ⵍⵎⵖⵔⵉⴱ ⵉⵎⵎⴰⵖ ⵙ ⵓⵎⵖⵍⴰⵍ ⴷⴷⴰⵡ , ⵜⴰⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵓⵎⵢⴰⵡⴰⵙ ⵎⵏⵏⴰⵡⵜ ⵏ ⵜⵉⴼⵓⵍⵉⵏ ⵎⴳⴰⵍ ⵓⵙⵏⵢⵓⴷⴷⵓ ⵏ ⵙⵙⵍⴰⵃ ⵏ ⵉⵎⵕⵥⵉ ⴰⵖⵣⵓⵔⴰⵏ (ⵎⴰⵙⵙ ⴱⵓⵕⵉⵟⴰ)

31 ⵉⵏⵏⴰⵢⵔ 2024 Version Imprimable

ⵎⵕⵕⴰⴽⵯⵛ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴱⵢⵉⵏ ⵣⴷⵖⵉⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⵎⴰⵙ ⵉⵎⵎⴰⵖ ⵍⵎⵖⵔⵉⴱ ⵙ ⵓⵎⵖⵍⴰⵍ ⴷⴷⴰⵡ ⵏ ⵜⴰⵏⴰⵢⵜ ⵜⴰⵖⵓⴷⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⵓⵎⵢⴰⵡⴰⵙ ⵎⵏⵏⴰⵡⵜ ⵏ ⵜⵉⴼⵓⵍⵉⵏ ⵎⵢⴰⴷ ⵉⴳⴰⵏ ⴰⵙⴰⵜⵉ ⵉⴼⵓⵍⴽⵉⵏ ⵏ ⵓⵣⴷⴷⵓⵢ ⴰⵎⴰⴹⴰⵍⵏ ⵏ ⵜⵓⴳⴳⴰⵣ ⵉⵎⴰⴹⵍⴰⵏ ⴰⴼⴰⴷ ⵓⵙⵏⵢⵓⴷⴷⵓ ⵏ ⵙⵙⵍⴰⵃ ⵏ ⵉⵎⵕⵥⵉ ⴰⵖⵣⵓⵔⴰⵏ.

ⵉⵙⵓⵍ ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵓⵏⵏⵓⵕⵥⵎ ⵏ ⵓⴳⵔⴰⵡ ⴰⵙⵔⵜⴰⵏ ⵉⴼⵔⵉⵇⵉ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵜⴰⵏⴼⵔⵓⵜ ⵎⴳⴰⵍ ⵓⵙⵏⵢⵓⴷⴷⵓ ⵏ ⵙⵙⵍⴰⵃ ⵏ ⵉⵎⵕⵥⵉ ⴰⵖⵣⵓⵔⴰⵏ ⵏⵏⴰ ⵔⴰⴷ ⵉⵔⵏⵓ ⵜⵉⵡⵉⵔⵉⵡⵉⵏ ⵏⵏⵙ ⴰⵔ 2 ⴼⴱⵕⴰⵢⵕ ⴳ ⵎⵕⵕⴽⵯⵛ ⴰⵙⵖⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⵖⴱⴰⵏ ⴳ ⵉⴳⵔⵏ ⴰⴷ ⵉⴳⴰ ⴳ ⴰⴽⵊⵊⵓⵎ ⵏⵏⵙ ⴳ ⵜⵎⵢⴰⵇⵇⴰⵏⵉⵏ ⵜⵉⵎⴰⴹⵍⴰⵏⵉⵏ ⵏ ⵓⴽⴽⵙ ⵙⵙⵍⴰⵃ ⴷ ⵓⵍⴰ ⴰⴷ ⵓⵔ ⵓⵙⵏⵢⵓⴷⴷⵓ.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵉⵙⵎⵏⵉⴷ ⵍⵎⵖⵔⵉⴱ ⵡⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵉⵏ ⵜⵉⵎⴰⴹⴰⵍⵏⵏ ⴷ ⵉⵔⴰ ⴰⴷ ⵉⵔⵏⵓ ⵜⴰⴷⵔⴰⵡⵜ ⵏⵏⵙ ⵜⴰⵖⵓⴷⴰⵏⵜ ⴷ ⵎⵉⵔⵉⴽⴰⵏ ⴷ ⵜⵎⵉⵣⴰⵔ ⵜⵉⴼⵔⵉⵇⵢⵉⵏ ⴰⴼⴰⴷ ⴰⴷ ⵜⴳ ⵜⴰⵙⵏⵜⴰⵢⵜ ⵜⴰⵏⴼⵔⵓⵜ ⵎⴳⴰⵍ ⵏ ⵓⵙⵏⵢⵓⴷⴷⵓ ⵏ ⵙⵙⵍⴰⵃ ⵏ ⵉⵎⵕⵥⵉ ⴰⵖⵣⵓⵔⴰⵏ ⵜⴰⵏⴼⵓⵍⵜ ⴳ ⵓⵙⵡⵉⵔ ⵏ ⵜⵏⴼⵔⵓⵜ ⵜⵉⴼⵔⵉⵇⵉⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%8E%E2%B5%8E%E2%B4%B0%E2%B5%96-%E2%B5%99-%E2%B5%93%E2%B5%8E%E2%B5%96%E2%B5%8D%E2%B4%B0%E2%B5%8D-%E2%B4%B7%E2%B4%B7%E2%B4%B0%E2%B5%A1-%E2%B5%9C%E2%B4%B0%E2%B5%8F%E2%B4%B0%E2%B5%A2%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%99-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B5%8E%E2%B5%8F%E2%B5%8F%E2%B4%B0%E2%B5%A1%E2%B5%9C-%E2%B5%8F-%E2%B5%9C%E2%B5%89%E2%B4%BC%E2%B5%93%E2%B5%8D%E2%B5%89%E2%B5%8F-%E2%B5%8E%E2%B4%B3%E2%B4%B0%E2%B5%8D