Published on MAPNews (https://www.mapnews.ma/am)

Accueil > ⵉⵙⴽⵔ ⵓⴳⵍⴷⵓⵏ ⵏ ⵉⵎⵓⵎⵎⵏ ⵜⴰⵣⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⴱⴰⴱ ⵏ ⵜⵜⴰⵜⵓⵢⵜ ⴰⴳⵍⴷⵓⵏ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵜⵖⵔⵎⵜ ⵏ ⵙⵍⴰ 
  1. Accueil
  2. Activités royales

ⵉⵙⴽⵔ ⵓⴳⵍⴷⵓⵏ ⵏ ⵉⵎⵓⵎⵎⵏ ⵜⴰⵣⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⴱⴰⴱ ⵏ ⵜⵜⴰⵜⵓⵢⵜ ⴰⴳⵍⴷⵓⵏ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵜⵖⵔⵎⵜ ⵏ ⵙⵍⴰ 

19 ⵉⵏⵏⴰⵢⵔ 2024 Version Imprimable
ⵙⴰⵍ - ⵉⵙⴽⵔⴰ ⵓⴳⵍⴷⵓⵏ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔⴰ ⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴰⴳⵍⴷⵓⵏ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵣⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⴱⴰⴱ ⵏ ⵜⵜⴰⵓⵢⵜ ⴰⴳⵍⴷⵓⵏ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵜⵖⵔⵎⵜ ⵏ ⵙⵍⴰ 

ⵉⵙⵙⵏⵜⴰ ⵟⵟⴰⵍⴱ ⵜⴰⴳⵓⵔⵉ ⵏ ⵓⵙⵉⵎⵡⴰⵙ ⵙ ⵡⴰⵡⴰⵍ ⵏ ⵕⴱⴱⵉ "ⵏⵙⴽⵔ ⵣⴳ ⵡⴰⵎⴰⵏ ⴰⵢⵍⵍⵉ ⴰⴽⴽⵯ ⵉⴷⴷⵔⵏ ⵎⴰⵅⵅ ⵓⵔ ⵓⵎⵏⵏ", ⵉⵙⵙⴽⵜⵉ ⴷ ⵏⵏⵄⵎⵜ ⵏ ⵡⴰⵎⴰⵏ ⵎⴰⵙ ⵜⴳⴰ "ⵉⵎⴰⵏ ⵏ ⵜⵓⴷⵔⵜ ⵏ ⵓⴼⴳⴰⵏ ⵓⵍⴰ ⵉⵎⵓⴷⴰⵔ, ⴰⵔ ⴷ ⵙⵉⵙ ⵉⵜⵜⴷⴷⵔ ⵓⵍⴰ ⵡⴰⴽⴰⵍ ⴹⴰⵕⵜ ⵏ ⵜⵎⵜⵜⴰⵏⵜ ⵏⵏⵙ".

ⵉⵙⵙⵓⵎⴰⵏ ⵎⴰⵙⴷ ⴰⵎⴰⵏ ⴳⴰⵏ ⵏⵏⵄⵎⵜ ⵜⴰⵅⴰⵜⴰⵔⵜ, ⵉⴼⴽⴰ ⵜⵜ ⵕⴱⴱⵉ ⵉ ⵡⴰⴽⴰⵍ ⵏⵏⵙ ⴷ ⵉⵙⵎⴳⴰⵏ ⵏⵏⵙ, ⵢⴰⵜⵜⵓⵢ ⵡⴰⵜⵉⴳ ⵏ ⵡⴰⵎⴰⵏ ⴰⵢⵍⵍⵉⵖ ⴰⴽⴽⵯ ⴼⵍⵍⴰⵙⵏ ⵉⵙⴽⵔ ⵕⴱⴱⵉ ⴰⴷⴰⴱⵓ ⵏⵏⵙ, ⵉⵏⵏⴰ ⵕⴱⴱⵉ "ⵢⵉⵍⵉ ⵓⴷⴰⴱⵓ ⵏⵏⵙ ⵅⴼ ⵉⴳⴳⵉ ⵏ ⵡⴰⵎⴰⵏ".

ⵉⵙⵎⴷ ⵎⴰⵙⴷ ⵕⴱⴱⵉ ⵙⴱⵃⴰⵏⵜ ⵉⵣⵣⵓⴳⵣ ⴷ ⵜⴰⵖⵓⵙⵉ ⵙ ⵡⴰⵎⴰⵏ, ⴷ ⵜⴰⵎⴰⵜⴰⵔⵜ ⵏⵏⵙ ⴰⵙ ⵔⴰⴷ ⵜⵜⵉⵢⵙⵙⴰⵏⵏ ⵉⵎⵓⵙⵍⵎ ⴰⵙⵙ ⵏ ⵍⵇⵢⴰⵎⴰ, "ⴰⵛⴽⵓ ⵔⴰⴷ ⵉⵎⵍⵓⵍⵏ ⵙ ⵜⵎⴰⵜⴰⵔⵜ ⵏ ⵍⵓⴹⵓ", ⵎⴽⵍⵍⵉ ⵉⵜⵜⵓⵙⴽⴰⵔ ⴽⵓⵍⵍⵓ ⵎⴰⴷ ⵉⵍⵍⴰⵏ ⵣⴳ ⵡⴰⵎⴰⵏ, ⵉⵏⵏⴰ ⵕⴱⴱⵉ "ⵍⵍⴰⵀ ⵉⵙⴽⵔ ⵎⴰⴷ ⴰⴽⴽⵯ ⵉⵍⵍⴰⵏ ⵣⴳ ⵡⴰⵎⴰⵏ".

ⴰⵢⵍⵍⵉ ⵉⴳⴰⵏ ⴰⵎⴽⵓⵏ, ⵎⴽⵍⵍⵉ ⵙ ⵉⵏⵏⴰ ⵟⵟⴰⵍⴱ, ⵍⵍⵉⵖ ⵉⵙⴽⵔ ⵕⴱⴱⵉ ⴳ ⵡⴰⵎⴰⵏ ⵜⴰⵔⵣⵣⵉⴼⵜ ⴳ ⵜⵓⴷⵔⵜ ⵉ ⵡⵉⴷ ⴼⵓⵍⴽⵉⵏⵉ, ⵉⵏⵏⴰ ⵕⴱⴱⵉ "ⵉⴼ ⵓⵎⵥⵏ ⴰⴱⵔⵉⴷ ⵉⵏⵓ ⵔⴰⴷ ⵜⵏ ⵙⵙⵓⵖ ⵙ ⵡⴰⵎⴰⵏ".

ⵍⵍⵉⵖ ⵢⴰⵜⵜⵓⵢ ⵡⴰⵜⵉⴳ ⵏ ⵡⴰⵎⴰⵏ ⵎⴽⴰⴷ ⴳ ⴷⴰⵔ ⵕⴱⴱⵉ, ⵉⵏⵏⴰ ⵟⵟⴰⵍⴱ ⵎⴰⵙ ⴰⴼ ⵢⵓⵚⵚⴰ ⵍⵉⵙⵍⴰⵎ ⴼⴰⴷ ⴰⴷ ⵜ ⵏⵙⵙⵎⵔⴰⵙ ⵙ ⵓⵏⵍⵍⵉ, ⴰⴷ ⵜ ⵓⵔ ⵏⵜⵜⴼⵡⵡⴰⵜ, ⵏⵙⵏⵎⴰⵍⴰ ⵜⵉⵖⴰⵔⴰⵙⵛⵏ ⵍⵍⵉⵙ ⵔⴰⴷ ⵜ ⵏⵙⵙⵎⵔⴰⵙ, ⵉⵙⵙⵏⵥⵓ ⵙ ⵡⴰⵡⴰⵍ ⵏ ⵕⴱⴱⵉ "ⵉⵛⵛⴰⵜ ⵜⵙⵓⵎ ⵎⴰⵛⵛ ⴰⴷ ⵓⵔ ⵜⵙⵙⴳⵓⵜⵎ ⵀⴰⵏ ⵓⵔ ⵉⵃⵎⵍ ⵡⵉⴷ ⵡⵉⴷ ⵉⵜⵜⵙⵔⴰⴼⵏ"

ⵉⵙⵙⵓⵎⴰⵏ ⵎⴰⵙⴷ "ⵅⴼ ⵡⴰⵡⴰⵍ ⴰⴷ ⵏ ⵕⴱⴱⵉ, ⵔⴰⴷ ⵏⵔⵎⵙ ⴰⵢⵍⵍⵉ ⵉⵜⵜⵉⵏⵉ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵅⴼ ⴰⴷ ⵉⵍⵉⵏ ⵡⴰⵎⴰⵏ ⵏ ⵜⵉⵙⵙⵉ, ⵍⴽⵎⵏ ⴰⴳⴰⵎⴰ ⵓⵍⴰ ⵉⴼⵔⵎⴰⵏ, ⴷ ⴰⴷ ⵜⵏ ⵏⵙⵙⵎⵔⴰⵙ ⵙ ⵜⵖⴰⵔⴰⵙⵜ ⵉⴳⴰⵏ ⵜⴰⵎⴰⴷⴷⴰⴷⵜ ⴼⴰⴷ ⴰⴷ ⵜⵏ ⵓⵔ ⵏⵜⵜⴼⵡⴰⵜ, ⵡⵉⵍⵍⵉ ⵉⵍⵍⴰⵏ ⴳ ⵉⴳⴳⵉ ⵏ ⵡⴰⴽⴰⵍ ⵓⵍⴰ ⴷⴷⵓ ⵏⵏⵙ".

ⴳ ⵜⵙⴳⴰ ⴰⴹⵏⵉ, ⵉⵏⵏⴰ ⵟⵟⴰⵍⴱ ⵎⴰⵙⴷ ⵉⴷ ⴱⴰⴱ ⵏ ⵜⵓⵙⵙⵏⴰ ⵎⴰⵙ ⴰⵙⵙⴳⵓⵜ ⴳ ⵡⴰⵎⴰⵏ ⴳ ⵍⵓⴹⵓ ⴰⵔ ⵜ ⵉⵜⵜⵀⵍⴰⴽ, ⵎⵇⵇⴰⵔ ⵉⵜⵜⵓⴹⴹⴰ ⵓⴼⴳⴰⵏ ⵣⴳ ⵡⴰⵎⴰⵏ ⵏ ⵢⵉⵍⵍ.

Dernière modification : 19 ⵉⵏⵏⴰⵢⵔ 2024
Source URL: https://www.mapnews.ma/am/activites-royales/%E2%B5%89%E2%B5%99%E2%B4%BD%E2%B5%94-%E2%B5%93%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%A3%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B5%9C%E2%B4%B0%E2%B5%9C%E2%B5%93%E2%B5%A2%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B4%B0%E2%B5%8E%E2%B4%BD%E2%B5%93%E2%B5%99%E2%B5%99%E2%B5%93-%E2%B5%8F