Published on MAPNews (https://www.mapnews.ma/am)

Accueil > ⵍⵎⵖⵔⵉⴱ ⴷ ⴳⴰⵎⴱⵢⴰ ⵖⵓⵔⵙⵏ ⴰⵎⵏⴰⴷ ⵏ ⵓⵙⵓⵍⵉ ⵙ ⵜⵣⴷⴰⵢⵉⵏ ⵏⵏⵙⵏ ⵙ ⵓⵙⵡⵉⵔ ⵏ ⵜⴷⵔⴰⵡⵜ ⴰⴳⵜⵉⵎⵏⴰⴷⵏ.

ⵍⵎⵖⵔⵉⴱ ⴷ ⴳⴰⵎⴱⵢⴰ ⵖⵓⵔⵙⵏ ⴰⵎⵏⴰⴷ ⵏ ⵓⵙⵓⵍⵉ ⵙ ⵜⵣⴷⴰⵢⵉⵏ ⵏⵏⵙⵏ ⵙ ⵓⵙⵡⵉⵔ ⵏ ⵜⴷⵔⴰⵡⵜ ⴰⴳⵜⵉⵎⵏⴰⴷⵏ.

25 ⵉⵏⵏⴰⵢⵔ 2024 Version Imprimable
ⴷⴷⴰⵅⵍⴰ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵏⴰⵚⵉⵕ ⴱⵓⵕⵉⵟⴰ, ⴰⵙⵙ ⴰⴷ ⵏ ⵓⴽⵡⴰⵙ ⴳ ⴷⴷⴰⵅⵍⴰ, ⵎⴰⵙ ⴷ ⵍⵎⵖⵔⵉⴱ ⴷ ⴳⴰⵎⴱⵢⴰ ⴷⴰⵔⵙⵏ ⴰⵎⵏⴰⴷ ⵏ ⵓⵙⵉⵍⵉ ⵙ ⵜⵣⴷⴰⵢⵉⵏ ⵏⵏⵙⵏ ⵙ ⵓⵙⵡⵉⵔ ⵏ ⵜⴷⵔⴰⵡⵜ ⵜⴰⴽⵎⴰⵎⵜ ⵎⵉ ⵉⵎⵏⴰⴷⵏ ⴳⴳⵓⵜⵏⵉⵏ.

ⵉⵙⵙⵉⵙⴼⵉⵡ ⵎⴰⵙⵙ ⴱⵓⵕⵉⵟⴰ, ⴳ ⵢⴰⵜ ⵜⴳⵓⵔⵉ ⵙ ⵓⵣⵎⵣⵣⵓ ⵏ ⵓⵏⵏⵓⵕⵥⵎ ⵏ ⵜⵉⵍⴰⵍ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵜⵙⵇⵇⵉⵎⵉⵏ ⵉⵛⵛⴰⵔⵏ ⵏ ⵓⵎⵢⴰⵡⴰⵙ ⵍⵎⵖⵔⵉⴱ- ⴳⴰⵎⴱⵢⴰ, ⵎⴰⵙ ⴷ ⴰⵙⵏⵎⴰⵍⴰ ⵏ ⵜⵙⵇⵇⵉⵎⵜ ⴰⴷ " ⵔⴰⴷ ⵉⴳ ⴰⵙⵏⵜⵉ ⵏ ⵓⵙⴱⵓⵖⵍⵓ ⵏ ⵜⴷⴷⵓⴽⴽⵯⵍⴰ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ ⵙ ⵜⴷⵔⴰⵡⵜ ⵜⴰⴽⵎⴰⵎⵜ ⵎⵉ ⵉⵎⵏⴰⴷⵏ ⵉⵎⵢⴰⵏⴰⵡⵏ, ⵓⵢⴰ ⵏⵏ ⴳ ⵓⵙⴰⵜⵉ ⵏ ⵜⴰⵏⵏⴰⵢⵜ ⵏ ⵉⵎⵓⵣⵔⵏ ⵏ ⵜⵎⵉⵣⴰⵔ ⴰⴷ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴷ ⵜⵎⵎⵓⵖⵔⴰ ⴰⵙⵍⵡⴰⵢ ⴰⴷⴰⵎⴰ ⴱⴰⵔⵓ".

ⵉⵔⵏⵓ ⵎⴰⵙ ⴷ ⵜⴰⵙⵇⵇⵉⵎⵜ ⴰⴷ, ⵏⵏⴰ ⴷ ⵉⵜⵜⴰⵛⴽⴰⵏ ⴹⴰⵕⵜ ⵏ 10 ⵏ ⵉⵙⴳⴳⵯⴰⵙⵏ ⵙⴳ ⵓⵙⵏⵎⴰⵍⴰ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵜⴰⵎⴳⴳⴰⵔⵓⵜ ⴳⵔ ⵜⵎⵉⵣⴰⵔ ⴰⴷ, ⵖⵓⵔⵙ ⴰⵡⵜⵜⴰⵙ ⵏ ⵡⴰⵍⴰⵙ ⵏ ⵓⵙⵎⵓⵙⵙⵓ ⵏ ⵢⵉⵎⵉⵙ ⴰⴷ ⴰⵅⴰⵜⴰⵔ ⴳ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ, ⵉⵙⵎⴰⵏⴰⵔ, ⴳ ⵓⵙⴰⵜⵉ ⴰⴷ, ⵎⴰⵙ ⴷ ⴳⴰⵎⴱⵢⴰ ⵜⴽⴽⴰ ⵜⵜ ⵉⵏⵏ ⴷ ⴰⵡⴰⵏⴽ ⴰⵎⵣⵡⴰⵔⵓ ⵉⵕⵥⵎⵏ ⵜⴰⵎⵙⵇⴰⴷⵜ ⵏⵏⵙ ⴳ ⴷⴷⴰⵅⵍⴰ.

ⵉⵙⵎⴰⵜⵔ ⵓⵎⴰⵡⵙⴰⵙ ⵎⴰⵙ ⴰⵙⵏⵎⴰⵍⴰ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵏ ⵓⵎⵢⴰⵡⴰⵙ ⵉⴷⴷⴰ ⴷ, ⴰⵡⴷ ⴳ ⵓⵙⴰⵜⵉ ⵏ ⵓⵙⴱⵓⵖⵍⵓ ⵓⵎⵏⵉⴳ ⵏⵏⴰ ⵥⵕⵕⴰⵏⵜ ⵜⵣⴷⴰⵢⵉⵏ ⵜⵉⵎⵖⵔⴰⴱⵉⵢⵉⵏ - ⵜⵉⴳⴰⵎⴱⵉⵢⵉⵏ, ⵙ ⵓⵎⵙⴰⵙⴰ ⴷ ⵓⵙⵎⵎⴰⵇⵇⵍ ⵏ ⵉⵎⵓⵣⵔⵏ ⵏ ⵜⵎⵉⵣⴰⵔ ⴰⴷ, ⴰⵢⵍⵍⵉ ⵉⵜⵜⴰⵊⵊⴰⵏ ⵙⴳ ⵓⵙⵏⵎⴰⵍⴰ ⵏ ⵜⵙⵇⵇⵉⵎⵜ ⴰⴷ ⴰⵣⵎⵣⵣⵓ ⴷ ⵢⵓⵙⴰⵏ ⵓⵍⴰ ⵏ ⵜⵉⴹⴰⴼ ⵏ ⵓⵎⵎⵉⵥⵏ ⴷ ⵓⵏⵏⵓⵕⵥⵎ ⵏ ⵢⵉⴷⵉⵔⵏ ⵉⵎⴰⵢⵏⵓⵜⵏ ⵏ ⵜⵣⴷⴰⵢⵉⵏ ⵜⵉⴷⵉⵏⵔⴰⵏⵉⵏ ⴳ ⵉⵙⴳⴳⵯⴰⵙⵏ ⴷ ⵢⵓⵛⴽⴰⵏ.

ⵉⵜⵜⵓⵣⵎⵎⴰⵎ ⵎⴰⵙ ⴷ ⵍⵎⵖⵔⵉⴱ ⴷ ⴳⴰⵎⴱⵢⴰ ⵓⵔ ⴳⵉⵏⵜ ⵖⴰⵙ ⵙⵏⴰⵜ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ ⴷ ⵜⵎⴷⴷⵓⴽⴽⵯⴰⵍ, ⵎⴰⵛⴰ ⴷ ⵉⵎⴷⵔⴰⵡⵏ ⴷⵓⵙⵏⵉⵏ ⴳ ⵢⵉⴳⵔⴰⵏ ⴰⴽⴽⵯ, ⵙ ⵜⵡⵉⵙⵉ ⵏ ⵓⵎⵛⴰⵡⴰⵕ ⴷ ⵓⵣⴷⴷⵓⵢ ⵙⴳ ⵓⵙⵏⵜⵉ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵡⴰⵏⵏⴰⵍ, ⵉⵙⵙⴽⵯⵜⵉ ⴷ ⵎⴰⵙ ⴷ ⴳⴰⵎⴱⵢⴰ ⵜⴽⴽⴰ ⵜⵜ ⵉⵏⵏ ⴱⴷⴷⴰ ⴷ ⴰⵎⵥⵟⵟⵉⴹ ⵉⴷⵓⵙⵏ ⴷ ⵉⴼⵍⵙⵏ ⵏ ⵍⵎⵖⵔⵉⴱ ⴳ ⵎⴰⴷ ⵉⵣⴷⵉⵏ ⵙ ⵜⵎⵙⴰⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ"

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙ ⴷ ⵜⵉⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⴳⴰⵎⴱⵢⴰ ⵥⵕⴰⵏⵜ ⵢⴰⵏ ⵓⴱⵓⵖⵍⵓ ⵉⵅⴰⵜⵔⵏ ⴳ ⵓⵙⵡⵉⵔ ⴰⴷⵎⵙⴰⵏ, ⵉⴱⴷⵔ ⴳ ⵓⵎⵏⴰⴹ ⴰⴷ, ⵎⴰⵙ ⵔⴰⴷ ⵜⵉⵍⵉ ⵜⵡⵓⵔⵉ ⵏ ⵓⵙⵏⵎⴰⵍⴰ ⵏ ⵢⴰⵏ ⵓⵙⴳⵔⴰⵡ ⴰⴷⵎⵙⴰⵏ ⴰⵎⵖⵔⵉⴱⵉ - ⴰⴳⴰⵎⴱⵉ ⴳ ⵡⴰⵢⵢⵓⵔ ⵏ ⵎⴰⵢⵢⵓ ⴷ ⵉⴷⴷⴰⵏ

ⴳ ⵓⵙⵡⵉⵔ ⴰⵏⴼⴳⴰⵏ, ⵉⵙⴷⴷⵉⴷ ⵓⵎⴰⵡⵙⴰⵙ ⵎⴰⵙ ⴷ ⴳⴰⵎⴱⵢⴰ ⵙⴳ ⵉⵡⴰⵏⴽⵏ ⵏⵏⴰ ⵉⵙⵙⴱⵖⵓⵔⵏ ⵙ ⵜⵡⵉⵍⴰ ⵉⵅⴰⵜⵔⵏ ⵙⴳ ⵜⴰⴳⴳⴰⵣⵉⵏ ⵏⵏⴰ ⵉⵙⵙⵎⵏⵉⴷ ⵍⵎⵖⵔⵉⴱ, ⴳ ⵢⵉⴳⵔⴰⵏ ⵏ ⵓⵙⵎⵓⵜⵜⴳ ⴰⴽⴰⴷⵉⵎⵉ ⵏⵉⵖ ⴰⵙⵎⵓⵜⵜⴳ ⴰⵣⵣⵓⵍⴰⵏ, ⵉⵙⵎⴰⵏⴰⵔ ⵙ ⵢⵉⴳⵔⴰⵏ ⵏ ⵜⵄⵄⵓⵔⵎⴰ ⴷ ⵜⵡⵏⵏⴰⴹⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵎⴰⵍⵍⴰⵢⵜ ⴷ ⵜⵓⵏⵏⵓⵏⵜ ⵜⴳⴰ ⴰⵡⴷ ⵙⴳ ⵢⵉⴳⵔⴰⵏ ⵖⵓⵔ ⵉⵙⵣⵡⵔⵏ ⴳ ⵜⵣⴷⴰⵢⵜ ⴳⵔ ⵍⵎⴱⵔⵉⴱ ⴷ ⴳⴰⵎⴱⵢⴰ ⴳ ⵉⵙⴳⴳⵯⴰⵙⵏ ⴷ ⵉⴷⴷⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B4%B3%E2%B4%B0%E2%B5%8E%E2%B4%B1%E2%B5%A2%E2%B4%B0-%E2%B5%96%E2%B5%93%E2%B5%94%E2%B5%99%E2%B5%8F-%E2%B4%B0%E2%B5%8E%E2%B5%8F%E2%B4%B0%E2%B4%B7-%E2%B5%8F-%E2%B5%93%E2%B5%99%E2%B5%93%E2%B5%8D%E2%B5%89-%E2%B5%99-%E2%B5%9C%E2%B5%A3%E2%B4%B7%E2%B4%B0%E2%B5%A2%E2%B5%89%E2%B5%8F-%E2%B5%8F%E2%B5%8F%E2%B5%99%E2%B5%8F-%E2%B5%99-%E2%B5%93%E2%B5%99%E2%B5%A1%E2%B5%89%E2%B5%94-%E2%B5%8F-%E2%B5%9C%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B4%B0%E2%B4%B3%E2%B5%9C%E2%B5%89%E2%B5%8E%E2%B5%8F%E2%B4%B0%E2%B4%B7%E2%B5%8F