Published on MAPNews (https://www.mapnews.ma/am)

Accueil > ⵜⴰⵙⵓⴼⵖⵜ ⵜⵉⵙⵙ 38 ⵣⴳ ⵜⵙⵔⴷⴰⵙ ⵏ ⵜⵡⵡⵓⵔⵉ ⵜⴰⵙⵔⴷⴰⵙⵜ ⴰⵔ ⵉⵣⵣⵔⴰⵢ ⵜⴰⴳⴰⵍⵍⵉⵜ ⵍⵍⵉⵖ ⵙⵎⴷⵏⵜ ⴰⵙⵎⵓⵜⵜⴳ ⵏⵏⵙⵏⵜ ⴰⴷⵙⵍⴰⵏ ⵉⵜⵜⵓⴷⵔⴰⵏ

ⵜⴰⵙⵓⴼⵖⵜ ⵜⵉⵙⵙ 38 ⵣⴳ ⵜⵙⵔⴷⴰⵙ ⵏ ⵜⵡⵡⵓⵔⵉ ⵜⴰⵙⵔⴷⴰⵙⵜ ⴰⵔ ⵉⵣⵣⵔⴰⵢ ⵜⴰⴳⴰⵍⵍⵉⵜ ⵍⵍⵉⵖ ⵙⵎⴷⵏⵜ ⴰⵙⵎⵓⵜⵜⴳ ⵏⵏⵙⵏⵜ ⴰⴷⵙⵍⴰⵏ ⵉⵜⵜⵓⴷⵔⴰⵏ

29 ⴷⵓⵊⴰⵏⴱⵉⵔ 2023 Version Imprimable
ⵜⵎⴰⵔⴰ - ⵉⵜⵜⵉⵙⴽⴰⵔ, ⵉⴹⴳⴰⵎ ⵏ ⵓⴽⵡⴰⵙ ⴳ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵏⴰⵎⵓⵏ ⵉ ⵜⴷⵡⴰⵙ ⵜⵉⵙⵔⴷⴰⵙ ⵜⵉⴳⵍⴷⴰⵏⵉⵏ ⴳ ⵜⵎⴰⵔⴰ, ⵜⴰⴼⵓⴳⵍⴰ ⵏ ⵓⵙⴽⴽⵉⵔ ⵏ ⵜⴳⴰⵍⵍⵉⵜ ⵏ ⵜⵙⵓⴼⵖⵜ ⵜⵉⵙⵙ 38 ⵏ ⵜⵙⵔⴷⴰⵙ ⵏ ⵜⵡⵡⵓⵔⵉ ⵜⴰⵙⵔⴷⴰⵙⴰⵏⵜ, ⴷⴰⵜ ⵏ ⵎⴰⴷ ⵙⵎⴷⵏⵜ ⴰⵙⵎⵓⵜⵜⴳ ⴰⴷⵙⵍⴰⵏ ⵉⵜⵜⵓⴷⵔⴰⵏ.

ⵣⵣⵔⵉⵏⵜ ⵜⵙⵔⴷⴰⵙⵉⵏ ⴰⴷ, ⵍⵍⵉ ⵉⴳⴰⵏ 350 ⵏ ⵢⴰⵜ, ⴰⵙⵎⵓⵜⵜⴳ ⴰⵙⵔⴷⴰⵙⴰⵏ ⴰⵎⵣⵡⴰⵔⵓ ⴳ ⴽⴽⵓⵥ ⵢⵉⵔⵏ ⵉⵣⵔⵉⵏ, ⵜⴳ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵙⵎⵓⵜⵜⴳ (8 ⵢⵉⵔⵏ) ⵏ ⵓⵙⵎⴷⵉ ⴳ ⵜⵓⴳⵜⵜ ⵏ ⵜⵥⵍⴰⵢⵉⵏ ⵜⵜⵉⵢⴱⴹⴰⵏⵜ ⴼⵍⵍⴰⵙⵏⵜ ⵜⵙⴷⴰⵙⵉⵏ ⴽⵓ ⵢⴰⵜ ⴷ ⵎⴰⴷ ⴷⴰⵔⵙ.

ⵉⵣⴷⵉ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⴳ ⵜⵙⵓⵜⵍⵜ ⵉⵣⵡⴰⵔⵏ ⵏ ⵓⵙⵎⵓⵜⵜⴳ ⴰⴷⵙⵍⴰⵏ ⴷ ⵢⵉⴳⵔ ⵏ ⵜⵙⵔⴷⴰⵙⵜ, ⴳⵉⵙ ⵉⵎⵓⵙⵙⵓⵜⵏ ⵏ ⵜⵙⵔⴷⴰⵙⵜ ⴷ ⵜⵥⵓⵔⵉⵡⵉⵏ ⵏ ⵉⵎⵉⵖ, ⴷ ⵓⵙⴳⵎⵉ ⵅⴼ ⵜⵏⴰⵎⵓⵔⵜ, ⴷ ⵓⵙⴳⵎⵉ ⵅⴼ ⵜⵓⵏⵏⵓⵏⵜ ⴷ ⵜⵉⵢⵢⴰⴹ, ⴼⴰⴷ ⴰⴷ ⴰⵎⵥⵏⵜ ⵜⵙⵔⴷⴰⵙ ⵜⵓⴳⵜⵜ ⵏ ⵜⵉⵏⴷⵉⵜⵉⵏ, ⴰⵎ ⴰⵣⵔⴰⴽ, ⴷ ⴰⴷ ⵙⵙⵏⵏⵜ ⵜⵓⴷⵔⵜ ⵏ ⵜⵙⵔⴷⴰⵙⵜ

ⴳ ⵢⴰⵜ ⵜⴳⵓⵔⵉ ⵉ ⵜⵙⵔⴷⴰⵙⵉⵏ, ⴳ ⵜⴼⵓⴳⵍⴰ ⵏ ⵜⴳⴰⵍⵍⵉⵜ, ⵉⵏⵏⴰ ⵓⵙⵍⵡⴰⵢ ⵏ ⵜⵎⵀⵍⴰ ⵜⴰⵎⴰⵜⵓⵜ ⵏ ⵉⵙⴽⴽⵉⵔⵏ ⵉⵏⴰⵎⵓⵏⵏ ⵏ ⵜⵙⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⴰⵏⵙⵙⵉⵅⴼ ⴰⵃⵎⴰⴷ ⵣⴰⵊⵍⵉ, "ⴹⴰⵕⵜ ⵎⴰⴷ ⵜⵙⵎⴷⵎ ⵜⵉⵣⵉ ⵏ ⵓⵙⵎⵓⵜⵜⴳ ⴰⵎⵣⵡⴰⵔⵓ ⵍⵍⵉ ⵉⴳⴰⵏ ⵜⴰⵙⴽⵯⴼⵍⵜ ⵜⴰⵎⵣⵡⴰⵔⵓⵜ ⵏ ⴽⵓ ⴰⵙⵔⴷⴰⵙ, ⵔⴰⴷ ⵜⵣⵣⵔⵉⵎ ⵖⵉⵍⴰⴷ ⵜⴰⴳⴰⵍⵍⵉⵜ ⵍⵍⵉ ⵉⴳⴰⵏ ⵜⴰⵎⴰⵖⵓⵏⵜ ⵉⴷⵓⵙⵏ ⵉⵣⴷⵉⵏ ⴳⵔⴰⵜⵓⵏ ⴷ ⵓⴳⵍⵍⵉⴷ ⵏⵏⵖ ⴰⵏⵙⵙⵉⵅⴼ ⴰⵎⴰⵜⵓ ⴷ ⵓⵙⵍⵡⴰⵢ ⵏ ⵉⵎⵏⵖⵉ ⴰⵎⴰⵜⵓ ⵏ ⵜⵙⵔⴷⴰⵙ ⵜⵉⴳⵍⴷⴰⵏⵉⵏ" ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.

ⵉⵏⵏⴰ ⵓⵏⵙⵙⵉⵅⴼ ⵣⵊⵍⵉ, ⴳ ⵜⴼⵓⴳⵍⴰ ⴰⴷ, ⵍⵍⵉ ⴳ ⵉⵍⵍⴰ ⵓⵏⵙⵙⵉⵅⴼ ⵏ ⵡⴰⵎⵎⴰⵙ ⵏ ⵓⵙⵉⵏⵓⵏ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵜⵙⵔⴷⴰⵙ ⵜⵉⴳⵍⴷⴰⵏⵉⵏ, ⴰⵏⵙⵙⵉⵅⴼ ⵕⴰⵛⵉⴷ ⵛⵛⵟⵟⴰⵃⵉ, ⵜⵉⵙⵔⴷⴰⵙⵉⵏ ⵅⴼ ⵜⵓⵙⵙⵏⴰ ⵉⴳⴹⵏ ⵏ ⵓⵙⵖⵏ ⴰⴼⵓⵥⴰⵕ ⴷ ⵜⵓⵙⵙⵏⴰ ⵏ ⵜⴷⵓⵙⵉ ⵏ ⵓⵣⴷⴷⴰⵢ ⴰⴷ ⵉⴷⵓⵙⵏ, ⵍⵍⵉ "ⵉⵎⵎⴰⵍ ⵓⴱⵓⵖⵔ ⵙ ⵜⵉⵍⵉⵜ ⴷ ⵜⴰⵡⵊⴰ ⵏ ⵜⵙⵔⴷⴰⵙⵉⵏ ⵜⵉⴳⵍⴷⴰⵏⵉ".

ⵎⴽⵍⵍⵉ ⵉⵏⵏⴰ ⵎⴰⵙⴷ ⵜⴰⵡⴰⵍⴰ ⵜⵉⵙⵙ ⵙⵏⴰⵜ ⵙⴳ ⵜⵡⵡⵓⵔⵉ ⵏ ⵜⵙⵔⴷⴰⵙⵜ, ⵔⴰⴷ ⵜⴼⴽ ⴽⵓⵍⵛⵉ ⵉ ⵜⵡⵡⵓⵔⵉ ⵏ ⵜⵎⵥⵍⴰⵢ ⵜⵉⵙⵔⴷⴰⵙⵉⵏ ⵍⵍⵉ ⵔⴰⴷ ⵢⴰⴷⵊ ⵜⵉⵙⵔⴷⴰⵙ ⴰⴷ ⵙⴱⵓⵖⵍⵓⵏⵜ ⵜⵉⵣⵎⵎⴰⵔ ⵏⵏⵙⵏⵜ.

ⵉⵏⵏⴰ ⵉ ⵜⵙⵔⴷⴰⵙⵉⵏ ⵏ ⵜⵙⵓⴼⵖⵜ ⵜⵉⵙⵙ 38, ⴳ ⵓⵎⵏⵉⴷ, ⴼⴰⴷ ⴰⴷ ⵙⵎⴷⵏⵜ ⵜⵉⵣⵎⵎⴰⵔ ⵏⵏⴰ ⵜⵜⴳⴳⴰⵏⵜ ⴳ ⵜⵙⵓⵜⵍⵜ ⵍⵍⵉ ⴷ ⵢⵓⵛⴽⴰⵏ ⵙ ⵜⵓⴳⵜⵜ ⵏ ⵜⵡⵡⵓⵔⵉ, ⴼⴰⴷ ⴰⴷ ⴰⵎⵥⵏⵜ ⴽⵉⴳⴰⵏ ⴳ ⵓⵖⴰⵡⴰⵙ ⴷ ⵉⵙⴳⴳⵓⵔⵏ ⵍⵍⵉ ⵔⴰⴷ ⵔⴰⴷ ⴰⵙⵏ ⵜⵃⵉⵢⵢⵍ ⵜⵙⵔⴷⴰⵙⵜ ⵜⴰⴳⵍⴷⴰⵏⵜ ⴼⴰⴷ ⴰⴷ ⵉⵎⵓⵔⵙ ⵓⵙⵎⵓⵜⵜⴳ ⵏⵏⵙⵏⵜ, ⴷ ⴼⴰⴷ ⴰⴷ ⴰⴷⴼⵏⵜ ⴰⵎⴰⴹⴰⵍ ⵏ ⵜⵡⵡⵓⵔⵉ.

ⵢⵓⴼⴰ ⵓⵙⵍⵡⴰⵢ ⵏ ⵜⵎⵀⵍⴰ ⵜⴰⵎⴰⵜⵓⵜ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵓⴷⵡⵡⴰⵙ ⴰⵙⵔⴷⴰⵙⴰⵏ ⴼⴰⴷ ⴰⴷ ⵢⴰⵍⵖ ⵜⵉⵔⴷⴰⵙⵏⵏⵙ, "ⵅⴼ ⵜⵓⴳⴳⴰⵙ ⵏⵏⵙⵏⵜ ⴷ ⵓⴱⵓⵖⵔ ⵏⵏⵙⵏⵜ ⵙ ⴰⵢⴷ ⴰⵙⵏⵜ ⵉⵏⵏⴰ ⵓⴳⵍⵍⵉⵔ ⴼⴰⴷ ⴰⴷ ⵜⵎⵓⵔⵙ ⵜⵡⵡⵓⵔⵉ ⴰⴷ".

ⴳ ⵜⵙⴳⴰ ⵏⵏⵙⵏⵜ, ⵏⵏⴰⵏⵜ ⵜⵓⴳⵜⵜ ⵏ ⵜⵙⵔⴷⴰⵙ ⵎⴰⵙ ⴳ ⵡⴰⵡⴰⵍ ⵏⵏⵙⵏ ⵉ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵏ ⵉⵏⵖⵎⵉⵙⵏ, ⵎⴰⵙ ⴱⴰⵀⵔⴰ ⵓⵎⵔⵏⵜ ⵅⴼ ⵓⵙⵎⵓⵜⵜⴳ ⴰⴷ, ⵔⴰⵏⵜ ⴰⴷ ⵙⵎⴷⵏⵜ ⴳ ⵓⴱⴰⵔⴰⵣ ⴰⴷ ⴼⴽⵉⵏⵜ ⴳⵉⵙ ⴰⵢⵍⵍⵉ ⵎⵎⵉ ⵣⵎⵔⵏⵜ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%93%E2%B4%BC%E2%B5%96%E2%B5%9C-%E2%B5%9C%E2%B5%89%E2%B5%99%E2%B5%99-38-%E2%B5%A3%E2%B4%B3-%E2%B5%9C%E2%B5%99%E2%B5%94%E2%B4%B7%E2%B4%B0%E2%B5%99-%E2%B5%8F-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89-%E2%B5%9C%E2%B4%B0%E2%B5%99%E2%B5%94%E2%B4%B7%E2%B4%B0%E2%B5%99%E2%B5%9C-%E2%B4%B0%E2%B5%94-%E2%B5%89%E2%B5%A3%E2%B5%A3%E2%B5%94%E2%B4%B0%E2%B5%A2-%E2%B5%9C%E2%B4%B0%E2%B4%B3%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8D%E2%B5%8D%E2%B5%89%E2%B5%96-%E2%B5%99%E2%B5%8E%E2%B4%B7%E2%B5%8F%E2%B5%9C-%E2%B4%B0%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3