Published on MAPNews (https://www.mapnews.ma/am)

Accueil > ⵎⴰⵙⵙ ⴱⵓⵕⵉⵟⴰ ⴰⵔ ⵉⵜⵜⵉⵏⵉ ⵎⴰⵙⴷ ⵉⵇⵇⴰⵏ ⴰⴷ ⵉⴱⵓⵖⵍⵓ ⵓⴳⵔⴰⵡ ⵏ ⵓⵎⴽⴰⵙ ⴰⵄⵕⴰⴱ-ⴰⵔⵓⵙⵉ ⵙ ⵓⵙⵡⵉⵔ ⵏ ⵓⵎⵙⴰⵡⴰⵍ ⴰⵙⵜⵔⴰⵜⵉⵊⵉ ⵏ ⵜⵉⴷⵜ 

ⵎⴰⵙⵙ ⴱⵓⵕⵉⵟⴰ ⴰⵔ ⵉⵜⵜⵉⵏⵉ ⵎⴰⵙⴷ ⵉⵇⵇⴰⵏ ⴰⴷ ⵉⴱⵓⵖⵍⵓ ⵓⴳⵔⴰⵡ ⵏ ⵓⵎⴽⴰⵙ ⴰⵄⵕⴰⴱ-ⴰⵔⵓⵙⵉ ⵙ ⵓⵙⵡⵉⵔ ⵏ ⵓⵎⵙⴰⵡⴰⵍ ⴰⵙⵜⵔⴰⵜⵉⵊⵉ ⵏ ⵜⵉⴷⵜ 

20 ⴷⵓⵊⴰⵏⴱⵉⵔ 2023 Version Imprimable
ⵎⵕⵕⴰⴽⵛ - ⵉⵖⵔⴰ ⵓⵎⴰⵡⴰⵙ ⵏ ⵜⵡⵓⵔⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ, ⴰⵙⵙ ⴰⴷ ⵏ ⵓⴽⵕⴰⵙ, ⴳ ⵎⵕⵕⴰⴽⵛ ⴼⴰⴷ ⴰⴷ ⵢⵉⵍⵉ ⵓⵙⴱⵓⵖⵍⵓ ⵏ ⵓⵏⵎⵓⵇⵇⴰⵔ ⵏ ⵓⵎⵢⴰⵡⴰⵙ ⴰⵄⵕⴰⴱ-ⴰⵔⵓⵙⵉ ⵙ ⵓⵙⵡⵉⵔ ⵏ ⵓⵎⵙⴰⵡⴰⵍ ⴰⵙⵜⵔⴰⵜⵉⵊⵉ.

ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵜⴳⵓⵔⵉ ⵏⵏⵙ ⴳ ⵓⵙⵙⵉⵅⴼ ⵏ ⵜⵡⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵚⴹⵉⵚⵜ ⵏ ⵓⵏⵎⵓⵇⵇⴰⵔ ⵏ ⵓⵎⵙⴰⵡⴰⵍ ⴰⵄⵕⴰⴱ-ⴰⵔⵓⵙⵉ, "ⵏⵔⴰ ⴰⴷ ⵏⵙⴱⵓⵖⵍⵓ ⴰⵏⵎⵓⵇⵇⴰⵔ ⴰⴷ ⵙ ⵓⵙⵡⵉⵔ ⵏ ⵓⵎⵙⴰⵡⴰⵍ ⴰⵙⵜⵔⴰⵜⵉⵊⵉ ⴰⵄⵕⴰⴱ-ⴰⵔⵓⵙⵉ ⵏ ⵜⵉⴷⵜ, ⴰⴷ ⴳⵉⵙ ⵢⵉⵍⵉ ⵓⴷⵔⴰⵡ ⵏ ⵜⵉⴷⵜ ⴳⵔⴰⵜⵏⵖ, ⴷ ⵓⵎⵢⴰⵡⴰⵙ ⵍⵍⵉ ⵔⴰⴷ ⵉⴼⵜⵜⵓ ⵙ ⵜⵎⵉⵣⴰⵔ ⵏⵏⵖ ⵙ ⴷⴰⵜ, ⴼⴰⴷ ⴰⴷ ⵢⵉⵍⵉ ⵓⴼⵔⴰ ⴷ ⵜⵏⴼⴰⵍⵉⵜ"

 ⵎⴰⵙⴷ ⵜⴰⴷⵔⴰⵡⵜ ⴰⴷ ⵉⵇⵇⴰⵏ ⴷ ⴰⴷ ⵜⵜⵓⵙⴽⴰ ⵅⴼ ⵓⵣⵔⴰⴽ ⴳⵔⴰⵜⵏⵖ ⴷ ⴰⴷ ⴰⴽⴽⵯ ⴳⵉⵙ ⵏⴰⵙⵉ ⵜⴰⵎⴰⵙⵙⴰⵢⵜ", ⵜⴰⴷⵔⴰⵡⵜ ⵍⵍⵉ ⵔⴰⴷ ⵉⴳ ⵡⴰⵥ, ⴰⴷ ⴳⵉⵙ ⵢⵉⵍⵉ ⵓⵎⵢⴰⵡⴰⵙ ⴷ ⵓⵙⴽⴽⵉⵔ ⵏ ⴰⵢⵏⵏⴰ ⵅⴼ ⴷ ⵏⵎⵛⵓⵛⴽⴰ".

 ⵉⵏⵏⴰ ⵎⴰⵙⴷ ⵜⴰⴷⵔⴰⵡⵜ ⴰⴷ, ⵙ ⵡⴰⵡⴰⵍ ⵏ ⵓⵎⴰⵡⴰⵙ, ⵉⵇⵇⴰⵏ ⴷ ⴰⴷ ⵜⵜⵓⵙⴽⴰ ⵅⴼ ⵜⵙⵔⵜⵉⵜ ⵉⵜⵜⵓⴷⵔⴰⵏ ⴷ ⵜⴷⵎⵙⴰ ⴳ ⵜⵙⴳⴰ ⵏ ⵜⵉⵍⴰⵡⵜ ⵏ ⵉⵎⴷⵔⴰⵡⵏ ⴷ ⴰⵢⵍⵍⵉ ⵎⵎⵓ ⵣⵎⵔⵏ.

ⴳ ⵜⵙⴳⴰ ⴰⴷ ⵏⵉⵜ ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙ ⵔⴰⴷ ⴰⴽⴽⵯ ⵏⵙⴽⵉⵏⴳⵎ ⴼⴰⴷ ⴰⴷ ⵏⵙⵜⵉ ⵢⴰⵜ ⵜⵖⴰⵔⴰⵙⵜ ⵍⵍⵉ ⵔⴰⴷ ⴰⵖ ⵉⵙⵙⵍⴽⵎ ⵉ ⴰⵢⴷⴰ ⵏⵔⴰ, ⴰⴷ ⵏⵎⵎⴰⵜⵜⵉ ⵣⴳ ⵜⴷⵔⴰⵡⵜ ⵉⴳⴰⵏ ⵜⴰⵣⴰⵢⴽⵓⵜ ⵙ ⵓⵎⵢⴰⵡⴰⵙ ⵏ ⵜⵉⴷⵜ ⴳ ⵜⴳⴰ ⵜⴷⵔⴰⵡⵜ ⵜⴰⵎⴰⵢⵏⵓⵜ ⵜⴳ ⵜⴰⵙⵜⵔⴰⵜⵉⵊⵉⵜ, ⴳ ⵓⵎⵏⵉⴷ ⵏ ⵢⴰⵜ ⵜⴰⵏⵏⴰⵢⵜ ⵍⵍⵉ ⵔⴰⴷ ⵉⵣⵔⴽ ⴰⵙⵡⵉⵔ ⴰⴷⵖⵔⴰⵏ ⵓⵍⴰ ⴰⵎⴰⴹⵍⴰⵏ ⵏ ⴽⵓ ⵜⴰⵎⴰⵣⵉⵔⵜ, ⴷ ⵜⵣⵔⴽ ⴰⵢⴷⴰ ⵉⴼⵓⵍⴽⵉⵏ ⵉ ⴽⵓⵍⵍⵓ ⵜⵉⵙⴳⵉⵡⵉⵏ.

ⵎⴽⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⴳ ⵜⴷⵔⴰⵡⵜ ⴰⴷ  ⵓⵎⴰⵡⴰⵙ, ⵜⴰⵍⵍⵉ ⵔⴰⴷ ⵉⵏⵏⵓⵕⵥⵎ ⵅⴼ ⵉⵎⴷⴷⴰⵡⵏ ⵉⴷⴰⵎⵙⴰⵏⵏ ⴷ ⵉⴷⵍⵙⴰⵏⵏ ⵙ ⵓⵙⴽⴽⵉⵔ ⵏ "ⵓⵏⵎⵓⵇⵇⴰⵔ ⴰⴷⴰⵎⵙⴰⵏ ⴷ ⵓⴷⵍⵙⴰⵏ" ⵣⵓⵏⴷ ⴰⵏⵎⵓⵇⵇⴰⵔ ⵏ ⵓⵎⵢⴰⵡⴰⵙ ⴰⵔⵓⵙⵉ-ⴰⴼⵔⵉⵇ ⵙ ⵓⵎⴷⵢⴰ, ⵎⴰⵢⴰⴷ ⵔⴰⴷ ⵢⴰⵡⵙ ⴰⴷ ⵏⵣⵔⵉ ⴰⵎⵙⴰⵡⴰⵍ ⴰⴷⵉⴱⵍⵓⵎⴰⵙⵉ ⴰⵇⴱⵓⵕ, ⵏⵣⵔⵉ ⵙ ⵓⵎⵙⴰⵡⴰⵍ ⴰⵜⵔⴰⵔ.

ⵓⴳⵥⴰⵔ ⵏ ⵎⴰⵢⴰ, ⵉⵏⵏⴰ ⴱⵓⵕⵉⵟⴰ, ⵉⵇⵇⴰⵏ ⴷ ⴰⴷ ⵏⵙⴽⵉⵏⴳⵉⵎ ⴳ ⵡⴰⵍⵍⴰⵙ ⵏ ⵉⵏⵎⵓⵇⵇⴰⵔⵏ ⵍⵍⵉ ⵣⵔⵉⵏⵉⵏ, ⴼⴰⴷ ⴰⴷ ⵏⵃⵉⵢⵢⵍ ⵉ ⵡⵉⴷ ⴷ ⵉⴽⴽⴰⵏ ⴷⴰⵜ, ⴷ ⴰⴷ ⵏⴼⴽ ⵜⵉⵙⵉ ⵉ ⵓⵙⵖⵉⵡⵙ ⵉ ⵉⵏⵎⵓⵇⵇⴰⵔⵏ ⵏⵏⵖ ⴼⴰⴷ ⴰⴷ ⴼⴽⵉⵏ ⵜⴰⵢⴰⴼⵓⵜ ⵏⵏⵙⵏ, ⵙ ⵓⵣⴷⴰⵢ ⴷ ⵉⵎⵍⵜⴰⵖⵏ ⴰⴽⴽⵯ, ⵏⵥⵕ ⵓⵍⴰ ⵉⵏⵎⵓⵇⵇⴰⵔⵏ ⵉⵣⵔⵏ ⴰⵎ ⴰⵏⵎⵓⵇⵇⴰⵔ "ⴰⵔⵓⵙⵉ-ⴰⵏⵙⵍⵎ" ⴷ "ⴰⵏⵎⵓⵇⵇⴰⵔ ⵏ ⵓⵎⵢⴰⵡⴰⵙ ⴰⵔⵓⵙⵉ-ⴰⴼⵔⵉⵇ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B0%E2%B5%94-%E2%B5%89%E2%B5%9C%E2%B5%9C%E2%B5%89%E2%B5%8F%E2%B5%89-%E2%B5%8E%E2%B4%B0%E2%B5%99%E2%B4%B7-%E2%B5%89%E2%B5%87%E2%B5%87%E2%B4%B0%E2%B5%8F-%E2%B4%B0%E2%B4%B7-%E2%B5%89%E2%B4%B1%E2%B5%93%E2%B5%96%E2%B5%8D%E2%B5%93-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%93%E2%B5%8E%E2%B4%BD%E2%B4%B0%E2%B5%99-%E2%B4%B0%E2%B5%84%E2%B5%95%E2%B4%B0%E2%B4%B1-%E2%B4%B0%E2%B5%94%E2%B5%93%E2%B5%99%E2%B5%89-%E2%B5%99-%E2%B5%93%E2%B5%99%E2%B5%A1%E2%B5%89%E2%B5%94-%E2%B5%8F