ⵎⴰⵙⵙ ⴱⵓⵕⵉⵟⴰ.. ⵜⴰⵣⴷⴰⵢⵜ ⴳⵔ ⵍⵎⵖⵔⵉⴱ ⴷ ⵜⴰⵏⵥⴰⵏⵢⴰ ⵜⵜⵓⵙⴽⴰ ⴱⴷⴷⴰ ⵅⴼ ⵜⵡⵉⵣⵉ ⴷ ⵜⵡⵡⵓⵔⵉ ⵅⴼ ⵜⵎⵏⵜⴰⵍ ⵜⵉⴼⵔⵉⵇⵢⵉⵏ

21 ⴷⵓⵊⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵏⵏⴰ ⵓⵎⴰⵡⴰⵙ ⵏ ⵜⵡⵡⵓⵔⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⵎⴰⵙ ⴳⴰⵏⵜ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵜⴰⵏⵥⴰⵏⵢⴰ ⵜⵉⴷ ⵉⵜⵜⵓⵙⴽⴰⵏ ⵅⴼ ⵜⵡⵉⵣⵉ ⴷ ⵜⵡⵡⵓⵔⵉ ⵅⴼ ⵜⵎⵏⵜⴰⵍ ⵜⵉⴼⵔⵉⵇⵉⵏ.

ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵢⴰⵏ ⵓⵏⵎⵓⵇⵇⴰⵔ ⴰⵏⵖⵎⴰⵙ ⵉⵜⵜⵓⴷⵔⴰⵏ ⴷ ⵓⵎⴰⵡⴰⵙ ⵏ ⵜⵡⵡⵓⵔⵉⵡⵉⵏ ⵏ ⴱⵕⵕⴰ ⴰⵜⴰⵏⵥⴰⵏⵉ ⵊⴰⵏⵢⵓⵔⵉ ⵎⴽⴰⵎⴱⴰ, ⵉⵡⵏⴰⵏ ⵏ ⵉⵎⵙⴰⵡⴰⵍⵏ ⵏⵏⵙⵏ ⴰⵙⵙ ⴰⴷ ⴳ ⵕⵕⴱⴰⵟ, ⵎⴰⵙⴷ ⵜⵉⵣⴷⴰⵢⵉⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ "ⴳⴰⵏⵜ ⵜⵉⵣⴰⵢⴽⵓⵜⵉⵏ, ⴳⵏⵜ ⵜⵉⴷ ⴱⴷⴷⴰ ⵉⵜⵜⵓⵙⴽⴰⵏ ⵅⴼ ⵜⵡⵉⵣⵉ ⴷ ⵜⵡⵡⵓⵔⵉ ⵅⴼ ⵜⵎⵏⵜⴰⵍ ⵏ ⵜⴼⵔⵉⵇⵜ ⴷ ⵜⵎⵢⵉⵡⵏⵜ ⵏⵏⵙ".

ⵉⵙⵙⵓⵎⴰⵏ ⵎⴰⵙⴷ ⵓⴷⵓⴼ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ ⵖⵔ ⵜⴰⵏⵥⴰⵏⵢⴰ ⴰⵙⴳⴳⵯⴰⵙ ⵏ 2016, "ⵉⴳⴰ ⵜⴰⵏⵇⵇⵉⴹⵜ ⵍⵍⵉ ⴳ ⵏⴼⵍⵏⵜ ⵜⵣⴷⴰⵢⵉⵏ ⴳⵔ ⵜⵎⵉⵣⴰⵔ ⴰⴷ, ⴷ ⵜⴰⵍⵍⵉ ⵉⵕⵥⵎⵏ ⴰⴳⴳⵓⵔ ⵉ ⵉⵎⵏⴰⴷⵏ ⵎⵇⵇⵓⵔⵏ ⵏ ⵜⵣⴷⴰⵢⵉⵏ ⴳⵔⴰⵜⵏⵖ ⵙⵍⴰⵡⴰⵏⴷ ⴰⴽⴽⵯ ⵍⵍⵉⵖ ⴳⵎⴹⵏ ⵅⴼ ⵓⴳⴳⴰⵔ ⵏ 22 ⵏ ⵓⵎⵙⴰⵙⴰ".

ⵎⴽⵍⵍⵉ ⵉⵙⴽⵔ ⵡⴰⴷⴰⴼ ⴰⴷ, ⵉⵏⵏⴰ ⵓⵎⴰⵡⴰⵙ, ⵢⴰⵏ ⵓⴱⵓⵖⵍⵓ ⴳ ⵜⵣⴷⴰⵢⵉⵏ ⴰⴷ ⴳⵔ ⵍⵎⵖⵔⵉⴱ ⴷ ⵟⴰⵏⵥⴰⵏⵢⴰ ⵍⵍⵉⴳ ⵜⵕⵥⵎ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵜⵎⴰⵣⵉⵔⵜ ⵏ ⵟⴰⵏⵥⴰⵏⵢⴰ.

ⵢⵉⵏⵉ ⵎⴰⵙⵙ ⴱⵓⵕⵉⵟⴰ ⵎⴰⵙⴷ ⵙⴰⵡⵍⵏ ⵏⵜⵜⴰ ⴷ ⵓⵏⴳⴳⵓ ⵏⵏⵙ ⴳ ⵜⴰⵏⵥⴰⵏⵢⴰ ⴳ ⵓⵏⵎⵓⵇⵇⴰⵔ ⴰⴷ ⵅⴼ "ⵜⵖⴰⵔⴰⵙⵉⵏ ⵏ ⵓⵣⵣⵓⴳⵣ ⵏ ⵉⵎⵙⴰⵙⴰⵜⵏ ⵍⵍⵉ ⵢⴰⴷ ⴳⵎⴹⵏ ⴳ ⵡⴰⴷⴰⴼ ⵏ ⵓⴳⵍⵍⵉⴷ ⵙ ⵟⴰⵏⵥⴰⵏⵢⴰ, ⴷ ⵜⵡⵡⵓⵔⵉ ⵏ ⵜⵏⴱⴰⴹⵜ ⴷ ⵎⴰⴷ ⴰⴽⴽⵯ ⵉⴽⵛⵎⵏ ⴳ ⵎⴰⵢⴰⴷ ⴼⴰⴷ ⴰⴷ ⵎⵓⵔⵙⵏⵜ ⵜⵣⴷⴰⵢⵉⵏ ⴰⴷ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B5%9C%E2%B4%B0%E2%B5%A3%E2%B4%B7%E2%B4%B0%E2%B5%A2%E2%B5%9C-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B4%B0%E2%B5%8F%E2%B5%A5%E2%B4%B0%E2%B5%8F%E2%B5%A2%E2%B4%B0-%E2%B5%9C%E2%B5%9C%E2%B5%93%E2%B5%99%E2%B4%BD%E2%B4%B0-%E2%B4%B1%E2%B4%B7%E2%B4%B7%E2%B4%B0-%E2%B5%85%E2%B4%BC-%E2%B5%9C%E2%B5%A1%E2%B5%89%E2%B5%A3%E2%B5%89-%E2%B4%B7-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89-%E2%B5%85%E2%B4%BC-%E2%B5%9C%E2%B5%8E%E2%B5%8F%E2%B5%9C%E2%B4%B0%E2%B5%8D