ⵜⴰⵏⵣⵔⵓⴼⵜ ⵜⴰⵎⵖⵔⴰⴱⵉⵜ : ⴱⵍⵖⴰⵔⵢⴰ ⵜⵓⵍⵖ ⴰⴷⵡⴰⵙ ⵍⵍⵉ ⵏⵏ ⵜⴳⴰ ⵜⴳⵍⴷⵉⵜ, ⵜⵉⵏⵉ ⵎⴰⵙⴷ ⵜⴰⵙⵏⵜⴰⵢⵜ ⵏ ⵍⵎⵖⵔⵉⴱ ⵉ ⵓⵙⵏⴱⴹ ⴰⵏⵉⵎⴰⵏ ⵉⴳⴰ ⴰⴼⵙⵙⴰⵢ ⵏ ⵜⵉⴷⵜ ⵉ ⵉⵎⵏⵖⵉ ⴰⴷ ⵉⵍⵍⴰⵏ (ⴰⵙⵉⵡⴹ ⵉⵜⵜⵓⴷⵔⴰⵏ)

10 ⵉⵏⵏⴰⵢⵔ 2024 Version Imprimable

ⵕⵕⴱⴰⵟ - ⵜⵓⵍⵖ ⴱⵍⵖⴰⵔⵢⴰ, ⴰⵙⵙ ⴰⴷ ⵏ ⵓⴽⵕⴰⵙ, ⴰⴷⵡⴰⵙ ⵍⵍⵉ ⵏⵏ ⵜⴳⴰ ⵜⴳⵍⴷⵉⵜ, ⵜⵉⵏⵉ ⵎⴰⵙⴷ ⵜⴰⵙⵏⵜⴰⵢⵜ ⵏ ⵍⵎⵖⵔⵉⴱ ⵉ ⵓⵙⵏⴱⴹ ⴰⵏⵉⵎⴰⵏ ⵉⴳⴰ ⴰⴼⵙⵙⴰⵢ ⵏ ⵜⵉⴷⵜ ⵉ ⵉⵎⵏⵖⵉ ⴰⴷ ⵉⵍⵍⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ.

ⴰⵡⴰⵍ ⴰⴷ ⵉⵜⵜⵉⵢⵏⵏⴰ ⴳ ⵓⵙⵉⵡⴹ ⵉⵜⵜⵓⴷⵔⴰⵏ, ⴳ ⵕⵕⴱⴰⵟ, ⵍⵍⵉⴳ ⵉⵍⵍⴰ ⵓⵎⴰⵡⵙⴰⵙ ⵏ ⵜⵡⵓⵔⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵜⵎⴹⴼⴰⵕⵜ ⵏⵏⵙ ⵜⴰⵎⴰⵡⵙⴰⵙⵜ ⵜⴰⵎⵣⵡⴰⵔⵓⵜ, ⴷ ⵜⵎⴰⵡⵙⴰⵙⵜ ⵏ ⵜⵡⵓⵔⵉⵡⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰ ⵏ ⴱⵍⵖⴰⵔⵢⴰ, ⵎⴰⵙⵙⴰ ⵎⴰⵔⵢⴰ ⴳⴰⴱⵔⵢⵉⵍ

ⵜⵙⵎⴰⵢⵏⵓ ⴱⵍⵖⴰⵔⵢⴰ, ⴳ ⵓⵙⵉⵡⴹ ⴰⴷ ⵉⵜⵜⵓⴷⵔⴰⵏ, ⵜⵉⵡⵉⵙⵉ ⵏⵏⵙ ⵉ ⵉⴷⵡⴰⵙⵏ ⵉⵍⵍⴰⵏ ⵙ ⵓⵙⵙⵉⵅⴼ ⵏ ⵜⵎⵓⵔⴰ ⵎⵓⵏⵏⵉⵏ ⴼⴰⴷ ⴰⴷ ⴰⴼⵏ ⴰⴼⵙⵙⴰⵢ ⵉⴳⴰⵏ ⴰⵙⵔⵜⴰⵏ ⵏ ⵜⵉⴷⵜ ⵍⵍⵉ ⵅⴼ ⵔⴰⴷ ⴷ ⵎⵛⴰⵛⴽⵉⵏ ⵡⵉⵍⵍⵉ ⵎⵎⴰⵖⵏⵉⵏ ⵅⴼ ⵜⵏⵣⵔⵓⴼⵜ.

ⵎⴽⵍⵍⵉ ⵏⵏⴰⵏ ⵙ ⵙⵉⵏ ⵎⴰⵙ ⵔⴰⴷ ⴰⵡⵙⵏ ⴳ ⵜⵡⵡⵓⵔⵉ ⵍⵍⵉ ⵉⵙⴽⴰⵔ ⵓⵏⴼⵍⵓⵙ ⴰⵎⴰⵜⵓ ⵏ ⵜⵎⵓⵔⴰ ⵎⵓⵏⵏⵉⵏ, ⵎⴰⵙⵙ ⵙⵜⴰⴼⴰⵏ ⴷⵉ ⵎⵉⵙⵜⵓⵔⴰ, ⴼⴰⴷ ⴰⴷ ⵢⵉⵍⵉ ⵓⵏⵢⴰⵍⴽⴰⵎ ⵍⵍⵉ ⵔⴰⴷ ⴰⵖ ⵉⴼⴽ ⴰⴼⵙⵙⴰⵢ ⴰⵙⵔⵜⴰⵏ.

ⵉⵏⵉⴷ ⴷⴰⵖ ⴳ ⵓⵙⵉⵡⴹ ⴰⴷ ⵉⵜⵜⵓⴷⵔⴰⵏ, ⵎⴰⵙ ⴷ ⵎⵛⵓⵛⴽⴰⵏ ⴷ ⵜⵎⵢⴰⵣⴰⵏⵜ ⵏ "ⵎⵉⵏⵓⵔⵙⵓ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B4%B1%E2%B5%8D%E2%B5%96%E2%B4%B0%E2%B5%94%E2%B5%A2%E2%B4%B0-%E2%B5%9C%E2%B5%93%E2%B5%8D%E2%B5%96-%E2%B4%B0%E2%B4%B7%E2%B5%A1%E2%B4%B0%E2%B5%99-%E2%B5%8D%E2%B5%8D%E2%B5%89-%E2%B5%8F%E2%B5%8F-%E2%B5%9C%E2%B4%B3%E2%B4%B0-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%9C%E2%B5%89%E2%B5%8F%E2%B5%89-%E2%B5%8E%E2%B4%B0%E2%B5%99%E2%B4%B7-%E2%B5%9C%E2%B4%B0%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%8F