Published on MAPNews (https://www.mapnews.ma/am)

Accueil > ⴰⵏⵎⵓⴳⴳⴰⵔ ⵓⵏⴱⵉⴹ ⵅⴼ ⵜⵙⵏⵜⴰⵢⵜ ⵜⴰⴳⵔⴰⵖⵍⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵏ ⵡⴰⴷⴰⴼ ⵏ ⵓⴳⴰⵔⵓ ⴰⵟⵍⴰⵙⵉ ⵏ ⵜⵎⵓⵔⴰ ⵏ ⵙⵙⴰⵃⵉⵍ

ⴰⵏⵎⵓⴳⴳⴰⵔ ⵓⵏⴱⵉⴹ ⵅⴼ ⵜⵙⵏⵜⴰⵢⵜ ⵜⴰⴳⵔⴰⵖⵍⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵏ ⵡⴰⴷⴰⴼ ⵏ ⵓⴳⴰⵔⵓ ⴰⵟⵍⴰⵙⵉ ⵏ ⵜⵎⵓⵔⴰ ⵏ ⵙⵙⴰⵃⵉⵍ

22 ⴷⵓⵊⴰⵏⴱⵉⵔ 2023 Version Imprimable
ⴰⵎⵓⵔ ⵏ ⵡⴰⴽⵓⵛ - ⵔⴰⴷ ⵉⵜⵜⵓⵙⴽⴰⵔ ⴳ ⵡⴰⵙⵙ ⵏ ⵓⵙⵉⴹⵢⴰⵙ ⵢⴰⵏ ⵓⴳⵔⴰⵡ ⴰⵎⵣⴷⴰⵢ ⵓⵏⴱⵉⴹ ⵅⴼ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵓⵙⵙⴷⵓⵙ ⵏ ⵡⴰⴷⴰⴼ ⵏ ⵓⴳⴰⵔⵓ ⴰⵟⵍⴰⵙⵉ, ⵙ ⵜⴷⵔⴰⵡⵜ ⵏ ⵎⴰⵍⵉ ⴷ ⵏⵏⵉⵊⵔ ⴷ ⴱⵓⵕⴽⵉⵏⴰⴼⴰⵚⵓ ⴷ ⵜⵜⵛⴰⴹ .

ⵉⵜⵜⵓⵙⵍⵖⴰ ⵎⴰ ⴰⴷ ⴳ ⵉⵏⴰⵡ ⴰⴳⵍⴷⴰⵏ ⵏ ⵓⴽⵯⵜⵜⴰⵢ ⵡⵉⵙⵙ 48 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵏⵏⴰⵖ ⵉⵙⵙⵖⵥⵏ ⴱⴰⴱ ⵏ ⵡⴰⴷⴷⵓⵔ ⵜⵉⵎⵓⴽⵔⵉⵙⵉⵏ ⵏ ⵜⵎⵉⵣⴰⵔ ⴰⴷ ⴳ ⵉⴳⵔ ⵏ ⵜⵏⵔⵓⵜ ⵏⵏⴰ ⵉⵙⵖⴰⵡⵙⴰⵏ ⵙ ⵓⵙⵙⵉⴷⵔ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵜⵙⴳⴳⵉⵡⵉⵏ ⴷⴷⵖ .

ⴰⴼⴰⴷ ⴰⴷ ⵖⵉⵏⵜ ⵜⵎⵉⵣⴰⵔ ⴰⴷ ⴰⴷ ⴽⵛⵎⵏⵜ ⵙ ⵓⴳⴰⵔⵓ ⴰⵟⵍⴰⵙⵉ ⵜⵜⵓⵙⴽⴰⵔ ⵜⵙⵏⵜⴰⵢⵜ ⴰⴷ ⵙⴳ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ .

ⴰⴼⴰⴷ ⴰⴷ ⵜⵎⵓⵔⵙ ⵜⵙⵏⵜⴰⵢⵜ ⴰⴷ ⵉⵇⵇⴰⵏⴷ ⴰⴷ ⵜⵜⵓⵙⴽⴰⵔ ⵜⵓⵙⴽⵉⵡⵜ ⵉⴷⵓⵙⵏ ⴷ ⵓⵣⵓⵣⵣⵔ ⵏ ⵉⵎⴰⵙⵙⵏ ⵏ ⵡⴰⵙⵙⴰⵢ ⴷ ⴽⵉⴳⴰⵏ ⵏ ⵜⵓⵙⴽⵉⵡⵉⵏ ⵢⴰⴹⵏ .

ⴳ ⵓⵙⴰⵜⵉ ⴰⴷ, ⵜⵓⵊⵊⴰ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⵜⵉⵎⵉⵣⴰⵔ ⴰⴷ ⴰⴼⴰⴷ ⴰⴷ ⵙⴼⴰⵢⴷⴰⵏ ⴳ ⵜⵓⵙⴽⵉⵡⵜ ⴷ ⵉⵎⴰⵙⵙⵏ ⵏ ⵡⴰⵙⵙⴰⵢ, ⵙ ⵓⵏⵏⵓⵕⵥⵎ ⵅⴼ ⵜⵎⵉⵣⴰⵔ ⵏ ⵓⴳⴰⵔⵓ ⴰⵟⵍⴰⵙⵉ ⴷ ⵍⵎⵖⵔⵉⴱ ⴰⵡⴷ ⵏⵜⵜⴰ ⵉⵔⴰ ⴰⴷ ⵢⴰⵡⵙ ⴳ ⵓⵙⵙⵉⴷⵔ ⵏ ⵜⵙⵏⵢⴰⵜ ⴰⴷ ⵙ ⵓⵣⵓⵣⵣⵔ ⵏ ⵉⵎⴰⵙⵙⵏ ⵏ ⵡⴰⵙⵙⴰⵢ ⴷ ⵉⵙⵕⵙⵉⵡⵏ .

ⵔⴰⴷ ⴰⵡⵙⵏ ⵉⵎⴰⵡⵙⴰⵙⵏ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⴳⵔⴰⵡ ⴰⴷ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵡⴰⵎⵓⵔ ⵏ ⵡⴰⴽⵓⵛ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ .

ⵜⴳⴰ ⵜⵙⵏⵜⴰⵢⵜ ⴰⴷ ⵜⴰⴳⵍⴷⴰⵏⵜ ⵜⴰⵍⵍⵉ ⵉⴳⴰⵏ ⵜⵉⵏ ⵜⵎⵏⴰⴹⵜ ⴷ ⵓⵙⵡⵉⵔ ⴰⴳⵔⴰⵖⵍⴰⵏ,ⵏⵏⴰ ⵉⵍⴰⵏ ⵜⴰⵡⵡⵓⵔⵉ ⵏ ⵡⴰⴷⴰⴼ ⵏ ⵜⵎⵉⵣⴰⵔ ⵏ ⵉⵣⴷⴰⵔ ⵙ ⵓⴳⴰⵔⵓ ⴰⵟⵍⴰⵙⵉ ⵙ ⵜⵙⵏⵜⴰⵢⵉⵏ ⵏ ⵜⵣⵎⵎⴰⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵜⵏⴰⵍⵉⵜ ⵏ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴼⴰⴷ ⴰⴷ ⵜⵣⵏⵥⵕ ⵉⴼⵔⵉⵇⵢⴰ 

ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵓⵙⵏⴼⵍ ⴰⵙⵏⵎⴰⵍⴰⵢ ⵏ ⵜⴷⵎⵙⴰ ⵏ ⵉⴼⵔⵉⵇⵢⴰ ⴷ ⵓⵙⴷⵓⵙ ⵏ ⵓⵙⵡⵉⵔ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⵏ ⵜⵏⵣⵔⵓⴼⵜ ⵙ ⵓⵙⴷⴷⵉⴷ ⵏ ⵉⴳⵔ ⵏ ⵜⵏⴼⵔⵓⵜ ⵜⴰⵏⵎⵏⴰⴹⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%93%E2%B5%8F%E2%B4%B1%E2%B5%89%E2%B4%B9-%E2%B5%85%E2%B4%BC-%E2%B5%9C%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B5%A1%E2%B4%B0%E2%B4%B7%E2%B4%B0%E2%B4%BC-%E2%B5%8F-%E2%B5%93%E2%B4%B3%E2%B4%B0%E2%B5%94%E2%B5%93-%E2%B4%B0%E2%B5%9F%E2%B5%8D%E2%B4%B0%E2%B5%99%E2%B5%89-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0