Published on MAPNews (https://www.mapnews.ma/am)

Accueil > ⴰⵙⵍⵡⴰⵢ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵙⵉⵏⵉⴳⴰⵍⵉⵜ ⴰⵔ ⵉⵙⵎⴰⵢⵏⵓ ⵡⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⴷ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ 

ⴰⵙⵍⵡⴰⵢ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵙⵉⵏⵉⴳⴰⵍⵉⵜ ⴰⵔ ⵉⵙⵎⴰⵢⵏⵓ ⵡⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⴷ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ 

21 ⴷⵓⵊⴰⵏⴱⵉⵔ 2023 Version Imprimable
ⴷⴰⴽⴰⵔ -  ⴰⵙⵍⵡⴰⵢ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵙⵉⵏⵉⴳⴰⵍⵉⵜ, ⴰⵎⴰⴷⵓ ⵎⴰⵍⵉ, ⴰⴽⵔⴰⵙ ⴳ ⴷⴰⴽⴰⵕ, ⴰⵔ ⵉⵙⵎⴰⵢⵏⵓ ⵡⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⴷ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ.

ⵉⵏⵏⴰ ⵎⴰⵙⵙ ⴷⵢⵓⴱ, ⴳ ⵜⴳⵉⵔⴰ ⵏ ⵓⵎⵙⴰⵡⴰⵍ ⵏⵏⵙ ⴷ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵉⵎⵉⵔⴰ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⵍⵍⵉ ⵉⴼⵜⴰⵏ ⵙ ⵙⵉⵏⵉⴳⴰⵍ ⴰⴽⴷ ⵢⴰⵜ ⵜⵔⴰⴱⴱⵓⵜ ⵏ ⵉⴱⴰⵕⵍⴰⵎⴰⵏⵏ, ⵎⴰⵙⴷ ⵎⵙⴰⵙⴰⵏⵜ ⵜⴰⵏⵏⴰⵢⵉⵏ ⵏ ⵜⵎⵉⵣⴰⵔ ⵏⵏⵖ ⴳ ⵜⵎⵏⵜⴰⵍ ⵜⵉⵎⴰⴹⵍⴰⵏⵉⵏ.

ⵢⴰⵍⵖ ⵜⴰⵡⵡⵓⵔⵉ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ ⴳ ⵓⵙⵙⵓⴷⵙ ⵏ ⵜⴷⵔⴰⵡⵜ ⵉⵍⵍⴰⵏ ⴷ ⵜⵎⴰⵣⵉⵔⵜ ⵏⵏⵙ, ⵉⵙⵏⵉⵎⵎⵔ ⴽⵉⴳⴰⵏ ⴰⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵅⴼ ⴰⵢⴷⴰ ⴰⴽⴽⵯ ⵉⵙⴽⴰⵔ ⴳ ⵓⵎⵏⵉⴷ ⴰⴷ, ⵎⴽⵍⵍⵉ ⵉⵎⵎⴰⵍ ⵡⴰⴷⴰⴼ ⵏ ⴱⴰⴱ ⵏ ⵓⴷⴷⵓⵔ ⵙ ⵜⵎⴰⵣⵉⵔⵜ ⵏ ⵙⵉⵏⵉⴳⴰⵍ, ⴷ ⵜⵉⵏⴰⵡⵜ ⵏⵏⵙ ⵍⵍⵉ ⵉⴼⴽⴰ ⴳ ⴷⴰⴽⴰⵔ ⴰⵙⴳⴳⵯⴰⵙ ⵏ 2016 ⵙ ⵜⵎⵍⴷⴰ ⵏ ⵜⵎⴽⵜⵉⵜ ⵜⵉⵙⵙ ⴽⴽⵓⵎⵔⴰⵡ ⴷ ⵢⴰⵏ ⵏ ⵜⵡⴰⴷⴰ ⵜⴰⵣⴳⵣⴰⵡⵜ.

ⴳ ⵜⵙⴳⴰ ⵏⵏⵙ, ⵉⵙⵙⴽⵜⵉ ⴷ ⵎⴰⵙⵙ ⵟⵟⴰⵍⵉⴱⵉ ⵍⵄⴰⵍⴰⵎⵉ, ⵎⴰⵙⴷ ⵓⴷⵓⴼ ⴰⴷ ⵉⴳⴰ ⴰⵎⵣⵡⴰⵔⵓ ⴷⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵉⵔⴰ ⵙ ⴷⴰⵔ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵙⵉⵏⵉⴳⴰⵍⵜ, ⵢⴰⵍⵖ ⴰⵙⴱⵔⵔⴽ ⵉⴼⵓⵍⴽⵉⵏ ⵍⵍⵉ ⵙⴽⵔⵏ ⵉⵎⵉⵔⴰ ⵉⵙⵉⵏⵉⴳⴰⵍⵏ ⵉ ⵜⵔⴰⴱⴱⵓⵜ ⵏ ⵉⴱⵕⵍⴰⵎⴰⵏⵏ ⵉⵎⵖⵔⴰⴱⵉⵢⵏ, ⵉⵙⵙⵓⵎⴰⵏ ⴷ ⵅⴼ ⵜⵣⴷⴰⵢⵜ ⵜⴰⵣⴰⵢⴽⵓⵜ ⴷ ⵜⴷⴷⵓⴽⴽⵍⴰ ⵉⵍⵍⴰⵏ ⴳⵔ ⵙⵉⵏ ⵉⵖⵔⴼⴰⵏ ⴰⴷ.

ⵎⴰⴷ ⵉⵥⵍⵉⵏ ⵙ ⵜⵎⵏⵜⵉⵍⵜ ⵏⵏⴼ ⵜⴰⵏⴰⵎⵓⵔⵜ, ⵢⵓⵍⵖ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵉⵔⴰ ⵜⴰⵏⵏⴰⵢⵜ ⵏ ⵙⵉⵏⵉⴳⴰⵍ ⵉⵣⴳⴰⵍ ⵍⵍⵉ ⴷ ⵉⵎⵙⴰⵙⴰⵏ ⴰⴽⴷ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ.

ⵉⵍⵍⴰ ⴳ ⵜⵔⴰⴱⴱⵓⵜ ⵏ ⵓⴱⵕⵍⴰⵎⴰⵏ ⴰⵎⵖⵔⴰⴱⵉ ⵉⴷ ⵎⴰⵙⵙ ⴰⵃⵎⴰⴷ ⵜⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴰⵚⴰⵍⴰ ⴷ ⵍⵎⵓⵄⴰⵚⴰⵕⴰ, ⴷ ⵄⴱⴷ ⵕⵕⴰⵃⵉⵎ ⵛⴰⵀⴷ ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⵛⵜⵉⵔⴰⴽⵉⵜ (ⵜⴰⵏⵎⴳⴰⵍⵜ ⵜⴰⵜⵉⵃⴰⴷⵉⵜ), ⴷ ⵛⵛⴰⵡⵉ ⴱⵍⵄⵙⴰⵍ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⴰⴷⵓⵙⵜⵓⵔ ⴰⴷⵉⵎⵓⴽⵔⴰⵙⵉ ⴷ ⵓⵏⴰⵎⵓⵏ, ⴷ ⵕⴰⵛⵉⴷ ⵃⵎⵎⵓⵏⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴰⵇⴷⴷⵓⵎ ⴷ ⵜⵛⵜⵉⵔⴰⴽⵉⵜ.

ⵣⵔⵉⵏ ⵉⵎⵔⴰⵔⴰⵜⵏ ⴰⴷ ⵙ ⵜⵉⵍⵉⵜ ⵏ ⵓⵎⵙⵇⴰⴷ ⵏ ⴱⴰⴱ ⵏ ⵓⴷⴷⵓⵔ ⴳ ⵙⵉⵏⵉⴳⴰⵍ, ⵎⴰⵙⵙ ⵃⴰⵙⴰⵏ ⵏⵏⴰⵚⵉⵕⵉ. ⵉⴳⴳⵓⵔⴰ ⵓⵏⵎⵓⵇⵇⴰⵔ ⴰⴷ ⵏ ⵜⵡⴽⵓⵔⵉ ⵙ ⵓⵙⴳⵎⴹ ⵅⴼ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏ ⴳⵔ ⵓⵙⵇⵇⵉⵎ ⵏ ⵉⵎⵉⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵙⵙⵉⵏⵉⴳⴰⵍ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%8D%E2%B5%A1%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%99%E2%B5%89%E2%B5%8F%E2%B5%89%E2%B4%B3%E2%B4%B0%E2%B5%8D%E2%B5%89%E2%B5%9C-%E2%B4%B0%E2%B5%94-%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%A1%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C-%E2%B5%8F%E2%B5%8F%E2%B5%99-%E2%B4%B7-%E2%B5%9C%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%8F