ⵜⵙⵢⴰⵎⴰⵥ ⵢⴰⵜ ⵜⵔⴰⵜⵙⴰ ⵏ ⵜⵖⵡⵡⴰⵖⵜ ⴳ ⵍⵍⴰⵏ ⴽⴽⵓⵥ ⵉⴼⵔⴷⵉⵙⵏ ⵉⵚⵚⵉⴼⵉⴹⵏ ⵎⴷⴷⵏ ⵙ "ⴷⴰⵄⵉⵛ" ⴳ ⵜⵙⴳⴰ ⵏ ⵓⴼⵜⴰⵙ ⴳ ⵉⴼⴼⵓⵙ ⵏ ⵜⵏⵣⵔⵓⴼⵜ (ⴰⵙⵉⵡⴹ)

30 ⵉⵏⵏⴰⵢⵔ 2024 Version Imprimable

ⵕⵕⴱⴰⵟ - ⵙ ⵜⵡⵡⵓⵔⵉ ⵙ ⵜⵎⵢⴰⴷⴰⵙⵜ ⵏ ⵓⵙⵉⵣⵡⵔ ⵎⴳⴰⵍ ⵜⵖⵡⵡⴰⵖⵜ, ⵉⵣⵎⵔ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵙⵏⵓⴱⴱⵓⵛⵏ ⵉⴹⴼⵕⵏ ⵉ ⵜⵎⵀⵍⴰ ⵜⴰⵎⴰⵜⵓⵜ ⵏ ⵡⵓⴹⵓⴼ ⵏ ⵡⴰⴽⴰⵍ ⴰⵏⴰⵎⵓⵔ, ⵓⵙⵙⴰⵏ ⵏ 29 ⴷ 30 ⵉⵏⵏⴰⵢⵔ 2024, ⴰⴷ ⵉⵣⵍⵓⵣⵣⵓ ⵢⴰⵜ ⵜⵔⴰⵜⵙⴰ ⵏ ⵜⵖⵡⵡⴰⵖⵜ ⴳ ⵍⵍⴰⵏ ⴽⴽⵓⵥ ⵉⴼⵔⴷⵉⵙⵏ ⴷⴰⵔ ⴳ ⵡⴰⵡⵜⴰⵢ ⴳⵔ 35 ⴷ 40 ⵏ ⵓⵙⴳⴳⵯⴰⵙ, ⴳⴰⵏ ⵣⴳ ⵜⵖⵔⵎⵉⵡⵉⵏ ⵏ ⵟⴰⵏⵊⴰ ⴷ ⴹⴰⵍⴱⵉⴹⴰ ⴷ ⴱⵏⵉⵎⵍⵍⴰⵍ ⴷ ⵉⵏⵣⴳⴳⴰⵏ, ⴰⵔ ⵙⵙⵉⴼⵉⴹⵏ ⵎⵉⴷⴷⵏ ⵙ ⵡⴰⵢⵢⴰⵡ ⵏ "ⴷⴰⵄⵉⵛ" ⴳ ⵜⵙⴳⴰ ⵏ ⵓⴼⵜⴰⵙ ⴳ ⵢⵉⴼⴼⵓⵙ ⵏ ⵜⴼⵔⵉⵇⵜ.

ⵉⵏⵏⴰ ⵓⵙⵉⵡⴹ ⵏ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵙⵏⵓⴱⴱⵓⵛⵏ ⵎⴰⵙⴷ ⴰⵙⵏⵓⴱⴱⵛ ⵉⵙⵙⵓⵎⴰⵏ ⵎⴰⵙⴷ ⵜⴰⵔⴰⵜⵜⴰ ⴰⴷ ⴷⴰⵔⵙ ⵜⴰⵣⴷⴰⵢⵜ ⴷ ⵉⵏⵙⵙⵉⵅⴼⵏ ⵏ "ⴷⴰⵄⵉⵛ" ⴳ ⵜⵙⴳⴰ ⵏ ⵓⴼⵜⴰⵙ ⴷ ⵢⵉⴼⴼⵓⵙ ⵏ ⵜⴼⵔⵉⵇⵜ ⴼⴰⴷ ⴰⴷ ⴰⵙⵏ ⵜⵜⴰⵣⵏⵏ ⵉⵙⵔⴷⴰⵙⵏ.

ⵉⵙⵎⴷ ⵓⵙⴰⵖⵓⵍ ⴰⴷ ⵎⴰⵙⴷ ⴰⵙⵏⵓⴱⴱⵛ ⵉⵜⵜⵉⵢⵙⴽⴰⵔⵏ ⴳ ⵜⴳⵯⵎⵎⴰ ⵏ ⵉⵖⵡⵡⴰⵖⵏ ⴰⴷ, ⵓⴼⴰⵏⵉⵏ ⴳⵉⵙ ⵜⵓⴳⵜⵜ ⵏ ⵜⵓⵣⵣⴰⵍⵉⵏ ⵎⵇⵇⵓⵔⵏⵉⵏ ⴷ ⵉⴷⵔⵉⵎⵏ ⵉⴳⴳⵓⵜⵏ, ⴷ ⵉⵎⴰⵙⵙⵏ ⵉⵍⵉⴽⵜⵔⵓⵏⵉⵏ, ⵓⵍⴰ ⵉⵎⴰⵙⴽⵏ ⴷ ⴱⵓⵃⴱⴱⴰ.

ⵢⵓⵛⴽⴰ ⴷ ⵎⴰⵢⴰⴷ, ⴳ ⵜⵡⵡⵓⵔⵉⵡⵉⵏ ⵍⵍⵉ ⵙⴽⴰⵔⵏ ⵉⵎⴰⵙⵙⵏ ⵏ ⵓⴼⵔⴰ ⵉⵎⵖⵔⴰⴱⵉⵢⵏ ⵎⴳⴰⵍ ⵏ ⵜⵖⵡⵡⴰⵖⵜ ⵏ "ⴷⴰⵄⵉⵛ" ⴷ ⵉⵖⵡⵡⴰⵖⵏ ⴰⴹⵏⵉ, ⵙⵍⴰⵡⴰⵏⴷ ⴰⴽⴽⵯ ⵍⵍⵉ ⵖ ⴰⵔ ⴷ ⵉⵍⴽⴽⵎ ⵓⵎⵓⵙⵙⵓ ⵏⵏⵙⵏ ⵜⴰⵎⴰⵣⵉⵔⵜ ⵏⵏⵖ.

ⵢⵉⵏⵉ ⵓⵙⴰⵖⵓⵍ ⴰⴷ ⵏⵉⵜ ⵎⴰⵙ ⵓⵎⵥⵏ ⵉⵖⵡⵡⴰⵖⵏ ⴰⴷ ⵖⵉⵍⴰ ⴳ ⴷⴰⵔ ⵉⵎⴰⵙⵙⵏ ⵏ ⵓⴼⵔⴰ ⴼⴰⴷ ⴰⴷ ⴷⵉⵙⵏ ⵙⵎⴷⵏ ⴰⵙⵏⵓⴱⴱⵛ, ⴳ ⴷⴷⵓ ⵓⴼⵓⵙ ⵏ ⵜⵎⵀⵍⴰ ⵜⴰⵎⴰⵜⵓⵜ ⵉⵡⴰⵍⴰⵏ ⵜⵉⵎⵏⵜⴰⵍ ⵏ ⵜⵖⵡⵡⴰⵖⵜ, ⴼⴰⴷ ⴰⴷ ⴰⴼⵉⵏ ⵉⵖⵡⵡⴰⵖⵏ ⴰⴹⵏⵉ ⵍⵍⵉ ⴷⴰ ⵜⵜⵏⵢⴰⵍⴽⴰⵎⵏ.

ⵔⴰⴷ ⴰⵡⵉⵏ ⵉⵖⵡⵡⴰⵖⵏ ⴰⴷ ⵙ ⵜⵙⵏⴱⴹⴰⵢⵜ ⴽⵓⴷⵏⵏⴰ ⵉⵙⵎⴷ ⵓⵙⵏⵓⴱⴱⵛ ⵍⵍⵉ ⵜⵡⴰⵍⴰ ⵜⵎⵀⵍⴰ ⵜⴰⵎⴰⵜⵓⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%A2%E2%B4%B0%E2%B5%8E%E2%B4%B0%E2%B5%A5-%E2%B5%A2%E2%B4%B0%E2%B5%9C-%E2%B5%9C%E2%B5%94%E2%B4%B0%E2%B5%9C%E2%B5%99%E2%B4%B0-%E2%B5%8F-%E2%B5%9C%E2%B5%96%E2%B5%A1%E2%B5%A1%E2%B4%B0%E2%B5%96%E2%B5%9C-%E2%B4%B3-%E2%B5%8D%E2%B5%8D%E2%B4%B0%E2%B5%8F-%E2%B4%BD%E2%B4%BD%E2%B5%93%E2%B5%A5-%E2%B5%89%E2%B4%BC%E2%B5%94%E2%B4%B7%E2%B5%89%E2%B5%99%E2%B5%8F-%E2%B5%89%E2%B5%9A%E2%B5%9A%E2%B5%89%E2%B4%BC%E2%B5%89%E2%B4%B9%E2%B5%8F-%E2%B5%8E%E2%B4%B7%E2%B4%B7%E2%B5%8F-%E2%B5%99-%E2%B4%B7%E2%B4%B0%E2%B5%84%E2%B5%89%E2%B5%9B-%E2%B4%B3-%E2%B5%9C%E2%B5%99%E2%B4%B3%E2%B4%B0-%E2%B5%8F