Published on MAPNews (https://www.mapnews.ma/am)

Accueil > ⵜⴰⵇⴱⴱⵓⵛⵜ ⵏ ⵜⴼⵔⵉⵇⵉⵜ ⵏ ⵜⵎⵓⵔⴰ "ⴽⵓⴷ ⴷⵉⴼⵡⴰⵕ 2023" ⵜⴳⴰ ⴰⵏⴰⵥⴰⵕ ⴰⵎⴰⵢⵏⵓ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ (ⵢⴰⵙⵉⵏ ⴱⵓⵏⵓ)

ⵜⴰⵇⴱⴱⵓⵛⵜ ⵏ ⵜⴼⵔⵉⵇⵉⵜ ⵏ ⵜⵎⵓⵔⴰ "ⴽⵓⴷ ⴷⵉⴼⵡⴰⵕ 2023" ⵜⴳⴰ ⴰⵏⴰⵥⴰⵕ ⴰⵎⴰⵢⵏⵓ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ (ⵢⴰⵙⵉⵏ ⴱⵓⵏⵓ)

05 ⵉⵏⵏⴰⵢⵔ 2024 Version Imprimable
ⵕⵕⴱⴰⵟ - ⵉⵏⵏⴰ ⵓⵃⵟⵟⴰⵢ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⴰⴱⵉⵜ ⵏ ⵜⵓⵊⵊⴰ ⵏ ⵓⴹⴰⵕ, ⵢⴰⵙⵉⵏ ⴱⵓⵏⵓ, ⴰⵙⵙ ⴰⴷ ⵏ ⵓⴽⵡⴰⵙ, ⵎⴰⵙⴷ ⴰⴽⴰⵙ ⵏ ⵜⴼⵔⵉⵇⵜ ⵏ ⵜⵎⵓⵔⴰ 2023, ⵍⵍⵉ ⵔⴰⴷ ⵢⵉⵍⵉ ⴳ ⴽⵓⴷⵉⴱⵡⴰⵕ ⵣⴳ 13 ⵉⵏⵏⴰⵢⵔ ⴰⴷ ⴰⵔ 11 ⴱⵕⴰⵢⵕ ⴷ ⵢⵓⵛⴽⴰⵏ, ⵔⴰⴷ ⵜⴳ ⴰⵏⴰⵥⴰⵕ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ.

ⵉⵎⵍⴰ ⵢⴰⵙⵉⵏ ⴱⵓⵏⵓ, ⴳ ⵡⴰⵡⴰⵍ ⵏⵏⵙ ⵉ ⵜⴷⴰⴱⵓⵜ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵉ ⵜⵓⵊⵊⴰ ⵏ ⵓⴹⴰⵕ ⴳ "ⵢⵓⵜⵉⴱ", ⵎⴰⵙⴷ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⴳⵉⵙ ⵉⵎⵓⵔⴰⵔⵏ ⵉⵎⴰⵢⵏⵓⵜⵏ ⵍⵍⵉ ⵔⴰⴷ ⵉⴼⴽ ⴰⴷⵡⴰⵙ ⴰⴹⵏⵉ ⵉ ⵜⵔⴰⴱⴱⵓⵜ, ⵢⵉⵏⵉ ⵎⴰⵙⴷ ⴰⵕⵉⵢⵢⵍ ⵉ ⵓⵎⵃⵉⵣⵡⴰⵔ ⴰⴷ ⴰⴷ ⵉⵣⵔⴰⵢ ⴳ ⵡⴰⴷⴷⴰⴷ ⵉⴼⵓⵍⴽⵉⵏ.

ⵉⵙⵎⴷ ⵓⵃⵟⵟⴰⵢ ⴰⵎⵣⵡⴰⵔⵓ ⴳ ⵜⴼⵔⵉⵇⵜ ⴳ ⵓⵙⴳⴳⵯⴰⵙ ⵉⵣⵔⵉⵏ, ⵎⴰⵙⴷ ⵉⵎⵓⵔⴰⵔⵏ ⵏ ⵜⵔⴰⴱⴱⵓⵜ ⵃⵉⵢⵢⵍⵏ ⵎⵍⵉⵃ, ⴷ ⵜⴰⵔⴰⴱⴱⵓⵜ ⴰⵔ ⵜⵜⵃⵉⵢⵢⴰⵍ ⵉ ⵜⵎⵏⵢⵓⴳⴰⵔⵜ ⵏⵏⵙ ⵜⴰⵎⵣⵡⴰⵔⵜ ⵏ ⴽⴰⵏ ⴳ ⴽⵓⴷⵉⴱⵡⴰⵔ.

ⵉⵏⵏⴰ ⵓⵃⵟⵟⴰⵢ ⵏ ⵍⵀⵉⵍⴰⵍ ⴰⵙⴰⵄⵓⴷⵉ ⵎⴰⵙⴷ ⵜⴰⵔⴰⴱⴱⵓⵜ ⴷⴰⵔⵙ ⴰⵏⴰⵔⵓⵣ ⵉⴳⴳⵓⵜⵏ ⴼⴰⴷ ⴰⴷ ⵙⴽⵔⵏ ⵢⴰⵜ ⵜⵢⴰⴼⵓⵜ ⵉⴼⵓⵓⴽⵉⵏ, ⵉⵙⵏⵉⵎⵎⵔ ⵓⵍⴰ ⴰⴳⴷⵓⴷ ⴰⵎⵖⵔⴰⴱⵉ ⵅⴼ ⵜⵡⵉⵙⵉ ⵏⵏⵙⵏ ⴱⴷⴷⴰ ⴳ ⵉⵎⵃⵉⵣⵡⴰⵔⵏ ⵍⵍⵉ ⵜⴻⵜⵜⵓⵔⴰⵔ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⵓⵔⴰⵔ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⴰⴱⵉⵜ, ⴰⵛⵕⴰⴼ ⵃⴰⴽⵉⵎⵉ, ⴳ ⵢⴰⵏ ⵡⴰⵡⵍ ⴰⵎ ⵡⵉⵏ ⵓⵎⵣⵡⴰⵔⵓ, ⵎⴰⵙ ⴱⴰⵀⵔⴰ ⵢⵓⵎⵔ ⵍⵍⵉⵖ ⵉⵍⵍⴰ ⴰⴽⴷ ⵜⵔⴰⴱⴱⵓⴷ ⵜⴰⵏⴰⵎⵓⵔⵜ ⴳ ⵓⵃⵉⵢⵢⵍ ⵏⵏⵙ ⵉ ⵡⴰⴽⴰⵙ ⵏ ⵜⴼⵔⵉⵇⵜ ⵉ ⵜⵎⵓⵔⴰ.

ⴳ ⵓⵎⵏⵉⴷ ⴰⴷ, ⵓⵔ ⵉⵜⵜⵓ ⵓⵎⵓⵔⴰⵔ ⵏ ⴱⴰⵔⵉⵙ ⵙⴰⵏ ⵊⵉⵕⵎⴰⵏ ⴰⴷ ⵉⵙⵏⵉⵎⵎⵔ ⴰⴳⴷⵓⴷ ⴰⵎⵖⵔⴰⴱⵉ ⵍⵍⵉ ⴰⵙ ⴱⴷⴷⴰ ⵉⵜⵜⴰⵡⵙⵏ, ⵢⵉⵏⵉ ⵎⴰⵙⴷ ⵉⵎⵓⵔⴰⵔⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵔⴰⴷ ⴼⴽⵉⵏ ⴰⵢⵍⵍⵉ ⴰⴽⴽⵯ ⵎⵎⵉ ⵥⴹⴰⵕⵏ ⴼⴰⴷ ⴰⴷ ⵙⴽⵔⵏ ⵢⴰⵜ ⵜⵢⴰⴼⵓⵜ ⵉⴼⵓⵍⴽⵉⵏ ⴳ ⵓⵎⵃⵉⵣⵡⴰⵔ ⴰⴷ ⴰⵡⵊⵊⴰⵡⴰⵏ.

ⵔⴰⴷ ⴼⵜⵓⵏ ⵉⴳⵔⵣⴰⵎⵏ ⵏ ⵡⴰⵟⵍⴰⵚ, ⴰⵙⵙ ⵏ 7 ⴳ ⵢⵉⵏⵏⴰⵢⵔ ⴰⴷ, ⵙ ⵜⵖⵔⵎⵜ ⵏ ⴱⵉⴷⵔⵓ ⴳ ⴽⵓⴷⵉⴱⵡⴰⵕ, ⴼⴰⴷ ⴰⴷ ⴷⵔⵓⵏ ⴳ ⵜⵙⵓⵜⵍⵜ ⵜⵉⵙⵙ 34 ⵏ ⵓⵎⵃⵉⵣⵡⴰⵔ ⵏ ⵜⴼⵔⵉⵇⵜ ⵉ ⵜⵎⵓⵔⴰ.

ⵜⵍⵍⴰ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵓⵎⵃⵉⵣⵡⴰⵔ ⴰⵎⵣⵡⴰⵔⵓ ⴳ ⵜⵔⴰⴱⴱⵓⵜ ⵜⵉⵙⵙ ⵚⴹⵉⵚⵜ ⴰⴽⴷ ⵜⵔⵓⴱⴱⴰ ⵏ ⴽⵓⵏⴳⵓ ⵜⴰⴷⵉⵎⵓⴽⵔⴰⵙⵉⵜ ⴷ ⵥⴰⵎⴱⵢⴰ ⴷ ⵜⴰⵏⵥⴰⵏⵢⴰ.

 

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B5%87%E2%B4%B1%E2%B4%B1%E2%B5%93%E2%B5%9B%E2%B5%9C-%E2%B5%8F-%E2%B5%9C%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0-%E2%B4%BD%E2%B5%93%E2%B4%B7-%E2%B4%B7%E2%B5%89%E2%B4%BC%E2%B5%A1%E2%B4%B0%E2%B5%95-2023-%E2%B5%9C%E2%B4%B3%E2%B4%B0-%E2%B4%B0%E2%B5%8F%E2%B4%B0%E2%B5%A5%E2%B4%B0%E2%B5%95-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C