ⴰⵎⵓⵔ ⵏ ⵡⴰⴽⵓⵛ .. ⴰⵙⵏⵜⵉ ⵏ ⵜⵡⵡⵓⵔⵉⵡⵉⵏ ⵏ ⵜⵙⵙⵓⵜⵍⵜ ⵜⵉⵙⵙ ⵙⴹⵉⵙⵜ ⵏ ⵓⵎⵙⴰⴳⴰⵔ ⵏ ⵓⵎⵢⴰⵡⴰⵙ ⴰⵄⵕⴰⴱ-ⴰⵔⵓⵙⵉ

20 ⴷⵓⵊⴰⵏⴱⵉⵔ 2023 Version Imprimable

ⵎⵕⵕⴰⴽⵯⵛ - ⵙⵙⵏⵜⴰⵏⵜ ⴳ ⵡⴰⵙⵙ ⵏ ⵓⴽⵕⴰⵙ ⵜⵉⵡⵡⵓⵔⵉⵡⵉⵏ ⵏ ⵜⵙⵙⵓⵜⵍⵜ ⵜⵉⵙⵙ ⵙⴹⵉⵙⵜ ⴳ ⵡⴰⵎⵓⵔ ⵏ ⵡⴰⴽⵓⵛ ⵏ ⵓⵎⵙⴰⴳⴰⵔ ⵏ ⵓⵎⵢⴰⵡⴰⵙ ⴰⵄⵕⴰⴱ ⴰⵔⵓⵙⵉ .

ⵉⵙⵙⵉⵅⴼ ⵓⴳⵔⴰⵡ ⴰⴷ ⵏⵏⴰ ⵉⴳⴰⵏ ⴰⴷⵙⵍⴰⵏ ⴳ ⵓⵙⵡⵉⵔ ⴰⵏⵎⵏⴰⴹ ⵉⵎⴰⵡⵙⴰⵙⵏ ⵏ ⴱⵕⵕⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ .

ⵢⵉⵡⵙ ⴳ ⵓⴳⵔⴰⵡ ⴰⴷ ⵓⵎⴰⵡⵙⴰⵙ ⵏ ⴱⵕⵕⴰ ⴰⵔⵓⵙⵉ ⵎⴰⵙⵙ ⵙⵉⵔⵖⵉ ⵍⴰⴼⵔⵓⴼ ⴷ ⵓⵏⴼⵍⵓⵙ ⴰⵎⴰⵜⴰⵢ ⴰⵎⴰⵡⴰⵙ ⵏ ⵜⵙⴷⴰⵡⵉⵜ ⵜⴰⵄⵕⴰⴱⵜ ⵎⴰⵙⵙ ⵃⵓⵙⴰⵎ ⵣⴰⴽⵉ,ⴷ ⵉⴷⵡⴰⵍⵏ ⵉⵎⴰⵡⵙⴰⵙⵏ ⵉⵄⵕⴰⴱⵏ ⵏⵏⴰ ⵢⵉⵡⵙⵏ ⴳ ⵓⴱⵔⴰⴳⵔⴰⵡ ⴰⴷ .

ⵉⵜⵜⵓⵙⵜⴰⵢ ⵍⵎⵖⵔⵉⴱ ⴰⴼⴰⴷ ⴰⴷ ⵉⵙⵏⵎⴰⵍⴰ ⵜⴰⵙⵙⵓⵜⵍⵜ ⴰⴷ ⴳ ⵜⵙⵙⵓⵜⵍⵜ ⵉⵣⵔⵉⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵉⴱⵔⵉⵔ ⴳ ⵎⵓⵙⴽⵓ ⴰⵙⴳⴳⴰⵙ ⵏ 2019 .

ⵉⵜⵜⵓⵎⵙⴰⵙⴰ ⵡⴰⵡⴰⵍ ⴰⴼⴰⴷ ⴰⴷ ⵜⵜⵓⵙⴽⴰⵔ ⵜⵙⵙⵓⵜⵍⵜ ⴰⴷ ⵙ ⵜⵉⵍⵉⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵏ ⵡⴰⵄⵕⴰⴱⵏ, ⴷ ⵉⴳⵎⴰⵎⵏ ⵏⵏⴰ ⴳⴰⵏⵉⵏ ⴽⵕⴰⴹⴳ ⵓⵙⴰⵜⵉ ⵓⵏⴱⵉⴹ ⴰⵎⴰⵡⵙⴰⵙ ⴰⵄⵕⴰⴱ, ⴷ ⵜⵏⵙⵙⵉⵅⴼⵜ ⵏ ⵜⴰⵜⵜⵓⵢⵜ ⵜⴰⵄⵕⴰⴱⵜ .

ⵔⴰⴷ ⵜⵔⵣⵓ ⵜⵙⵙⵓⵜⵍⵜ ⴰⴷ ⵜⵉⵖⴰⵡⵙⵉⵡⵉⵏ ⵏ ⵜⵡⵉⵙⵉ ⴳⵔ ⵍⵎⵖⵔⵉⴱ ⴷ ⵔⵓⵙⵢⴰⵙⴳ ⵉⵜⴳⴰⵔⵏ ⵏⵏⴰ ⵉⵜⵜⵏⵢⵓⴷⴷⵓⵏ ⴳ ⵓⵙⵍⴳⵏ .

ⵉⵍⴰ ⵓⵎⵙⴰⴳⴰⵔ ⴰⴷ ⴰⵜⵉⴳ ⵢⴰⵜⵜⵓⵢⵏ ⴳ ⵉⵙⴳⴳⴰⵙⵏ ⴰⴷ ⵉⵣⵔⵉⵏ ⵍⵍⵉⵖ ⵜⴳⴰ ⵜⵉⵍⴳⴳⵉⵜ ⵏ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴳ ⵜⵖⴰⵡⵙⵉⵡⵉⵏ ⵏ ⵓⵙⵡⵉⵔ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ, ⵙ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵏⵏⴰ ⵉⵜⵜⵓⵛⵛⴰⵔⵏ ⴳⵔ ⵜⴰⵜⵜⵓⵢⵜ ⵜⴰⵄⵕⴰⴱⵜ ⴷ ⵔⵓⵙⵢⴰ ⴳ ⴽⵉⴳⴰⵏ ⵏ ⵉⴳⵔⴰⵏ ⵏ ⵜⵙⵔⵜⵉⵜ ⴷ ⵜⴷⵎⵙⴰ ⵓⵍⴰ ⵜⴰⵙⴱⴱⴰⴱⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%A1%E2%B4%B0%E2%B4%BD%E2%B5%93%E2%B5%9B-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B9%E2%B5%89%E2%B5%99%E2%B5%9C-%E2%B5%8F-%E2%B5%93%E2%B5%8E%E2%B5%99%E2%B4%B0%E2%B4%B3%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%84%E2%B5%95%E2%B4%B0%E2%B4%B1