ⵎⴰⵙⵙ ⵎⵢⴰⵕⴰ ⵉⵙⴽⵔ ⵉⵎⴹⴰⴽⴰⵕⵏ ⴷ ⵓⵎⵙⵇⴰⴷ ⵏ ⵍⴱⵔⴰⵣⵉⵍ ⴳ ⵍⵎⵖⵔⵉⴱ

23 ⵉⵏⵏⴰⵢⵔ 2024 Version Imprimable

ⵕⵕⴱⴰⵟ - ⵉⵙⴽⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏⵉⵄⵎⴰ ⵎⵢⴰⵕⴰ ⵡⴰⵙⵙ ⵏ ⵓⵙⵉⵏⴰⵙ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵉⵎⴹⴰⴽⴰⵕⵏ ⴷⴷ ⵓⵎⵙⵇⴰⴷ ⵏ ⵜⴳⴷⵓⴷⴰⵏⵜ ⵏ ⵍⴱⵔⴰⵣⵉⵍ ⵜⴰⵎⴰⵓⵏⵜ ⵖ ⵍⵎⵖⵔⵉⴱ ⴰⵍⴽⵙⵏⴷⵔ ⴽⵉⴷⵓ ⵍⵓⴱⵉⵣ ⴱⴰⵔⵓⵍ

ⵉⵏⵏⴰ ⵡⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙ ⵉⵙⵎⵖⵕ ⵎⴰⵙⵙ ⵎⵢⴰⵕⴰ ⴳ ⵍⴱⴷⵓ ⵏ ⵓⵏⵎⵓⴳⴳⴰⵔ ⵉⵎⵢⴰⵙⵙⴰⵏ ⵉⵙⵓⵙⴰⵏ ⵏⴳⵔ ⵍⵎⵖⵔⵉⴱ ⴷ ⴱⵔⴰⵣⵉⵍⵢⴰ ⵉⴷⵡⴰⵍⵏ ⴰⵔ ⵜⴰⵙⵓⵜ ⵜⵉⵙⵙ 19 ⵍⵍⵉⵖ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⴼⵔⵉⵇⵉⵜ ⵜⴰⵎⴰⵣⵡⴰⵔⵓⵜ ⵍⵍⵉ ⵜⵙⵙⵏ ⵜⴰⵙⵉⵎⴰⵏⵜ ⵏ ⵍⴱⵔⴰⵣⵉⵍ ⴳ ⵓⵙⴳⴳⵯⴰⵙ 1822.

ⴷⴼⴼⵉⵔ ⵍⵍⵉⵖ ⵉⵎⵍⴰ ⵎⵛⵜⴰ ⵏ ⵉⵏⵙⴰⵏ ⵍⵍⵉ ⵜⵙⵙⵏ ⵜⴰⴷⵔⴰⵡⵜ ⴳⵔ ⵙⵏⴰⵜ ⵜⵎⵉⵣⴰⵔ ⵉⵙⴽⵜⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⵔⵣⴰⴼ ⴰⵎⴰⵣⵔⵓⵢ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵜⴳⴷⵓⴷⴰⵏⵜ ⵏ ⵍⴱⵔⴰⵣⵉⵍ ⴳ ⵓⵙⴳⴳⵯⴰⵙ 2004 ⴷ ⵉⵎⵏⵉⴷⵏ ⴼⵓⵍⴽⵉⵏⵉⵏ ⵏⵏⴰ ⵜⵕⵥⵎ ⴳ ⵓⵔⵣⴰⴼ ⴰⴷ ⵎⴰⵢⴰⴷ ⵜⵙⵙⵓⵙⵄⵓ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳⵔ ⵙⵏⴰⵜ ⵜⵎⵉⵣⴰⵔ ⵜⵉⴷⴷⵓⴽⴽⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B5%8E%E2%B5%A2%E2%B4%B0%E2%B5%95%E2%B4%B0-%E2%B5%89%E2%B5%99%E2%B4%BD%E2%B5%94-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B7-%E2%B5%93%E2%B5%8E%E2%B5%99%E2%B5%87%E2%B4%B0%E2%B4%B7-%E2%B5%8F-%E2%B5%8D%E2%B4%B1%E2%B5%94%E2%B4%B0%E2%B5%A3%E2%B5%89%E2%B5%8D-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1