴰⵙⴷ ⵉⴳⵎⴰⵎⵏ ⴰⴷ ⴰⵔⴷ ⵜⵜⴰⵡⵉⵏ ⵡⵉⵢⵢⴰⴹ ⵙ ⵓⵙⵙⴰⵏⵓⵏ ⴰⵙⵔⴷⴰⵙ ⴰⴼⴰⴷ ⴰⴷ ⵙⴽⵔⵏ ⵜⵉⵖⴰⵡⵙⵉⵡⵉⵏ ⵏ ⵜⵖⵡⵡⴰⵖⵜ .

ⵉⵙⵎⴷ ⵓⵙⵉⵡⴹ , ⵉⵏⵏⴰ ⵎⴰⵙⴷ ⴰⴳⵎⴰⵎ ⵏⵏⴰ ⵉⵜⵜⵓⵙⴱⵉⴷⴷⵏ ⴳ ⵍⵎⵖⵔⵉⴱ ⵔⴰⴷ ⴼⵍⵍⴰⵙ ⵉⵍⵉⵏ ⵉⴳⴳⵉⵡⵙⵏ ⴰⴼⴰⴷ ⴰⴷ ⵉⵜⵜⵓⵙⵙⴰⵏ ⵉⵙ ⴷⴰⵔⵙ ⵜⴰⵣⴷⴰⵢⵉⵏ ⴷ ⵓⵏⵎⴰⵍⵍⵓ ⵏ ⵜⵖⵡⵡⴰⵖⵜ .

ⵜⴰⵡⵡⵓⵔⵉ ⴰⴷ ⵜⴰⵎⴰⵙⵙⴰⵔⵜ ⴳ ⵓⵙⴰⵜⵉ ⵏ ⵓⵣⴷⴰⵢ ⵏ ⵜⵏⴼⵔⵓⵜ ⴳⵔ ⵉⵎⵙⵜⴳⴳⴰⵔⵏ ⵏ ⵜⵏⴼⵔⵓⵜ ⵏ ⵙⴱⴱⴰⵏⵢⴰ ⴷ ⵍⵎⵖⵔⵉⴱ ⴰⵢⵏⵏⴰ ⵉⵎⵎⴰⵍⴰⵏ ⵜⴰⵡⵡⵓⵔⵉ ⵉⴷⵓⵙⵏ ⵏ ⵜⵣⴷⴰⵢⵉⵏ ⴳ ⵉⴳⵔ ⵏ ⵜⵏⴼⵔⵓⵜ ⵏⵏⴰ ⵉⵍⴰⵏ ⵜⴰⵏⴰⴼⵓⵜ ⵏ ⵜⵖⴰⵡⵙⵉⵡⵉⵏ ⵏ ⵜⵖⵡⵡⴰⵖⵜ ⵏⵏⴰ ⵉⵜⵜⵎⵓⵙⵙⵓⵏ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%8E%E2%B4%B0%E2%B5%A3-%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B4%B3%E2%B5%8E%E2%B4%B0%E2%B5%8E-%E2%B5%89%E2%B5%9F%E2%B5%9F%E2%B5%93%E2%B5%95%E2%B4%BC%E2%B5%8F-%E2%B5%89%E2%B5%8E%E2%B5%93%E2%B5%99%E2%B5%99%E2%B5%93%E2%B5%8F-%E2%B5%9C%E2%B4%B0%E2%B5%8E%E2%B4%B0%E2%B5%8F-%E2%B5%8F-%E2%B5%8F%E2%B5%8F%E2%B4%B0%E2%B4%B9%E2%B5%93%E2%B5%95-%E2%B5%8D%E2%B5%8D%E2%B5%89%E2%B5%96-%E2%B5%89%E2%B5%8E%E2%B5%93%E2%B5%8F-%E2%B4%B3-%E2%B5%93%E2%B5%8E%E2%B5%8E%E2%B4%B0%E2%B5%A3-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%89%E2%B5%8F-%E2%B5%8F