Published on MAPNews (https://www.mapnews.ma/am)

Accueil > ⵙⵉⵏⵉⴳⴰⵍ - ⵍⵎⵖⵔⵉⴱ : ⵎⴰⴽⵉ ⵙⴰⵍ ⴰⵔ ⵉⵜⵜⴰⵍⵖ ⵜⵉⵣⴷⴰⵢⵉⵏ ⵜⵉⵣⴰⵢⴽⵓⵜⵉⵏ ⵍⵍⵉ ⵉⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ

ⵙⵉⵏⵉⴳⴰⵍ - ⵍⵎⵖⵔⵉⴱ : ⵎⴰⴽⵉ ⵙⴰⵍ ⴰⵔ ⵉⵜⵜⴰⵍⵖ ⵜⵉⵣⴷⴰⵢⵉⵏ ⵜⵉⵣⴰⵢⴽⵓⵜⵉⵏ ⵍⵍⵉ ⵉⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ

09 ⵉⵏⵏⴰⵢⵔ 2024 Version Imprimable
ⴼⴰⵜⵉⴽ(ⵙⵉⵏⵉⴳⴰⵍ) - ⵢⵓⵍⵖ ⵓⵏⵙⵙⵉⵅⴼ ⴰⵙⵉⵏⵉⴳⴰⵍ ⵎⴰⴽⵉ ⵙⴰⵍ, ⴰⵙⵙ ⵏ ⵓⵢⵏⴰⵙ ⴳ ⴼⴰⵜⵉⴽ, ⵜⵉⵣⴷⴰⵢⵉⵏ ⵜⵉⵣⴰⵢⴽⵓⵜⵉⵏ ⴷ ⵜⴰⴳⵎⴰⵜⵜ ⵍⵍⵉ ⵉⵍⵍⴰⵏ ⴳⵔ ⵜⵎⴰⵣⵉⵔⵜ ⵏⵏⵙ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵉⵏⵏⴰ ⵎⴰⴽⵉ ⵙⴰⵍ, ⴳ ⵜⴳⵓⵔⵉ ⵏⵏⵙ ⴳ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 12 ⵏ ⵓⵏⵎⵓⴳⴳⴰ. ⴰⵏⴰⵎⵓⵔ ⵉ ⵜⵥⵓⵕⵉⵡⵉⵏ ⴷ ⵜⵓⵙⵙⵏⵉⵡⵉⵏ, ⵙ ⵜⵉⵍⵉⵜ ⵏ ⵓⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⵓⵙⵙⵏⴰ ⴷ ⵓⵏⵢⴰⵍⴽⴰⵎ ⵎⵓⵃⵎⵎⴰⴷ ⴱⵏⵙⵄⵉⴷ ⵍⵍⵉ ⵉⴼⵜⴰⵏ ⵙ ⵉⵙⵎ ⵏ ⵍⵎⵖⵔⵉⴱ ⴼⴰⴷ ⴰⴷ ⵉⴳ ⵉⵏⴱⴳⵉ ⵏ ⵀⴷⴷⵓⵔ ⴳ ⵓⵏⵎⵓⴳⴳⴰⵔ ⴰⴷ, ⵎⴰⵙⴷ "ⴳ ⵜⵙⵓⵜⵍⵜ ⴰⴷ ⵍⵎⵖⵔⵉⴱ ⴰⴷ ⵉⴳⴰⵏ ⴰⵏⴱⴳⵉ ⵏ ⵓⴷⴷⵓⵔ, ⵍⵍⵉ ⴷ ⴰⵖ ⵙⵎⵓⵏⵏⵜ ⵜⵓⴳⵜⵜ ⵏ ⵜⵣⴷⴰⵢⵉⵏ ⵜⵣⴷⴰⵢⵉⵏ ⵜⵉⵣⴰⵢⴽⵓⵜⵉⵏ ⴳ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ, ⴷ ⵢⴰⵜ ⵜⵣⴷⴰⵢⵉⵏ ⵏ ⵜⴰⴳⵎⴰⵜⵜ ⴳ ⵜⴷⵎⵙⴰ ⴷ ⵜⵙⵖⵏⵣⵉⵜ".

ⴳ ⵓⵎⵏⵉⴷ ⴰⴷ, ⵉⵏⵏⴰ ⵓⵏⵙⵙⵉⵅⴼ ⴰⵙⵉⵏⵉⴳⴰⵍ ⵉ ⵎⴰⵙⵙ ⴱⵏⵙⵄⵉⴷ ⴰⴷ ⵉⵙⵙⵍⴽⵎ ⴰⵣⵓⵍ ⵏⵏⵙ ⵉ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵉⵙⵏⵉⵎⵎⵔ ⵜ ⵅⴼ ⵜⵉⴷⴷⵉ ⵏⵏⵙ ⴼⴰⴷ ⴰⴷ ⵜⵖⴰⵎⴰ ⵜⴰⴳⵎⴰⵜⵜ ⴳⵔ ⵜⵎⵉⵣⴰⵔ ⴰⴷ ⵙⵍⴰⵡⴰⵏⴷ ⴰⴽⴽⵯ ⴳ ⵜⵙⴳⴰ ⵜⴰⴷⵍⵙⴰⵏⵜ

ⵉⵏⵏⴰ ⵓⵏⵙⵙⵉⵅⴼ ⴰⵙⵉⵏⵉⴳⴰⵍ ⴳ ⵓⵎⵏⵉⴷ ⴰⴷ, ⵎⴰⵙⴷ ⴰⵣⴷⴰⵢ ⴰⴷⵍⵙⴰⵏ ⴳ ⵙⵏⴰⵜ ⵜⵎⵉⵣⴰⵔ ⴰⴷ ⵢⵓⵎⴰⵏ ⴳ ⵉⵙⴼⵙⴰⵔ ⵏ ⵉⵏⴰⵥⵓⵕⵏ ⵉⵎⵖⵔⴰⴱⵉⵏ ⴳ ⵜⴳⵏⴰⵡⵉⵜ ⴷ ⵜⵄⵉⵙⴰⵡⵉⵜ ⵍⵍⵉ ⵙⴽⵔⵏ ⴳ ⵓⵏⵏⵓⵕⵥⵎ ⵏ ⵓⵏⵎⵓⴳⴳⴰⵔ ⴰⴷ ⵍⵍⵉ ⵉⵜⵜⵉⵢⵙⴽⴰⵔⵏ ⴳ ⵓⴱⴰⵔⴰⵣ ⵏ ⵎⴰⵙⵉⵏ ⵙⵉⵏ ⴳ ⴼⴰⵜⵉⴽ.

ⵉⵙⵙⵉⵅⴼ ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵓⵏⵎⵓⴳⴳⴰⵔ ⴰⴷ ⴰⴷⵍⵙⴰⵏ, ⵍⵍⵉ ⵉⵙⵙⵏⵜⴰⵏ ⵙ ⵜⵣⵍⴰⵜⵉⵏ ⵜⵉⵏⴰⵎⵓⵔⵉⵏ ⵏ ⵙⵉⵏⵉⴳⴰⵍ ⴷ ⵍⵎⵖⵔⵉⴱ, ⴰⵙⵍⵡⴰⵢ ⴰⵙⵉⵏⵉⴳⴰⵍ ⵎⴰⴽⵉ ⵙⴰⵍ, ⵙ ⵜⵉⵍⵉⵜ ⵏ ⵓⵎⴰⵡⵙⴰⵙ ⴰⵎⵣⵡⴰⵔⵓ, ⴰⵎⴰⴷⵓ ⴱⴰ, ⴷ ⵉⵎⵍⵜⴰⵖ ⵏ ⵜⵏⴱⴰⴹⵜ ⵜⴰⵙⵉⵏⵉⴳⴰⵍⵜ, ⴷ ⵉⵎⴰⵡⵙⴰⵙⵏ ⵏ ⵜⵎⵉⵣⴰⵔ ⵍⵍⵉ ⴰⵙⵏ ⵉⵙⵙⵓⵜⵍⵏ, ⴷ ⵉⵎⵙⵇⴰⴷ ⵉⵣⵉⴱⵍⵓⵎⴰⵙⵏ ⵏ ⴷⴰⴽⴰⵕ, ⴳⵉⵙⵏ ⴰⵎⵙⵇⴰⴷ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⵃⴰⵙⴰⵏ ⵏⵏⴰⵚⵉⵕⵉ, ⴷ ⵜⵔⴰⴱⴱⵓⵜ ⵜⴰⵎⵖⵔⴰⴱⵉⵜ ⵉⵎⵓⵏⵏ ⴷ ⵎⴰⵙⵙ ⴱⵏⵙⵄⵉⴷ, ⴷ ⵓⵏⵎⵀⴰⵍ ⴰⵎⴰⵜⵓ ⵏ ⵜⵎⴰⴳⵔⴰⵡⵜ ⵏ ⵓⵎⴰⴹⴰⵍ ⴰⵏⵙⵍⵎ ⵉ ⵓⵙⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ (ⵉⵙⵉⵙⴽⵓ), ⵙⴰⵍⵎ ⴱⵏ ⵎⵓⵃⵎⵎⴰⴷ ⵍⵎⴰⵍⴽ.

 

 

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%99%E2%B5%89%E2%B5%8F%E2%B5%89%E2%B4%B3%E2%B4%B0%E2%B5%8D-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%8E%E2%B4%B0%E2%B4%BD%E2%B5%89-%E2%B5%99%E2%B4%B0%E2%B5%8D-%E2%B4%B0%E2%B5%94-%E2%B5%89%E2%B5%9C%E2%B5%9C%E2%B4%B0%E2%B5%8D%E2%B5%96-%E2%B5%9C%E2%B5%89%E2%B5%A3%E2%B4%B7%E2%B4%B0%E2%B5%A2%E2%B5%89%E2%B5%8F-%E2%B5%9C%E2%B5%89%E2%B5%A3%E2%B4%B0%E2%B5%A2%E2%B4%BD%E2%B5%93%E2%B5%9C%E2%B5%89%E2%B5%8F-%E2%B5%8D%E2%B5%8D%E2%B5%89-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3%E2%B5%94-%E2%B5%99%E2%B5%8F%E2%B4%B0%E2%B5%9C-%E2%B5%9C%E2%B5%8E%E2%B5%89%E2%B5%A3%E2%B4%B0%E2%B5%94-%E2%B4%B0%E2%B4%B7