Published on MAPNews (https://www.mapnews.ma/am)

Accueil > ⴰⵎⴹⴼⴰⵕ ⴰⴱⵕⵉⵟⴰⵏ : ⵉⵍⵍⴰ ⵅⴼ ⴱⵕⵉⵟⴰⵏⵉ ⴰⴷ ⵜⵇⵔⵔⵓ ⵙ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ.

ⴰⵎⴹⴼⴰⵕ ⴰⴱⵕⵉⵟⴰⵏ : ⵉⵍⵍⴰ ⵅⴼ ⴱⵕⵉⵟⴰⵏⵉ ⴰⴷ ⵜⵇⵔⵔⵓ ⵙ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ.

08 ⵉⵏⵏⴰⵢⵔ 2024 Version Imprimable
ⵍⵓⵏⴷⵓⵏ - ⵉⵏⵏⴰ ⵓⵎⴹⴼⴰⵕ ⴰⴱⵕⵉⵟⴰⵏ ⵍⵢⴰⵎ ⴼⵓⴽⵙ, ⴰⵙⵙ ⵏ ⵓⵙⴰⵎⴰⵙ, ⵎⴰⵙ ⵉⵍⵍⴰ ⵅⴼ ⴱⵕⵉⵟⴰⵏⵉ ⴰⴷ ⵜⵇⵔⵔⵓ ⵙ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ.

ⵢⵉⵏⵉ ⴼⵓⴽⵙ ⴳ ⵡⴰⵡⴰⵍ ⵏⵏⵙ ⵉ ⵎⵉⴷⵉ 1 ⵜⵉⴼⵉ ⵎⴰⵙⴷ "ⵓⵔⵜⴰ ⴷ ⵢⵓⵛⴽⵉ ⵙ ⵍⵎⵖⵔⵉⴱ, ⵢⵓⵣⵏ ⵢⴰⵜ ⵜⴱⵔⴰⵜ ⵉ ⵓⵎⴰⵡⵙⴰⵙ ⴰⴱⵕⵉⵟⴰⵏⵉ ⵏ ⵜⵡⵡⵓⵔⵉⵡⵉⵏ ⵏ ⴱⵕⵕⴰ, ⴷⴰⴱⵉⴷ ⴽⴰⵎⵉⵔⵓⵏ, ⴼⴰⴷ ⴰⴷ ⵉⵔⴰⵔ ⵜⴰⵢⵏⵉⵜ ⵎⴰⵙⴷ ⵜⴰⵎⵓⵔⵜ ⵉⵎⵓⵏⵏ ⵜⵎⵓⵟⵍ ⵏⵏ ⴳ ⵜⵙⴳⴰ ⴰⴷ ⵓⵔⴷ ⵣⵓⴷ ⵜⵎⵓⵔⴰ ⵎⵓⵏⵏⵉⵏ"

ⵢⵉⵏⵉ ⵙⵓⵍ "ⵉⵇⵇⴰⵏ ⴷ ⴰⴷ ⵏⴼⴽ ⵜⵉⵡⵉⵙⵉ ⵏⵏⵖ ⵉ ⵍⵎⵖⵔⵉⴱ ⵏⵇⵔⵔⵓ ⵙ ⵜⵎⴼⵔⴰⴱⵉⵜ ⵏ ⵜⵏⵣⵔⵓⴼⵜ" ⵢⵉⵏⵉ ⵎⴰⵙⴷ ⵎⵇⵇⴰⵔ ⵍⵍⴰⵏⵜ ⵜⵓⴳⵜⵜ ⵏ ⵜⵓⵡⵀⴰⵍⵉⵏ ⵜⵉⴷⵎⵙⴰⵏⵉⵏ "ⵍⵍⵉ ⵉⴼⵓⵍⴽⵉⵏ ⵉ ⵓⴼⵔⴰ ⵏ ⵓⴷⵖⴰⵔ ⴰⴷ".

ⵢⵉⵏⵉ ⵎⴰⵙⴷ ⴰⵇⵔⵔⵓ ⵙ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ ⵉⴼⵓⵍⴽⵉ ⵉ ⵓⵣⵡⴰⴳ ⵓⵔ ⵉⴹⵕⴼⵕⵏ ⵜⵉⵖⴰⵔⴰⵙⵉⵏ ⵏ ⵜⵉⵙⵍⴳⴰⵏ, ⵉⵎⵍ ⵎⴰⵙⴷ "ⴰⵇⵔⵔⵓ ⴰⴷ ⵔⴰⴷ ⵢⴰⵡⵙ ⴳ ⵜⴷⵔⴰⵡⵜ ⴰⵔⵏⵏⵓ-ⴰⵔⵏⵏⵓ".

ⵢⵉⵏⵉ ⴼⵓⴽⵙ "ⴳ ⵜⴱⵔⴰⵜ ⵉⵏⵓ, ⵔⵉⵖ ⴰⴷ ⵉⵔⴰⵔ ⵎⴰⵙⵙ ⴽⴰⵎⵉⵔⵓⵏ ⵜⴰⵢⵏⵉⵜ ⵙ ⵜⵎⵏⵜⵉⵍⵜ ⴰⴷ, ⴷ ⵜⵢⴰⴼⵓⵜ ⵍⵍⵉ ⵔⴰⴷ ⵜⴼⴽ ⵜⴷⵔⴰⵡⵜ ⵏⵏⵖ ⴷ ⵍⵎⵖⵔⵉⴱ".

ⵉⵙⵎⴷ : "ⵙⵙⴽⵜⵉⵖ ⴷ ⵉ ⵎⴰⵙⵙ ⴽⴰⵎⵉⵔⵓⵏ, ⵍⵍⵉ ⵉⴳⴰⵏ ⴰⵎⴷⴷⴰⴽⴽⵯⵍ ⵉⵏⵓ ⴷ ⴳⵉⵖ ⴰⵎⵍⵜⴰⵖ ⴳ ⵜⵏⴱⴰⴹⵜ ⵍⵍⵉⵖ ⵉⴳⴰ ⴰⵎⴰⵡⵙⴰⵙ ⴰⵎⵣⵡⴰⵔⵓ, ⵎⴰⵙ ⵍⵎⵖⵔⵉⴱ ⴷⴰⵔⵙ ⴰⴷⵖⴰⵔ ⵏⵏⵙ ⴰⴳⵔⴰⵖⵍⴰⵏ ⵖⴰⵙⵙⴰ, ⴳ ⵜⵙⵔⵜⵉⵜ ⵓⵍⴰ ⵜⴰⴷⴰⵎⵙⴰ".

ⵉⵣⵎⵎⵉⵎ ⴼⵓⴽⵙ ⵎⴰⵙⴷ "ⴽⵉⴳⴰⵏ ⵏ ⵉⵎⴹⴼⴰⵕⵏ ⵉⴱⵕⵉⵟⴰⵏⵉⵏ ⵇⵔⵔⴰⵏ ⵎⴰⵙⴷ ⴰⴼⵙⵙⴰⵢ ⵍⵍⵉ ⵉⴼⴽⴰ ⵍⵎⵖⵔⵉⴱ ⵏⵜⵜⴰ ⴰⴷ ⵔⴰⴷ ⵉⴼⵓⴽⴽⵓ ⵜⴰⵎⵓⴽⵔⵉⵙⵜ ⴰⴷ ⵏ ⵜⵏⵣⵔⵓⴼⵜ, ⴷ ⵃⵕⵊⵏ ⵍⵍⵉⵖ ⵓⵔⵜⴰ ⵏⵏ ⵜⴱⴱⵉ ⵍⵓⵏⴷⵓⵏ ⵡⴰⵍⵓ ⴳ ⵓⵎⵏⵉⴷ ⴰⴷ".

ⴳ ⴷⴰⵔⵙ, ⵜⴰⵎⵢⴰⴷⴰⵙⵜ ⵍⵍⵉ ⵉⴼⴽⴰ ⵍⵎⵖⵔⵉⴱ ⵜⴳⴰ ⵜⴰⵏⵉⵍⴰⵡⵜ ⴷ ⵏⵜⵜⴰⴷ ⴰⴷ ⵔⴰⴷ ⵉⴳ ⴰⴼⵙⵙⴰⵢ ⴳ ⵓⵎⵏⵉⴷ ⴰⴷ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B4%B9%E2%B4%BC%E2%B4%B0%E2%B5%95-%E2%B4%B0%E2%B4%B1%E2%B5%95%E2%B5%89%E2%B5%9F%E2%B4%B0%E2%B5%8F-%E2%B5%89%E2%B5%8D%E2%B5%8D%E2%B4%B0-%E2%B5%85%E2%B4%BC-%E2%B4%B1%E2%B5%95%E2%B5%89%E2%B5%9F%E2%B4%B0%E2%B5%8F%E2%B5%89-%E2%B4%B0%E2%B4%B7-%E2%B5%9C%E2%B5%87%E2%B5%94%E2%B5%94%E2%B5%93-%E2%B5%99-%E2%B5%9C%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C